براء :- گاعدين نشرب چاي وسمعت الباب اندگت..
أم مصطفى :- ماما براء روحي شوفي الباب
براء :- صار ماما.
چنت لابسه دشداشه طويله ف أخذت الشال خليته على شعري حتى ما يطلع ورحت للباب گلت..
منووأبو منتظر :- أنه أبو منتظر بنيتي
براء :- أبتسمت من عرفت هو بالباب لأن حيل أحبهم وأحترمهم وأرتاحلهم ورحت ركض فتحت الباب شفت خاله أم منتظر وياه جايه أبتسمت بوجوهم وگلت..
أهلاً وسهلاًأبو منتظر :- هلا بيچ بنيتي.
شلونچ؟براء :- الحمد لله عمو أنت شلونك؟
أبو منتظر :- بخير حبيبتي
براء :- شلونچ خاله؟
سلمت عليها وبوستها من خدهاأم منتظر :-بعد عمري بروءه أنتي شلونچ؟
براء :- الحمد لله خاله.
تفضلوأم منتظر :- زاد فضلچ حبيبتي
براء :- دخلو للبيت وبقيت أباوع وراهم بالباب عبالي منتظر جاي وياهم بس طلع ما جاي.
دخلتهم للصاله ودخلت وسديت الباب سلمو على اهليأبو منتظر و أم منتظر :- السلام عليكم
الكل :- وعليكم السلام
أبو مصطفى :- يا أهلاً وسهلاً تفضلو
أبو منتظر :- هلا بيك أبو صفاوي
أم مصطفى :- شهلغيبه الطويله هاي عبالنا نسيتونا
أم منتظر :- لا والله ما عاش اللي ينساكم.
بس تعرفين أبو منتظر دوام ومنتظر بالمحل ويدرس للإمتحان ما بقاله شيأم مصطفى :- أي والله معذورين الله يساعدكم.
ليش ما أجه منتظر وياكم؟براء :- من جابو أسمه بقيت بس أباوع لخاله أم منتظر شراح تجاوب.
ما أعرف ليش أفرح من يجيبون طاريه لو من أشوفه أحسه مختلف عن كل الشباب وماكو أحد يشبههأم منتظر :- بقه بالبيت يدرس.
اتوسل بي يعوف المحل ويدرس هاي الأيام بس ما يقبل يگول ما أعرف أگعد بدون شغل.
شلع گلبي هل منتظر هذاأبو مصطفى :- عوفو يشتغل.
هو رجال ويعرف مصلحته وبالنسبه الي اشجعه على هذا الشي لأن الشغل أحسن من گعدة البيت بهوايأبو منتظر :- أي والله أگللها بس ما تقتنع أبد تخاف عليه عبالها بعده صغير ما تعرف كبر وصار رجال نريد نزوجه
أبو مصطفى :- يا الله.
ألف مبروك مقدماً والله منتظر يستاهل كل خير وهنيال اللي تاخذهأبو منتظر :- الله يخليك أبو صفاوي من طيب أصلك
أم مصطفى :- هيچ ونفرح بمنتظر ونشوف جهاله
أم منتظر :- أي والله هو بس هل واحد رايده أشوفه عريس وأشوف جهاله قبل لا رب العالمين ياخذ أمانته
أنت تقرأ
قادم من الموت
Ficção Geralالقصه تتحدث عن شاب عراقي فقد أثناء حدوث مجزرة سبايكر في تكريت تاركاً خلفه خطيبته وأهله الذين عانو الأمرين لفقده. ترى ماذا حدث ل (منتظر) وماذا ستفعل (براء) عند تلقيها خبره قصه جميله جداً و واقعيه أتمنى أن تنال أعجابكم