ظلي💕

10"

ف يوم كدا كنت راقد ف الغرفه انا وحسام،،وخاتي يديني ف راسي ومغمض عيوني،،وحسام راقد جمبي،،
بعد شوية سمعتا صوتو بتأوه ،،صنقرتا علي حيلي،،لقيت ملامح وشو زي الزول المتالم من حاجه وزاتو الواطه كانت بليل،،
ختيت يدي ف راسو ،،لقيتو سخن شدييد،،قمتا صحيتو،،حسام،،بقيت بهز فيهو،،قوم قوم،،
قال لي بصوت تعبان.م قادر ياخ💔،،قمتا على حيلي ومشيت دولابي،،(اي عندي دولاب عملوهو لي😂)طلعتا فنيلة داخليه حقتي..مشيت الماسوره ف الحوش،،كانت بتكب بطيئ ،،استنيت عشره ساعات عشان الفنيله تتبلا،،
عصرتها وختيتا لي حسام ف راسو،،مشيت المطبخ جبتا البطاريه ،،مشيت طلعتا الشارع ،،الجيران عندهم ليمون قايم كتير ف شجرهم،،قطعتا منو كتير،،الله يغفر لي😂😂😂عملتا عصير لي حسام،،وخليتو يشربو بالقوه،،قلتا ليهو يلا اتخمدي بعد دا بتبقى كويس😂،،قال لي راسي واجعني شديد،،قلتا ليهو عشان لمن نجي نتشتغل ف نقل الاسمنت بنكون شغالين ف الشمس،،قال لي شمس عجيبه،،قلتا ليهو شمس رجال دي😂😂،،
قام صنقر قال لي م جاني نوم،،زحا الفنيلة من راسو وقال لي شكلو كدا داير يجيني التهاب،،
قلتا ليهو انت حصل شفتا قمر دي؟؟قال لي ي زول والله انت هلوستا عديل كدا😂😂،،قلتا ليهو قصدك شنو يعني؟اختي وداير اشوفا،،،قال لي هي لمن اختفت كان عمرها 14سنه،،وانا ي داب بكون مولود ،،
قال لي ف تخيلاتك ح تكون كيف؟،،قلتا ليهو م عارف،،
قعد يضحك قال لي تعال احكي ليك القصة دي..
قمتا رقدتا ف السرير قلتا ليهو ي زول هسى انت م عامل فيها عيان وحميتنا النوم جاي تحكي لي قصة؟نوم نوم ياخ،،قال لي ياخ انت مالك حيوان كدا،،خليني احكي ليك وقت م جايني نوم،،
قلتا ليهو اها،،قال لي في واحد صحبي كان عندو اختو مفقودة برضو ،،المهم بقى يفتش فيها زيك كدا،،يلا ف يوم رسلوهو ناس البيت ،،واثناء م ماشي هو م مركز لحد م طقش ليهو وحده رما ليها الاكل الشايلاهو من الدكان كلوو😂،،قام هو عشان مفتري قال ليها عميانه انتي وفات خلاها،،البت لصقت فيهو كف(عجبني ليهو والله)المهم اتشاكل معاها كيف تديهو كيف وكدا،،ف النهايه اكتشف انها ساكنه جمبهم ف الحله،،وبقى يوميا بشوفا ويتشاكلو،،يلا مره شاغلا قدام اصحابو واستهتر بيها،،مشت لصقت فيهو كف تاني،،ومن اللحظه ديك بقى يشمها،،لحد م مرت سنتين والحال انقلب بقى بحبها شديييد❤
قلتا ليهو اها وحصل شنو تاني؟قال لي طلعت دي اختو البفتش ليها😂😂😂(اووووماييقات)
انا صنقرتا علي حيلي قلتا ليهو احلف،،قال لي شايفك صدقتا😂😂عاينتا ليهو كدا😒وقبلتا على االجهه التانيه قال لي يلا نصبح على خير😂وانا طوالي نمتا

الصباح سمر صحتني قالت لي عاين للاولاد ديل انا ماشى وجاي،،قلتا ليها ماشى وين؟ قالت لي حسام دا عندو حمى شديدة ماشى البحر ابل القطع دي،،
قلتا ليها كيف تمشي البحر وانا قاعد،،اديني بمشي اجيبا انا،،قالت لي لالا انت تعبان خليهو بس عاين لي الاولاد ديل،،
(طبعا هم لغتهم ركيكه كدا بس انا ح اكتبا ليكم بلغتنا العاديه)