فجرَة

الجزء التاسع ( الموسم الاول)

#فجرة ❤ (قصة واقعية )
كتابة : ⚘ندى أحمد ⚘
الجزء التاسع #ما_قبل_الأخير

في الجزء السابق : -

اسراء صكرت الباب بسرعة : مافي شي حبيباتي خشوا رافعينها نعاينوها ونجوا ..
خشش عليوة خوته وصكر الباب !

الجزء التاسع : -
**
وهما في الطريق !

مندر : هلبا حرارتها ..؟
اسراء : هلبا البنت جمرة رايحة !
وصلوا للمصحة وخششوها طول لحجرة الكشف !

الدكتورة : هلبااااا حرارتها مرتفعة قداش ليها ؟
اسراء : ثلاثة ايام !
الدكتورة نطت : كييييف تخلوها هكي وكان جاها التهاب !
اسراء ساكتة شن بتقول ولا بتحكي حصلت هي النطة من الدكتورة !
داروا لفجرة تحاليل طلعت سليمة
وركبولها شكارة تغذية وضربولها مضاد في الوريد ! وبعد ساعتين تحسنت حالتها و نشطت وانخفضؤت الحرارة ..
كتبولها خروج ..

وهما في السيارة ..
مندر : لا باس اختي فجرة !
فجرة : الله لا يوريك باس ! بارك الله فيك سامحنا تعبناك في جرتنا !
مندر : واجبنا هذا ، ( دورا رن نقاله شافه ) صاحبنا يتصل !
اسراء فهمت انه عبد الحفيظ
مندر رد : ايوا شجو ..
عبد الحفيظ : تي وينك من امبكري نتصل بيك ماتردش ..
مندر : في السيارة قعد النقال !
عبد الحفيظ : شن صار معاكم ؟ كيف حالها توا ؟
مندر : الحمد لله مشت الامور شكارة تغذية ومضاد في الوريد !

عبد الحفيظ : باهي الحمد لله سلمنا عليها وقولها قالك لا باس !
صكروا الخط !
فجرة استغربت من اللي كان يكلم فيه مندر وحكاله عليها
مندر : المدير يسلم عليك وقالك لا باس عليك !
فجرة ابتسمت : سلمه وسلم من جاب سلامه !
اسراء : فجرة ، بتباتي عندي ره اليومين هاذم لين نطمن عليك .
فجرة : وخوتي ؟ مانقدرش نخليهم ..
مندر : اكيد مش حيقعدوا بروحهم بنجيبوهم حتى هما يغيروا جو وخلي يتعبا علينا الحوش ( وتلفت لإسراء ) صح وله ؟
اسراء ابتسمت : اكيييد !

وخطموا على الحوش !

خشت فجرة لدار لقت خوتها راقدين بحوايج المدرسة بلا غطاء !
اسراء متعفلقة من تصرفات امها الانانية والشريرة !
اسراء : مستحيل تكون امي هاذي .. مش عارفة خيرها جانب الشر متحرك فيها هكي !
فجرة : معليشي ما ادوريش اسراء متعودة عليها !
اسراء تنوض في الصغار وفجرة توتي في الساكوات ،
طلعوا لسيارة ..
مندر عيونه ضحكوا من شاف الصغار
عليوة : السلام عليكم عمو مندر
مندر : اهلن عمو اركبوا هي !
فجرة طالعة هي واسراء !!
عبد الله : اسراااااء ! وين ماشية انتي وياها ؟
تلفتت اسراء : لحوشي ،
عبد الله : وعلاش ؟
اسراء : ياسركم خفوا على البنت شوية شني هذا ؟ خلي ترتاح منكم .. وياسركم ظلم عيب اللي اديروا فيه !

وطلعت وسكرت الباب وركبوا السيارة وطلعوا !

عبد الله خش للحوش متكنطي !
عبد الله : ريتيها كيف لسانها طوال بنتك ؟
ميادة ساكتة : ..
عبد الله : تزوجت تمقرست !
ميادة : كان سمعت الكلام لقالتهولي على الارضي ، شوي وبتطلعلي من السماعة !
....
**
وصلت فجرة وخوتها لحوش اسراء !