ظلي💕

9"

قلتا ليها عايني والله كلامك دا كلووو م منطقي وم صدقتا منو ولا حرف☺
اول شي كيف يعني جابوني عمتي سهام وساميه حبوبتي وانا متذكر انو اخر مره كنت واقف قدام ابوي وبعدها لمن فتحتا لقيت ناس سايقين العربيه وبعدها لقيت روحي هنا..سهام وعمتي ديل م شفتهم نهائي،،
وكيف يعني قمر كانت ملبوسه؟؟وهسى القاعد قدامك دا ولد منو؟،،وانتي عرفتيني كيف انا ولد عماد ،،وانتي م حصل شفتيني وانا كبير كدا،،
قولي كلام منطقي..هسى لخبطتي لي راسي كلو كلو،،
المره رقدت ف راس الكرسي..واتنفست نفس عمييق،،وسكتت مسااااافه وقالت لي اسمع..
بما انك كبير وواعي..ممكن تفهم..
اول شي بتي قمر لمن اختفت شبكوها ف امك،،قالو عشان بتغير مني وخطفت البت عشان عماد م يكون عندو لي حاجه ويطلقني عادي بدون م يكون ف رابط بينا،،وانا ف البداية صدقتا م اكذب عليك،،وبقيت ببحث لي في طريقه عشان اندمها،
لحد قبل اسبوعين رسلتا لي عماد ،،نفسي اشوف ولدك وهو كبير،،خليهو يقعد معاي حبه ،،خليهو يشتغل هنا ويعتمد على نفسك وووو..الخ مليت ليهو راسو تمااام،،وانت عشان عندك مشاكل معاهو وبتتحداهو هو قرر انو يتحداك ويجيبك لي ويشوفك ح تعمل شنو،،،وانا اصلا هدفي اوجع قلب امك،،لحد اول امبارح،حلمتا بي بتي قمر بتناديني وبتقول لي خالتو منال م عندها زنب،،وبعدها شفتها مربطه وقدامها زول ضخم كدا،،(اعوذ بالله😂)تاني قمتا صليت واستغفرتا وقلتا الحلم دا معناهو عايز يوريني امك م عندها دخل ف موضوع بتي،،لكن انا للان عندي شك،،
واصلا انا كل مره بمشي البحر بغسل الهدوم واجي لانوو حتتنا دي شبه مقطوعه..
لمن مشيت امبارح لقيتك واقع،،ونهائي م فكرتا انو تكون ولد عماد،،لحد م فتشتا جيوبك ولقيت بطاقتك حقت المدرسه واسمك كامل واتاكدتا انو دا انت فعلا،،
تاني قلتا عماد بعرف بيتي لي م جابك لي هناك ،،جادعك كدا؟،،لمن ضربتا اسالو،،كورك فيني وقال لي دا م ولدي وم عايزو ولمن يبقى يحترمني وخاتي لي مكانه وراجل فعلا حتى اقول دا ولدي وووكلام كتير،،صراحة انا زعلتا لي يعني ابوك دا كدا💔وقررتا اني اتحداهو معاك ونثبت ليهو فعلا انت راجل وبتقدر تعتمد على نفسك لانو هو كان بسخر منك وقال انت م بتعمل اي شي وبتطلع زي البت بعدين،،..دا كلو عشان اكفر عن فهمي الخاطئ لي امك،،وعايز تحارب معاك
انا قلتا ليها انتو م عندكم شرطة هنا؟؟..
صراحه الكلام دا م قادر استوعبو..قالت لي مافي اي شي هنا،،وان شاء الله كلو بتستوعبو ف الوقت المناسب..
وبعدين الاولاد ديل اولادي انا،،،
انا بعد اتطلقتا من عماد امي قالت لي امشي عرسي وتربي بتك دي كويس وانتي لسه صغيره ووو..الخ
اتقدم لي واحد زميلي ف الشغل ووافقتا وزي م شايف ديل الاولاد،،كان عندها تلاته،،ولد كبير وتاني بعدو ولد صغير واخر شي بت ي دابها مولوده شكلها،،قلتا ليها راجلك وينو؟قالت لي بجي بعد شوية لانو شغال،،قلتا ليها شغال شنو؟قالت لي استاذ
قلتا ليها عندكم مدارس انتو؟؟
انتو الحته القاعدين فيها دي ،،مافيها ولااا اي شي،،صحراء بس..
قالت لي دا قدرنا نقول شنو،،
ختيت يدي ف وشي وبقيت بمسح على شعري،،
انا بالجد الكلام دا لخبطتني شديد،،وفيهو حبه غموض💔
وهسى انا اقعد ف الجنوب عشان شنو؟؟عشان اثبت لي ابوي اني راجل😂😂والله القصة دي داخلا ف بعضها شدييد،،
قمتا رفعتا راسي ومشيت طلعتا الشارع،،بقيت ماشي ومااشي لحد م لقيت لي حته زي الاوضه كدا،،دقيت الباب ،،سلام عليكم..طلع لي راجل شرطه،،
كيفك،،قلتا ليهو تمام والله،،
قال لي اتفضل،،قمتا دخلتا،،كانو ف كم ضابط كدا؟،،قلتا ليهم معليش على الازعاج بس انا ضايع،،قالو لي اتفضل احكي بنساعدك،،قمتا حكيت ليهم قصتي ،،وقصه الاختطاف،،
قالو لي يعني عايز ترجع الخرطوم،،قلتا ليهم اي،،
قال لي والله المنطقه دي م فيها رحلات ولا باصات بتجي هنا، لكن اسبوع اسبوعين كدا،،احنا برانا ماشين بنسوقك معانا،،قلتا ليهو تكون م قصرتا وشكرا ليكم..
رجعتا البيت قالت لي مشيت وين،،قلتا ليها اتمشى سايي عشان اعرف الحتات،،ف اللحظه دي الباب دقا،،مشيت فتحتو لقيتو راجل م كبير وم صغير،،،
عاين لي باستغراب،،سلمتا عليهو وقال لي انت منو،،قلتا ليهو امجد عماد حسين،،الراجل عاين لي كدا😳قلتا ليهو بتعرفو؟؟قال لي لالا بس غير انو كان زوج مرتي السابق ،،ف اللحظه دي جات سمر قالت ليهو دا ولد عماد لقى روحو هنا ،،المهم حكت ليهو القصة كلها..(والله النسوان ديل قاعدين على الهبشه)
قال لي تعال،،مشيت وراهو ،،قام قعد ف سرير الحوش وانا قعدتا ف السرير القصادو،،
قال لي عارفك ح تكون مشتت هسى والاسباب االقالتا ليك سمر في جيتك للجنوب م مقنعه،،لكن كل شي ف وقتو حلو،،
قلتا ليهو والله انا م هاميني اي شي بس عايز ارجع الخرطوم،،
قام صلح قعدتو،،قال لي انا بكره راجع الخرطوم ارح بوصلك معاي،،قلتا ليهو كويس وزاتو جيت ف وقتك❤
بليل لمن جينا ننوم ،،انا م جاني نوم بقيت لافي ف البيت،،لحد م شفتا راجل سمر بتكلم بالتلفون ومديني ضهرو،،
لمن قربتا منو ،،حاولتا اسمع،،بس م سمعتا،،
بعد انتهى قام ختاهو ف الشاحن وطلع..
م اشتغلتا بيهو مشيت رقدتا،،بقيت بفكر ف كلام سمر،،.لو انا رجعتا الخرطوم ولاقيت ابوي ح يقول لي شنو؟؟
طيب اختي قمر دي لي م ابحث عنها؟
لي انا حاسي انو هي قريبه مني زي ظلي،،طيب انا مدام جيت الجنوب افتش فيها،،اصلا زمان ناس ابوي كانو ف الجنوب يمكن تكون اختفت هنا او ف حته ما ف الجنوب،،
طيب امي؟؟لو ضربتا ليها ح تجوط ويمكن نجي وتتشاكل مع سمر تاني ويقلبو المواجع،،..احسن اسكت واقعد هنا وافتش اختي،،واشتغل وابني ننفسي،،
الله م اراد اني اجي هنا ساي،،يمكن لسبب..
وفعلا قررتا اقعد ،،
الصباح اصبحتا مشيت لي راجل سمر اسمو..
ياسر،،قلتا ليهوزغيرتا راي م ماشي،،سمر دي فرحت فرح،،قلتا ليهو ولو شايفني عايق ليكم ف اسرتكم وعامل ليكم ضيق بمشي اي حته تانية م مشكلة،،قال لي ياخ معقوله البيت بيتك،،وانا زاتي م كنت راجع بس قلتا ليك كدا ساي عايز اشوفك ح تقول شنو