🌼အပယ်ခံသက်သက်🌼

🌻Part_15🌻

🍂အပယ်ခံသက်သက်🍀(Unicode)

မနက်ဖြန်ဆိုလျှင် စာမေးပွဲဖြေရတော့မည်..  စာတွေအားလုံးကိုလည်း မွတ်ညှပ်အောင်ရနေလေပြီ.. မနေ့ညက ဘာသာစုံ  Revision ပြန်ထားခြင်းဖြစ်၍ ဒီနေ့အတွက်တော့ မနက်ဖြန်  စတင်ဖြေဆိုမယ့် ဘာသာကိုသာ အားစိုက်လုပ်ရုံပင်...

လူက အကျင့်ပါနေပြီမို့ မနက်ဆို 5: 00 တွင် မျက်လုံးက အလိုလိုပွင့်နေသည်.. ဆက်အိပ်၍လည်းမရသည်မို့ ထပြီး Yeol အတွက် မနက်စာ ပြင်ပေးလိုက်သည်.. ထို့နောက် ခြံထဲရှိ မဆိုသလောက် သစ်ရွက်မှိုက်ကလေးများအား ရှင်းလင်းနေလိုက်သည်.. ပန်းပင်လေးများအားလည်း ရေလောင်းလိုက်သည်..

အလုပ်တွေ အားလုံးပြီးတော့ အချိန်ကား 6: 40.. ကျနော်လည်း အခန်းထဲပြန်ဝင်ပြီး ရေချိုးသန့်စင်လိုက်တော့သည်..
ခြံထဲတွင် အမှိုက်ကောက်စဉ်က ချွေးစေးလေးများ ထွက်ခဲ့သည်မို့  ရေချိုးရသည်မှာ အလွန်စိတ်ကျေနပ်ဖို့ကောင်းပါသည်..
ကျနော်လည်းဇိမ်ကျကျနှင့် ရေထဲစိမ်နေလိုက်ပါတော့သည်...

. ~~~~~~°•

"" အင်း  ဟင်းးး""

"" အား  နေတောင် အတော်မြင့်နေပြီပဲ...... အင်း~~""

ပါးစပ်ကလည်းငြီး  လူကလည်းငုပ်တုတ် ထထိုင်ပြီးသား...

"" အင်း  မနက်ဖြန်တောင် စာမေးပွဲဖြေရပြီ.. ငါ့အစီအစဉ်လေးလည်း ဒီနေ့စမှ;;  ဟက်ဟက်  Byun Baek Hyun!.. ""

ပြောရင်းပင် ကုတင်ပေါ်မှထ၍  ရေချိုးခန်းဝင်သွားတော့သည်..

~•'~•'~•'~•'~•'~•'~•'~•'~•'

ကျနော်လည်း ရေချိုးပြီးလို့ မနက်စာစားရန် အခန်းထဲမှအထွက်  Yeol ကလည်း အောက်ထပ်သို့ဆင်းလာသည်..

"" Yeol နိုးပြီလား?  ကျနော်က အခုပဲလာနှိုးတော့မို့ ""

"" ကိုယ် နိုးတာကြာပြီ Hyun ရယ့်.. Morning Hyun... လာ  မနက်စာစားရအောင်.. ""

"" အင်း ""

ဒါကလည်း ပြောင်းလဲခြင်းတွေထဲက တစ်ခု... 
ကျနော်ကအရမ်းသေးလွန်းလို့  အစားအစာကိုအာဟာရပြည့်ဝအောင်မစားဘူး ဟုဆိုကာ သူနှင့်အတူ မနက်စာ နေ့လည်စာ ညစာကို အတူစားခိုင်းခဲ့သည်မှာ ကျောင်းမပိတ်ခင်ကတည်းက...   ကျနော်ငြင်းလျှင်  ကိုယ်ကစေတနာနဲ့  Hyun ကောင်းဖို့အတွက်ပါ  ဟုဆိုသည်လေ...
ကျနော့်အား အရမ်းဂရုစိုက်လွန်းတဲ့ Yeol ရယ်ပါ...