ﻧﺒﻲ ﺗﻔﺎﻋﻞ ﻋﺸﺎﻥ ﺍﻧﻜﻤﻠﻜﻢ ﺍﻟﻘﺼﻪ ﻑ ﺍﻟﻴﻮﻣﻴﻦ ﻫﺬﻳﻦ
# ﺍﻟﺤﻠﻘﺔ 24_
ﺍﻧﺎ ﺑﺘﻌﺼﻴﺐ : ﺃﺳﺎﻣﺔ ﺍﺣﻜﻲ
ﺃﺳﺎﻣﺔ ﺍﺑﺘﺴﻢ ﻭ ﺣﻂ ﺍﻳﺪﻳﻪ ﻓﻲ ﺍﺟﻴﻮﺑﻪ ﻭ ﻣﺎﻝ ﺷﻮﺭ ﻧﻴﻦ ﻗﻌﺪ ﻭﺟﻪ ﺍﻣﻘﺎﺑﻞ ﻭﺟﻬﻲ : ﺍﻟﻤﻔﺎﺟﺄﺓ ﻫﻲ ﺃﻥ ﻓﺮﺣﻨﺎ ﺑﻌﺪ ﺃﺳﺒﻮﻋﻴﻦ ﺑﺲ
ﺃﻧﺎ ﺍﺗﻘﻮﻝ ﻡ̷ـــِْﻦ ﻛﺐ ﻋﻠﻴﺎ ﺍﻣﻴﺎﻩ ﻓﺎﻳﺮﻩ ﻭﺟﻬﻲ ﺍﻧﺴﻮﺩ ﻭ ﻭﺧﺮﺕ ﻟﻮﺭﺍﺀ : ﻣﺴﺘﺤﻴﻞ ﻟﭑ ﺗﻜﺬﺏ
ﺃﺳﺎﻣﺔ : ﻣﺎﻋﻨﺪﻱ ﻋﻠﻴﺶ ﻧﻜﺬﺏ .. ﻭ ﻗﺮﺏ ﻣِڼـّﻲ : ﻋﺸﺎﻥ ﺗﻌﺮﻓﻲ ﻣﺮﺓ ﺗﺎﻧﻴﺔ ﺃﻥ ﻣﺶ ﺍﻱ ﺣﺪ ﻳﺘﺤﺪﺍﻧﻲ
ﺃﻧﺎ ﻭﺧﺮﺕ ﻭ ﻗﻌﻤﺰﺕ ﻋﻠﻲ ﺍﻟﻜﺮﺳﻲ ﻭ ﺣﻄﻴﺖ ﻭﺟﻬﻲ ﺑﻴﻦ ﺍﻳﺪﻳﺎ ﻭ ﺍﻧﺎ ﻧﺮﻋﺶ ﻭ ﺍﻧﺘﻨﻔﺲ ﺑﻘﻮﺓ .. ﺣﺴﻴﺖ ﺑﺼﺪﺍﻉ ﻗﻮﻱ ﺑﻌﺪ ﻛﻼﻡ ﺃﺳﺎﻣﺔ ﻭ ﻗﻌﺪﻥ ﺍﺩﻣﻮﻋﻲ ﺑﻨﺰﻟﻦ ﻭ ﻣﻌﺎﺵ ﺣﺴﻴﺖ ﺍﻻ ﺑﻴﺪ ﺃﺳﺎﻣﺔ ﺗﻤﺴﺤﻠﻲ ﻓﻲ ﺍﺩﻣﻮﻋﻲ .. ﺑﻬﺘﺖ ﻭ ﻧﻠﻘﺎﻩ ﺍﻣﻘﻌﻤﺰ ﻗﺪﺍﻣﻲ ﻋﻠﻲ ﺭﻛﺒﻪ ﻭ ﻳﺪﻩ ﻋﻠﻲ ﺧﺪﻱ .. ﻛﺎﻧﺖ ﻓﻲ ﻧﻈﺮﺓ ﻏﺮﻳﺒﺔ ﻓﻲ ﺍﻋﻴﻮﻧﻪ ﻣﺎ ﻓﻬﻤﺘﻬﺎﺵ .. ﺣﻮﻟﺖ ﻳﺪﻩ ﺑﻘﻮﺓ : ﺣﻮﻝ ﻧﺒﻲ ﺍﻧﺼﺒﻲ
ﺃﺳﺎﻣﺔ ﺑﻬﻤﺲ : ﺃﻧﺤﺒﻚ
ﺍﻧﺎ # ﺍﻧﺼﺪﻣﺖ ﻭ ﻣﻌﺎﺵ ﻋﺮﻓﺖ ﺷﻦ ﺍﻧﺮﺩ ﻭﻻ ﺍﻧﻘﻮﻝ .. ﺣﺴﻴﺖ ﺭﻭﺣﻲ ﻧﺤﻠﻢ .. ﺷﻌﻮﺭ ﻏﺮﻳﺐ ﺣﺴﻴﺘﻪ ﻓﻲ ﺩﺍﺧﻠﻲ ﻣﺎﻓﻬﻤﺘﺶ ﻫﻮ ﺷﻨﻮ .. ﻓﺮﺣﻪ .. ﺭﺍﺣﻪ .. ﺧﻮﻑ .. ﻏﻀﺐ .. ﻟﭑ ﻟﭑ ﻣﺴﺘﺤﻴﻞ ﺍﻳﻜﻮﻥ ﻏﻀﺐ ﺍﻭ ﺧﻮﻑ .. ﺷﻌﻮﺭ ﺣﻠﻮ .. ﻟﭑ ﺧﻠﻮﺩ ﺍﺻﺤﻲ ﻣﺎ ﺗﻨﺴﻴﺶ ﺍﻥ ﻫﺪﺍ ﺧﻮ ﺇﺳﺮﺍﺀ .. ﺇﺳﺮﺍﺀ ﺻﺎﺣﺒﺘﻚ ﺍﻟﻠﻲ ﺧﺎﻧﺎﺗﻚ .. ﺻﺒﻴﺖ ﺑﺴﺮﻋﺔ ﻭ ﺑﻌﺪﺕ ﻋﻨﻪ ﻭ ﺟﻴﺖ ﻧﺒﻲ ﻧﺄﺧﺪ ﺷﻨﻄﺘﻲ ﻭ ﻧﻄﻠﻊ
ﻭ ﻳﻤﺴﻚ ﺃﺳﺎﻣﺔ ﻳﺪﻱ ﻭ ﺍﻳﻠﻔﻨﻲ ﺷﻮﺭﻩ : ﻭ ﺣﺘﻲ ﺍﻧَـ ỲǑŲ ـْﺘﻲ ﺍﺗﺤﺒﻴﻨﻲ
ﺃﻧﺎ # ﺍﻧﺼﺪﻣﺖ
ﺃﺳﺎﻣﺔ : ﻗﻮﻟﻴﻬﺎ .. ﻗﻮﻟﻴﻬﺎ .. ﻳﺎ ﺧﻠﻮﺩ
ﺃﻧﺎ ﺍﺩﻣﻮﻋﻲ ﻳﻨﺰﻟﻦ ﻭ ﻗﻌﺪﺕ ﻧﺤﻜﻲ ﺑﻬﺴﺘﻴﺮﻳﺎ : ﻟﭑ ﻣﺴﺘﺤﻴﻞ ﻟﭑ ﺍﻧﺎ ﻣﺎ ﺍﻧﺤﺒﻜﺶ ﻟﭑ ﻳﺎ ﺃﺳﺎﻣﺔ .. ﻟﭑ ﻣﺴﺘﺤﻴﻞ ﻣﺎﻧﻘﺪﺭﺵ ﺃﻧﺤﺒﻚ ﻭ ﺍﻧﺎ ﻣﺠﺮﻭﺣﻪ ﻡ̷ـــِْﻦ ﺃﺧﺘﻚ ﻣﺎﻧﻘﺪﺭﺵ .. ﻟﭑ ﺻﻌﺐ .. ﻟﭑ ﺍﻧﺎ ﻣﺶ ﻵﺯٍﻡٍ ﺍﻧﺤﺒﻚ .. ﺿﺮﻭﺭﻱ ﻧﻜﺮﻫﻚ .. ﺍﻧﺒﻌﺪﻙ ﻋﻨﻲ ﻭ ﻋﻦ ﺗﻔﻜﻴﺮﻱ .. ﺍﻧﺖ ﺍﺗﻮﺍﻫﻢ ﻟﭑ ﺍﻧﺎ ﻣﺎ ﺍﻧﺤﺒﻜﺶ ﻻﻻ .. ﻻ .. ﻭ ﻗﻌﺪﺕ ﺍﻧﺪﻑ ﻓِﻴَﮫ ﻭ ﺍﻧﺒﻌﺪ ﻓِﻴَﮫ .. ﺑﺲ ﻛﺎﻥ ﺍﻣﺸﺪﺩ ﺍﻳﺪﻳﻪ ﺣﻮﺍﻟﻴﺎ
ﺃﺳﺎﻣﺔ : ﻋﺎﺭﻑ ﺍﻟﻠﻲ ﺩﺭﺍﺗﻪ ﺍﺳﺮﺍﺀ ﺻﻌﺐ ﺍﺗﺴﺎﻣﺤﻴﻬﺎ ﻋﻠﻴﻪ ﺑﺲ ﻫﻲ
ﺍﻧﺎ : ﻣﺎ ﺍﺩﺍﻓﻌﺶ ﻋﻠﻴﻬﺎ .. ﺍﺧﺘﻚ ﻭﺣﺪﺓ ﺧﺎﻳﻨﺔ ﻭ ﻛﺬﺍﺑﺔ .. ﺻﺪﻗﺖ ﻏﻴﺮﻱ ﻭ ﻛﺬﺑﺘﻨﻲ .. ﺧﺎﻧﺔ ﺍﻟﺼﺤﺒﺔ ﺍﻟﻠﻲ ﺑﻴﻨﺎ .. ﺻﺪﻗﺖ ﺍﻟﻜﻞ ﺍﻻ ﺍﻧﺎ .. ﺑﺴﺒﺒﻬﺎ ﻛﻨﺖ ﺣﺎ ﺍﻧﻤﻮﺕ .. ﺍﺳﺘﻤﺮﺕ ﻓﻲ ﺍﺫﻳﺘﻬﺎ ﻟﻴﺎ .. ﻋﻄﻴﺘﻬﺎ ﻓﺮﺻﺔ ﺍﺗﻨﻴﻦ ﺑﺲ ﺧﺬﻟﺘﻨﻲ .. ﻭ ﺍﻧﺖ ﺍﻛﻴﺪ ﻛﻴﻔﻬﺎ .. ﻛﻠﻜﻢ ﻫﻜﻲ .. ﻛﻠﻜﻢ ﻛﺬﺍﺑﻴﻦ .. ﻧﺎﺱ ﻣﺎ ﺍﺗﺨﺎﻓﺶ ﺭَﺑّـ ـﻲٌ .. ﺍﻧﺘﻮﺍ ﺣﺘﻲ ﻗﻠﺐ ﻣﺎ ﻋﻨﺪﻛﻢ .. ﺍﻧﺘﻮ .. ﻣﺎﻛﻤﻠﺘﺶ ﻛﻠﻤﺘﻲ ﺍﻻ ﻭ ﺟﺎﻧﻲ ﻛﻒ ﻗﻮﻱ ﻧﻴﻦ ﻃﺤﺖ ﻋﻠﻲ ﺍﻻﺭﺽ # ﺍﻧﺼﺪﻣﺖ ﻭ ﺍﻧﺎ ﺍﻧﺸﻮﻑ ﻓﻲ ﺃﺳﺎﻣﺔ ﻭ ﻫﻮ ﻣﻨﺼﺪﻡ ﻡ̷ـــِْﻦ ﺍﻟﻠﻲ ﺩﺍﺭﻩ
ﺑﻬﺘﺖ ﻓِﻴَﮫ ﺑﺤﻘﺪ ﻭ ﻛﺮﻩ ﻭ ﺧﺪﻳﺖ ﺍﻟﺸﻨﻄﺔ ﻭ ﻃﻠﻌﺖ ﻧﺠﺮﻱ ﻭ ﺃﺳﺎﻣﺔ ﻭﺭﺍﻳﺎﺀ .. ﻭ ﻓﺘﺤﺖ ﺑﺎﺏ ﺍﻟﻄﻮﺍﺭﻱ ﻭ ﻧﺰﻟﺖ ﻡ̷ـــِْﻦ ﺍﻟﺪﺭﻭﺝ ﻭ ﻭﺻﻠﺖ ﻟﺒﺎﺏ ﺍﻟﻮﺭﺍﻧﻲ ﻟﻠﻤﺴﺘﺸﻔﻲ ﻻﻥ ﻣﺎ ﻛﺎﻧﺶ ﻓﻲ ﺣﺪ ﻭ ﺍﻧﺎ ﻣﺎﺯﻟﺖ ﻧﺠﺮﻱ .. ﺑﻌﺪﻫﺎ ﺣﺴﻴﺖ ﺑﻴﺪ ﺳﺤﺒﺘﻨﻲ ﻭ ﻧﻠﻘﺎﻩ ﻫﻮ .. ﺩﻓﻴﺘﻪ ﻭ ﻗﻌﺪﺕ ﻧﻀﺮﺏ ﻓِﻴَﮫ ﻋﻠﻲ ﺻﺪﺭﻩ : ﺣﻮﻝ .. ﺑﻌﺪ .. ﺣﻮﻝ
ﺃﺳﺎﻣﺔ ﺑﺘﻌﺼﻴﺐ : ﺍﺛﺒﺘﻲ
ﺍﻧﺎ ﺛﺒﺘﺖ ﺑﻌﺪ ﺳﻤﻌﺖ ﻧﺒﺮﺓ ﺻﻮﺗﻪ .. ﺧﻔﺖ ﻳﻀﺮﺑﻨﻲ ﺍﺧﺮﺓ .. ﻧﺰﻟﻦ ﺍﺩﻣﻮﻋﻲ .. ﻭ ﻃﺒﺴﺖ ﺭﺍﺳﻲ
ﺃﺳﺎﻣﺔ ﺗﻨﻬﺪ : ﺃﻧﺎ ﺍﺳﻒ
ﺍﻧﺎ : ﺍﺳﻒ ﻋﻠﻲ ﺷﻨﻮ ﻭﻻ ﻋﻠﻲ ﺷﻨﻮ .. ﻋﻠﻲ ﺍﻟﻠﻲ ﺩﺭﺍﺗﻪ ﺍﺧﺘﻚ ﻭﻻ ﻋﻠﻲ ﺍﻟﻜﻒ ﺍﻟﻠﻲ ﻋﻄﻴﺘﻪ ﻟﻴﺎ ﻡ̷ـــِْﻦ ﺩﻭﻥ ﺍﻱ ﺣﻖ
ﺃﺳﺎﻣﺔ : ﺑﻠﻌﻜﺲ ﻟﻴﺎ ﺍﻟﺤﻖ ﺍﻧﻲ ﺍﻧﺮﺑﻲ ﻣﺮﺍﺗﻲ
ﺍﻧﺎ : ﺍﻭﻝ ﺷﻲ ﺍﻧﺎ ﻣﺘﺮﺑﻴﺔ ﺍﺣﺴﻦ ﻣـڼـﮛ ﻭ ﺑﻌﺪﻳﻦ ﺍﻳﻦ ﻣﺮﺍﺗﻚ ﺍﻧﺖ ﺗﺤﻠﻢ ﻭﻻ ﺷﻨﻮﻭﻭ
ﺃﺳﺎﻣﺔ : ﻟﭑ ﻣﺎ ﻧﺤﻤﻠﺶ ﺍﻧَـ ỲǑŲ ـْﺘﻲ ﺗﺤﺴﺎﺑﻴﻨﻲ ﺍﻧﻲ ﻣﺜﻼ ﺣﺎ ﺍﻧﺨﻠﻴﻠﻚ ﺍﻱ ﻓﺮﺻﺔ ﻋﺸﺎﻥ ﺗﻬﺮﺑﻲ ﻣِڼـّﻲ ﻭ ﺍﺗﻔﺮﻛﺸﻲ ﺍﻟﺰﻭﺍﺝ .. ﻭ ﺍﺑﺘﺴﻢ ﺑﻬﺪﺅ : ﺗﻮﺍ ﺍﺭﺗﺒﻄﻨﺎ ﺑﺎﻟﻜﺎﻣﻞ ﻭ ﺣﻀﺮﺗﻚ ﻗﻌﺪﺗﻲ ﻣﺮﺍﺗﻲ ﻓﻲ ﺍﻟﺸﺮﻉ ﻭ ﺍﻟﻘﺎﻧﻮﻥ
ﺍﻧﺎ ﺑﺼﺪﻣﺔ : ﺍﻧﺖ ﺷﻦ ﻗﺎﻋﺪ ﺗﺤﻜﻲ
ﺃﺳﺎﻣﺔ : ﺍﻟﻠﻲ ﺻﺎﺭ ﻟﻤﺎ ﺳﻴﺒﺘﻚ ﻋﺪﻳﺖ ﺣﻜﻴﺖ ﻣﻊ ﻋﻤﻲ ﻣﺤﻤﺪ ﻭ ﻗﻠﺘﻠﻪ ﺍﻧﻲ ﻣﻄﻠﻮﺏ ﻏﺎﺩﻱ ﻓﻲ ﻟﻨﺪﻥ ﻭ ﺿﺮﻭﺭﻱ ﺍﻧﺴﺎﻓﺮ ﺑﻌﺪ ﺍﺳﺒﻮﻋﻴﻦ ﻭ ﻣﺶ ﻋﺎﺭﻑ ﻟﻌﻨﺪ ﺍﻣﺘﻲ ﻧﻘﻌﺪ ﻏﺎﺩﻱ ﻣﻤﻜﻦ ﻣﺪﺓ ﻃﻮﻳﻠﺔ ﻋﺸﺎﻥ ﻫﻜﻲ ﻵﺯٍﻡٍ ﻧﺘﺰﻭﺟﻮﺍ ﺑﻌﺪ ﺍﺳﺒﻮﻋﻴﻦ .. ﻋﻤﻲ ﻣﺤﻤﺪ ﻭﺍﻓﻖ ﻭ ﺍﺗﺼﻠﻨﺎ ﺑﺠﺪﻙ ﻭ ﻭﻓﻖ ﻭ ﻃﻠﺒﺖ ﻣﻨﻪ ﺍﻥ ﻧﺘﻠﻘﻮ ﺗﻮﺍ ﻗﺪﺍﻡ ﻣﻜﺘﺐ ﻣﺄﺫﻭﻥ ﻧﻌﺮﻓﻪ ﻋﺸﺎﻥ .. ﻭ ﺍﺑﺘﺴﻢ : ﻧﻤﻠﻜﻚ ﺭﺳﻤﻲ ﻓﻲ ﺍﻟﺒﺪﺍﻳﺔ ﺍﻧﺼﺪﻡ ﻭ ﺭﻓﺾ ﻭ ﻗﺎﻟﻲ ﺑﻌﺪ ﺍﺳﺒﻮﻋﻴﻦ ﺍﻳﺘﻢ ﻛﻞ ﺷﻲ ﻗﺘﻠﻪ ﺍﻧﻚ ﺍﻧﺘﻲ ﻃﻠﺒﺘﻲ ﻣِڼـّﻲ ﺍﻟﺸﻲ ﻩ̷̷َـَْـُﺬﺁ ﻋﺸﺎﻥ ﻧﺘﺤﺮﻛﻮﺍ ﺑﺤﺮﻳﺔ ﻭ ﻋﺸﺎﻥ ﺍﻧَـ ỲǑŲ ـْﺘﻲ ﺗﺒﻴﻨﻲ ﺍﻣﻌﺎﻙ ﻓﻲ ﻛﻞ ﺷﻲ ﻭ ﻓﻲ ﻛﻞ ﻗﺮﺍﺭ ﺑﺨﺼﻮﺹ ﻓﺴﺘﺎﻧﻚ ﻭ ﺍﻟﻘﺎﻋﺔ ﻭ ﻫﻜﻲ ﻭ ﺣﻮﺷﻨﺎ ﺍﻟﻠﻲ ﻏﺎﺩﻱ ﻓﻲ ﺍﺑﺮﻳﻄﺎﻧﻴﺎ .. ﻭ ﻗﺮﺏ ﻣِڼـّﻲ ﻭ ﻣﺎﻝ ﻋﻠﻴﺎ ﻭ ﻫﻮ ﻣﺒﺘﺴﻢ : ﻣﺮﻣﺪﻧﻲ ﻋﻠﻲ ﻣﺎ ﻭﺍﻓﻖ ﺟﺪﻙ ﺑﺲ ﻛﻞ ﺷﻲ ﻋﺸﺎﻧﻚ ﺍﻳﻬﻮﻥ .. ﻭ ﺍﺳﺘﻘﺎﻡ ﻭ ﺣﻂ ﺍﻳﺪﻳﻪ ﻓﻲ ﺍﺟﻴﻮﺑﻪ : ﻭ ﻋﻘﺪ ﺍﻟﺰﻭﺍﺝ ﺍﻣﻌﺎﻱ ﺗﻮﺍ .. ﻭ ﺍﻧَـ ỲǑŲ ـْﺘﻲ ﻣﻠﻜﻲ ﻳﺎ ﺧﻠﻮﺩ
ﺍﻧﺎ ﻣﻊ ﻛﻞ ﻛﻠﻤﺔ ﻛﺎﻥ ﺍﻳﻘﻮﻝ ﻓﻴﻬﺎ ﻛﻨﺖ ﻧﻨﺼﺪﻡ ﻧﻴﻦ ﻭﺻﻞ ﻷﺧﺮ ﻛﻼﻣﻪ ( ﻭ ﻋﻘﺪ ﺍﻟﺰﻭﺍﺝ ﺍﻣﻌﺎﻱ ﺗﻮﺍ ﻭ ﺍﻧَـ ỲǑŲ ـْﺘﻲ ﻣﻠﻜﻲ ﻳﺎ ﺧﻠﻮﺩ ) ﻧﺰﻟﻦ ﺍﺩﻣﻮﻋﻲ ﻭ ﺍﻧﺎ ﺣﺎﺳﻪ ﺭﻭﺣﻲ ﻧﺤﻠﻢ ﻣﺶ ﻧﺤﻠﻢ ﺣﺎﺳﻪ ﺭﻭﺣﻲ ﻓﻲ ﻛﺎﺑﻮﺱ ﺑﻌﺪﺕ ﻋﻨﻪ : ﺍﻧﺖ ﺗﻜﺬﺏ ﻣﺴﺘﺤﻴﻞ ﺍﻳﺘﻢ ﺍﻟﺰﻭﺍﺝ ﺑﻼ ﻣﻮﺍﻓﻘﺘﻲ
ﺃﺳﺎﻣﺔ : ﺑﺲ ﺍﻧﺘﻲ ﻭﺍﻓﻘﺘﻲ ﻟﻤﺎ ﺟﺪﻙ ﺳﺎﺋﻠﻚ ﻫﺬﺍﻙ ﺍﻟًﻴَﻮُﻡًِ ﻭ ﺑﻌﺪﻳﻦ ﺍﻧَـ ỲǑŲ ـْﺘﻲ ﻗﺎﺻﺮ ﻋﺸﺎﻥ ﻫﻜﻲ ﻋﻤﻲ ﻣﺤﻤﺪ ﻫﻮ ﻭﻛﻴﻠﻚ
ﺍﻧﺎ ﺍﺗﻜﻴﺖ ﻋﻠﻲ ﺍﻟﺴﺎﺱ ﺍﻟﻠﻲ ﻭﺭﺍﺋﻲ ﻭ ﻃﺤﺖ ﻋﻠﻲ ﺍﻻﺭﺽ ﺿﻤﻴﺖ ﺭﺟﻠﻴﺎ ﻭ ﺣﻄﻴﺖ ﺍﻳﺪﻳﺎ ﻋﻠﻲ ﻭﺟﻬﻲ ﻭ ﻗﻌﺪﺕ ﻧﺒﻜﻲ ﻭ ﺻﻮﺕ ﺷﻬﻘﺎﺗﻲ ﻳﺮﺗﻔﻊ .. ﺣﺴﻴﺖ ﺍﻧﻲ ﺧﻼﺹ ﻣﻌﺎﺵ ﻓﻲ ﺃﻣﻞ ﺍﻧﻲ ﻧﻬﺮﺏ ﻡ̷ـــِْﻦ ﻫﺎﻟﺰﻭﺍﺝ .. ﻻﻥ ﻓﻌﻼ ﺗﻢ .. ﺧﻼﺹ ﺍﻧﺎ ﻗﻌﺪﺕ ﻣﺮﺃﺗﻪ .. ﻛﻴﻒ ﺣﻴﺎﺗﻲ ﺍﻧﻘﻠﺒﺖ ﻫﻜﻲ .. ﻛﻴﻒ ﺗﻐﻴﺮﺕ .. ﻳﺎﺭﺑﻲ ﺳﺎﻋﺪﻧﻲ .. ﺣﺎﺳﻪ ﺭﻭﺣﻲ ﻧﻨﻬﺎﺭ .. ﺯﻭﺍﺝ ﻣﺎﻛﻨﺶ ﺑﻘﺮﺍﺭﻱ ﻭﻻ ﺭﻏﺒﺘﻲ .. ﻛﺎﻥ ﻋﺒﺎﺭﺓ ﻋﻦ # ﺯﻭﺍﺝ _ ﺑﻘﺮﺍﺭ _ ﺟﺪﻭ .. ﻫﻮ ﻗﺮﺭ ﻛﻞ ﺷﻲ .. ﻛﻴﻒ ﻳﺘﺤﻜﻢ ﻓﻲ ﺣﻴﺎﺗﻲ .. ﻛﻴﻒ ﻳﻔﺮﺽ ﻋﻠﻴﺎ ﺷﻲ ﻛﻴﻒ ﻩ̷̷َـَْـُﺬﺁ … ﻩ̷̷َـَْـُﺬﺁ ﺯﻭﺍﺝ ﻡ̷ـــِْﻦ ﻟﻌﺐ .. ﺍﻧﺎ ﺍﻟﻠﻲ ﺣﺎﻧﻜﻤﻞ ﺣﻴﺎﺗﻲ ﺍﻣﻌﺎﻩ ﻣﺶ ﻫﻮ .. ﻟﭑ ﻭ ﻭﺍﻓﻘﻮﺍ ﻋﻠﻲ ﻗﺼﺔ ﺍﻟﻤﺄﺫﻭﻥ ﻭ ﺍﻟﺰﻭﺍﺝ ﺑﻌﺪ ﺍﺳﺒﻮﻋﻴﻦ .. ﻣﺴﺘﺤﻴﻞ ﻛﻴﻒ ﻫﻜﻲ .. ﻳﺎﺭﺏ ﺍﻥ ﺷﺎﺀ • ﺍﻟﻠّـﮧ̣̥ ﻳﻘﻌﺪ ﻛﺎﺑﻮﺱ .. ﺣﺴﻴﺖ ﺑﻴﺪ ﺍﺗﺤﺎﻭﻝ ﻓﻲ ﺍﻳﺪﻳﺎ ﺍﻟﻠﻲ ﻋﻠﻲ ﻭﺟﻬﻲ .. ﻟﻘﻴﺘﻪ ﺃﺳﺎﻣﺔ .. ﺳﺤﺒﺖ ﺍﻳﺪﻳﺎ ﻡ̷ـــِْﻦ ﻭ ﺍﻧﺎ ﺍﻣﻌﺼﺒﻪ ﻭ ﺻﺒﻴﺖ ﻧﺒﻲ ﺍﻧﻌﺪﻱ
ﻣﺴﻚ ﻳﺪﻱ ﻭ ﺳﺤﺒﻨﻲ ڵـﻪٍ
ﺍﻧﺎ ﺍﻭﻝ ﻣﺎﺳﺤﺒﻨﻲ ڵـﻪٍ ﺭﺩﻳﺖ ﺑﻘﻮﺓ ﻧﻴﻦ ﺧﺒﻄﺖ ﻓﻲ ﺻﺪﺭﻩ : ﺍﺍﺍﺍﺍﺍﺍﺍﺍﺍﺍﺍ .. ﻭ ﺣﻄﻴﺖ ﻳﺪﻱ ﻋﻠﻲ ﺭﺍﺳﻲ ﻭ ﺟﻴﺖ ﻧﺒﻲ ﺍﻧﺒﻌﺪ ﻭ ﻧﻠﻘﺎﻩ ﻟﻒ ﺍﻳﺪﻳﻪ ﻋﻠﻲ ﺧﺼﺮﻱ : ﻟْـﯚ ﺳﻤﺤﺖ ﺣﻮﻝ ﺍﻳﺪﻳﻚ
ﺃﺳﺎﻣﺔ : ﺗﺆ
ﺍﻧﺎ ﺭﻓﻌﺖ ﺍﻋﻴﻮﻧﻲ ڵـﻪٍ ﻭ ﻣﺰﺍﻟﻦ ﺃﺛﺎﺭ ﺍﺩﻣﻮﻋﻲ : ﺗﻌﺮﻑ ﺣﻮﻝ ﻣﺎ ﺑﻌﺪﺗﺶ ﺣﺎ ﺍﻧﻌﻴﻂ
ﺃﺳﺎﻣﺔ : ﻋُﺎَﺩّﻳَﮯّ ﻣﺮﺍﺗﻲ ﻭ ﺍﻟﻌﻘﺪ ﺍﻣﻌﻴﺎﺍﺍﺍ ﻭ ﻣﺎﻓﻴﺶ ﺣﺪ ﻳﻘﺪﺭ ﻳﺤﻜﻲ ﺍﻣﻌﺎﻱ ﺗﻮﺍ
ﺍﻧﺎ ﻣﻌﺎﺵ ﻋﺮﻓﺖ ﻛﻴﻒ ﺍﻧﺮﺩ ﻛﻞ ﻛﻠﻤﻪ ﻗﺎﻟﻬﺎ ﺻﺢ … ﺗﻨﻬﺪ ﻭ ﺣﻄﻴﺖ ﺍﻳﺪﻳﺎ ﻋﻠﻲ ﻭﺟﻬﻲ .. ﻳﺎﺭﺑﻲ ﺷﻦ ﺍﻧﺪﻳﺮ .. ﻣﺶ ﻋﺎﺭﻓﺔ ﻟَﻴــِْ ̴̷̩̬̊̃♡ ـﺵِْ ﺗﻮﺍ ﻗَﻠﺒـ ♡ ــﻴﮯ ﻣﺎﺯﺍﻝ ﺍﻳﺪﻕ ﺑﻘﻮﺓ .. ﺭﻏﻢ ﺍﻧﻲ ﺍﺳﺘﻮﻋﺒﺖ ﺍﻟﺨﻴﺮ ﻭ ﺍﺟﺘﺰﺕ ﺍﻟﺼﺪﻣﺔ ﺑﺲ ﻣﺶ ﻋﺎﺭﻓﺔ ﻟَﻴــِْ ̴̷̩̬̊̃♡ ـﺵِْ ﻣﺰﺍﻝ ﺍﻳﺪﻕ ﺑﻘﻮﺓ ﻭ ﻫﺎﻟﺸﻌﻮﺭ ﺍﻟﻐﺮﻳﺐ ﺍﻟﻠﻲ ﻗﺎﻋﺪﺓ ﺍﻧﺤﺲ ﺑﻴﻪ .. ﻣﺶ ﻋﺎﺭﻓﺔ ﺷﻨﻮ ﻫﻮ .. ﺑﻜﻴﺖ ﻗﻠﺖ ﺑﻠﻜﻲ ﺍﻳﺤﻮﻝ ﺑﺲ ﻣﺎﺯﺍﻝ .. ﻗﺎﻋﺪ ﺍﻳﺰﻳﺪ ﻓﻲ ﻗﻠﺒﻲ .. ﻧﻀﺖ ﻡ̷ـــِْﻦ ﺍﻓﻜﺎﺭﻱ ﻋﻠﻲ ﺷﻲ ﻣﺶ ﻣﺘﻮﻗﻌﺘﻪ ﺑﻜﻞ
ﺃﺳﺎﻣﺔ : ﺍﻧﺎ ﺍﻧﺤﺒﻚ
ﺍﻧﺎ ﺑﻬﺘﺖ ﻓﻲ ﺃﺳﺎﻣﺔ ﻭ ﻣﻌﺮﻓﺘﺶ ﻛﻴﻒ ﺍﻧﺮﺩ
ﺃﺳﺎﻣﺔ : ﺻﻌﺐ ﺍﺗﻘﻮﻟﻴﻬﺎ
ﺍﻧﺎ ﻟﻘﻴﺖ ﺭﻭﺣﻲ ﻟﭑ ﺍﺭﺩﻳﺎ ﻧﺤﻜﻲ : ﻳﻤﻜﻦ .. ﻣﺶ ﻋﺎﺭﻓﺔ .. ﻭ ﻏﻤﻀﺖ ﺍﻋﻴﻮﻧﻲ ﺯﻳﻦ : ﺃﺳﺎﻣﺔ ﺍﺑﺠﺪ ﻟﻠﻴﻮﻡ ﻳﻜﻔﻲ .. ﻣﺶ ﻗﺎﺩﺭﺓ ﻧﺴﺘﺤﻤﻞ ﺻﺪﻣﺔ ﺟﺪﻳﺪﺓ .. ﺣﺴﻨﻲ ﺗﻌﺒﺖ ﺑﻜﻞ .. ﺣﺘﻲ ﺍﺣﻠﻲ ﻳﻮﻡ ﻭ ﺍﻟًﻴَﻮُﻡًِ ﺍﻟﻠﻲ ﻓﺮﺿﺎ ﻣﺎﻧﺰﻋﻠﺶ ﻓِﻴَﮫ ﺑﻜﻞ ﺻﺎﺭﻥ ﺍﺣﺪﺍﺙ ﻭﺍﺍﺍﺟﺪ .. ﻭ ﺍﻧﻘﻠﺒﺖ ﻓﺮﺣﺘﻲ ﻟﺤﺰﻥ
ﺃﺳﺎﻣﺔ ﺑﻬﻤﺲ : ﺍﺳﻒ
ﺍﻧﺎ ﺭﻓﻌﺖ ﺍﻋﻴﻮﻧﻲ ڵـﻪٍ
ﺃﺳﺎﻣﺔ : ﺍﺑﺠﺪ ﺍﺳﻒ .. ﻣﺶ ﻋﺎﺭﻑ ﻋﻠﻲ ﺷﻨﻮ ﻭﻻ ﻋﻠﻲ ﺷﻨﻮ ﺑﺲ ﺍﻧﺎ ﺍﺳﻒ .. ﺍﺳﻒ ﻋﻠﻲ ﻛﻞ ﺷﻲ .. ﺍﺳﻒ ﻋﻠﻲ ﺍﻟﺠﺮﺡ ﺍﻟﻠﻲ ﻗِﻠًﺒُﻚً .. ﺍﺳﻒ ﻋﻠﻲ ﺍﻟﻮﺟﻊ ﺍﻟﻠﻲ ﺗﻮﺟﻌﺘﻴﻪ .. ﺍﺳﻒ ﻋﻠﻲ ﺍﻟﻜﻒ ﺍﻟﻠﻲ ﻋﻄﻴﺘﻪ ڵـﮛ .. ﺍﺳﻒ ﻋﻠﻲ ﺍﺟﺒﺎﺭﻙ ﻭ ﺍﻥ ﺍﻟﺰﻭﺍﺝ ﻣﺶ ﺑﺮﻏﺒﺘﻚ .. ﺑﺲ ﺻﺪﻗﻨﻲ ﺍﻧﺘﻲ ﻣﻠﻜﺘﻴﻨﻲ ﻣﺶ ﻗﺎﺩﺭ ﻧﺘﺨﻴﻞ ﺍﻥ ﺍﻟﺰﻭﺍﺝ ﻩ̷̷َـَْـُﺬﺁ ﻣﺎ ﺍﻳﺼﻴﺮﺵ ﻣﻨﻪ .. ﻣﺶ ﻗﺎﺩﺭ ﺍﻧﺘﺨﻴﻞ ﺑﻌﺪﻙ ﺍﻧﻚ ﺍﺗﻜﻮﻧﻲ ﻟﻐﻴﺮﻱ .. ﻟﭑ ﻳﺎ ﺧﻠﻮﺩ ﻣﺴﺘﺤﻴﻞ .. ﻋﺎﺭﻑ ﺍﻥ ﺍﻟﻠﻲ ﺩﺭﺍﺗﻪ ﺇﺳﺮﺍﺀ .. ﻛﺴﺮﻙ ﺟﺮﺣﻚ .. ﺑﺲ ﻛﻠﻨﺎ ﻧﻐﻠﻄﻮﺍ ﻳﺎ ﺧﻠﻮﺩ .. ﻭ ﺭﺑﻲ ﺑﻌﻈﻤﺘﻪ ﻏﻔﻮﺭ ﺭﺣﻴﻢ .. ﻳﺒﻘﻲ ﻋﻠﻴﺶ ﻧﺤﻨﺎ ﺍﻟﺒﺸﺮ ﻣﺎ ﺍﻧﺴﺎﻣﺤﻮﺵ .. ﺻّـْْ ( ) ـْْﺢّ ﺍﻟﻐﻠﻂ ﻛﺒﻴﺮ .. ﺍﻧﻬﺎ ﺧﻨﺎﺗﻚ ﻭ ﺻﺪﻗﺖ ﻛﻼﻡ ﻏﻴﺮﻙ ﺑﺲ ﺍﺭﺟﻌﻲ ﻟﺤﻈﺔ ﻳﺎ ﺧﻠﻮﺩ ﻟﺤﻈﺔ ﻟﺬﻛﺮﺍﻳﺎﺗﻜﻦ ﺍﻟﺤﻠﻮﺓ .. ﺷﻮﻓﻲ ﺭﻭﺣﻚ ﺍﺫ ﺗﻘﺪﺭﻱ ﺍﺗﺴﺎﻣﺤﻲ ﻋﺸﺎﻥ ﺍﻟﻌﺸﺮﺓ ﻭ ﺍﻟﺬﻛﺮﻳﺎﺕ ﺍﻟﻠﻲ ﺑﻴﻨﻜﻦ ﻭﻻ ﻟﭑ .. ﻭ ﻋﺎﺭﻑ ﺍﻧﻚ ﺍﺗﺤﺒﻴﻨﻲ ﻣﺶ ﻋﺎﺭﻑ ﻟﭑ ﻣﺘﺄﻛﺪ ﺑﺲ ﻣﺶ ﻗﺎﺩﺭﺓ ﺍﺗﻘﻮﻟﻴﻬﺎ ﻣﺶ ﻗﺎﺩﺭﺓ ﺍﺗﺼﺎﺭﺣﻲ ﺭﻭﺣﻚ ﺑﻴﻬﺎ .. ﻭ ﺿﺤﻚ ﻭ ﺍﺩﻣﻮﻋﻪ ﻳﻨﺰﻟﻮﺍ : ﻣﺶ ﺣﺎ ﺍﺗﺼﺪﻗﻴﻨﻲ ﻟْـﯚ ﻗﺘﻠﻚ ﺣﺒﻴﺘﻚ ﻗﺒﻞ ﻣﺎ ﺍﻧﺸﻮﻓﻚ .. ﻣﺎﻧﻌﺮﻓﺶ ﺷﻜﻠﻚ ﻭ ﺍﻟﻠﻬﻲ .. ﻭ ﻗﻌﺪﻥ ﺍﺩﻣﻮﻋﻪ ﻳﻨﺰﻟﻦ : ﺣﺒﻴﺘﻚ ﻡ̷ـــِْﻦ ﻛﻼﻡ ﺇﺳﺮﺍﺀ .. ﺣﺒﻴﺖ ﻛﻞ ﺷﻲ ﻓﻴﻜﻲ ﻣﺰﺍﺟﻚ .. ﻋﺼﺒﻴﺘﻚ ﻛﺎﻧﺖ ﺗﺤﻜﻴﻠﻲ ﻋﻠﻲ ﻛﻞ ﺗﻔﺼﻴﻠﻜﻦ .. ﻟﻘﻴﺖ ﺭﻭﺣﻲ ﺍﻧﺤﺒﻚ .. ﻛﺎﻧﺖ ﺩﻳﻤﻪ ﺍﺗﻘﻮﻟﻲ ﻳﺎ ﺃﺳﺎﻣﺔ • ﺍﻟﻠّـﮧ̣̥ ﻟْـﯚ ﺍﺗﺰﻭﺝ ﺧﻠﻮﺩ .. ﻣﺶ ﻋﺎﺭﻓﺔ ﺑﺲ ﺣﺎﺳﻪ ﺍﻧﻜﻢ ﺣﺎ ﺍﺗﻜﻮﻧﻮﺍ ﺛﻨﺎﺋﻲ .. ﻛﺎﻧﺖ ﺍﺗﻘﻮﻟﻲ ﺧﻠﻮﺩ ﻣﺎﺗﺒﻴﺶ ﺗﺘﺰﻭﺝ .. ﻗﺎﻟﺖ ﺍﻥ ﻣﺎﻓﻴﺶ ﺛﻘﺔ ﻓﻲ ﺣﺪ .. ﺗﻌﺮﻓﻲ ﻟﻤﺎ ﻛﺎﻧﺖ ﻓﻲ ﺍﻟﻌﻨﺎﻳﺔ ﺷﻦ ﻗﺎﻟﺖ ﻟﻲ .. ﻗﺎﻟﺘﻠﻲ ﺗﺰﻭﺟﻬﺎ ﺧﻠﻴﻬﺎ ﺳﻌﻴﺪﺓ ﺻﺎﺣﺒﺘﻲ ﻭ ﺧﻠﻴﻬﺎ ﺍﺗﺴﺎﻣﺤﻨﻲ .. ﻗﻌﺪﻥ ﺍﺩﻣﻮﻋﻪ ﻛﻴﻒ ﺍﻟﺸﻼﻝ : ﺗﻌﺮﻓﻲ ﺩﺭﺕ ﺭﻭﺣﻲ ﻛﺮﻫﺘﻚ ﻭ ﻣﺶ ﻃﺎﻳﻖ ﺳﻴﺮﺗﻚ ﻭ ﻛﻞ ﻣﺎ ﻧﻘﻌﺪ ﺍﺑﺮﻭﺣﻲ ﺗﻔﻜﻴﺮﻱ ﻳﻤﺸﻲ ﺷﻮﺭﻙ .. ﺷﻮﺭ ﺍﻟﺒُـﻨًﺖٍ ﺍﻟﻠﻲ ﺣﺘﻲ ﺷﻜﻠـٍﻬﺂ ﻣﺶ ﻋﺎﺭﻓﻪ .. ﺗﻌﺮﻓﻲ ﻟْـﯚ ﺍﻧﻘﻮﻝ ﮔﻶﻣَﻴﮯّ ﻟﺤﺪ .. ﺗﻮﺍ ﺍﻳﻘﻮﻝ ﺍﻧﻲ ﻣﺠﻨﻮﻥ .. ﺑﺲ ﺷﻲ ﻗﻮﻱ ﻳﺠﺬﺏ ﻓﻴﺎ ڵـﮛ ﻣﺶ ﻋﺎﺭﻑ .. ﺑﺲ ﻟﻘﻴﺖ ﺭﻭﺣﻲ ﻣﺎﻧﻘﺪﺭﺵ ﺑﻼﻙ .. ﻧﺤﻠﻢ ﺑﻘﺮﺑﻚ .. ﻧﺒﻴﻚ ﺟﻨﺒﻲ ﺩﻳﻤﻪ .. ﻟﻘﻴﺖ ﺭﻭﺣﻲ ﻣﺘﺼﻞ ﺑﺠﺪﻱ ﺑﻌﺪ ﻓﺘﺮﺓ ﻭ ﻗﺎﻳﻠﻪ ﻋﻠﻲ ﻛﻼﻡ ﺇﺳﺮﺍﺀ ﻗﺒﻞ ﻣﺎ ﺍﺗﻤﻮﺕ ﻭ ﻫﻮ ﺣﻜﻲ ﻣﻊ ﺟﺪﻙ ﻭ ﻧﺒﻬﺖ ﺍﻳﻜﻮﻥ ﺍﻟﻤﻮﺿﻮﻉ ﺑﻴﻨﺎ .. ﺣﺘﻲ ﻋﻤﻲ ﻣﺤﻤﺪ ﻣﺶ ﻋﺎﺭﻑ .. ﺗﻌﺮﻓﻲ ﻭ ﺍﺑﺘﺴﻢ : ﻟﻤﺎ ﺧﺒﻄﺘﻲ ﻓﻴﺎ ﻣﺎﻛﻨﺘﺶ ﻧﻌﺮﻑ ﺍﻧﻚ ﻫﻲ .. ﻟﻘﻴﺖ ﺭﻭﺣﻲ ﺍﻧﻔﻜﺮ ﻓﻲ ﺍﻟﺒُـﻨًﺖٍ ﺍﻟﻠﻲ ﺧﺒﻄﺖ ﻓﻴﺎ ﻭ ﻃﻠﻘﺖ ﺍﻟﺴﺎﻧﻬﺎ ﻋﻠﻴﺎ .. ﺟﺬﺑﻨﻲ ﺍﻋﻴﻮﻧﻬﺎ .. ﺍﻛﺘﺸﻔﺖ ﺍﻥ ﻫﻲ ﻧﻔﺲ ﺍﻟﺒُـﻨًﺖٍ ﺍﻟﻠﻲ ﻣﺘﻘﺪﻣﻠﻬﺎ ﻭ ﺍﻟﻠﻲ ﺣﺒﻴﺘﻬﺎ ﻡ̷ـــِْﻦ ﻣﺠﺮﺩ ﻛﻼﻡ .. ﻣﺶ ﻡ̷ـــِْﻦ ﺷﻜﻞ .. ﺑﺲ ﻣﻦ ﻛﻼﻡ ﺍﺧﺘﻲ .. ﻟﻘﻴﺘﻬﺎ ﺗﺮﺑﻌﺖ ﻋﻠﻲ ﻋﺮﺵ ﻗﻠﺒﻲ ﻭ ﺣﺒﻴﺘﻬﺎ ﻭ ﺣﺎﻧﻘﻌﺪ ﻷﺧﺮ ﻳﻮﻡ ﺍﻧﺤﺒﻬﺎ
ﺍﻧﺎ ﻣﻊ ﻛﻼﻡ ﺃﺳﺎﻣﺔ ﺣﺴﻴﺖ ﺑﺼﺪﻣﺔ ﻣﻊ ﻛﻞ ﺣﺮﻑ ﻳﺤﻜﻲ ﻓِﻴَﮫ ﻭ ﻣﺎﺣﺴﻴﺘﺶ ﺑﺪﻣﻮﻋﻲ ﺍﻟﻠﻲ ﻧﺰﻟﻦ ﺍﻻ ﻟﻤﺎ ﺣﺴﻴﺖ ﺑﻴﺪﻩ ﺗﻤﺴﺢ ﻓﻴﻬﻦ .. ﺑﻬﺘﺖ ﻓﻲ ﻭ ﻭﺧﺮﺕ ﻭ ﻋﺪﻳﺖ .. ﻣﺶ ﻋﺮﻓﺔ ﻟَﻴــِْ ̴̷̩̬̊̃♡ ـ
ﺵِْ ﺑﻌﺪﺕ ﻭ ﻗﻌﺪﺕ ﻧﺠﺮﻱ ﻭ ﺧﻼﺹ ﻧﺮﻛﺐ ﺍﻟﺪﺭﻭﺝ ﺑﺴﺮﻋﺔ .. ﻭﻗﻔﺖ ﻋﻠﻲ ﻭﺳﻂ ﺍﻟﺪﺭﻭﺝ ﻭ ﻗﻌﻤﺰﺕ ﻭ ﺣﻄﻴﺖ ﺍﻳﺪﻳﺎ ﻋﻠﻲ ﻭﺟﻬﻲ ﻭ ﻗﻌﺪﻥ ﺍﺩﻣﻮﻋﻲ ﻳﻨﺰﻟﻦ ﻛﻴﻒ ﺍﻟﺸﻼﻝ ﻭ ﺻﻮﺕ ﺷﻬﻘﺎﺗﻲ ﻳﺮﺗﻔﻊ .. ﻛﻨﺖ ﻣﺤﺘﺎﺟﺔ ﻧﺒﻜﻲ .. ﺑﻜﻴﺖ ﻧﻔﺲ ﻫﺬﺍﻙ ﺍﻟًﻴَﻮُﻡًِ ﺍﻟﻠﻲ ﻭﺻﻠﻨﻲ ﻓِﻴَﮫ ﺧﺒﺮ ﻭﻓﺎﺗﻬﺎ .. ﺣﺴﻴﺖ ﺑﺤﺮﻗﺔ ﻓﻲ ﻗَﻠﺒـ ♡ ــﻴﮯ .. ﺣﺴﻴﺖ ﺭﻭﺣﻲ ﻧﺎﺭ ﻭﺍﻟﻌﻪ ﻓﻴﺎ : ﻋﻠﻴﺶ ﻋﺪﻳﺘﻲ ﻫﺎﺍﺍﺍ ﻋﻠﻴﺶ ﻳﺎ ﺻﺎﺣﺒﺘﻲ .. ﺳﻴﺒﺘﻴﻨﻲ ﻭ ﻋﺪﻳﺘﻲ .. ﻣﻴﺸﻴﺘﻲ ﻳﺎ ﺇﺳﺮﺍﺀ .. ﻋﺪﻳﺘﻲ ﻳﺎ ﺍﺧﺘﻲ ﻫﻜﻲ .. ﻋﻠﻴﺶ ﻳﺎ ﺇﺳﺮﺍﺀ .. ﺳﻴﺒﺘﻴﻨﻲ ﻓﻲ ﺍﻟﺪﻧﻴﺎ ﺍﺑﺮﻭﺣﻲ ﻭ ﻗﻌﺪﺕ ﻧﺒﻜﻲ
_______
ﺟﺪﻱ : ﻋﻠﻴﺶ
ﺍﻟﺘﻔﺖ ﻳﺎﺳﻴﻦ ﻭ ﻳﻠﻘﺎ ﺟﺪﻱ ﻭﺭﺍﻩ .. ﺍﻟﺘﻔﺖ ﺍﺑﺴﺮﻋﻪ ﻗﺪﺍﻡ ﻭ ﻣﺴﺢ ﺍﺩﻣﻮﻋﻪ : ﺍﺣﻢ
ﺟﺪﻱ ﺍﺑﺘﺴﻢ : ﻋﺸﺎﻧﻬﺎ ﻫﺎﻟﺪﻣﻮﻉ
ﻳﺎﺳﻴﻦ ﺍﻟﺘﻔﺖ ﻭ ﺑﻬﺖ ﻓﻲ ﺟﺪﻱ : ﻣﺎﻓﻬﻤﺘﺶ
ﺟﺪﻱ : ﻟﭑ ﻓﻬﻤﺖ ﻳﺎ ﻳﺎﺳﻴﻦ .. ﺗﺤﺴﺎﺑﻨﻲ ﻣﺶ ﻓﺎﻃﻨﻠﻜﻢ
ﻳﺎﺳﻴﻦ : ﺟﺪﻱ ﺍﻧﺎ ﻣﺶ .…
ﻭ ﻗﺎﻃﻊ ﺟﺪﻱ ﻛﻼﻣﻪ : ﻣﺶ ڵـﮛ ﻳﺎ ﻳﺎﺳﻴﻦ
ﻳﺎﺳﻴﻦ ﻃﻮﻝ ﺧﻨﺎﺗﻪ ﺩﻣﻌﺔ ﻭ ﻧﺰﻟﺖ
ﺟﺪﻱ : ﺻﺪﻗﻴﻨﻲ ﻳﺎ ﻭﻟﺪﻱ ﻣﺎﻫﻲ ڵـﮛ .. ﻫﺎﺩﻱ ﺑﺪﺍﺕ ﻣﺶ ڵـﮛ .. ﻣﺶ ﺍﻧﺖ ﺍﻟﻠﻲ ﺣﺎ ﺗﺴﻌﺪﻫﺎ ﻭﻻ ﺍﻧﺖ ﺍﻟﻠﻲ ﺗﻜﺴﺮ ﺍﻋﻨﺎﺩﻫﺎ .. ﻣﺶ ڵـﮛ ﻣﺎﻫﻲ ﻧﺼﻴﺒﻚ ﻓﻲ ﺍﻟﺪﻧﻴﺎ
ﻳﺎﺳﻴﻦ ﻗﻌﻤﺰ ﻋﻠﻲ ﺩﺭﻭﺝ ﻗﺪﺍﻡ ﺍﻟﻔﻴﻠﺔ ﻭ ﻗﻌﺪ ﻳﺒﻜﻲ : ﺑﺲ ﻭﺍﻟﻠﻬﻲ ﺍﻧﺤﺒﻬﺎ
ﺟﺪﻱ ﻗﻌﻤﺰ ﺟﻨﺒﻪ : ﺑﺘﻨﺴﺎﻫﺎ .. ﻭ ﺑﺘﻠﻘﻲ ﺍﻟﻠﻲ ﺗﺴﺘﻬﻠﻬﺎ ﻭ ﺗﺴﺘﻬﻠﻚ
ﻳﺎﺳﻴﻦ : ﻟﻴﺶ ﻭﺍﻓﻘﺖ ﻋﻠﻴﺶ ﻳﺎ ﺟﺪﻱ .. ﻋﻠﻴﺶ ﺑﻬﺎﻟﺴﺮﻋﺔ ﺧﻠﻴﺘﻬﺎ ﻣﺮﺍﺗﻪ ﻭ ﻋﺮﺳﻬﺎ ﺑﻌﺪ ﺍﺳﺒﻮﻋﻴﻦ .. ﻋﻠﻴﺶ ﻭﺛﻘﺖ ﻓِﻴَﮫ ﻭ ﺍﺧﺘﻪ ﻃﻌﻨﺖ ﺧﻠﻮﺩ .. ﻛﻴﻒ ﻗﺪﺭﺕ ﺗﻮﺛﻖ ﺍﻥ ﻣﺶ ﺣﺎ ﻳﺄﺫﻳﻬﺎ .. ﻋﻠﻴﺶ .. ﻭ ﺍﻧﺖ ﻋﺎﺭﻑ ﺍﻧﻬﺎ ﺣﺎ ﺍﺗﻌﺬﺏ
ﺟﺪﻱ ﺍﺑﺘﺴﻢ : ﺻﺪﻗﻨﻲ ﺑﺘﻘﻌﺪ ﺳﻌﻴﺪﺓ ﻻﻥ ﻩ̷̷َـَْـُﺬﺁ ﻫﻮ ﺍﻟﻠﻲ ﺣﺎ ﻳﻘﺪﺭ ﻳﺴﻌﺪﻫﺎ .. ﺍﻣﺎ ﻭﺍﻓﻘﺖ ﺑﺴﺮﻋﺔ ﻭ ﻭﺛﻘﺖ ﻓِﻴَﮫ .. ﻻﻥ ﺍﻳﺤﺒﻬﺎ . ﺗﻌﺮﻑ ﻣﺴﺘﻌﺪ ﻧﺒﺼﻢ ﺑﺎﻟﻌﺸﺮﺓ ﺍﻥ ﺍﻟﺤﺐ ﺍﻟﻠﻲ ﺍﻳﺤﺒﻪ ﻫﻮ ﻟـٍﻬﺂ .. ﺍﻧﺖ ﻣﺎﺗﻘﺪﺭﺵ ﺍﺗﺤﺒﻬﺎ ﺭﺑﻌﻪ
ﻳﺎﺳﻴﻦ # ﺍﻧﺼﺪﻡ ﻭ ﺭﻓﻊ ﺍﻋﻴﻮﻧﻪ ڵـﻪٍ
ﺟﺪﻱ : ﻳﺎﺳﻴﻦ ﻳﺎ ﺍﻭﻟﻴﺪﻱ .. ﻋﺸﺖ ﻓﻲ ﺍﻟﺪﻧﻴﺎ ﻭﺍﺍﺍﺟﺪ ﻭ ﺷﻔﺖ ﻭﺍﺍﺍﺟﺪ .. ﻭ ﻧﻌﺮﻑ ﺍﻟﻠﻲ ﺍﻳﺤﺐ .. ﻭ ﺍﻟﻠﻲ ﻳﻮﻫﻢ ﺭﻭﺣﻪ ﺑﺎﻟﺤﺐ .. ﺭﺑﻲ ﻳﻬﺪﻳﻚ ﻭ ﻳﺼﻠﺢ ﺣﺎﻟﻚ .. ﻭ ﺍﻳﻔﺮﺣﻚ ﻳﺎ ﺍﻭﻟﻴﺪﻱ
ﻭ ﺻﺒﺎ ﺟﺪﻱ
ﻭ ﻗﻌﺪ ﻳﺎﺳﻴﻦ ﺍﻳﻔﻜﺮ ﻓﻲ ﻛﻼﻡ ﺟﺪﻱ ﻧﻴﻦ ﺳﻤﻊ ﺻﻮﺕ .. ﺻﺒﺎ ﻭ ﻗﻌﺪ ﻳﻤﺸﻲ ﻳﺒﻲ ﻳﻌﺮﻑ ﻣﺼﺪﺭﻩ ﻧﻴﻦ ﻭﻗﻒ # ﻣﻨﺼﺪﻡ : ﺍﻧَـ ỲǑŲ ـْﺘﻲ ﺷﻦ ﺍﺩﻳﺮﻱ ﻫﻨﺎ
ﺍﻟﺘﻔﺘﺖ ﺭﻭﺑﻴﻦ : ﻫﺎﺍﺍﺍﺍ .. ﺍﺣﻢ .. ﺍﻧﺎ ﻛﻨﺖ
ﻳﺎﺳﻴﻦ ﺍﺗﻜﺎ ﻋﻠﻲ ﺍﻟﺸﺠﺮﺓ ﺟﻨﺒﻬﺎ : ﻏﺎﻟﻴﻪ ﻋﻠﻲ ﻫﻴﺘﻢ ﺍﻻﻏﻨﻴﺔ ﻫﺎﺩﻱ
ﺭﻭﺑﻴﻦ : ﻋﺎﺭﻓﺔ ﻗﺎﻟﻬﺎ ﻟﻴﺎﺍﺍﺍ .. ﺍﺻﻼ ﺍﻧﺎ ﻭ ﺧﻮﻙ ﻃﺎﻟﻊ ﻓﻲ ﺑﻴﻨﺎ ﺣﺎﺟﺎﺕ ﻣﺸﺘﺮﻛﻪ
ﻳﺎﺳﻴﻦ : ﺍﻣﻄﺮﺷﻘﻴﻦ ﺍﻧﺘﻮ ﺍﻻﺗﻨﻴﻦ ﺻﺢ
ﺭﻭﺑﻴﻦ ﺿﺮﺑﺎﺗﻪ ﻋﻠﻲ ﻛﺘﻔﻪ : ﻣﺶ ﻫﻜﻲ .. ﺑﺲ ﺍﻧﺎ ﻭﻳﺎﻩ ﺍﻧﺤﺒﻮﺍ ﺍﻏﺎﻧﻲ ﺯﻳﻦ ﻣﺎﻟﻚ .. ﺍﺧﺨﺦ ﺍﻧﻤﻮﺕ ﻓﻴﻪ
ﻳﺎﺳﻴﻦ : ﻫًﻬًﻬًﻬًﻬًﻪً ﻭ ﻡ̷ـــِْﻦ ﺯﻳﻦ ﻣﺎﻟﻚ
ﺭﻭﺑﻴﻦ ﺷﻬﻘﺖ : ﻣﻌﻘﻮﻟﺔ ﻣﺎ ﺗﻌﺮﻓﺶ ﻣﻦ ﻫﻮ ﺯﻳﻦ ﻳﺎﺳﺮ ﺟﻮﺍﺩ ﻣﺎﻟﻚ
ﻳﺎﺳﻴﻦ ﻫﺰ ﺭﺍﺳﻪ ﺑﻤﻌﻨﻲ ( ﻟﭑ )
ﺭﻭﺑﻴﻦ : ﻩ̷̷َـَْـُﺬﺁ ﻣﻐﻨﻲ ﻣﺸﻬﻮﺭ
ﻳﺎﺳﻴﻦ : ﻣﺼﺮﻱ ﻭﻻ ﺧﻠﻴﺠﻲ
ﺭﻭﺑﻴﻦ : ﻟﭑ ﺍﺑﺮﻳﻄﺎﻧﻲ
ﻳﺎﺳﻴﻦ # ﺍﻧﺼﺪﻡ : ﺍﻧَـ ỲǑŲ ـْﺘﻲ ﻡ̷ـــِْﻦ ﺟﺪﻙ
ﺭﻭﺑﻴﻦ ﻫﺰﺕ ﺭﺍﺳﻬﺎ : ﻋﻠﻴﺶ
ﻳﺎﺳﻴﻦ : ﻫﻬﻬﻬﻬﻬﻬﻬﻬﻬﻬﻪ ﺑﺎﻫﻲ ﻭﺿﺤﻲ ﻓﻲ ﺍﻱ ﻣﺮﺣﻠﺔ ﺍﻧَـ ỲǑŲ ـْﺘﻲ ﺗﻮﺍ ﺍﻋﺠﺎﺏ ﻭﻻ ﻫﻠﺒﺘﻲ ﻭ ﺧﺸﻴﺘﻲ ﻋﻠﻲ ﺍﻟﺤﺐ
ﺭﻭﺑﻴﻦ ﺍﻧﺤﺮﺟﺖ ﻭ ﻭﺟﻬﺎ ﻗﻌﺪ ﺃﺣﻤﺮ
ﻗﺮﺏ ﻳﺎﺳﻴﻦ ﻭ ﻭﻗﻒ ﻗﺪﺍﻣﻬﺎ : ﻋﻠﻴﺶ ﺍﻧﺤﺮﺟﺘﻲ ﺗﻮﺍ ﻛﻨﺘﻲ ﺍﺗﻌﺒﺮﻱ ﻋﻦ ﻣﺸﺎﻋﺮﻙ ﻭ ﺣﺎﻃﻪ ﺻﻮﺭﺗﻪ ﺧﻠﻔﻴﺘﻚ
ﺭﻭﺑﻴﻦ # ﺍﻧﺼﺪﻣﺖ ﻭ ﺑﻬﺘﺖ ﻭ ﺗﻠﻘﺎ ﺍﻋﻴﻮﻧﻪ ﻋﻠﻲ ﺷﺎﺷﺔ ﺍﻟﻤﻮﺑﺎﻳﻞ ﺍﻣﺘﺎﻋﻬﺎ .. ﺑﻌﺪﻫﺎ ﺑﻬﺖ ﻓﻴﻬﺎ
ﻳﺎﺳﻴﻦ ﺑﺮﻓﻌﺔ ﺣﺎﺟﺐ : ﺗﺰﻋﻠﻴﺶ ﻣﻨﻲ ﺑﺲ ﺍﻧﺎ ﺍﻟﺒﻨﺎﺕ ﺍﻟﻠﻲ ﻛﻴﻔﻚ ﻫﻜﻲ ﻣﺎ ﺍﻧﺤﺒﻬﻨﺶ
ﺭﻭﺑﻴﻦ ﺭﻗﺎﻟﻬﺎ ﻭ ﺑﺘﻌﺼﻴﺐ : ﻭ ﺍﻧﺎ ﻣﺎ ﻃﻠﺒﺘﺶ ﺍﺗﺤﺒﻨﻲ
ﺍﻧﺼﺪﻡ ﻳﺎﺳﻴﻦ ﻭ ﻋﺎﺩ ﺫﺍﻛﺮﺗﻪ ﻟﻠﻴﻮﻡ ﺍﻟﻠﻲ ﻛﻨﺖ ﺍﻣﻘﻌﻤﺰﺓ ﻓِﻴَﮫ ﺍﻧﺎ ﻭﻳﺎﻩ ﻭ ﺧﻠﻮﺩ .. ﻏﻤﺾ ﺍﻋﻴﻮﻧﻪ ﺯﻳﻦ ﻭ ﻓﺘﺤﻬﻦ ﻭ ﺍﻟﺘﻔﺖ ﻭ ﺳﻴﺐ ﺭﻭﺑﻴﻦ ﻣﺴﺘﻐﺮﺑﺔ ﻡ̷ـــِْﻦ ﺭﺩﺓ ﻓﻌﻠﺔ
_______
ﺣﻨﻴﻦ : ﻣﺎﻣﺎ ﺍﻧَـ ỲǑŲ ـْﺘﻲ ﻡ̷ـــِْﻦ ﺟﺪﻙ
ﺧﻮﻳﻠﺔ ﻫﺰﺕ ﺭﺍﺳﻬﺎ : ﮔﻠﻤﺘِﻨﻴﮯّ ﺗﻮﺍ ﻭ ﻗﺎﻟﺘﻠﻲ ﻗﺪﻣﻮﺍ ﺍﻟﻔﺮﺡ ﻭ ﺧﻠﻮﻩ ﺑﻌﺪ ﺍﺳﺒﻮﻋﻴﻦ ﻋﺸﺎﻥ ﺃﺳﺎﻣﺔ ﻋﻨﺪﻩ ﺷﻐﻞ ﻓﻲ ﺍﺑﺮﻳﻄﺎﻧﻴﺎ ﻭ ﻵﺯٍﻡٍ ﺍﻳﺴﺎﻓﺮ ﻭ ﺣﺎ ﺍﻳﻄﻮﻝ ﻏﺎﺩﻱ ﻭ ﻳﺒﻲ ﻳﺎﺧﺪ ﺧﻠﻮﺩ
ﻣﺮﻳﻢ : ﺣﻲ ﺍﻣﺘﻲ ﻧﺒﻮﺍ ﻧﻮﺗﻮﺍ
ﺧﻮﻳﻠﺔ : ﻡ̷ـــِْﻦ ﺑﻜﺮﺍ ﻧﺒﺪﻭﺍ ﻧﻄﻠﻌﻮﺍ ﻟﺴﻮﻕ ﻣﻊ ﺧﺎﻟﺘﻚ ﻭ ﻋﺮﺑﻬﺎ ﻛﻠﻤﺘﻨﻲ ﻭ ﻗﺎﻟﺘﻠﻲ
ﺣﻨﻴﻦ ﻫﺰﺕ ﺭﺍﺳﻬﺎ : ټﻤـﭑﻣـ .. ﺗﺼﺒﺤﻲ ﻋﻠﻲ ﺧﻴﺮ ﻳﺎ ﻣﺎﻣﺎ ﻭ ﺑﺎﺑﺎ
ﺧﻮﻳﻠﺔ ﻭ ﺭﺍﺟﻠﻬﺎ : ﻭﺍﻧﺘﻲ ﻣﻦ ﺍﻫﻠﻪ
ﻭ ﺍﻟﺘﻔﺘﺖ ﺣﻨﻴﻦ ﻭ ﺭﻛﺒﺖ ﻟﺪﺭﺍﻫﺎ
..
ﻣﺮﻳﻢ ﻭ ﻫﻲ ﺍﺗﺨﺶ ﻟﺪﺍﺭ : ﺣﻨﻴﻦ ﻛﻨﻚ
ﺣﻨﻴﻦ ﻫﺰﺕ ﺍﻛﺘﻮﻓﻬﺎ : ﻣﺶ ﻋﺎﺭﻓﺔ ﻳﺎ ﻣﺮﻳﻢ ﺑﺲ ﻗﻠﺒﻲ ﻣﺶ ﻣﻄﻤﻦ ﻛﺄﻧﻪ ﻓﻲ ﺣﺎﺟﺔ ﻏﻠﻂ
ﻣﺮﻳﻢ ﻗﻌﻤﺰﺕ ﻋﻠﻲ ﺳﺮﻳﺮﻫﺎ ﺍﻣﻘﺎﺑﻠﻬﺎ : ﻭ ﺷﻦ ﻓﻴﻬﺎ ﻳﺎ ﻧﻮﻧﺎ ﻋُﺎَﺩّﻳَﮯّ ﺍﺗﺼﻴﺮ ﻓﻲ ﻋﺎﺋﻼﺕ ﻭﺍﺍﺍﺍﺟﺪ ﻭ ﺍﻟﺮﺍﺟﻞ ﻳﺒﻲ ﻳﺎﺧﺪﻫﺎ ﻋﺸﺎﻥ ﺷﻐﻠﻪ ﻭ ﺍﻛﻴﺪ ﺑﺎﻟﻤﺮﻩ ﺷﻬﺮ ﻋﺴﻞ
ﺣﻨﻴﻦ ﺗﻨﻬﺪﺕ : ﻋﺎﺭﻓﺔ ﺍﻥ ﻣﻮﺿﻮﻉ ﻋُﺎَﺩّﻳَﮯّ ﻭ ﺍﺗﺼﻴﺮ ﺑﺲ ﻣﺶ ﻋﺎﺭﻓﺔ ﻣﺶ ﻣﺘﺮﻳﺤﺔ .. ﺣﺎﺳﻪ ﺍﻥ ﺧﻠﻮﺩ ﺩﺍﺳﻪ ﺣﺎﺟﺔ ﻋﻠﻴﻨﺎ
ﻣﺮﻳﻢ : ﺗﻬﻴﺎﻟﻚ ﻣﺎﻋﻨﺪﻫﺎ ﻣﺎ ﺍﺩﺱ ﺑﺲ ﺍﻛﻴﺪ ﻣﺸﻐﻮﻟﺔ ﻭ ﻋﺮﺳﻬﺎ ﺑﻌﺪ ﺍﺳﺒﻮﻋﻴﻦ ﺑﺘﺒﺪﺍ ﺍﺗﻮﺗﻲ ﻭ ﻧﺤﻨﺎ ﻵﺯٍﻡٍ ﻧﻮﻗﻔﻮﺍ ﺍﻣﻌﺎﻫﺎ ﻭ ﻣﻊ ﺧﺪﻳﺠﺔ
ﺣﻨﻴﻦ ﻫﺰﺕ ﺭﺍﺳﻬﺎ : ټﻤـﭑﻣـ
ﻣﺮﻳﻢ : ﺷﻦ ﺻﺎﺭ ﻓﻲ ﺍﻟﻘﺮﻭﺏ
ﺣﻨﻴﻦ ﺭﻓﻌﺖ ﺭﺍﺳﻬﺎ ﻭ ﻓﻬﻤﺖ ﻗﺼﺪﻫﺎ : ﻃﻠﻌﺖ ﻣﻨﻪ
ﻣﺮﻳﻢ : ﻋﻠﻴﺶ
ﺣﻨﻴﻦ : ﻫﻜﻲ ﻣﺎﻧﺒﻴﺶ ﻧﻘﻌﺪ ﻓﻲ ﻗﺮﻭﺏ ﺍﻣﻌﺎﻩ
ﻣﺮﻳﻢ : ﺣﻨﻴﻦ ﻣﺎ ﺍﺗﻈﻨﻴﺶ ﻇﻦ ﺳﻲ ﺑﺎﻟﺮﺍﺟﻞ ﻭ ﺍﻧَـ ỲǑŲ ـْﺘﻲ ﻣﺎ ﺗﻌﺮﻓﻴﺶ
ﺣﻨﻴﻦ : ﻓﺎﻫﻤﻪ ﻳﺎ ﻣﺮﻳﻢ ﻭ ﻣﺎ ﺩﺭﺗﺶ ﻫﻜﻲ ﻋﺸﺎﻥ ﺷﻲ ﺑﺲ ﻣﺎﻧﺒﻴﺶ ﻧﻀﻌﻒ ﻟﻤﺎ ﺍﻧﺸﻮﻓﻠﻪ ﻣﻨﺸﻮﺭ ﻭ ﺍﻧﻌﻠﻖ ﻭ ﻳﺮﻗﺎﻟﻲ ﻟﻤﺎ ﻧﻠﻘﺎ ﺑﻨﺖ ﺍﻣﻌﻠﻘﺘﻠﻪ
ﻣﺮﻳﻢ ﺍﺑﺘﺴﻤﺖ : ﺣﻲ ﻗﻌﺪﻧﺎ ﺍﻧﻐﺎﺭﻭ
ﺣﻨﻴﻦ ﺿﺤﻜﺖ ﻭ ﺍﺧﺪﻭﺩﻫﺎ ﺣﻤﺮ : ﺍﻣﺮﺍﻳﻔﻪ ﻋﻠﻲ ﺻﻮﺗﻪ .. ﺗﻌﺮﻓﻲ ﻛﻞ ﻣﺎ ﻧﺬﻛﺮ ﻣﻮﻗﻒ ﻣﺸﻴﺘﻲ ڵـﻪٍ ﻓﻲ ﻣﻜﺘﺒﻪ ﻭ ﺍﻟﺘﻔﺘﺮﻳﺶ ﺍﻟﻠﻲ ﻓﺘﺮﺷﺘﻪ ﻧﻘﻌﺪ ﻧﻀﺤﻚ .. ﻓﺎﺗﻨﻚ ﻣﻼﻣﺢ ﻭﺟﻪ ﻭ ﻫﻮ ﺍﻳﺤﺎﻭﻝ ﺍﻳﻘﺎﻃﻌﻨﻲ ﻓﻲ ﻛﻞ ﻛﻠﻤﻪ .. ﻫﻬﻬﻬﻪ ﻟﭑ ﻭﻻ ﻟﻤﺎ ﻃﻠﻌﻠﻲ ﺍﻟﺴﺎﻧﻪ .. ﺗﻨﻬﺪﺕ ﺣﻨﻴﻦ ﻭ ﺍﺩﻣﻮﻋﻬﺎ ﻳﻨﺰﻟﻮﺍ
ﻗﺮﺑﺖ ﻣﺮﻳﻢ ﻗﻌﻤﺰﺕ ﺟﻨﺒﻬﺎ ﻭ ﺣﻀﻨﺘﻬﺎ : ﺍﺷﺸﺸﺶ ﻳﺎ ﻫﺒﻠﻪ ﻛﻨﻚ
ﺣﻨﻴﻦ : ﻣﺶ ﻋﺎﺭﻓﺔ ﻳﺎ ﻣﺮﻳﻢ ﻭﺍﻟﻠﻬﻲ ﻣﺘﻀﺎﻳﻘﻪ
ﻣﺮﻳﻢ : ﻋﻠﻴﺶ .. ﺷﻦ ﺻﺎﺭ .. ﺍﺣﻜﻴﻠﻲ ﻟْـﯚ ﻓﻲ ﻣﺸﻜﻠﺔ ﺍﻱ ﺷﻲ ﻣﻬﻤﺎ ﻛﺎﻥ ﺍﺣﻜﻲ .. ﻛﻞ ﺷﻲ ﻭﻟﻪ ﺣﻞ
ﺣﻨﻴﻦ ﻭ ﻫﻲ ﺗﻤﺴﺢ ﻓﻲ ﺍﺩﻣﻮﻋﻬﺎ : ﺍﻟﻤﺸﻜﻠﺔ ﻣﺎﻓﻴﺶ ﺷﻲ ﺑﺲ ﻫﻜﻲ ﺣﺎﺳﻪ ﺭﻭﺣﻲ ﻣﺘﻀﺎﻳﻘﻪ
ﻣﺮﻳﻢ : ﺧﻼﺹ ﻳﺎ ﻗﻠﺒﻲ .. ﻫﻴﺎ ﺻﺒﻲ ﺻﻠﻲ ﺭﻛﻌﺘﻴﻦ ﻟﺮﺑﻲ ﻭ ﺍﻗﺮﻱ ﻗﺮﺍﻥ
ﺣﻨﻴﻦ ﻫﺰﺕ ﺭﺍﺳﻬﺎ ﻭ ﺻﺒﺖ ﺧﺸﺖ ﻟﻠﺤﻤﺎﻡ
ﺗﻨﻬﺪﺕ ﻣﺮﻳﻢ ﻭﺻﺒﺖ ﻗﺮﺑﺖ ﻡ̷ـــِْﻦ ﺍﻟﺮﻭﺷﻦ ﻭ ﻗﻌﺪﺕ ﺍﺗﺒﻬﺖ ﻭ ﻟﻤﺤﺎﺗﻪ ﺍﻣﻘﻌﻤﺰ ﻗﺪﺍﻡ ﺣﻮﺷﻬﻢ ﻭ ﺍﻣﻌﺎﻩ ﺷﺒﺎﺏ ﻗﻌﺪﺕ ﺍﺗﺒﻬﺖ ﻭ ﻫﻲ ﻣﺒﺘﺴﻤﻪ ﻭ ﻣﺎﻓﻄﻨﺘﺶ ﺍﻥ ﻫﻮ ﻓﻄﻨﻠﻬﺎ ﻭ ﺑﻌﺪ ﻋﻦ ﺍﻟﺸﺒﺎﺏ ﻭ ﻗﻌﺪ ﺍﻳﺒﻬﺖ ﻓﻴﻬﺎ ﻡ̷ـــِْﻦ ﺩﻭﻥ ﻣﺎ ﻳﻔﻄﻨﻮﺍ ﻧﻴﻦ ﺭﻓﻊ ﺣﺎﺟﺒﻪ ﻭ ﻋﺾ ﻋﻠﻲ ﺷﻔﺘﻪ ﺍﻟﺴﻔﻠﻴﺔ .. ﻓﻄﻨﺘﻠﻪ ﻣﺮﻳﻢ ﻭ ﺑﻌﺪﺕ ﻋﻦ ﺍﻟﺮﻭﺷﻦ ﺑﺴﺮﻋﺔ ﻭﻭﺧﺮﺕ ﻧﻴﻦ ﻗﻌﻤﺰﺕ ﻋﻠﻲ ﺍﻟﺴﺮﻳﺮ ﻭ ﻫﻲ
# ﻣﻨﺼﺪﻣﺔ .. ﻳﺎﺭﺑﻲ ﺣﻲ ﻋﻠﻴﺎ ﺍﻛﻴﺪ ﻓﻬﻢ ﻏﻠﻂ .. ﻭ ﻏﻤﻀﺖ ﺍﻋﻴﻮﻧﻬﺎ ﺯﻳﻦ ﻭ ﺧﺸﺖ ﻟﻔﺮﺍﺷﻬﺎ ﻭ ﻏﻄﺖ ﻭﺟﻬﺎ ﻭ ﺍﺩﻣﻮﻋﻬﺎ ﻳﻨﺰﻟﻦ .. ﺣﺴﺖ ﺑﺤﻨﻴﻦ ﺗﻄﻠﻊ ﻡ̷ـــِْﻦ ﺍﻟﺤﻤﺎﻡ ﻭ ﺗﻠﺒﺲ ﺩﺑﺶ ﺍﻟﺼﻼﺓ ﻭ ﺍﺗﺼﻠﻲ .. ﺗﻨﻬﺪﺕ ﻭ ﺣﻄﺖ ﺭﺍﺳﻬﺎ ﻓﻲ ﺍﻟﻤﺨﺪﺓ ﺍﺗﺤﺎﻭﻝ ﺗﺮﻗﺪ
_______
ﺭﻭﺣﺖ ﺍﻧﺎ ﻭ ﺑﺎﺑﺎ ﻟﻠﺤﻮﺵ ﺑﻌﺪ ﻣﺎ ﺍﻗﻨﻌﺘﻪ ﺍﻧﻲ ﻣﺮﻳﻀﺔ ﻭ ﻣﺶ ﺣﺎ ﻧﻘﺪﺭ ﻧﻤﺸﻲ ﻟﻔﻴﻠﺔ ﺟﺪﻱ .. ﻧﺰﻟﺖ ﻣﺸﻴﺖ ﻃﻮﻝ ﻟﺪﺍﺭﻱ ﻭ ﺍﻧﺎ ﻛﻼﻡ ﺃﺳﺎﻣﺔ ﻟﺘﻮﺍ ﻓﻲ ﺑﺎﻟﻲ .. ﻏﻴﺮﺕ ﺩﺑﺸﻲ ﻭ ﺻﻠﻴﺖ ﻭ ﺳﻤﻌﺖ ﺍﺻﻮﺍﺗﻬﻢ ﺗﺤﺖ ﻋﺮﻓﺖ ﺍﻧﻬﻢ ﺟﻮﺍ .. ﺻﺒﻴﺖ ﺳﻠﺤﺖ ﺩﺑﺶ ﺍﻟﺼﻼﺓ ﻭ ﺧﺸﻴﺖ ﻟﺴﺮﻳﺮ ﻭ ﺍﻧﺎ ﻣﺎﺯﻟﺖ ﺍﻧﻔﻜﺮ ﻭ ﻓﺠﺄﺓ ﻣﻌﺎﺵ ﺣﺴﻴﺖ ﻋﻠﻲ ﺭﻭﺣﻲ ﺍﻻ ﻭ ﺍﻧﺎ ﺭﺍﻗﺪﺓ
_______
ﻣﺮﻥ ﺍﻷﻳﺎﻡ ﻓﻲ ﺟﺮﺕ ﺑﻌﻀﻬﻦ ﻭ ﺑﻴﻤﺎ ﺍﻥ ﺍﻟﻮﻗﺖ ﻣﺶ ﻛﺎﻓﻲ ﻗﺴﻤﻦ ﺍﻟﺸﻐﻞ ﺣﺠﺰ ﺟﺪﻱ ﺍﻟﻘﺎﻋﺔ ﻭ ﻋﺪﺍ ﻫﻮ ﻭ ﺣﻨﻲ ﻭ ﻣﺮﺍﺓ ﻋﻤﻲ ﺣﺠﺰﻭﺍ 4 ﺁﻧﻮﺁﻉ ﻣٌﻮﺍﻟﺢ ﻭ ﻧﻮﻋﻴﻦ ﺣﻠﻮ ﻭ ﺗﻮﺭﺗﻪ ﺗﻨﺤﻂ ﻋﻠﻲ ﻛﻞ ﻃﺎﻭﻟﺔ .. ﻭ ﺟﺎﺑﻮﺍ ﻣﻬﻨﺪﺳﺔ ﺩﻳﻜﻮﺭ ﻋﺸﺎﻥ ﺍﺗﺼﻤﻢ ﺩﻳﻜﻮﺭ ﺍﻟﻘﺎﻋﺔ ﻭ ﺍﻳﺪﺯﻭﻟﻲ ﻛﻞ ﺷﻲ ﻋﻠﻲ ﺍﻟﻮﺍﺗﺲ ﻭ ﻧﺨﺘﺎﺭ ﺍﻟﻠﻲ ﻧﺒﻴﻪ ﻭ ﺧﺘﺮﻧﺎ ﺩﻋﻮﺍﺕ ﺍﻟﻔﺮﺡ ﻭ ﺑﺪﻭﺍ ﺍﻳﻮﺯﻋﻮﺍ ﻓﻴﻬﻦ ﻭ ﻧﻄﻠﻊ ﺍﻧﺎ ﻭ ﻣﺎﻣﺎ ﻭ ﺧﺎﻟﺘﻲ ﻭ ﻣﺮﺍﺓ ﻋﻤﻲ ﻭ ﺍﻋﻤﻴﻤﺔ ﻭ ﺣﻨﻴﻦ ﻭ ﻣﺮﻳﻢ ﻭ ﻫﻨﺎﺩﻱ ﻟﺴﻮﻕ ﻭ ﻋﺒﺎﺭﺓ ﻋﻦ ﺍﻧﻘﻴﺲ ﻭ ﺧﻼﺹ .. ﺷﺮﻳﺖ ﻓﺴﺎﺗﻴﻦ ﻭ ﺑﺪﺍﻟﻲ ﻭ ﺩﺑﺶ ﻋﺮﺍﻳﺲ .. ﻭ ﺍﻧﺎ ﺗﺮﻗﺎ ﻋﻠﻴﺎ ﺍﻟﺤﺮﺍﺭﺓ ﻟﻤﺎ ﺍﻳﻮﺭﻧﻲ ﺣﺎﺟﺔ .. ﻭ ﻳﺒﻦ ﺭﺍﺋﻴﻲ ﻣﻦ ﺟﺪﻫﻦ .. ﻭ ﻛﻨﺖ ﺍﻧﺸﻮﻑ ﻓﻲ ﻓﺴﺎﺗﻴﻦ ﻋﺮﺍﻳﺲ ﺑﺲ ﻣﺎﻋﺠﺒﻨﻴﺶ ﺑﻜﻞ .. ﻧﻴﻦ ﻗﻨﻌﺘﻨﻲ ﺍﻋﻤﻴﻤﺔ ﺍﻧﻬﺎ ﺣﺎ ﺍﺗﻮﺭﻳﻨﻲ ﻭﺍﺣﺪ ﺣﻠﻮﻭﻭﻭ ﺷﻔﺘﻪ ﻭ ﺍﻟﺤﻖ ﻛﺎﻥ ﺧﻴﺎﻝ ﺷﺮﻳﻨﺎﻩ ﻭ ﻭﺻﻠﻨﺎ ﻣﻦ ﻃﺮﺍﺑﻠﺲ ﻭ ﺍﻣﻌﺎﻩ ﺍﻻﻛﺴﺴﻮﺭﺍﺕ ﻭ ﺍﻟﻜﻌﺐ ﻭ ﺍﻟﻜﺎﺏ ﺍﻣﺘﺎﻋﻪ ﻭ ﺍﻟﻘﻔﺰﺍﺕ .. ﻭ ﻛﻨﺖ ﻧﻤﺸﻲ ﻟﺠﻠﺴﺎﺕ ﻟﺸﻌﺮﻱ ﻭ ﺑﺸﺮﺗﻲ
# ﻣﺮﻥ _ ﺳﺒﻊ _ ﺃﻳﺎﻡ _ ﻛﻢﻻﺕ
ﻭ ﺍﻧﺎ ﺭﺍﺳﻲ ﺑﻴﻨﻔﺠﺮ ﻣﻦ ﻧﺎﺣﻴﺔ ﻛﻼﻡ ﺃﺳﺎﻣﺔ ﺍﻟﻠﻲ ﻟﻌﻨﺪ ﺗﻮﺍ ﻣﺶ ﻗﺎﺩﺭﺓ ﻧﻨﺴﺎﻩ ﻭ ﻣﻦ ﻧﺎﺣﻴﺔ ﺗﺮﺗﻴﺒﺎﺕ ﺍﻟﻔﺮﺡ
ﺧﺸﻴﻨﺎ ﻓﻲ ﺃﺳﺒﻮﻉ ﺍﻟﻔﺮﺡ ﻭ ﺑﺪﻭﺍ ﺍﻷﻗﺎﺭﺏ ﻳﺘﻮﺍﻓﺪﻭ
ﺟﺎ ﺍﻟﺴﻴﺎﻕ ﻭ ﻫﻜﻲ ﻭ ﺍﻏﺎﻧﻲ ﻭ ﺗﺰﻏﺮﻳﺖ .. ﻣﺶ ﻋﺎﺭﻓﺔ ﻟﻴﺶ ﺭﻏﻢ ﺍﻧﻲ ﺍﻧﻘﻮﻝ ﺍﻧﻲ ﺍﻣﻌﺎﺭﺿﻪ ﺍﻟﺰﻭﺝ ﺑﺲ ﻓﻲ ﺷﻌﻮﺭ ﻏﺮﻳﺐ ﺟﻮﺍ ﻗﻠﺒﻲ .. ﻣﺎﻓﻬﻤﺘﺶ ﺷﻦ ﻫﻮﺍ .. ﻭ ﺍﻟﻠﻲ ﺻﺪﻣﻨﻲ ﺍﻛﺘﺮ ﺍﻥ ﻣﻦ ﺑﺪﺍﻳﺔ ﺍﺳﺒﻮﻉ ﺍﻟﻔﺮﺡ ﻭ ﺍﻧﺎ ﻧﺤﻠﻢ ﺑﺈﺳﺮﺍﺀ ﺗﺒﻜﻲ .. ﺗﺒﻜﻲ ﻭ ﺍﺗﺒﻬﺖ ﻓﻴﺎ .. ﺣﺴﻴﺖ ﺍﺩﻣﻮﻋﻬﺎ .. ﺍﺩﻣﻮﻉ ﺭﺍﺣﺔ .. ﺣﺴﻴﺖ ﺑﺸﻲ ﻏﺮﻳﺐ ﻭ ﻣﺎ ﻛﻨﺘﺶ ﺍﻧﻔﻜﺮ ﻏﻴﺮ ﻓﻲ ﺍﻟﻠﻲ ﻗﺮﺭﺕ ﺍﻧﺪﻳﺮﻩ
# ﺟﺎ _ ﻳﻮﻡ _ ﺍﻟﺤﻨﻪ _ ﺍﻝﺻﻐﻴﺮﺓ
ﻭ ﺣﻨﻴﺖ ﺑﻌﺪ ﺍﺻﺮﺍﺭ ﻣﻦ ﻣﺎﻣﺎ ﻟﻌﻨﺪ ﻓﺨﺬﻱ ﻭ ﺍﻳﺪﻳﺎ ﻟﻌﻨﺪ ﻓﻮﻕ ﻭ ﺭﻗﺪﺕ ﺑﻌﺪ ﺩﻭﺷﻪ ﻣﻦ ﺍﻟﺒﻨﺎﺕ .. ﻧﻀﺖ ﺑﻬﺘﺖ ﻟﺴﺎﻋﺔ ﺟﻨﺒﻲ ﻭ ﻧﻠﻘﺎﻫﺎ 7:00 ﺍﻟﺼﺒﺢ .. ﻧﻮﺿﺖ ﻫﻨﺎﺩﻱ
ﻫﻨﺎﺩﻱ : ﻛﻨﻚ
ﺍﻧﺎ : ﺣﺴﻨﻲ ﻣﺘﻀﺎﻳﻘﺔ ﻡ̷ـــِْﻦ ﻫﺎﺩﻱ ﻓﻜﻴﻬﺎ
ﻫﻨﺎﺩﻱ : ﺑﺎﻫﻲ ﺑﺎﻩ
ﻭ ﺻﺒﺖ ﻭ ﺳﺎﻋﺪﺗﻨﻲ ﻓﻲ ﻓﻜﻬﺎ ﻭ ﺟﺎﺑﺘﻠﻲ ﺍﺭﺑﻊ ﺷﺨﺎﺷﻴﺮ ﻭ ﻓﻲ ﻳﺪﻫﺎ ﻛﺒﺎﻳﻪ ﻓﻲ ﺍﻣﻴﺎﻩ ﻭ ﺳﻜﺮ ﻭ ﺣﺎﺟﺎﺕ ﺗﺎﻧﻴﺔ ﻭ ﻗﻌﺪﺕ ﺗﺪﻫﻨﻠﻲ ﺑﻴﻬﺎ ﺍﻳﺪﻳﺎ ﻭ ﺭﺟﻠﻴﺎ ﻭ ﻟﺒﺴﺘﻨﻲ ﺷﺨﺎﺷﻴﺮ ﻭ ﺑﻬﺘﺖ ﻓﻴﺎ ﻭ ﺍﺑﺘﺴﻤﺖ
ﺍﻧﺎ ﺭﻓﻌﺖ ﺣﺎﺟﺒﻲ : ﻛﻨﻚ
ﻫﻨﺎﺩﻱ ﻭ ﺧﻨﻘﺘﻬﺎ ﺍﻟﻌﺒﺮﺓ : ﻣﺶ ﻣﺘﺨﻴﻠﻪ ﺍﻥ ﻫﺪﺍ ﻋﺮﺳﻚ ﻭ ﺍﻧﻚ ﻋﺮﻭﺱ
ﺍﻧﺎ : ﺣﺘﻲ ﺍﻧﺎ ﻣﺶ ﻣﺘﺨﻴﻠﻪ ﺍﻗﺮﻳﺐ ﻧﻨﺠﻦ
ﻫﻨﺎﺩﻱ ﺍﺑﺘﺴﻤﺖ : ﺍﻧَـ ỲǑŲ ـْﺘﻲ ﻣﺎﻓﻴﺶ ﺣﻞ ﻓﻴﻜﻲ .. ﺗﻌﺎﻟﻲ
ﺍﻧﺎ : ﻭﻳﻦ
ﻫﻨﺎﺩﻱ : ﺗﻮﺍ ﺗﻌﺮﻓﻲ
ﺍﻧﺎ ﺻﺒﻴﺖ ﺍﻣﻌﺎﻫﺎ ﻭ ﻛﻨﺖ ﻻﺑﺴﻪ ﺗﻮﺗﻪ ﻣﻮﻑ ﺳﺮﻭﺍﻝ ﻭ ﺑﺎﺩﻱ ﻛﺖ ﻭ ﺟﺎﻛﺖ ﻛﻢ ﻓﻮﻓﻬﺎ ﻭ ﺷﺨﺎﺷﻴﺮ ﻓﻲ ﺍﻳﺪﻳﺎ ﻭ ﻓﻲ ﺭﺟﻠﻴﺎ ﻭ ﺣﺎﻃﻪ ﻭﺷﺎﺡ
ﻧﺰﻟﻨﺎ ﻟﻠﻤﻄﺒﺦ ﻗﻌﻤﺰﺕ ﻭ ﻗﻌﺪﺕ ﻫﻨﺎﺩﻱ ﺍﺩﻳﺮ ﻓﻲ ﻓﻄﻮﺭ ﻟﻴﺎ ﻭﻟﻬﺎ
ﺍﻧﺎ : ﺑﺪﺍﻝ ﺍﻟﺒﺤﻮﺳﻪ ﻫﺎﺩﻱ ﻛﻠﻬﺎ .. ﻭ ﻏﻤﺰﺗﻠﻬﺎ : ﺣﻠﻴﺐ ﻭ ﺷﺎﻫﻲ ﻭ ﻧﺺ ﺟﺒﻨﻪ ﻭ ﺣﻠﻮﻩ ﻣﻌﺠﻮﻧﻪ
ﻫﻨﺎﺩﻱ : ﻫﻬﻬﻬﻬﻬﻬﻬﻬﻬﻪ ﺗﺬﻛﺮﻱ ﻛﻨﺎ ﺍﻧﻤﻮﺕ ﻓﻴﻬﺎ .. ﺍﻧﺤﺴﻪ ﻓﻄﻮﺭ ﻣﻠﻮﻛﻲ
ﺍﻧﺎ ……… …………………………………: ...... ...............................................……
ﻫﻨﺎﺩﻱ # ﺍﻧﺼﺪﻣﺖ
# ﻳﺘﺒﻊ
ﻟّﻢٌ ﺃﮔٍﻦ ﺃﻋﻠّﻢٌ ﺃﻥ ﺁﻟّﺴﻌﺂﺩـٍﺔ ﺗٍﺄﺗٍﻲِ ﻋﻠّﻲِ ﻫًﻴِﺌـٍﺔ ﺃﺷﺨﺂﺹِ
ﺣًﺘٍﻲِ ﺃﺗٍﻴِﺖٍ ﺃﻧﺖٍ ﻟّﺤًﻴِﺂﺗٍﻲِ
