ظلي💕

15"

بقيت ماشي ناحية الكافيه،،واول م شفتا اسمو دموعي نزلت💔
كان اسمو كافيه امجد ♥انا عرفتا انو سمتو قمر💔مشيت ناحيتو ولمن قربتا لقيتو مقفول..والله شميت الوضع شديد،،مشيت قعدتا في الشجره الكبيره..على اساس انو سيد المحل يجي ماري بي جاي او اسال اي زول بفتح متين دا..
بقيت قاعد وقاعد،،فجاءه اشوف منو؟؟البت الاتشاكلتا معاها ديك،،البت الاتشاكلتا معاها في المحل.. جات وعاينت للكافيه  مساافه ولمن لقتو مقفول  دفرتو بي رجلا ومشت،،تاني جات راجعه وعاينت لي كدا😕انت بتاع محل الخدار😰؟؟م رديت ليها،،اصلا انا اخلاقي فوق،،جات وقعدت جمبي،،بعد مساافه قالت لي اسفه على الكلام القلتو ليك ،،خلفتا كراعي وقلتا ليها ياتو كلام؟قالت لي انت عارف م تتغابى،،قلتا ليها امممم..اصلا م بفرق معاي لا انا بعرفك ولا انتي بتعرفيني..
قالت لي من الخرطوم انت؟قلتا ليها اممم قالت لي ااي عرفتك عشان بنطلون الجينز ،،قلتا ليها انتي برضو صح؟قالت لي ااي،،قلتا ليها الجابك هنا شنو؟قالت لي ممكن نقول ظروف عمل زيك،،قلتا ليها انتي عرفتي كيف ظروف عمل؟؟قالت لي ظاهر لانو انت شغال هنا،،قلتا ليها امممم،،
قالت لي قاعد هنا ليه؟،،ف سري قلتا ليها""عشان المتخلفين الزيك ديل يسالو☺""
قلتا ليها راجي لي زول،،قالت لي سيد المحل دا بفتح بليل،،قلتا ليها بالجد؟عرفتي كيف؟قالت لي بعرفو بس☺💖،،
قمتا وقفتا علي حيلي قلتا ليها مع بالسلامه،، وقبلتا منها،،سمعتها قالت امجد،،اتلفتا مخلوع لاني م قلتا ليها  اسمي،،قالت لي مالك؟قلتا ليها ناديتيني؟
قامت اتخلعت قالت لي انا قصدي اسم المحل..لكن انت اسمك امجد؟؟قلتا ليها ااي صدفه عجيبه☺قالت لي انا اسمي رهف مجتبى قلتا ليها اتشرفنا✋
قلتا ليها يلا،،ومشيت
رجعتا البيت وانا يأسان انو م لقيتو فاتح..
مشيت فتحتا التلاجه سخنتا لي اكل وبعدها استحميت ورقدتا نمتا،،

تاني يوم مشيت الشغل ،،ورهف جات وسلمت علي،،اليوم كلو قاعده وتتونس معاي ،،انا خلااااص زهجتا منها وكمان م بقدر اقولا ليها 😭😂😭😂
قلتا ليها البشوفك قبل كم يوم بتشاكلي فيني م يشوفك هسى مصاحباني،،قالت لي قلنا اسفين😂وبعدين انا بحب علاقات الصداقه وكدا🌸❤(عليك النبي،،سمح نشوف😒💔)

المساء مشيت المحل ولقيتو ي داب فاتح كان  في راجل كبير شغاال فيهو،،
سلمتا عليهو وعاينتا للكافيه مسااافه،،قال لي مالك ي ولدي؟،،لغتو كانت ركيكه لكن مفهومه،،م زي ناس ملكال،،
دا شكلوا كدا جا الخرطوم وقعد فتره وعربيهو بقى مفهوم،،

،قلتا ليهو بتعرف قمر عماد حسين،،عاين لي بأستغراب كدا..قلتا ليهو مالك؟قال لي اسمك منو،،قلتا ليو امجد عماد حسين،،نطتت عيونو قال لي انت اخوها؟ قلتا ليهو يعني بتعرفا؟ قال لي دقيقه..
خلاني واقف ومشى جاب الطبله  واصلا المحل كان فاضي،،طلعني وقفلو،،قال لي ارح معاي،،بقيت ماشي وماشي،،لحد م وصلنا بيت كدا دخلني الصالون،،جاب لي عصير ومويه،،وقعد جمبي بقى متوتر وبهزز رجلينو،،قلتا ليهو عايز اعرف اختي وين؟لانو انا لي سنه كامله بفتش فيها،،
قال احم،،اسمع الكلام الح اقولو ليك..