براء :- بدت الأسئله تتوجه لمنتظر بالبدايه چانت اسئله عاديه بس شوي شوي بدت الأسئله تقوه وتصير شغلات خصوصيه أما أنه بقيت بس أستمع..
.... :- شنو أسمك؟
منتظر :- منتظر علي
.... :- شگد عمرك؟
منتظر :- ١٩ سنه
.... :- هوايتك شنو؟
منتظر :- أحب أسافر وأطلع وأشوف الأماكن
.... :- هم معجب ببنيه؟
منتظر :- أي معجب بوحده
براء :- بس گال منتظر معجب بوحده أشو اصدقائه كلها گامت تصفگ وتصفر وتصيح وگلبوها هوسه متت من الضحك عليهم 😂
.... :- معترفلها بحبك لو بعدك؟
منتظر :- أي معترفلها وكل يوم من أحاچيها أعترفلها
.... :- شنو الشي اللي خلاك تحبها؟
منتظر :- هواي شغلات بيها تنحب
گلبها الأبيض وطيبتها وفطاريتها وطغولتها وكلشي بيها حلو ما تنعاب أبد
.... :- نيتك تكمل وياها حياتك يعني تخطبها وتتزوجون؟
منتظر :- شي أكيد أكمل وياها حياتي لأخر يوم بيها
.... :- إذا خطبتها ومصارت من نصيبك شنو القرار اللي راح تتخذه؟
منتظر :- خطبتها بالعطله وصارت حلالي بعد محد يدنالها
براء :- أسمع منتظر شيحچي وگلبي يدگ من الفرحه ما أعرف شصارلي بس كل اللي تمنيته بذيچ اللحظه رب العالمين يحفظه الي وما يحرمني منه ومن شوفته ولا يوم لأن عرفت أنه ما أگدر على فراگه وهو الشخص اللي راح يكون سند الي طول حياتي وما يتخلى عني مهما صار
چانت الصدمه مبينه على هواي وجوه من البنات ما اعرف ليش بس يجوز لأن عرفن بمنتظر خاطب وهن ما چانن متوقعات هذا الشي
منتظر يجاوب على الأسئله والصفگات تعلى وتزيد واصدقائه ولا بدلو يغمزوله ويغنوله ويصفرون بعدين الأسئله اللي توجهت لمنتظر چانت بس من البنات
.... :- أنت هاي أول مرحله الك ودخلت للجامعه خاطب لنفترض عجبتك بنيه غير خطيبتك شراح تسوي؟
منتظر :- وما الحب إلا للحبيب الأول
ما أعتقد راح تجي ابالي بنيه ولا حتى أفكر ببنيه غيرها
.... :- إذا عرفت خطيبتك عدها علاقه سابقه بشخص غيرك راح تسامحها؟
منتظر :- من أختاريتها أعرفها كلش زين ما عدها هاي الشغلات أبد ومن سألتو شنو الشي اللي خلاك تحبها جاوبت گلبها الأبيض لأن بعدها زغيره وما تعرف سوالف العلاقات وهاي الشغلات أبد وعت على شغله وحده بس هي أنه خطيبها وهي صارت الي ومستحيل تخوني لو تسوي علاقه وي شخص غيري بعدين لأن أعرف تربيتها وطينتها شنو
.... :- خطيبتك من الجامعه؟
منتظر :- لا بعدها ثاني متوسط
سمر :- بمرور الوقت أجتك بنيه وگالتلك أحبك وما أگدر أكمل حياتي بدونك شنو تصرفك؟
أنت تقرأ
قادم من الموت
Ficção Geralالقصه تتحدث عن شاب عراقي فقد أثناء حدوث مجزرة سبايكر في تكريت تاركاً خلفه خطيبته وأهله الذين عانو الأمرين لفقده. ترى ماذا حدث ل (منتظر) وماذا ستفعل (براء) عند تلقيها خبره قصه جميله جداً و واقعيه أتمنى أن تنال أعجابكم
