ظلي💕

5"

جانب منال ام امجد:
ي ربي الولد دا مالو اتاخر 💔قلبي مقبوض وحاسه انو في شي حاصل ليهو( قلب الام💜)استغفرت ونعلت الشيطان وقالت يمكن مع اصحابو لسه فرحانين بي انو انتهو من الامتحانات😂احسن شي اضرب ليهو اشوفو مالو..
منال ضربت ليهو على اساس ح يجي الليله،،

في جانبي:
مشيت الحمام واخدتا لي دش ورقتا في السرير بحاول اني انوم،، سمعتا صوت تلفوني بضرب
شفتا الاسم في التلفون واتردتا ارفع ولالا وانا ي داب اتذكرتا انو مفروض امشي لي امي،، في النهايه الخط فصل، جدعتا التلفون جمبي ورقدتا في السرير ، شويه كدا والتلفون تاني ضرب ، رفعتو ورديت عليهو،،اي ي امي كيفك،،امجد مالك في شنو؟ قلتا ليها ماف شي والله،، قالت لي موش على اساس ح تجي الليله+ مالك م بترد على التلفون،، قلتا ليها معليش والله بس اصحابي قالو عازمني برا عشان كدا اتاخرتا والتلفون كان صامت..منال حست انو في شي لكن امجد م عايز يتكلم..وم حبت تضغط عليهو..قالت ليهو ح تجي متين ،، قلتا ليها بجيك الخميس،، منال سكتت..قلتا ليها خلاص بجيك بكره الاربع😻قالت لي تمام مستنياك😻❤،،قلتا ليها خلي بالك من نفسك منالي💜،،قالت لي وانت كمان خلي بالك من نفسك ي حبيبي😖💜،،قلتا ليها اوك يلا ،قالت لي باي،قفلتا منها ورقدتا نمتا بعد تعب..
...
تاني يوم صحيت الصباح بعمل حاجاتي الروتينيه ..لبستا واتعطرتا وطلعتا ،، فتحتا تلفوني لقيت احمد ضارب لي كتيير،، رجعتا ليهو رد لي وقال لي وين انت ياخ من امبارح بضرب زفت تلفونك دا راميهو وين😠قلتا ليهو كان صامت وهسى ماشي بيت جدي ..احمد قال لي امبارح ضربتا ليك عشان نمشي لكن م رديت +لي امبارح م مشيت؟،، ماف شي مصدع بس +لو ماشي معاي اجهز عشان نمشي..احمد قال لي طيب دقائق وبكون معاك،،
#نوصف ليكم احمد( احمد جميل وجذاب وعندو ضحكه ترد الروح عشان كدا هو زول ضحاك ومحبوب❤ عندو وجنتين 😘لونو اسمر جميل
احمد عائلتو غنيانه لمن مدفقه لكن متواضعين)
#نوصف امجد(امجد وسيم وعندو وجنه واحده باليمين 😻❤وصحتو كويسه وعندو بدايه شنيبات كدا(شنب😀) وشعرو اسوااااد وجميل زي حق الهنود وبعدين جسمو نوع الاجسام لو لبستا اي لبسه في الدنيا بتجي ظابطه فيك🙆(عيني بارده) اسنانو صف واحد وابيض من مستقبلي😂امجد طويييل لكن م شديد.. شخصتو م مفهمومه مره هادئ ومره عصبي ومره زول مرح ومره زول حنين ومره زول قاسي وهكذا😂😂
امجد وضعهم كويس شديد❤😹)
خلاص نوصف الباقين في حلقه تانيه😌..

احمد جاني وجاب معاهو االسواق وركبنا،،
احمد كان لابس بنطلون اسود وقميص بيجي مسطر بالبني ومعاهو اسبورد بيجي، امجد كان لابس بنطلون بيجي وقميض كحلي وك العاده شبشب البيت😂،،
وصلو بيت جدهم اللي هو قصر كان حق اجدادهم الزمان ودا كان ورثه عشان كدا قعدو فيهو جدو وحبوبتو وتصميمو حلوو بحسسك زي ناس القرن ال18 وال19😂❤فيهو حرس بي برا ،،دخلو جوا وكان في حدييقه عدييل زي الساحه الخضراء (اريتو حالنا قولو امين😀)
دخلو امجد سلم على حبوبتو وجدو بشوق واحمد سلم عليهم في راسهم وقعد معاهم،،وانا مشيت اشوف امي وين،، لقيتا في المطبخ بتعمل في كيكه وبتغني في "بتي ست الناس ،،سمحه ربيتا ،فاهمه ست الزوق ،ملكه ست بيتا"،، جيت برااحه بي وراها وقلتا ليها اشمعنا م بتغني السمح ولدي😢..
اتلفتت علي وبقت بتصرخ جات وحضنتي ابت تفكني كلوكلو كأنو خايفاني اضيع منها..
قعدت تبكي في قميصي،، ضميتا علي وقلتا ليها غايتو م عرفتك امي ولا طفلتي😂،،زحت مني وقبلت عشان تقش دموعا بعد قشتهم اتلفتت وضربتني في كتفي قالت لي امك ي قليل ادب😂،، قلتا ليها شوق االشوق ي منال😢💜،،م ردت،، قلتا ليها كأنو طنشوني😀💔 م ردت،، قلتا ليها احسن احفظ باقي كرامتي واطلع..
لفيت عشان عايز اطلع جات مسكتني،، قالت لي لمن تتعلم وتقول لي امي بعداك برد😠قعدتا اضحك قلتا ليها كويس ي امي،، قالت لي كيفك وكيف ابوك..
طبعا في اللحظه دي قلبي وجعني💔رغم الشكله ورغم العملو فيها بعد دا كلو بتسال منو💔،قلتا ليها كويس،، قالت لي عاملك كعب؟ قلتا ليها لالا اصلا هو اليوم كلو برا البيت او نايم ولو اتلاقينا ولا بنتكلم،،قالت لي تمام ،،في اللحظه دي جا احمد داخل،، قعد يكورك منال ي منال😻❤،،(منال بتعرفو لانو صاحب امجد من زمان وهو زي امجد بقول ليها منالي او منال وبقول ليها انتي صغيره زي اختي م بقول ليك خالتي😂)،،منال قالت ليهو نعم ي امجد التاني😒..قعد يضحك وسلم عليها واتونسو وطلعو برا الحديقه مع جدهم وحبوبتهم ومنال وشربو الشاي واكلو الكيك،،
قلتا لي جدي م شفتا ي جدو بتك عملت شنو..
منال قالت لي شنو😳،،جدو قال لي هههههه عملت ليك شنو امك😂،،قلتا ليهو لمن جيت داير اسلم عليها لقيتا بتغني بتي ست الناس وم غنت السمح ولدي😢💔احمد قعد يضحك وهمس لي النبي اكبي ي لميس😂😂(لميس لمن لقاها في شارع النيل وحكى ليهم قصه انو لاقاها بقو بشغلوها ليهو واحمد عشان بتاع بنات عشان كدا كل يوم بشغلوها ليهو بي وحده) امجد لكزو وقال ليهو احترم نفسك عشان م اطردك برا البيت دا😒احمد قال ليهو بيت ابوك😒،جدو قال لي امك نفسها في بت عشان كدا،، قلتا ليها ايواا انا استغنو عني طوالي😒،،حبوبه قالت هي ي منال والله امجد الولد الهدي الرضي ود السرور ي يمه😻❤قلتا ليها شفتي ي منالي خليك زي حبوبه😌❤،، منال قعدت تضحك فيني وقالت لي كسير تلج صح ي احمد😆،، احمد قال ليها كسير التلج في البرد دا م ينفع😆✋ حبوبه قالت ليهم كدي القو زي امجد ولدي دا وتعالو اتكلمو😘احمد قال ليها هسى يقوم ينفخ ريشو فينا خلاص الولد راسو كبر😒،،قلتا ليهو انا مقتنع ي اخوي😌❤..
طالت الونسه بينهم لحد المغرب..
احمد استأذن انو يمشي انا وصلوتو لحد الباب،،احمد قال لي بكره جاينك احنا والشله عاملين برنامح ظريف في الجنينه دي،، قلتا ليهو انت م تجي عملتا لي وجع وش😒،قال لي م ح ارد ليك لحد بكره😒يلا انا ماشي،، قلتا ليهو تمام،وطلع..
دخلتا غرفتي واخدتا دش وغيرتا هدومي لبستا مجامه(امجد عندو دولاب هنا ودولاب هناك ف بيت ابوهو يعني لمن يكون بايت هنا م بجيب هدوم ولمن يكون في بيت ابوهو م بجيب معاهو هدوم من بيت حبوبتو لانو ف كل بيت عندو غرفه)
جاتني امي في الغرفه ورقدت جمبي في السرير،،قمتا على حيلي وقلتا ليها مالك يمه؟ قالت لي ماف شي عايزه ارقد معاك،،قلتا ليها طيب قالت لي بحس بالامان لمن اكون معاك،،ابتسمتا ليها ورقدت جمبي،،وقالت لي لاهسى بتذكر لمن كنتا طفل كنت مشاغب وجنك تهبش اي حاجه،،قامت ضحكت،،قالت لي كان ابوك بخاف عليك اكتر من نفسو ،،كان بحبك شديييد وانفاسو كلها انت،،كان عايزك تبقى دكتور وترفع راسو ويفتخر بيك،امي كانت بتحكي وهي بتبكي،، قمتا مسحتا ليها دموعا بيدي وقلتا ليها هسى انا ح ابقى دكتور وارفع راسك انتي ☺ سكتت،،قالت لي كبرتا سريع وح تخش الجامعه خلاص،،بعدها ح تشتغل وتبني نفسك ويمكن تعرس وتبتعد مني💔مسكت في بجامتي شديد وقالت لي خلي بالك من نفسك ي غلاي😢❤ امي دي مرات بحس بيها اختي او طفلتي من كلاما وعفويتا وطيبه وحنيه قلبها بحبها بكل تفاصيلا ربنا يديما لي❤بستها في راسها وقلتا ليها انا بخير دامك بخير وم ح يجيني شي مدام انتي وربنا معاي وم ح ابعد منك ولا لحظه☺💜
ونامت على كدا،، انا النوم م جاني ،،حاسي بكسره امي وحاسي انو ح تفقدني زي م فقدت ابوي بس انشاء الله م يحصل🌌

##لا تتحدي صبر أنثى..
فمن استطاعت ان تتحمل نزع جنين من احشائها وهزمت ألم المخاض قادرة علي ان تنزعك من قلبها..👈🏻❤
وتتحمل فقدك بنفس الصبر لذا تعلموا أحترام المرأة..👌🏻
هي ليست ناقصة ليكملها رجل وليس عورة ليسترها رجل..✋🏻
هي من تلد نصف المجتمع وتربي النصف الآخر..!🌚

*لو م دعمتوني م ح انزل اجزاء تانيه واعتبر انو الروايه م حلوه💔

#نتلاقى...