ﺍﻟﺤﻠﻘﺔ 2
ﻟﺼﺎﻟﺔ ﻗﻌﻤﺰﺕ ﻭ ﺣﻄﻴﺖ ﻓﻮﻧﻲ ﺟﻨﺒﻲ ﻭ ﻓﺘﺤﺖ TV
ﺑﻌﺪﻫﺎ ﺷﻔﺖ ﻓﻮﻧﻲ ﻳﻀﻮﻱ
ﺧﺪﻳﺘﻪ ﻟﻘﻴﺘﻬﺎ ﺭﺳﺎﻟﻪ
ﻭ ﺍﻟﺮﻗﻢ ﻣﺶ ﻃﻠﻊ
ﻓﺘﺤﺘﻬﺎ ﻭ ﻧﻠﻘﻬﺎ ﺭﺳﺎﻟﺔ ﻓﺎﺿﻴﻪ
ﺭﺩﻳﺖ ﺍﻟﻔﻮﻥ ﻉ ﺍﻟﻄﺎﻭﻟﺔ
ﻭ ﻗﻌﺪﺕ ﺍﻧﻐﻴﺮ ﻓﻲ ﺍﻟﻘﻨﻮﺍﺕ
ﻧﻴﻦ ﺇﺫﻥ ﺍﻟﻈﻬﺮ ﺻﺒﻴﺖ ﺗﻮﺿﻴﺖ ﻭ ﺻﻠﻴﺖ
..
ﻣﺆﻣﻦ : ﺍﻟﻮ
ﻫﻨﺎﺩﻱ ﺑﺼﻮﺕ ﺭﺍﻗﺪ : ﺍﻳﻮ ﺣﺒﻴﺒﻲ
ﻣﺆﻣﻦ : ﻛﻨﺘﻲ ﺭﺍﻗﺪﺓ ﺣﻴﺎﺗﻲ
ﻫﻨﺎﺩﻱ : ﺍﻫﺎ
ﻣﺆﻣﻦ : ﺑﺎﻫﻲ ﺻﻠﻴﺘﻲ ﺍﻟﻈﻬﺮ
ﻫﻨﺎﺩﻱ : ﻫﻮ ﺍﺻﻼ ﺇﺫﻥ
ﻣﺆﻣﻦ ﻳﺎ ﺍﻣﻄﺮﺷﻘﻪ ﻟﻪ ﺭﺑﻊ ﺳﺎﻋﺔ ﻣﺬﻥ
ﻫﻨﺎﺩﻱ : ﺑﺎﻫﻲ ﺗﻮﺍ ﺍﻧﺼﺒﻲ ﺍﻧﺼﻠﻲ ﺗﻮﺍ
ﻣﺆﻣﻦ : ﺑﺎﻫﻲ ﺣﺒﻴﺒﻲ ﺻﻠﻲ ﻧﺤﻜﻮ ﻭﻗﺖ ﺗﺎﻧﻲ
ﻫﻨﺎﺩﻱ : ﺑﺎﻩ
ﻣﺆﻣﻦ : ﻧﺤﺒﻜﻜﻜﻜﻜﻚ
ﻫﻨﺎﺩﻱ : ﺍﻧﻤﻮﺕ ﻓﻴﻚ
ﻣﺆﻣﻦ : ﺳﻼﻡ
ﻫﻨﺎﺩﻱ : ﺳﻼﻡ
ﻭ ﺳﻜﺮﺕ ﻫﻨﺎﺩﻱ ﺍﻟﺨﻂ ﻭ ﺻﺒﺖ ﺍﺗﻮﺿﻲ ﻭ ﺍﺗﺼﻠﻲ
..
ﻛﻤﻠﺖ ﺻﻼﺗﻲ ﻭ ﺧﺸﻴﺖ ﻟﻠﻤﻄﺒﺦ
ﺍﻧﺎ : ﻣﺰﺍﻝ ﺍﻟﻐﺪﺍﺀ
ﻣﺎﻣﺎ : ﻻ ﺧﻼﺹ ﺃﻫﻮ ﻭﺍﺗﻲ ﻏﻴﺮ ﺗﻌﺎﻟﻲ ﺣﻄﻲ ﺍﻟﺘﺒﺎﺳﻲ ﺑﺮﺍ
ﺧﺬﻳﺖ ﺍﻟﺘﺒﺎﺳﻲ ﻣﻦ ﻳﺪ ﻣﺎﻣﺎ
ﻭ ﻋﺪﻳﺖ ﻧﻈﻤﺖ ﺍﻟﻄﺎﻭﻟﺔ
ﻭ ﺟﺎﺑﺖ ﻣﺎﻣﺎ ﻭ ﻣﺎﺭﻱ ﺍﻟﻐﺪﺍ
ﻣﺎﻣﺎ : ﻫﻴﺎ ﻗﻌﻤﺰﻱ ﻉ ﻣﺎ ﻋﺪﻳﺖ ﺍﻧﻜﻠﻢ ﻋﻤﺮ ﻭ ﺍﻧﺠﻲ
ﺧﻠﻮﺩ : ﻻ ﺍﻧﺘﻲ ﻗﻌﻤﺰﻱ ﺗﻮﺍ ﺍﻧﻌﺪﻱ ﺍﻧﻜﻠﻤﻪ ﺍﻧﺎ
ﻣﺎﻣﺎ : ﺑﺎﻩ
ﻗﻌﻤﺰﺕ ﻣﺎﻣﺎ ﻭ ﻋﺪﻳﺖ ﻛﻠﻤﺖ ﻋﻤﺮ
ﻭ ﺟﻴﻨﺎ ﻗﻌﻤﺰﻧﺎ ﻧﺘﻐﺪﻭ
..
ﺧﻮﻳﻠﺔ : ﻻ ﺍﺻﻼ ﺭﻗﺪﺍﻥ ﻣﺘﺄﺧﺮ ﺧﻠﻴﻬﻦ
ﻋﺒﺪ ﺍﻟﺮﺣﻤﻦ : ﺑﺎﻫﻲ ﻭ ﺑﺎﺗﻲ
ﺧﻮﻳﻠﺔ : ﻣﺘﻐﺪﻱ ﻣﻊ ﺭﺟﻞ ﺧﺎﻟﺘﻚ ﻓﻲ ﺍﻟﺸﻐﻞ ﻋﺒﺪ ﺍﻟﺮﺣﻤﻦ : ﻗﺼﺪﻙ ﻧﺘﻐﺪﻭ ﺍﻧﺎ ﻭﻳﺎﻙ ﻳﺎ ﺣﻮﻳﺠﻪ
ﺧﻮﻳﻠﺔ : ﺍﻫﺎ ﻛﻨﻲ ﻣﺶ ﻣﺎﻟﻴﻪ ﻋﻴﻨﻚ ﻭﻻ ﺷﻨﻮ
ﻋﺒﺪ ﺍﻟﺮﺣﻤﻦ : ﻻ ﻭﺍﻟﻠﻪ
ﺧﻮﻳﻠﺔ : ﺍﻣﻸ ﺷﻨﻮ
ﻋﺒﺪ ﺍﻟﺮﺣﻤﻦ : ﻛﻨﻚ ﻓﻠﻤﺘﻲ ﻳﺎ ﺣﺎﺟﻪ ﺍﻧﺒﺼﺮ ﺍﻣﻌﺎﻙ
..
ﻛﻤﻠﻨﺎ ﺍﻟﻐﺪﺍ ﺧﺸﻴﺖ ﻟﺪﺍﺭ
ﻭ ﻃﺤﺖ ﻉ ﺍﻟﺴﺮﻳﺮ ﻭ ﺍﻧﺎ ﺍﻧﻔﻜﺮ
ﻗﻄﻊ ﺗﻔﻜﻴﺮﻱ ﺻﻮﺕ ﺩﻗﺖ ﺍﻟﺒﺎﺏ
ﺍﻧﺎ : ﺗﻔﻀﻞ
ﺧﺸﺖ ﻣﺎﻣﺎ : ﻧﺤﺴﺎﺑﻚ ﺭﻗﺪﺗﻲ
ﺃﻧﺎ : ﻻ ﻣﺰﺍﻝ
ﻣﺎﻣﺎ : ﺑﺎﻫﻲ ﺟﻴﺖ ﺍﻧﻘﻮﻟﻚ ﺭﺍﻧﻲ ﻓﻲ ﺍﻟﻌﺸﻴﻪ ﻣﺎﺷﻴﻪ ﻟﺨﺎﻟﻚ ﺗﻤﺸﻲ ﺍﻣﻌﻴﺎﺍﺍ ﻭﻻ ﻻ
ﺍﻧﺎ : ﻻ ﻭ ﺍﻟﻠﻪ ﻣﺎﻧﻘﺪﺭ
ﻣﺎﻣﺎ : ﻋﻠﻴﺶ؟؟ ﻣﺎﻓﻲ ﻭﺭﺍﻙ ﺍﻗﺮﺍﻳﺔ ﻻ ﺷﺊ ﺍﻃﻠﻌﻲ ﻭﺳﻌﻲ ﺧﺎﻃﺮﻙ ﻣﻦ ﺍﻣﺘﺤﺎﻧﺎﺗﻚ ﻣﺎ ﻃﻠﻌﺘﻲ
ﺍﻧﺎ : ﻣﺎﻫﻮ ﺍﺻﻼ ﺍﻣﻮﻋﺪﻩ ﻋﻤﺘﻲ
ﻣﺎﻣﺎ : ﻉ ﺷﻨﻮ ﺍﻣﻮﻋﺪﻩ
ﺍﻧﺎ : ﻧﺒﻲ ﻧﻄﻠﻊ ﺍﻧﺎ ﻭﻳﺎﻫﺎ ﺑﻌﺪﻳﻦ ﻓﻲ ﺍﻟﻌﺸﻴﻪ ﻟﺴﻮﻕ
ﻣﺎﻣﺎ : ﺑﺎﻫﻲ ﺍﻛﻮﻳﺲ ﺍﻣﻌﻨﻬﺎ ﺗﻮﺍ ﺍﻧﻌﻘﺒﻠﻚ ﺍﻓﻠﻮﺱ ﻉ ﺍﻟﻄﺎﻭﻟﺔ
ﺍﻧﺎ : ﺑﺎﻩ
ﻭ ﻃﻠﻌﺖ ﻣﺎﻣﺎ
ﻭ ﺧﺸﻴﺖ ﻓﻲ ﺍﻟﻮﺭﻏﺎﻥ ﻭ ﻏﻤﻀﺖ ﺍﻋﻴﻮﻧﻲ ﺭﻗﺪﺕ
..
ﻧﻀﺖ ﻉ ﺻﻮﺕ ﺍﻟﻤﻨﺒﻪ
ﻃﻔﻴﺘﻪ ﺻﺒﻴﺖ
ﻃﻠﻌﺖ
ﻧﺰﻟﺖ ﻟﻠﺼﺎﻟﺔ ﻣﺎﻟﻘﻴﺖ ﺣﺪ ﻣﺸﻴﺖ ﺷﻮﺭ ﺍﻟﻤﻄﺒﺦ
ﺧﺸﻴﺖ ﻭ ﻟﻘﻴﺖ ﻣﺎﺭﻱ ﻗﺎﻋﺪﺓ ﺍﺩﻳﺮ ﻓﻲ ﻗﻬﻮﺓ
ﺍﻧﺎ : ﺳﻼﻣﻮﻭﻭ
ﻣﺎﺭﻱ ﺑﻬﺘﺖ ﻓﻴﺎ ﻭ ﺍﺑﺘﺴﻤﺖ
ﺍﻧﺎ : ﺍﻟﻘﻬﻮﺓ ﻟﻲ ﺑﺎﺑﺎ ﻭ ﻣﺎﻣﺎ
ﻣﺎﺭﻱ ﻫﺰ ﺭﺍﺳﻬﺎ
ﺍﻧﺎ : ﻃﺐ ﺯﻳﺪﻱ ﻓﻨﺠﺎﻥ ﻟﻴﺎ ﻭ ﻋﻄﻴﻨﻲ ﺗﻮﺍ ﺍﻧﺸﻴﻠﻬﺎ
ﺟﺒﺖ ﻣﺎﺭﻱ ﻓﻨﺠﺎﻥ ﻭ ﺻﺒﺖ ﻓﻴﻪ ﻗﻬﻮﺓ ﻭ ﺣﻄﺖ ﻃﺮﻑ ﺯﻳﺎﺩﺓ ﻣﻦ ﺍﻟﻜﻴﻜﺔ ﺍﻟﻤﺘﻠﺠﺔ ﺣﻄﺘﻪ ﻓﻲ ﺍﻟﺴﻔﺮﺓ
ﺧﺬﻳﺘﻬﺎ ﻣﻨﻬﺎ ﻭ ﻃﻠﻌﺖ ﻟﻠﺤﺪﻳﻘﺔ ﻭ ﻧﻠﻘﺎﻫﻢ ﺍﻣﻘﻌﻤﺰﻳﻦ ﺍﻳﻬﺪﺭﺯﻭ
ﺍﻧﺎ : ﺍﻟﺴﻼﻡ ﻋﻠﻴﻜﻢ
ﺑﺎﺑﺎ ﻭ ﻣﺎﻣﺎ ﻭ ﻋﻤﺮ : ﻋﻠﻴﻜﻢ ﺍﻟﺴﻼﻡ
ﺣﻄﻴﺖ ﺍﻟﻘﻬﻮﺓ ﻭ ﻗﻌﻤﺰﺕ
ﻣﺎﻣﺎ : ﻋﺎﺭﻓﺔ ﻟﻮ ﻣﺎ ﺟﻴﺘﻲ ﻛﻨﺖ ﺟﺎﻳﺔ ﺍﻧﻮﺍﻋﻴﻚ
ﺍﻧﺎ ﺍﺑﺘﺴﻤﺖ ﻭ ﺧﺬﻳﺖ ﺍﻟﻔﻨﺠﺎﻥ ﻭ ﻗﻌﺪﺕ ﻧﺸﺮﺏ
ﻭ ﻗﻌﺪﻭ ﻳﻬﺪﺭﺯﻭ ﻃﻠﻌﺖ ﻓﻮﻧﻲ ﻭ ﺩﺯﻳﺖ ﻟﻌﻤﺘﻲ ﺭﺳﺎﻟﺔ
} ﺭﺍﻙ ﺗﻨﺴﻲ {
ﺑﻌﺪﻫﺎ ﺍﺷﻮﻱ ﻭﺻﻠﺘﻨﻲ ﺭﺳﺎﻟﺔ
} ﻻ ﻣﺶ ﻧﺎﺳﻴﻪ ﻭ ﺍﻟﺒﺴﻲ ﻧﺼﻠﻲ ﺍﻟﻌﺼﺮ ﻭ ﺍﻧﺠﻴﻚ {
ﺍﺫﻥ ﺍﻟﻌﺼﺮ
ﺑﺎﺑﺎ : ﻫﻴﺎ ﻳﺎ ﺭﻗﻴﺔ ﻋﺸﺎﻥ ﻧﺼﻠﻮﺍ ﻭ ﻧﻄﻠﻊ ﺍﻧﻮﺻﻠﻚ ﻭﺍﺭﺋﻲ ﺷﻐﻞ
ﻣﺎﻣﺎ : ﻫﻴﺎ
ﺑﺎﺑﺎ ﺍﻟﺘﻔﺖ ﻋﻠﻲ ﻋﻤﺮ ﻭ ﺣﻮﻟﻪ ﺍﻟﺴﻤﺎﻋﻪ ﻣﻦ ﻭﺫﻧﺔ : ﺍﻭﻝ ﺷﺊ ﻃﻔﻲ ﺍﻻﻏﺎﻧﻲ ﺍﻻﺫﻥ ﻗﺎﻋﺪ ﻳﺄﺫﻥ
ﻋﻤﺮ ﻃﺎﻓﻬﻦ : ﻣﻌﻠﺶ
ﺑﺎﺑﺎ : ﺑﺎﻫﻲ ﻫﻴﺎ ﺍﻧﺼﻠﻮﺍ ﻭ ﺍﻧﺤﻄﻚ ﻋﻨﺪ ﺃﺣﻤﺪ
ﻋﻤﺮ : ﻫﻴﺎ
ﺑﺎﺑﺎ : ﻭ ﺍﻧﺘﻲ ﻳﺎ ﺧﻠﻮﺩ
ﺍﻧﺎ : ﻻ ﺍﻧﺎ ﻣﺶ ﻣﺎﺷﻴﻪ ﻻﻧﻲ ﺍﻣﻮﻋﺪﻩ ﺍﻋﻤﻴﻤﺔ ﻧﻄﻠﻌﻮﺍ ﻣﻊ ﺑﻌﻀﻨﺎ
..
ﺣﻨﻴﻦ : ﻫﻴﺎ ﻳﺎ ﻣﺮﻳﻢ ﻭ ﺍﻧﺘﻲ ﺳﺎﻋﺔ
ﻣﺮﻳﻢ : ﺗﻲ ﺑﺎﻫﻲ ﺑﺸﻮﻳﺎ
ﺧﻮﻳﻠﺔ : ﻳﺎ ﺑﻨﺎﺕ ﻭﻳﻨﻜﻦ ﻋﺒﺪ ﺍﻟﺮﺣﻤﻦ ﻳﺴﺘﻨﺎ
ﺣﻨﻴﻦ ﻧﺰﻟﺖ : ﺍﻧﺎ ﻭﺗﻴﺖ ﻳﺎ ﻣﺎﻣﺎ ﺑﺲ ﻣﺮﻳﻢ ﺍﻧﺘﻲ ﻋﺎﺭﻓﺘﻴﻬﺎ
ﻣﺮﻳﻢ ﺿﺮﺑﺘﻬﺎ ﻉ ﻛﺘﻔﻬﺎ : ﺷﻦ ﻋﺎﺭﻓﺔ ﻳﺎ ﺣﻴﻮﺍﻧﺔ ﺍﻧﻲ ﻧﺰﻟﺖ
ﺧﻮﻳﻠﺔ : ﻫﻴﺎ ﺍﻃﻠﻌﻦ ﺍﻧﺘﻦ ﺍﻻﺛﻨﻴﻦ ﺑﻼ ﻃﻮﻟﺖ ﺍﻟﺴﺎﻥ
ﻭ ﻃﻠﻌﻦ ﺧﻮﻳﻠﺔ ﻭ ﺍﻟﺒﻨﺎﺕ ﻭ ﺭﻛﺒﻦ ﻣﻊ ﻋﺒﺪ ﺍﻟﺮﺣﻤﻦ
..
ﻛﻤﻠﺖ ﺻﻼﺗﻲ ﻭ ﺣﻄﻴﺖ ﺩﺑﺶ ﺍﻟﺼﻼﺓ ﻋﻠﻲ ﺍﻟﺴﺮﻳﺮ ﻭ ﺭﻓﻌﺖ ﺍﻟﺼﻼﻳﻪ ﻭ ﻋﺪﻳﺖ ﺷﻮﺭ ﺍﻟﺪﻭﻻ ﺏ ﻓﺘﺤﺘﻪ ﻭ ﻗﻌﺪﺕ ﺍﻧﺸﻮﻑ ﺷﻦ ﻧﻠﺒﺲ ﻧﻴﻦ ﻃﻠﻌﺖ
ﺳﺮﻭﺍﻝ HD ﻭ ﺳﻮﺭﻳﻪ ﺑﻴﻀﻪ ﻟﻌﻨﺪ ﺍﻟﻔﺨﺬ ﻭ ﺟﺎﻛﺖ ﻭ ﻭﺷﺎﺡ ﺍﺑﻴﺾ ﺑﻲ ﺍﻻﺳﻮﺩ ﻭ ﺷﻮﺯ ﺍﺳﻮﺩ ﻭ
ﻟﺒﺴﺘﻬﻦ ﻭ ﺍﺧﺘﺮﺕ ﺷﻨﻄﺔ ﺳﻮﺩﻩ
ﻭ ﺧﺬﻳﺖ ﻓﻮﻧﻲ ﻭ ﻃﻠﻌﺖ ﻣﻦ ﺍﻟﺪﺍﺭ
ﻧﺰﻟﺖ ﻧﻠﻘﺎ ﻣﺎﺭﻱ ﺍﻣﻘﻌﻤﺰ ﻩ ﻓﻲ ﺍﻟﻤﻄﺒﺦ ﻋﻠﻲ Tv
ﺍﻧﺎ : ﻣﺎﺭﻱ ﻋﻠﻲ ﺷﻦ ﺍﺗﻔﺮﺟﻲ
ﻣﺎﺭﻱ : ﻣﺎﻣﺎ ﻫﺪﺍ ﺍﺷﻘﻚ ﻣﻤﻨﻮﻉ
ﺍﻧﺎ : ﺍﻫﺎ
ﻭ ﺍﺗﻜﻴﺖ ﻋﻠﻲ ﺍﻟﺴﺎﺱ ﻭ ﻗﻌﺪﺕ ﺍﻧﺘﻔﺮﺝ ﺍﻣﻌﺎﻫﺎ ﺣﺴﻴﺖ ﺍﻟﻤﺴﻠﺴﻞ ﺟﺬﺑﻨﻲ ﺍﺣﺪﺍﺛﻪ ﺧﻴﺎﻟﻴﻪ ﻭ ﻗﺼﺘﻪ ﻏﺮﻳﺒﺔ
ﻓﺠﺂﺓ ﺭﻥ
ﻓﻮﻧﻲ ﺑﻬﺘﺖ ﻟﻘﻴﺘﻬﺎ ﺍﻋﻤﻴﻤﻪ
ﺍﻧﺎ : ﺍﻧﺎ ﻃﺎﻟﻌﻪ ﻣﺎﺭﻱ ﺑﺎﻱ
ﻣﺎﺭﻱ : ﻣﻊ ﺍﻟﺴﻼﻣﺔ ﻣﺎﻣﺎ ﻭﺭﺩ ﺑﺎﻟﻪ ﻣﻦ ﺭﻭﺣﻪ ﻣﺎﺷﻲ
ﺍﻧﺎ : ﺣﺎﺿﺮ
ﻭ ﻓﺘﺤﺖ ﺍﻟﺒﺎﺏ ﻭ ﻃﻠﻌﺖ ﻧﺰﻟﺖ ﻣﻦ ﺍﻟﺪﺭﻭﺝ ﻓﺘﺤﺖ ﺑﺎﺏ ﺍﻟﺸﺎﺭﻉ
ﻭ ﻧﻠﻘﺎ ﺍﻋﻤﻴﻤﻪ ﻗﺪﺍﻡ ﺍﻟﺤﻮﺵ ﻓﻲ ﺍﻟﺴﻴﺎﺭﺓ
ﺟﻴﺖ ﻣﻦ ﺟﻴﻬﺘﻬﺎ ﻭ ﻓﺘﺤﺖ ﺍﻟﺒﺎﺏ
ﺍﻧﺎ : ﻳﺎﻟﻪ ﻣﺎﻣﺎ ﺍﻧﺰﻟﻲ ﻫﺬﺍ ﻣﻜﺎﻧﻲ
ﺍﻋﻤﻴﻤﻪ : ﻣﻜﺎﻥ ﻣﻦ ﻳﺎ ﺣﺴﻦ
ﺍﻧﺎ : ﻣﻜﺎﻥ ﺍﻟﺤﺎﺟﺔ ﻟﻠﻲ ﻗﺪﺍﻣﻚ ﻫﻴﺎ ﺻﺒﻲ
ﺍﻋﻤﻴﻤﻪ ﺻﺒﺖ ﻧﺰﻟﺖ ﻭ ﺭﻛﺒﺖ ﻣﻦ ﺍﻟﺠﻴﻬﺔ ﺍﻟﺘﺎﻧﻴﺔ
ﻭ ﺭﻛﺒﺖ ﺍﻧﺎ ﻣﻜﺎﻧﻬﺎ ﻭ ﻗﻌﺪﺕ ﺍﻧﺴﻮﻕ
..
ﺣﻨﻴﻦ : ﺍﺗﺒﺼﺮﻱ ﻳﺎ ﺧﻮﻳﻠﺔ
ﺧﻮﻳﻠﺔ : ﺷﻦ ﺍﺗﺒﺼﺮﻱ ﻳﺎ ﺑﺖ ﺍﺣﺘﺮﻣﻲ ﺭﻭﺣﻚ ﻫﺎﺫﻱ ﺧﺎﻟﺘﻚ
ﺣﻨﻴﻦ : ﻣﺶ ﻗﺼﺪﻱ ﺑﺲ ﻣﻌﻘﻮﻟﺔ ﻣﺎ ﺟﺘﺶ
ﻣﺎﻣﺎ : ﻭﺍﻟﻠﻪ ﻣﺎ ﺑﺖ ﻗﺎﻟﺖ ﺍﻣﻮﻋﺪﻩ ﺻﺒﻴﺘﻲ ﺍﻟﺼﻐﻴﺮﺓ ﻃﺎﻟﻌﺎﺕ ﻟﺴﻮﻕ
ﻣﺮﻳﻢ : ﻭ ﻧﺤﻨﺎ ﻟﻠﻲ ﻛﻨﺎ ﺟﻴﺎﺕ ﻋﻠﻲ ﺷﺄﻧﻬﺎ
ﻣﺮﺁﺓ ﺧﺎﻟﻲ : ﻣﻌﻠﺶ ﻣﺘﺰﻋﻠﻨﺶ ﺍﻫﻲ ﻓﻄﻮﻡ ﻫﺪﺭﺯﺍﻥ ﺍﻣﻌﻬﺎ
ﻣﺮﻳﻢ ( ﺍﻧﺎ ﻳﺎﻟﻪ ﻧﺒﻬﺖ ﻓﻴﻬﺎ ﻣﺎﺑﺎﻟﻚ ﺍﻧﻬﺪﺭﺯ ﺍﻣﻌﻬﺎ ﺗﻲ ﺍﺣﺘﻤﺎﻝ ﻧﻘﺘﻠﻬﺎ )
ﺣﻨﻴﻦ ﺍﺑﺘﺴﻤﺖ ﻣﺠﺎﻣﻠﻪ
ﻓﻄﻮﻡ : ﻣﺎ ﺗﺤﺮﺟﻬﻨﺶ ﻳﺎ ﻣﺎﻣﺎ ﻣﺎ ﺑﻠﻜﻲ ﻣﺶ ﺟﻴﺎﺕ ﻋﻠﻲ ﺷﺎﻧﻲ ﺟﻴﺎﺕ ﻋﻠﻲ ﻳﺘﻠﻘﻦ ﻣﻊ ﺧﻠﻮﺩ ﻣﺎ ﺍﺻﻼ ﺣﻮﺷﻨﺎ ﻗﻌﺪ coffee
ﻣﺮﻳﻢ ﺟﺖ ﺗﺒﻲ ﺗﺮﺩ
ﻭ ﺗﻤﺴﻚ ﺣﻨﻴﻦ ﻳﺪﻫﺎ ﻭ ﻓﻨﺼﺖ ﻓﻴﻬﺎ ﺑﻤﻌﻨﻲ ﺗﺴﻜﺖ
ﺣﻨﻴﻦ : ﻻ ﻣﻌﻘﻮﻟﺔ ﻳﺎ ﻓﻄﻮﻡ ﺍﺗﻘﻮﻟﻲ ﻫﻜﻲ ﻧﺤﻨﺎ ﺟﺎﻳﻴﻦ ﻋﺸﺎﻧﻚ ﻭ ﻋﺸﺎﻥ ﺍﻧﻬﺪﺭﺯﻭ ﺍﻣﻌﺎﻙ ﻭ ﺯﻋﻠﻨﺎ ﻋﻠﺸﺎﻥ ﺧﻠﻮﺩ ﻋﻨﺪﻫﺎ ﺑﺮﻧﺎﻣﺞ ﺍﻟﻤﺼﻤﻢ ﻭ ﻧﺤﻨﺎ ﻧﺒﻮﻩ ﻣﺶ ﺍﻛﺜﺮ ﺑﺲ ﺭﺍﻛﻲ ﺣﺘﻲ ﺍﻧﺘﻲ ﻏﺎﻟﻴﺎ ﻣﻦ ﻏﻼﺗﻬﺎ
ﻓﻄﻮﻡ : ﺍﻫﺎ ﺣﺘﻲ ﺍﻧﺎ ﻗﻠﺘﻬﺎ ﻏﻴﺮ ﻛﻨﺖ ﺍﻧﺰﻳﺪ ﻋﻠﻴﻜﻦ
ﻣﺮﺁﺓ ﺧﺎﻟﻲ : ﺑﺎﻫﻲ ﻋﺪﻥ ﻫﻴﺎ ﻛﻴﻒ ﺍﻟﺒﻨﺎﺕ ﺍﻟﺸﻄﺮﺍﺕ ﺻﺒﻦ ﺩﻳﺮﺍﻥ ﻗﻬﻮﺓ ﻟﻨﺎ ﻭ ﻟﻜﻦ ﻭ ﻫﺪﺭﺯﺍﻥ ﻭ ﺧﻠﻮﺩ ﺍﻧﺸﺎﺀ ﺍﻟﻠﻪ ﺗﺘﻠﻘﻦ ﺍﻣﻌﻬﺎ ﻣﺮﺓ ﺗﺎﻧﻴﺔ
ﺣﻨﻴﻦ ﻭ ﻣﺮﻳﻢ : ﻣﺎﺷﻲ
ﻭ ﺻﺒﻦ ﻭ ﺻﺒﺖ ﻭﺭﺍﻫﻦ ﻓﻄﻮﻡ ﻭ ﻋﺪﻥ ﺷﻮﺭ ﺍﻟﻤﻄﺒﺦ
..
ﻭ ﺻﻠﺖ ﺍﻧﺎ ﻭ ﺍﻋﻤﻴﻤﻪ ﻗﺪﺍﻡ ﺍﻟﺒﺤﺮ
ﺍﻋﻤﻴﻤﻪ : ﻣﺶ ﻗﻠﺘﻲ ﺗﺒﻲ ﺍﻟﺴﻮﻕ
ﺍﻧﺎ : ﻻ ﺧﻼﺹ ﻣﻌﺎﺵ ﻧﺒﻴﻪ ﻧﺒﻲ ﺍﻟﺒﺤﺮ
ﺍﻋﻤﻴﻤﻪ : ﻣﺪﺍﻡ ﺗﺒﻲ ﺍﻟﺒﺤﺮ ﻣﻌﻨﻬﺎ ﻣﺶ ﺧﻠﻮﺩ ﻟﻠﻲ ﻧﻌﺮﻓﻬﺎ
ﺍﻧﺎ : ﻭ ﻣﻦ ﺍﻣﺘﻲ ﻛﻨﺖ ﺧﻠﻮﺩ ﻟﻠﻲ ﺗﻌﺮﻓﻮﻫﺎ ﻛﻠﻜﻢ
ﺍﻋﻤﻴﻤﻪ : ﻟﻬﺪﺭﺟﺔ ﻏﺎﻣﻪ ﻋﻨﺪﻙ
ﺍﻧﺎ : ﺍﻩ
ﺍﻋﻤﻴﻤﻪ ﺑﻬﺘﺖ ﻓﻴﺎ : ﻋﺸﺎﻥ ﻗﺮﺑﺖ ﺫﻛﺮﺓ ﻭﻓﺎﺕ ....
ﺍﻧﺎ ﺍﻟﺘﻔﺘﺖ ﻋﻠﻲ ﺍﻋﻤﻴﻤﺔ ﺑﺴﺮﻋﺔ
ﺍﻭﻝ ﻣﺎ ﺍﻟﺘﻔﺘﺖ ﻋﻠﻴﻬﺎ ﺑﻬﺘﺖ ﻓﻴﺎ ﻭ ﻣﺎﺑﺘﺶ ﺍﺗﻜﻤﻞ ﻛﻠﻤﺘﻬﺎ
ﻭ ﻗﻌﺪﺕ ﻣﻨﺴﺘﻪ ﻭ ﺍﻧﺒﻬﺖ ﻓﻴﻬﺎ ﺑﻌﺪﻫﺎ ﺍﻟﺘﻔﺘﺖ ﺷﻮﺭ ﺍﻟﺮﻭﺷﻦ ﺍﺑﺘﺎﻉ ﺍﻟﺴﻴﺎﺭﺓ ﻭ ﺍﻟﺪﻣﻮﻉ ﻓﻲ ﺍﻋﻴﻮﻧﻲ
ﺍﻋﻤﻴﻤﻪ : ﺍﻟﻠﻪ ﻳﺮﺣﻢ ﻛﻞ ﺍﻟﻤﻮﺗﻰ
ﺍﻧﺎ : ﺁ ..... ﺃ .. ﺃﻣﻴﻦ
ﻭ ﻓﺘﺤﺖ ﺑﺎﺏ ﺍﻟﺴﻴﺎﺭﺓ ﻭ ﻧﺰﻟﺖ
ﻭ ﻧﺰﻟﺖ ﻭﺭﺍﺋﻲ ﺍﻋﻤﻴﻤﻪ ﻭ ﻗﻌﺪﻧﺎ ﻧﺘﻤﺸﻮﺍ ﻋﻠﻲ ﺍﻟﺸﻂ
ﺍﻋﻤﻴﻤﻪ : ﻟﻬﺎ ﺍﻟﺪﺭﺟﺔ ﺿﻴﻘﺘﻚ
ﺍﻧﺎ : ﻭﻋﻠﻴﺶ ﻧﺒﻲ ﻧﻀﺎﻳﻖ ﻣﺜﻼ .. ﺍﺻﻼ ﺍﻟﻤﻮﺿﻮﻉ ﻣﺎ ﻳﻬﻤﻨﻴﺶ
ﺍﻋﻤﻴﻤﻪ : ﻣﺘﺄﻛﺪﺓ
ﺍﻧﺎ : ﺍﻫﺎ
ﻭ ﻗﻌﺪﺕ ﻧﺴﺮﻉ ﻓﻲ ﺍﻟﻤﺸﺊ
ﺍﻋﻤﻴﻤﻪ : ﻧﺤﻨﺎ ﻗﻠﻨﺎ ﻧﺘﻤﺸﺆ ﻣﺶ ﻧﺠﺮﺅ
ﺍﻧﺎ : ﺣﻴﻮﺍﻧﺔ
ﺍﻋﻤﻴﻤﻪ : ﺑﻨﺖ .. ﻋﻤﺘﻚ ﺭﺍﻧﻲ ﻣﺶ ﺻﺎﺣﺒﺘﻚ
ﺍﻧﺎ : ﻣﻌﻠﺶ
ﻭ ﻗﻌﺪﻧﺎ ﻧﺘﻤﺸﺆ ﻭ ﺍﻧﻬﺪﺭﺯﻭ ﻭ ﺣﻮﻟﺖ ﺍﻋﻤﻴﻤﻪ ﺍﺗﻐﻴﺮﻟﻲ ﺟﻮﻱ
..
ﻣﺮﻳﻢ : ﺍﻟﺒﻨﺖ ﻫﺎﺫﻱ ﺍﻗﺮﻳﺐ ﻧﻘﺘﻠﻬﺎ
ﺣﻨﻴﻦ : ﻫﺪﻱ ﺭﻭﺣﻚ ﻭ ﻓﻮﺗﻴﻬﺎ ﺍﺻﻼ ﻫﺬﺍ ﻟﻠﻲ ﺗﺒﻴﻪ ﺍﺗﻨﺮﻓﺰﻧﺎ ﺑﺲ ﻫﺬﺍ ﻓﻲ ﺣﻠﻤﻬﺎ
ﻣﺮﻳﻢ : ﺧﺰﻭ ﻣﺴﺘﻔﺰﺓ ﺑﻜﻞ
ﺣﻨﻴﻦ : ﺍﻫﺎ .. ﻣﺮﻳﻢ ﺗﺮﺍ ﺟﻴﺒﻠﻲ ﺍﻟﻔﻨﺎﺟﻴﻦ ﺍﻧﺪﻳﺮ ﻭﺟﻪ ﻟﻠﻘﻬﻮﺓ
ﻣﺮﻳﻢ ﻋﺪﺕ ﺟﺒﺘﻬﻦ ﻭ ﻣﺪﺗﻬﻦ ﻟﺤﻨﻴﻦ
ﺣﻨﻴﻦ : ﻛﻨﻚ ﺍﺗﻬﺰﻱ ﻓﻲ ﺭﺟﻠﻚ ﺧﻴﻠﺘﻴﻨﻲ
ﻣﺮﻳﻢ : ﻣﻌﺼﺒﻪ ﻭ ﺧﺎﻃﺮﻱ ﻧﻀﺮﺑﻬﺎ ﻭﻓﻮﻕ ﻫﺬﺍ ﻛﻞ ﺳﻴﺒﺘﻨﺎ ﺍﻧﺪﻳﺮﻭ ﻓﻲ ﺍﻟﻘﻬﻮﺓ ﻭ ﺗﺤﺠﺠﺖ ﺑﺎﺧﺘﻬﺎ ﺍﺍﺻﻐﻴﺮﺓ ﺗﺒﻲ ﺍﺗﺸﻮﻓﻬﺎ
ﺣﻨﻴﻦ : ﻳﻨﻌﻠﻲ ﻣﺎ ﻗﺘﻠﻚ ﻓﻮﺗﻴﻬﺎ ﻭ ﺣﻮﻟﻲ ﺍﺗﺤﻤﻠﻲ ﻣﺎ ﺗﻨﺴﻴﺶ ﻧﺤﻨﺎ ﻓﻲ ﺣﻮﺷﻬﻢ
ﻭ ﺍﻱ ﺷﺊ ﻣﺤﺴﻮﺏ ﻋﻠﻴﻨﺎ
ﻣﺮﻳﻢ ﻭ ﻫﻲ ﺗﻨﻔﺦ : ﻣﺎﻫﺬﺍ ﻟﻠﻲ ﺍﻣﺨﻠﻴﻨﻲ ﺍﻣﺮﺑﻄﻪ
ﺣﻨﻴﻦ ﻭ ﻫﻲ ﺍﺗﺤﻂ ﻓﻲ ﺍﻟﺒﻜﺮﺝ ﻋﻠﻲ ﺍﻟﻐﺎ ﺯ
: ﻫﻲ ﺧﻠﻴﻨﺎ ﺍﻧﺸﻴﻠﻮﺍ ﺍﻟﻘﻬﻮﺓ ﻭ ﺍﻧﻘﻌﻤﺰﻭ ﻏﺎﺩﻱ
ﻣﺮﻳﻢ : ﺑﺎﻩ
ﻭ ﺧﺬﺕ ﺣﻨﻴﻦ ﺍﻟﺴﻔﺮﺓ ﻭ ﻃﻠﻌﺖ ﺷﻮﺭ ﺩﺍﺭ ﺍﻟﻀﻴﻮﻑ ﻭ ﻭﺭﺍﻫﺎ ﻣﺮﻳﻢ
..
ﺍﻋﻤﻴﻤﻪ : ﺗﺂﺧﺮ ﺍﻟﻮﻗﺖ ﻣﺎﺗﺒﻴﺶ ﺍﺗﺮﻭﺣﻲ ﺍﻧﺘﻲ ﻭﻻ ﻧﺎﻭﻳﻪ ﺍﻟﺒﻴﺘﻪ
ﺍﻧﺎ : ﻻ ﻧﺎﻭﻳﻪ ﺍﻟﺒﻴﺘﻪ
ﺍﻋﻤﻴﻤﻪ ﺑﻬﺘﺖ ﻓﻲ ﻓﻴﻮﻧﻬﺎ : ﺑﺠﺪ ﻫﻴﺎ ﺍﻧﺮﻭﺣﻮﺍ ﺍﻟﻤﻐﺮﺏ ﺍﺷﻮﻱ ﻭ ﻳﺄﺫﻥ
ﺍﻧﺎ : ﺍﻓﻔﻒ ﻣﻊ ﺍﻧﺎ ﻣﺎ ﻋﻨﺪﻳﺶ ﺟﻮ ﺍﻧﺮﻭﺡ ﺑﺲ ﻫﻴﺎ
ﺍﻋﻤﻴﻤﻪ : ﺑﺎﻫﻲ ﻟﻠﻲ ﺗﺤﺸﻤﺘﻲ
ﺍﻧﺎ : ﻫﻬﻬﻬﻬﻪ
ﻭ ﺻﺒﻴﻨﺎ ﻭ ﻗﻌﺪﻧﺎ ﻧﻤﺸﻮﺍ ﺷﻮﺭ ﺍﻟﺴﻴﺎﺭﺓ
ﺭﻛﺒﻨﺎ
ﺍﻋﻤﻴﻤﻪ : ﺷﻦ ﺭﺃﻳﻚ ﺍﻧﺮﻭﺣﻮﺍ ﻋﻠﻲ ﺍﻟﺤﻮﺵ ﻭ ﺗﺒﺎﺗﻲ ﻋﻨﺪﻧﺎ
ﺍﻧﺎ : ﻫﺎﺍﺍﺍ ﻭ ﻣﺎﻣﺎ
ﺍﻋﻤﻴﻤﻪ : ﻋﻠﻲ ﺍﺳﺎﺱ ﺭﻗﻴﺔ ﺣﺎ ﺍﺗﻜﻠﻤﻚ
ﺍﻧﺎ : ﻫﺎﺍﺍﺍﺍ ﺍﻣﻼ ﻋﻤﺎﺭﺓ ﺑﻼ ﺑﻮﺍﺏ
ﺍﻋﻤﻴﻤﻪ : ﻳﻨﻌﻠﻲ ﻟﺴﺎﻧﻚ ﺭﺍﻳﺢ ﻃﺎﻭﻝ
ﺍﻧﺎ : ﻭﺑﻌﺪﻳﻦ ﻋﻨﺪﻛﻢ ﺿﻴﻮﻑ ﺍﻧﺘﻮ ﻋﻴﺐ ﺍﻧﺠﻲ
ﺍﻋﻤﻴﻤﻪ ﺑﺮﻓﻌﺔ ﺣﺎﺟﺐ : ﺻﺎﺭ ﺿﻴﻮﻑ ﺻﺎﺭ
ﺍﻧﺎ ﺍﻟﺘﻔﺘﺖ ﻋﻠﻲ ﺍﻟﺮﻭﺷﻦ : ﺍﻫﺎ
ﻭ ﻭﺍﻟﻌﺖ ﺍﻟﺴﻴﺎﺭﺓ ﻭ ﻣﺸﻴﻨﺎ
ﺍﻋﻤﻴﻤﺔ : ﺍﻟﻠﻪ ﺍﻛﺒﺮ ﺍﻫﻮ ﺍﻟﻤﻐﺮﺏ ﺍﺫﻥ
ﺍﻧﺎ : ﺍﻟﻠﻪ ﺍﻛﺒﺮ
..
ﻣﺮﻳﻢ : ﺍﻓﻔﻒ ﺩﺭﻧﺎ ﻗﻬﻮﺓ ﻭ ﻋﺼﻴﺮ ﻭ ﻭ ﺳﻔﺮﺓ ﺷﺎﻫﻲ ﻭ ﻏﻴﺮﻩ ﻭ ﺗﻮﺍ ﻧﻐﺴﻠﻮﺍ ﻓﻲ ﺍﻟﻤﻮﺍﻋﻴﻦ ﻻ ﻫﻜﻲ ﻭﺍﺟﺪ
ﺣﻨﻴﻦ : ﺧﺰﻱ ﺣﻴﻮﺍﻧﺔ ﺩﺍﺭ ﺭﻭﺣﻬﺎ ﺗﻌﺒﺎﻧﺔ ﻭ ﻫﻲ ﻗﺎﻋﺪﺓ ﻓﻲ ﺍﻟﺪﺍﺭ ﺍﻣﺴﻜﺮﺓ ﻋﻠﻲ ﺭﻭﺣﻬﺎ ﻭ ﻓﺎﺗﺤﻪ ﻧﺖ ﺍﻟﺴﺨﻴﻔﺔ
ﻣﺮﻳﻢ : ﺧﺎﻃﺮﻱ ﺍﻧﻌﺪﻱ ﺗﻮﺍ ﻫﺬﺍ ﻭ ﺍﻧﻜﺮﻫﺎ ﻣﻦ ﺷﻌﺮﻫﺎ ﻭ ﻧﻌﺰﻗﻬﺎ ﻓﻲ ﻫﺎﻟﻤﻄﺒﺦ ﻭ ﻧﻌﺰﻕ ﺍﻟﻤﻮﺍﻋﻴﻦ ﻓﻮﻗﻬﺎ
ﺣﻨﻴﻦ ﺯﺭﺍﺗﻬﺎ ﺍﻟﻀﺤﻜﺔ ﻣﻦ ﻛﻼﻡ ﻣﺮﻳﻢ : ﻏﻴﺮ ﻫﺪﻱ ﺍﻋﺼﺎﺑﻚ
ﻭ ﻓﺠﺂﺓ
ﺣﻨﻴﻦ : ﺍﺳﺘﻨﻲ ﻭ ﻏﺴﻠﺖ ﺍﻳﺪﻳﻬﺎ ﻭ ﻣﺴﺤﺘﻬﻦ
ﻭ ﺧﺬﺕ ﻓﻮﻧﻬﺎ
ﻣﺮﻳﻢ : ﺷﻦ ﺑﺪﻳﺮﻱ
ﺣﻨﻴﻦ : ﺗﻮﺍ ﺍﺗﺸﻮﻓﻲ
ﻭ ﺣﻄﺖ ﺍﻟﻔﻮﻥ ﻋﻠﻲ ﻭﺫﻧﻬﺎ
ﻣﺮﻳﻢ ﻗﻌﺪﺕ ﺍﻣﻮﻗﻔﻪ ﻭ ﻣﺴﺘﻐﺮﺑﺔ ﻭ ﻣﺶ ﻓﺎﻫﻤﻪ ﺷﻲ
ﺣﻨﻴﻦ : ﺍﻟﻮ ﻋﺒﺪ ﺍﻟﺮﺣﻤﻦ .. ﻣﻌﻠﺶ ﺍﺯﻋﺠﺘﻚ ﻭ ﺍﻧﺖ ﻓﻲ ﺍﻟﺸﻐﻞ .. ﻧﺠﻚ ﻧﺠﻚ ... ﻻ ﻻ ﻏﻴﺮ ﻣﺎﻣﺎ ﻗﺎﻟﺖ ﺍﺗﺼﻠﻮﺍ ﺑﻲ ﻋﺒﺪ ﺍﻟﺮﺣﻤﻦ ﺍﻳﺠﻲ ﻳﺎﺧﺬﻧﺎ ....... ﻻ ﻻ ﻣﺎﻣﺎ ﻏﻴﺮﺕ ﺭﺁﻳﻬﺎ ﻭ ﺗﺒﻲ ﺍﺗﺮﻭﺡ ﺗﻮﺍ ...... ﺍﺍﺍ ﻋﻠﺸﺎﻥ ﻓﻮﻧﻬﺎ ﻃﻔﺎ ﺷﺤﻨﻪ ﻭ ﺟﻬﺎﺯ ﺍﻟﺸﺤﻦ ﺭﺍﺡ ﻓﺎ ﻣﻌﺮﻓﺘﺶ ﻛﻴﻒ ﺗﺘﺼﻞ ﻗﺎﻟﺘﻠﻲ ﺍﺗﺼﻠﻲ .... ﺗﻤﺎﻡ ﺍﻭﻛﻲ ... ﺳﻼﻡ
ﻣﺮﻳﻢ ﻛﺎﻧﺖ ﺍﻣﻮﻗﻔﻪ ﻃﻮﻝ ﻫﺎﻟﺤﻮﺍﺭ ﻭ ﻣﺎﺳﻜﺔ ﺍﻟﻀﺤﻜﺔ
ﻣﺮﻳﻢ : ﻋﻄﻚ ﺍﺩﻋﻮﻩ ﻛﻴﻒ ﺧﻄﺮﺕ ﻋﻠﻲ ﺑﺎﻟﻚ
ﺣﻨﻴﻦ : ﻫﻬﻬﻪ ﻣﺰﺍﺗﻲ ﻣﺎ . ﺷﻔﺘﻲ ﺷﺊ
ﻭ ﻋﺪﺕ ﺷﻮﺭ ﺍﻟﺘﺎﻟﺠﺔ ﻭ ﻓﺘﺤﺘﻬﺎ ﻭ ﻃﻠﻌﺖ ﺯﻳﺖ
ﻣﺮﻳﻢ : ﺷﻦ ﺑﺪﻳﺮﻱ ﺑﻴﻪ
ﺣﻨﻴﻦ : ﺗﻮﺍ ﺍﺗﺸﻮﻓﻲ
ﻭ ﻋﺪﺕ ﺷﻮﺭ ﺍﻟﻤﻮﺍﻋﻴﻦ ﺧﺬﺕ ﺳﻮﻧﻴﺔ ﻛﺒﻴﺮﺓ
ﺻﺒﺖ ﻓﻴﻬﺎ ﺍﻟﺰﻳﺖ ﻛﻠﻪ ﻭ ﺧﺬﺕ ﺍﻟﻤﻮﺍﻋﻴﻦ ﻟﻠﻲ ﻏﺴﻠﺘﻬﻦ ﻭ ﻟﻠﻲ ﻣﺰﻟﻦ ﻣﺎ ﺍﻧﻐﺴﻠﻦ ﻭ ﺣﻄﺘﻬﻦ ﻓﻲ ﺍﻟﺴﻮﻧﻴﺔ ﻟﻠﻲ ﻣﻠﻴﺎﻧﻪ ﺯﻳﺖ
ﻣﺮﻳﻢ : ﻃﺎﺡ ﺳﺎﻋﺪﻙ
ﺣﻨﻴﻦ ﺍﻟﺘﻔﺘﺖ ﺷﻮﺭ ﻣﺮﻳﻢ : ﺗﺴﺘﺎﻫﻞ ﺍﺻﻼ ﻧﺤﻨﺎ ﻣﺶ ﺧﺪﺍﻣﻴﻦ ﺑﻮﻫﺎ ﻫﺎﻟﺤﻴﻮﺍﻧﺔ ﻋﻨﺪﻙ
ﻣﺮﻳﻢ : ﻫﻬﻬﻬﻪ ﺑﺎﻫﻲ ﺗﺨﻴﻠﻲ ﺣﺪ ﺧﺶ ﻟﻠﻤﻄﺒﺦ ﺗﻮﺍ
ﺣﻨﻴﻦ : ﻣﻦ ﻳﻌﻨﻲ ﻣﺮﺁﺓ ﺧﺎﻟﻲ ﺍﺗﻬﺪﺭﺯ ﻣﻊ ﺧﻮﻳﻠﺔ ﻭ ﻣﺎﻣﺎ ﻭ ﺍﻟﺤﻴﻮﺍﻧﺔ ﻫﻲ ﻭ ﺧﻮﺗﻬﺎ ﻓﻲ ﺩﺍﺭﻫﺎ
ﻣﺮﻳﻢ : ﺑﺎﻫﻲ ﻟﻤﺎ ﺍﻳﺠﻲ ﻋﺒﺪﺍﻟﺮﺣﻤﻦ ﺷﻦ ﻧﺒﻮ ﺍﻧﻘﻮﻟﻮﺍ ﻟﻲ ﻣﺎﻣﺎ
ﺣﻨﻴﻦ : ﻣﺎ ﺍﺗﺨﺎﻓﻴﺶ ﺣﺴﺒﺘﻬﺎ ﺍﻛﻮﻳﺲ
ﻣﺮﻳﻢ : ﻧﻨﻘﻨﺎ ﺍﻻ ﻳﻨﺨﺎﻑ ﻣﻨﻚ ﻳﺎ ﺍﻭﺧﻴﺘﻲ ﻭ ﻏﻤﺰﺗﻠﻬﺎ
ﺣﻨﻴﻦ : ﻋﺸﺎﻥ ﺗﻌﺮﻓﻲ ﺑﺲ ﺍﻧﺎ ﻣﻦ .. ﻭ ﻫﻴﺎ ﺧﻠﻴﻨﺎ ﺍﻧﻌﺪﻭ ﺍﻧﺼﻠﻮﺍ ﺍﻟﻤﻐﺮﺏ
ﻣﺮﻳﻢ : ﺑﺎﻩ
..
ﺍﻧﺎ : ﺍﻓﻔﻔﻔﻒ ﻋﻠﻴﻚ ﻗﺼﺔ
ﺍﻋﻤﻴﻤﻪ : ﻛﻨﻚ ﺍﺗﻘﻮﻝ ﺍﺑﺘﻀﺮﺑﻲ
ﺍﻧﺎ : ﻣﺎ ﺍﺻﻼ ﺧﺒﺮ ﻳﻘﻬﺮ ﺍﻟﺤﻴﻮﺍﻥ ﻟﻠﻲ ﻗﺪﺍﻣﻲ ﻛﺎﻥ ﻳﻘﺪﺭ ﻳﻄﻠﻊ ﻗﺒﻞ ﻣﺎ ﺍﻳﺠﻲ ﻫﺎﻟﺤﻴﻮﺍﻥ ﺍﻟﺘﺎﻧﻲ ﻭ ﺍﻳﻮﻗﻒ
ﺍﻋﻤﻴﻤﻪ : ﻛﻠﻬﻢ ﻗﻌﺪﻭ ﺣﻴﻮﺍﻧﺎﺕ ﻳﻌﻨﻲ
ﺍﻧﺎ : ﺟﺪﻳﺎﺕ ﻧﺎﺱ ﻣﻦ ﻛﺜﺮﺗﻬﺎ ﻛﻴﻒ ﺍﻟﻬﻢ
ﺍﻋﻤﻴﻤﻪ : ﻏﻴﺮ ﻫﺪﻱ ﺍﻋﺼﺎﺑﻚ ﺑﺲ ﻳﺎ ﻋﺴﻞ ﻭ ﺍﻧﺘﻲ ﻧﻘﻤﺎﻩ ﻋﻠﻲ ﺍﻟﻨﺎﺱ ﻛﻠﻬﺎ
ﺍﻧﺎ : ﺍﺻﻼ ﺍﻟﺤﺎﺟﺎﺕ ﻟﻠﻲ ﺍﻳﺪﻳﺮﻭ ﻓﻴﻬﻦ ﺍﻳﺠﻴﺒﻦ ﺍﻟﺠﻠﻄﺔ ﻛﻴﻒ ﺗﻮﻗﻴﻔﺖ ﻋﻠﻲ ﺍﻟﺤﻴﻮﺍﻥ
ﺍﻋﻤﻴﻤﻪ : ﻫﻬﻬﻬﻬﻬﻬﻬﻪ ﻳﻨﻌﻦ ﺟﺪﻙ ﺑﻜﻞ
ﺍﻧﺎ : ﺍﺗﺴﺒﻲ ﻓﻲ ﺑﺎﺗﻚ ﻋﻠﻲ ﻓﻜﺮﺓ
ﺍﻋﻤﻴﻤﻪ : ﻫﻬﻬﻬﻬﻪ ﻣﺎ ﻓﻄﻨﺖ ﻟﺮﻭﺣﻲ ﺍﻻ ﺗﻮﺍ ﺍﺗﺼﺪﻗﻲ
ﺍﻧﺎ : ﻋﻠﻲ ﻣﺎ ﻋﻠﻲ ﺍﻣﻄﺮﺷﻘﺔ ﺑﺎﻫﻲ
ﺍﻋﻤﻴﻤﻪ : ﻫﻬﻬﻬﻬﻬﻪ ﻭ ﺍﻧﺘﻲ ﺍﻧﺤﻠﻒ ﺑﺎﻳﺶ ﺍﻟﺴﺎﻧﻚ ﻫﺬﺍ ﺗﺒﻴﻠﻪ ﻗﺎﺹ
ﺍﻧﺎ : ﻧﻌﻠﻲ ﺍﻟﺴﺎﻧﻲ ﻫﺬﺍ ﻧﺠﻪ ﻭ ﺧﻼﺹ
ﺍﻋﻤﻴﻤﻪ : ﻧﺠﻪ ﻋﻴﻨﻚ ﺑﺎﻫﻲ ﺍﻟﺴﺎﻥ ﺍﻃﻮﻝ ﻣﻨﻪ ﻓﻲ ﺣﻴﺎﺗﻲ ﻣﺎﺷﻔﺖ
ﺍﻧﺎ : ﻭﻻ ﺣﺎ ﺍﺗﺸﻮﻓﻲ ﻭ ﻧﺰﻩ ﻧﺰﻩ ﺍﻟﺴﺎﻧﻲ ﻳﺎ ﻭﺍﺧﻴﺘﻲ ﺍﻣﻮﻭﻭﻭﻭﻭﻩ
ﻭ ﺑﻬﺘﺖ ﻗﺪﺍﻡ ﻋﻠﻲ ﺍﺳﺎﺱ ﺍﻧﺒﻮﺱ ﻓﻲ ﺍﻟﺴﺎﻧﻲ ﻭ ﺍﻋﻤﻴﻤﻪ ﺗﻀﺤﻚ
ﻭ ﻓﺠﺂﺓ ﻓﺘﺤﺖ ﺍﻋﻴﻮﻧﻲ
ﻭ
ﻭ ﻧﻨﺼﺪﻡ
# ﻳﺘﺒﻊ
ﻻﻳﻚ + ﻛﻮﻣﻨﺖ
ﺭﺁﻳﻜﻢ ﻳﻬﻤﻨﻲ
