قادم من الموت

البارت الحادي عشر

براء :- أجينا لأن نريد نباركلك على تخرجك

منتظر :- لو انطيتيني خبر حتى على الأقل أجيب كيكه وعصير عيب من عمي وخالتي شراح يگولون

براء :- ههههه غير أنتَ المتخرج وأحنه لازم نجيبلك كيكه وعصير وهدايا ونحتفل بنجاحك

منتظر :- حتى لو ما يصير يجون وما جايب شي

أم منتظر :- خلي نروح للأستقبال

منتظر :- ليش أكو أحد يريد يجينا؟

أم منتظر :- لا بس مسوين مفاجأه لواحد

منتظر :- مفاجأه!!

أم منتظر :- أي يلا گومو وياي كلكم للأستقبال

براء :- طلعنا كلنا للأستقبال وأنه لازمه أيد منتظر وهو ما أعرف شبي مستغرب خطيه لأن ما يعرف شنو اللي صاير
وصلنا للأستقبال فتح عمي أبو منتظر الباب ودخلو ودخلنا أنه ومنتظر وراهم من شاف المفاجأه اللي سويناها اله بقه صافن ويباوع
الأستقبال كلها زينه وحلويات وكيك وعصير وكومه هدايا
فرح هواي بالمفاجأه وگعدنا كلنا نسولف ونضحك سوه بعدها راحو أهلنا رجعو للصاله يگعدون وأنه ومنتظر بقينا بالأستقبال گاعدين..

منتظر :- كل هذا الشي سويتي وأنه ما أدري

براء :- هاي هدية تخرجك

منتظر :- بس ليش مكلفه على نفسچ هيچ والله وجودچ وياي بالحفله كافي ومن صرتي مرتي هاي أكبر هديه عندي

براء :- كل اللي سويته ألك قليل وتستاهل أكثر وأكثر لأن بعمرك ما بخلت عليه بشي وما حرمتني من شي بنفسي وتجيبلي كلشي بدون ما أگول وتعرف شنو أريد وأنه مقصره حيل وياك

منتظر :- لا يعمري أنتي ما مقصره بشي أبد كافي أنتي وياي ومرتي بالعكس فرحت هواي بهديتچ ألي الله يخليچ وما يحرمني من هذا الوجه الحلو

براء :- بقينا گاعدين بالأستقبال للساعه ١٢ ونص بالليل بعدها رجعنا لبيتنا وبقينا نتراسل أنه ومنتظر لوقت متأخر

منتظر :- أستمرت حياتنا طبيعيه ما بيها أي مشاكل ولا أشكالات وعايشين مرتاحين والحمد لله
بدت إمتحانات براء قبل إمتحاناتي وهاي السنه هي بالخامس علمي يعني بعدلها سنه وتدخل للجامعه ومن خلصت إمتحاناتها بدت إمتحاناتي النهائيه (الفاينل) والتهيت بيها ودرست زين حتى أتخرج وأرتاح وأتفرغ لشغلي ويجوز رب العالمين يوفقني وأحصل شغل بمختبر تحليلات لو أتوظف بالمستشفى
أجت نتيجة براء قبل نتيجتي وطلعت ناجحه ودرجاتها عاليه تخبل سويتلها حفله وجبتلها هدايا فرحت بيهن وحتى أشجعها للسادس وبعد شكم يوم طلعت نتيجتي وهم ناجح والحمد لله وتقديراتي زينه
ابداية العطله بدت براء تاخذ دروس خصوصية تقوية لمواد السادس وعمي أبو مصطفى گال أنه راح أدفع كل المصاريف اللي تحتاجهم براء للدروس بس أنه ما قبلت وأصريت عليهم أنه أتكفل بكلشي يخصها من مصاريف دراستها وأخذها وأرجعها أنه لأن هي صارت مرتي وأنه مسؤول عنها وعن كلشي يخصها وكلشي تحتاجه
أهلي من سمعو بقراري هذا شجعوني و وگفو وياي منا لمن أقتنع عمي أبو مصطفى بالشي اللي حچيته