ظلي💕

2"

حصلت لحظه بتاعة صمت كدا..بعدها امي قعدت تضحك وقالت ليهو الحمدلله كدا البينا انتهى ومن يوم الليله لا بيني ولا بينك وودلدك القلتا م راجل دا اوعك تقرب منو وانت زاتك م ابوهو وانا هسى ح امشي بيت ابوي وهناك حا يلقى السند والامان احسن من الجحيم دا..صراااحه خساره العشرين سنه قضيناها مع بعض حب وعشق لكن طلع ليك وش جديد والله..تمام تمام واصل✋ودخلت جوه..
انا جيت داخل عاينت لي ابوي بعين شفقه..شفقان عليهو..لانو ما ح يلقى زي امي..م ح يلقى البتستحملو والبدافع عنو والم حصل اتكلمت عنو كلمه كعبه ولا بالغلط..رغم انو معيشها في حجيم..
دخلتا لي امي لقيتا بتلم في الهدوم وبتبكي💔
مشيت عليها بستا راسه وقلتا ليها م تبكي اصلا دا المفروض يحصل من البدايه..
قالت لي لكن انت م ليك ذنب تتحرم من ابوك
قلتا ليها امي دا م ابوي..
قالت لي عيب م تقول كدا لو جينا للحق هو ابوك
قلتا ليهو الاب امان..الاب سند..الاب فرحه..الاب مدرسه..الاب فخر..الاب حنان..
دا كلو في ابوي ؟؟اقول عليهو اب ساي كدا؟
عاينت لي وبقت بتبكي اكتر..قومتها وخليتا تغسل وشها وقلتا ليها خليك انا بلم ليك هدومك..
قالت لي وانت زاتك..
قلتا ليها انا م بقدر..
قالت لي بخلعه كيف يعني..لالا لازم تمشي معاي..
قعدتا جمبها في السرير وقلتا ليها امي..انا ممتحن م تنسي..واالمدرسه من هنا قريبه وبعدين كلها شهرين بس وانتهي واجيك..ولو خايفه علي من ابوي م تخافي علي انا راجل وبعرف اتصرف..المهم انتي امشي بيت جدي وارتاحي وهناك ح تلقي الامان💕
قالت لي لالا م بخليك براك😭،قللتا ليها م عايزاني افرحك بي النتيجه؟قالت لي عايزه😢قلتا ليها طيب لازم اقرا واجتهد وفي نفس الوقت المدرسه تكون قريبه..
قالت لي ارح معاي بدخلك ترحيل..قلتا ليها انا م عايز ترحيل كفايه الحمل بقى ليك تقيل وانا م بجبرك على حاجه واصلا المدرسه قريبه من هنا ي امي..وقلتا ليك م تخافي علي..
قالت لي طيب خلاص لكن كل خميس وجمعه و سبت تجيني..قلتا ليها انشاء الله..
لميت ليها هدوما وهي لبست ونزلتا ليها الشنطه تحت وجبتا ليها امجاد ركبتا ليها االشنط وركبتا معاها عشان اوصلا م اخليها براها..
وصلنا بيت جدي ودخلنا لاقتنا حبوبتي ام امي...بس امي وقعت فيها بكى..وحبوبتي تقول ليها هيا بتي مالك قولي بسم الله💔وامي تبكي وحبوبتي تتكلم لحد ما جدي جا واتفاجاءه بجيه امي وسالا وامي ابت تحكي ليهم وقالت ليهم نصيبنا انتهى💔
جدي وحبوبتي م حبو يضغطو عليها قالو ليها خشي ارتاحي..
وجيت سلمتا عليهم وسالوني الحاصل شنو بس انا قلتا ليهم جيت من االمدرسه ولقيتا برا بي شنطتا حتى انا ما فهمتا منها شي..
جدي قال لي بكون من ابوك دا اصلا من يومو ما فيهو خير بس الحمدلله..
حبوبتي قالت كر علي ي بتي م تستاهل والله صغيره وحلوه بتي ي حليلا😢💕
قعدتا معاهم شويه وشربتا الشاي وسالوني من القرايه كيف والمدرسه كيف..
طوالي استاذنتا منهم..بس اصرو اني اقعد معاهم لكن انا رفضتا وقلتا ليهم وراي قرايه والله م بقدر بس هم رفضو وحاولتا اقنعهم لحد ما في النهايه قلتا ليهم بجيكم خميس وجممعه وسبت كدا كيف؟وبعد شهرين ح اقعد معاكم عدييل..
بعد كدا اقتنعو وودعتهم ومشيت البيت..دخلتا المطبخ عملتا قهوه واكلتا..ومشيت مسكنا كتابي وبديت اقرا تلاته ساعات..في لحظه اتذكرتا امي وكيف هي مجروحه من اعز زول ليها..لكن بالجد ابوي دا ما كان كدا في حاجه غيرتو لكن شنو؟
كان طيب وحنين وكان يموت في التراب اللي بتمشي فيهو امي بس شكلو زي ما قالت ماف نصيب💔
مشيت شربتا مويه وحسيت براسي لافي..قلتا امشي اوضتي وانوم لانو الليله تعبتا..
اثناء ما انا ماشي لغرفتي اسمع صوت ابوي من غرفتو بتكلم بالتلفون..
الباب كان فاتح شويه..قربتا منو ومديت اضاني ويا ريت لو م مديتا💔..سمعتا ابوي بقول:اي حبيبتي معاك..
لالا ما تخافي شهرين كدا وعرسنا يتم بس خلي ولدي العارض دا يمشي من هنا والبيت يكون بيتك💜ااي م تخافي ديك طلقتها...اها لازم تفي بي وعدك لي وتشغليني في الشركه..تمام تمام يلا مع السلامهه..

ماف داعي اوصف ليكم احساسي في اللحظه دي 💔💔بقيت بحمد ربنا انو امي م سمعت الكلام دا والا كان انهارت💔💔حسبي الله ونعم الوكيل فيك يا ابوي..
انا لازم اوصل للبتكلم معاها دي واعرف دي منو وعايزه شنو وهدفا شنو لانو لو الوضع استمر يمكن يسوء💔وصراحه انا م قادر اصدق انو ابوي اتخلى عني وعن امي بكل بساطه عشان قروش وشركه💔

#اقتباسهه...
⠀
"لا تحزن على شيء فقدته،
فرُبما لو ملكته لكان الحزن أكبر ".😊💙

#نتلاقى..