ظلي💕

6"

الصباح صحيت بدري قلتا لي امي اصحابي ديل جايين يفطرون معاي،،قالت لي تمام،،
مشيت استحميت ولبستا لي بجامه طويله ،،نادتني حبوبتي قالت لي هاك امشي جيب العيش وهاك تاني جيب خدار،،😑(عيش ف البلد دي م ينفع😂😂)
قالت لي ي ولد امشي سريع هسى اصحابك بجو😒،،قلتا ليها حاضر ي حبوبه😑،،مشيت وقفتا ف صف العيش لمن الشمس دي انتهت مني😣💔،،
ومشيت لمحل الخدار لقطا اي شي قدامي اصلا انا م بفهم ف الحاجات دي😂😂،،
رجعتا البيت ختيت الحاجات وقلتا لي امي انا ماشي استحما تاني عرقتا مع الشمس دي،،قالت لي ياااي🚶💜،،قلتا ليها اميي قلنا شنو احنا😒قالت لي خلاص سكتا،،امشي استحما،،
مشيت غرفتي ،،اول م فتحتا بلاي اتكشحت فيني ومويه تلج بس😂😂انا اتبليت كلي،،واقف وبعاين لي روحي،،رفعتا راسي القى ليك اصحابي قاعدين واي واحد مجدوع ف حته ويضحك😒،،مسكتا ليك مؤيد وبدينا ضرب،،
احمد،،ومؤيد،،وخالد،،كلنا بنضارب😂😂😂،،
ف النهايه هرشتهم اطلعو خلوني اغير😒قالو م طالعين،،نزلتا المطبخ ،،كان ف عصايه كبيره حقت جدي بضرب بيها الحراميه ،،قاعده وراء البوتجاز،،شلتها ومشيت،،وامي شابكاني عايز تعمل شنو،،قلتا ليها دقيقه داير اصلح ماسورة الحمام،،
لمن جيت افتح باب الغرفه لقيتهم قفلو بي جوا😂😂😂
امشو ي كلاب هسى م عاملين فيها رجال مالكم..
امي جات محصلاني ،،اول م امي قالت لي امجد الباب فتح،،قلتا ليها كتر خيرك ياخ،،دخلتا وقفلتا الباب،،قلتا ليهم يلا اطلعو بالدور☺🚶،،كانو عاملين فيها شفاتة وم بتنازلو عن كلمتهم طوالي شتتت اديت لبعه لي خالد😂😂😂،،الباقين كلهم طلعو😂😂
قلتا ليهم الا بالعين الحمراء،،
دخلتا استحميت وغيرتا ونزلتا ليهم تحت،،كانو بتونسو اول م نزلتا سكتو،،امي قالت لي اها الماسورة اتصلحت؟؟
احمد قال ليها ااي اداها دقه كدا واتصلحت☺💔
..ختو الفطور وفطرنا واتونسنا ،، حبوبه وجدو يشيلو ويحكو قصص..
جدي قال لينا ياخ انا لمن كنت قدركم كنت بلز عربية براي وكانو بقولو لي الرجل الحديدي،،،موش زيكم كدا الواحد لو قالو ليهو ارفع السرير يقول ليك تقيل،،بطاله شديده والله كدا م ينفع(تقول شنو بس ي حاج🐸)
احمد قال ليهو رجل حديدي عديل كدا؟..
حبوبه قالت ليهو اي والله..عاد هو لو م راجل ومكمل الرجاله وزول عديييل تب م بلف وبدور كيفن م اعرسو..دا كل النسوان بتمنو منو نظره بس ،،عاد راجل الهنا والسرور،،(كدي استكيني ي حجه)
بلعتا اللقمه بالغصب ،،قلتا ليها ماشاء الله ي حجه🐃💙
امي قالت ليها عاد رجال الزمن ديك رجال فعلا ي امي،،
عاينتا لي امي وحسيتا قاصده شي تاني،،
انا طوالي بطني طمت بس قلتا شينه اني اقوم وديل جايين من بيوتم يفطرو معاي،،
قمتا غيرتا الموضوع وقلتا ليهم ،اها انا لو جبتا نسبه كبير تعملو لي شنو😌؟
احمد قعد يضحك وقال لي انت؟؟،،كدي جيبها وانا بعمل ليك الدايرو ،،خالد قال لي انت بتحلم قبل م تنوم؟،،مؤيد قال ليهم خلوهو دا وهمان ساي،،قال نسبه كبيره قال😂،،
قلتا ليهم هوييي على اساس انا طيش الدفعه..كان م انا تاني الدفعه؟😃امي قالت لو جاب نسبه كبيره تعملو البقولو ليكم كلو تمام؟قالو ليها مع انو م ح يجيب لكن تمام،،والله شميتهم شمه😂😂😂
بعد الفطور قعدنا برا ف الحديقه،،
احمد قال والله الجو دا جو جكس..مؤيد قال ليهو جكس اصلي م صيني،،قعدتا اضحك فيهم،،قلتا ليهم كمان عملتوهم صيني واصلي😂😂😂😂خالد قال لي الصيني دا حق اللعب اما الاصلي دا ياهو الزيت،،
قلتا ليهم هسى بنات الناس ذنبهم شنو انتو تلعبوا بيهم؟ 😒احمد ختا يدو ف راسوو قال الليله ووووب المحاضره بدت خلاص النبي اسكت ي امجد والله غلطانين احنا😃،،
ختيت يديني ف وشي وقعدتا اضحك😂😂😂
قلتا ليهم ارح نطلع ياه،،احمد قال لي هسى كنت بفكر كدا،،قام ضرب للسواق،، لمن جانا ،،قلتا ليهو معليش ي خال ممكن تستنانا هنا او ترجع عادي بس انا عايز اسوق،،قال لي بتعرف قلتا ليهو ااي،،
قلتا ليهو م تكلم احمد امشي طوالي،،
قمتا انا ركبتا والجماعه مشوا الدكان قالو عايزين يشترو حاجه،،ركبتا وقفلتا القزاز واصلا هو مظلل
بعد شوية شفتهم بالمراية جاين من الدكان وخامين الدكان كلو😂قمتا ضربتا بوري..
جو علي وطوالي ركبو ولا عاينو لي،،بعد شوية كدا احمد قال انت بتسوي شنو هنا؟ قلتا ليهو السواق فوتو وقلتا ليهو بسوق انا،،مؤيد قال انت فاكا منك ولا شنو،،هووي انا نازل ولا بخاطر،،قمتا امّنتا الباب،،قلتا ليهو ماف طلعه ،،يلا 1,, 2,, 3
وفوووووو طرتا بالعربيه دي طيران😂😂😂وخالد دا من الخوف الفيهو لمن بقى يتمتم..
اتخطيت اشارات كتيره وانا اصلا م بعرف اسوق بس حبيت اغامر😂،،احمد شغال لي ي متخلف وقف الزفت دا سريع والله بنموت احنا ،،،وخلااص احمد قرب يبكي وانا عامل اطرش،،مؤيد رغم الخوف الفيهو بعد دا قال لي احنا عندنا مزز راجننا ي زول م تقتلنا،،وانا خلاص فكيت الضحكه😂😂😂😂😂
وطااااخ دقشتا الشجره😣💔،،
انا يدي اتعوقت لكن ديك م جاهم شي،،نزلنا من العربيه واي واحد بشيل ف نفسو،،وانا متوقع رميه مرتده،،
بعد شويه جات جمبنا عربية شرطه مليانه فل تحلف تقول العربيه القسم،،
الضابط قال لي تعال تعال..مشينا كلنا،،قال لي اركبو..
طوالي ركبنا😂🚶(خوف ماف)..
وصلنا القسم..
قال لي انت قايل نفسك كبير ولا شنو سايق عربيه اكبر من فرعون(اجيييي؟)
وبعدين م قلنا ليك م تسوق بس البلد دي م زريبه ولا لعبه عشان تتخطى الشوارع زي م عايز. وانت اصلا م تميت ال ١٨ سنه سايق ليها شنو؟
انت قايل روحك منو ي زول.
بعد شوية جا راجل كبير كدا..قال ليهو دا شنو؟ ديل مالم..؟
قال ليهو دا سايق العربية واتخطى الشوارع وكمان هو م عندو رخصه وهو م تامي 18 سنه..
قلتا ليهو ضروري يعني اتما؟،،احمد لكزني قال لي اسكت ياخ كفايه الاحنا فيهو دا كلو بسببك..

اها الضابط دا قال لينا ح اديكم انذار وكلام كتيير ،،ف النهايه طلعنا،،😂😂😂😂،،
والجماعه استلموني ليك دق نضيف😂😂،،
قلتا ليهم يدي دي شكلها مكسوره ،،بدل م يقولو لي ارح المستشفى ،،قالو لي جيب نكسر التانيه☺😂💔،،
مشينا المستشفى وجبصوها لي..وخليت احمد يدفع هو😂😂💔،،
رجعنا البيت امي بدت تكورك..دا شنو وحصل شنو وووو...الخ..حكينا ليها القصه م عدا حقت انو ودونا القسم..
قالت لينا انا بكلم البواب يصلح ليكم العربيه ويرجعا..
انا مشيت غرفتي ومعاي الشلة،،رقدتا ف السرير وديل قعدو يلعبو بلاستيشن،،سبحان الله زي الم كانو ف حادث قبل شوية😂😂😂😂
شلتا تلفوني لقيت مكالمه من ابوي ورسالة..
صنقرتا علي حيلي وفتحتا الرساله

"قايل روحك كبرتا خلاص وبتعمل الفي بالك؟
انا بعرف اربيك وانت ولدي جوا عينك😂💔"

#نتلاقى..