ظلي💕

16"

بعد م قال لي الكلام دا..انا زي كانو م سمعتو،،قلتا ليهو تاني وانا فرحان قمر اختي وين؟انا لي سنه بفتش فيها واخيرا م مصدق اني ح القاها،،اختي الكبيره💙دايما اتمنيت يكون عندي اخت عشان احس بنعمتهم💛عشان تتونس معاي ونلعب زي زمان..والمره دي ح يكون معانا تالت،،وعاينتا لي فيء،،💜اها وريني اختي وين ياخ انا م قادر استنى✨
الراجل دموعو نزلت وبقى بقشقش فيها،،قال لي الله يرحمها💔قلتا ليهو شنو؟قال لي قمر اتوفت ليها سنه الله يرحما💔
انا بقيت م شايف💔ورجليني م شايلني نزلتا فيء وقعدتا في الارض على ركبتي💔💔،،كيف يعني؟؟،،عليك الله م تهظر معاي؟انا لي سنه بفتش فيها وتجي تقول لي ماتت؟يعني قبل سنه كانت عايشه؟💔
عليك الله قول كلام غير دا..قمر م ماتت،،كيف تموت وانا م شفتها💔كيف تموت وهي م شافتني وانا يجيب ليها حقها💔كيف كيف يعني؟،،ماتت وم معاها زول يحميها💔ماتت وهي حزينه على العملو فيها💔💔
قعدتا في الارض وبكيت بأعلى صوت عندي💔💔ببكي وبضرب في الارض..
كييف يعني ماتتت؟م ماتت،،انا متاكد م ماتت،،💔💔

قمتا وقفتا وقلتا الراجل عاين انت بتهظر ولا شنو؟كيف يعني ماتت؟كدي اشرح لي..
قال لي وهو بقشقش دموعو..
انا قلتا ليك انو نسبه المستشفيات هنا كعبه،،وقمر دي فجاءه في يوم مرضت،،وكان بتستفرغ طوالي 💔لحد في يوم مرتي جات تصحيها لقتا ميته💔💔

قعدتا في الكرسي وساااكتت سااااايي،،بعد مساافه قلتا ليهو قمر دي مشت الخرطوم كم مره؟قال لي مرتين بس،،قلتا ليهو طيب مشت بورتسودان كم مره؟قال لي مره واحده برضو وقعدت سنه ونص..قال لي اظن حكو ليك عن الولد الشوه سمعتها،،ودا كان في بورتسودان،،ولمن زعلت مشت الخرطوم وقعدت سنه ونص برضو،،،وبعدها ياهو جات هنا وعرست ولدي،،وتاني بعد وفاتو مشت الخرطوم ،،وجات بعد سته شهور وطلعت حامل وولدت هنا وجاها المرض دا قبل سنه واتوفت💔💔  

والله البكاء البكيتو انا دا م حصل بكيت زيو💔💔..بقيت منهار و نفسيتي كعبه💔💔جاتني فيء وقشت لي دموعي،،قالت لي مالك بتبكيي ي ثحبي💜..
انا م عملتا اي شي غير ضميتها علي وقعدتا ابكي💔هسى المسكينه دي اتحرمت من امها💔💔💔💔💔
بعد انتهيت من البكاء كان العشاء اذن،،جاني الراجل وشايل موية قال لي اشرب،،شلتها وشربتا..
قلتا ليهو انا ح اربي فيء دي خليها لي،،
الراجل صر وشو،،قال لي لا انت عمرك م تم ال 18 سنه،،وغير كدا تصرف عليها من وين؟انت قايل التربية دي ساهله؟قعدتا اكورك فيهو وقلتا ليهو ياخ دي بت اختي دايرني اخليها وراي وامشي عشان المره الجايه تقول لي ماتت برضو💔💔💔قال لي م بديك ليها،،لحد م تكوّن نفسك وتعمل ليك بيت وتكون راجل وكبرتا بعدها تعال سوقا م بسالك لانو من حقك ودي بت اختك وليك كم سنه اتحرمتا منها،،لكن حاليا ماف ليك،،وقفتا علي حيلي وقلتا ليهو دا شرطك؟؟قال لي اايي ،،قلتا ليهو تمام بينا لقاء واصلو م ح اخليها ليك،،لكن بعد م انتقم من الجماعه ديل،،قمتا شلتا فيء وبستها مساافه وانا عيوني بدمع💔نزلتها وقلتا ليها صاحبك امجد بجيك تاني ويسوقك معاهو كويس؟،،هزت لي راسها،،💙ياه قدر م اقول البت دي بريئه حبه عليها..فيها ملامح الطفولهه البريئه،،لمن اعاين ليها بحس براحه نفسيه💜