ظلي💕

17"

واخيرا ركبتا البص ومتجه للخرطوم ،،،لي  سنه كامله منها،،اه ح تكون اتغيرت؟،،في شوارعها وكل شي فيها،،،
هههههه والله انت ي امجد😂السودان دا ليهو كم سنه وكم سنه م اتغير جاي يتغير مما انت مشيت ؟لا وكمان في سنه؟😂،،،
بقيت بتذكر في ايامي في الخرطوم ،،ي حليل شارع النيل وقعدة الجبنه،،ي حليل الخماسيات حقتنا،،اخخخ الثانوي الجميل،،
ي ربي امي كيف؟واصحابي وناسي البعرفهم كلهم،،💜

تقريبا انا حصلت معاي قصه غريبة جدا ،،يعني بداية وصولي لي هنا ،،او ممكن نقول السبب في وصولي لي هنا كان ابوي،،مجرد خلافات صغيره بينو وبين امي واصلا اصواتهم،، م كانت بتتسمع،،شوية شوية اصواتهم علت وبقى بيني وبينو حاجز،،صراحه هو السبب في الحواجز البيني وبينو لانو هو براهو اختار الطريق الخطا ،،قدر م نصحتو واتصرفتا معاهو ك ولد واعي عشان اتجنب انفعالو بس م نفع،،وكتييييير انا اتنازلتا عن حاجات كتيره عشانو،،،،وانا خليت ليهو البيت احساس انو يمكن يندم على العملو ويتوب لكن لا يزال الحال كما هو،،

وانا للان م مقتنع بي السبب الرئيسي في وجودي في الجنوب ،،شايف انو كلام سمر لي دا كلو كذب،،انا والله محتاج قعدا برواقه ومزاج مع العجوز داك يحكي لي القصه دي بالتفصيل،لانو مدام قمر قالت يحكوها ليهو عشان بعدين يحكيها لي ،اكيد ح تكون قالت كل المعلومات اللازمه،،ان شاء الله انا ح ارجع الجنوب تاني عشان اشيل فيء،،وانا حاليا عامل لي خطه في راسي وماشي بيها،،واكيد ح تنجح لاني دبرتها تماااام♥
الحاجات الحصلت لي في ملكال كان ليها ذكريات جميلة عندي،،يعني ونستي مع حسام،،والمواقف المضحكه الحصلت لينا،،وونستنا نص الليل ،،ومرات يقعد يصحيني عشان يحكي لي قصصو العجيبه دي😂😂ويوم جرينا نص ليل من دعاء وم كنا عارفنها دي هي😂،،
وم بنسى انو هناك اول مره في حياتي اشتغل واجيب شي من عرقي،،كان شعور لا يوصف،،بتحس بمسؤلية نفسك♥،،وبرضو اني اشتغلتا استاذ،،والطلبه في البداية استخفو بي عشان صغير ،،،بسسس وييين ،،اديتهم العين الحمراء😎لكن كانو ظريفين وبفرقو علي والله♥وكذلك في واو،،كان هدفي من الاساس افتش قمر اختي ولقينا الغاز كتيره وكان معاي نمر ودعاء وحلينا بعضها،،
بس اكتر شي كان مزعلني انو ابوي طلع معرس قبل امي وعندو بت وماف زول كلمني ولا بالغلط،،حتى ماف زول لمح لي زاتو،،،لانو لو وروني كنت فتشتها من زمان وكان لقيتها حيه وم كان حصل الحصل دا ولا انا كنت ح اكون في الجنوب،،بسس كلو لي خير والحمدلله♥لسه الطريق قدامي،،مدام انا م نجحتا في شوفة اختي واحضنها علي وتكون جمبي♥يبقى انا مفروض اكوّن نفسي واجتهد عشان اتوفق في تربية بتها ♥

بعد شوية البص وقف وقال وصلنا،،انا اتخلعتا معقول كل المسافة والاستراحات دي انا كنت سرحان؟

نزلتا من البص وشلتا شنطي وواقف في موقف الباصات
تقريبا انا اكتشفتا انو لمن تكون في حتتك الولدوك فيها وعشتا ذكرياتك كلها فيها ،،م بتتنسي ابدا ولمن تمشي حته انت م متعود عليها نهائي م بتبقى ليك زي بلدك،،حتى لو قعدتا فيها سنين وسنين برضو بكون فيك الحنيه للوطن،،بلدك م بتقدر تنساها مهما كان حالها اللهي فيهو،،يعني انا حرفيا لمن وصلتا الخرطوم حسيت باطمئنان وراحه عجيبه،،لانو دي الحته العشتا فيها ،،💜💜