**الحلقة ٢٠ **
**أيسر ومالك**
قطع حديثهم قدوم عمر مسرعا قال بلهفه وهو خائفا
_بابا ماما ياسمين اغمي عليها !!
نهضت هناء متلهفه وتبعها رءوف
وجدوا ياسمين ملقاه علي الارض شاحبه اللون يبدو علي شفتيها الإزرقاق
هناء ببكاء /ياسمين بنتي حبيبتي مالك فوقي ي ضنايا
اما رءوف فهاتف الدكتور ليأتي فورا ..
************
عز بحذم وهدوء غريب
_زياد مش ابني !!
كريم ببلاهه وصدمه /نعم؟
احمد بصدمه لا تقل عن كريم /والتحليل اللي بين انك فعلا باباه
عز /معرفش انا الدنيا اسودت ف وشي لما ظهر التحليل ايجابي بس فكرت شويه وقلت من معرفتي بميار فهي اجبن من كده بكتير فقلت اكيد حد اللي وزها والحد هو نفسه اللي قتل مي ونفسه اللي بيحاربني ف الشغل
كريم/تقصد فاروق؟
عز /لا طبعا فاروق اجبن من كده انا شاكك ف رءوف بس للاسف مش متاكد فحطتلها مراقبه الايام دي وربنا يسهل .
احمد /وازاي عرفت انه مش ابنك ؟
عز /ببساطه شكيت لاني اللي ذي ميار دي مش ممكن تخلف لما قالت انها حامل مني زمان استغربت لاني بعمل حسابي اكيد فهميني طبعا ومع ذلك عملتلها تحليل وطلع ايجابي وكان ف شك ان ميكونش ابني فطلبت منها تنزله لانه مش ابني عشان كده استغربت من نتيجة التحليل فعدته تاني من وراها باستخدام شعر الطفل وفعلا طلع سلبي واستغليت الموضوع عشان اعرف مين هو الراس الكبيره اللي كان قاصد يقتلني وللاسف مي ركبت العربيه بالصدفه
كريم/طب مقلتش لتمارا ليه انه مش ابنك ؟
تنهد عز بالم وقال
_صدمتني انها اتخلت عني بس استغليت الموضوع وقلت اهو تبعد ونظهر قدامهم اننا سبنا بعض فيبعدوا عنها
صعب عليا اوي تبعد عن حضني خصوصا انها حامل فمضاعف خوفي عليها بس حاططلها حراسه قويه ربنا يستر
ربت احمد وكريم علي كتفيه تشجعيا وسندا له
احمد /متقلقش هتعدي باذن الله
كريم /احنا معاك ي صحبي
عز /ربنا يخليكوا ليا رغم ظروفك متخلتش عني
كريم /متقولش كده انا ومني وحياتي حاجه والي بينا حاجه
عز ان شاء الله تصالحك وتسامحك
تنهد كريم بقلة حيله وقال بالم ظاهر /يااارب...
*******
قال رءوف بقلة حيله /ها ي دكتور طمني بنتي مالها؟
الدكتور بعمليه /انهيار عصبي وقلة تغذيه
هناء ببكاء /ي حبيبتي ي بنتي
رءوف /تنصحنا بايه حضرتك ؟
الدكتور/كتبتلها شويه ادوية وياريت تتغذي شويه وتبعد عن اي ضغوطات
أنت تقرأ
زوجتي العنيده بقلم/دنيا رشاد (مكتمله)
حركة (أكشن)يضعنا القدر في إختبارات صعبه وعلينا ان نمر بها بل ونجتازها وهنا ابطالنا وضعوا في إختبار وجودهم معا وتغير علاقتهم من الإخوه إلي الزواج فهل سيستطيعون ٱجتياز هذا الإختبار أم سيفشلوا؟!
