# ﺍﻟﺤﻠﻘﺔ 5_
ﻛﻤﻠﺖ ﻓﻄﻮﺭﻱ ﻭ ﺻﺒﻴﺖ
ﻃﻠﻌﺖ ﻣﻦ ﺍﻟﻤﻄﺒﺦ ﻭ ﻋﺪﻳﺖ ﺷﻮﺭﻫﻢ ﺍﻧﻔﻜﺖ ﺳﺎﻋﺘﻲ ﻭ ﻃﺤﺖ ﻃﺒﺴﺖ ﺧﺬﻳﺘﻬﺎ
ﻭ ﻧﺴﻤﻊ ﻣﺮﺁﺓ ﻋﻤﻲ ﺍﺗﻘﻮﻝ : ﻗﻮﻝ ﻫﻮ ﺍﻟﻠﻪ ﺍﺣﺪ ﻋﻠﻴﻜﻢ
ﺭﻓﻌﺖ ﺍﻋﻴﻮﻧﻲ ﻭ ﺍﻧﺎ ﻣﺰﻟﺖ ﻋﻠﻲ ﺍﻻﺭﺽ
ﻭ ﺍﻧﺸﻮﻑ ﺧﻮﺗﻲ ﻭ ﺿﻨﺎ ﻋﻤﻲ ﻛﻠﻬﻢ ﻟﺒﺴﻴﻦ ﺟﻼﻟﻴﺐ ﻭ ﻛﻞ ﻭﺍﺣﺪ ﺍﻣﺼﺒﻲ ﺍﻳﻔﺸﻚ ﻋﻠﻲ ﺍﻻﺧﺮ
ﻭ ﺑﺎﺑﺎ ﻭ ﺟﺪﻱ ﻭ ﺣﻨﻲ ﻭ ﻣﺎﻣﺎ ﻭ ﺻﺒﺎﻳﺎ ﻋﻤﺎﻣﻲ ﻭ ﻋﻤﺎﻣﻲ ﺍﻣﻘﻌﻤﺰﻳﻦ ﻭ ﻣﺒﺘﺴﻤﻴﻦ
ﻭ ﺍﻟﺒﻨﺎﺕ ﻳﻀﺤﻜﻦ
ﻣﺎﻣﺎ : ﺭﺑﻲ ﻳﺤﻔﻈﻜﻢ
ﺑﻬﺘﺖ ﻓﻲ ﻣﺎﻣﺎ
ﻭ ﺍﻟﺘﻔﺘﺖ ﻋﻠﻴﻬﻢ
ﻭ ﺍﻃﺐ ﻋﻴﻨﻲ ﻋﻠﻴﻪ ﻛﺎﻥ ﺍﻣﻘﻌﻤﺰ ﻋﻠﻲ ﺣﺎﺷﻴﺔ ﺍﻟﺼﺎﻟﻮﻥ ﻭﻟﺒﺲ ﺟﻼﺑﻴﻪ ﺑﻴﻀﻪ ﻭ ﻣﺒﺘﺴﻢ ﻭ ﻋﻠﻴﻬﺎ ﻟﺒﺲ ﻓﺮﻣﻠﻪ ﻛﺎﻥ ﺷﻜﻠﻪ ﺧﻴﺎﻝ ﻣﺶ ﻋﺎﺭﻓﺔ ﻛﻴﻒ ﻧﺒﻲ ﺍﻧﻮﺻﻒ ﻛﺎﻥ ﺷﺨﺼﻴﺔ ﺟﻨﺘﻞ
ﻭ ﺧﻠﻮﺩ ﻛﺎﻟﻌﺎﺩﺓ ﻓﻲ ﻛﺘﺮﻩ
ﺍﺳﺘﻐﺮﺑﺖ ﻫﺎﻟﺒﻨﺖ ﺩﻳﻤﻪ ﺍﻣﻌﺎﻩ ﻭ ﻓﻲ ﺣﻀﻨﻪ ﺭﻓﻌﺖ ﺍﻋﻴﻮﻧﻲ ﻣﻦ ﻋﻠﻴﻬﺎ ﻭ ﺳﺮﺣﺖ ﻣﻦ ﺟﺪﻳﺪ ﻓﻴﻪ ﻭ ﻗﻠﺒﻲ ﻳﺪﻟﻒ ﻭ ﻳﺪﻕ ﺑﻘﻮﻭﻭﻭﻭﻭﻭﺓ ﻭ ﻣﻌﻨﻪ ﺍﻟﺪﻕ ﺑﻘﻮﺓ ﻗﺪﺍﻡ ﻗﻠﺒﻲ ﻭﻻ ﺷﺊ ﻟﻠﻲ ﺍﻳﺪﻕ ﺑﺎﻗﺼﻲ ﻗﻮﺗﻪ
ﻭ ﻓﺠﺂﺓ ..............
ﻧﻀﺖ ﻣﻦ ﺳﺮﺣﺎﻧﻲ ﻋﻠﻲ ﺻﻮﺕ
ﺧﻠﻮﺩ : ﺗﻨﺖ ﺍﺗﺒﻬﺘﻲ ﻓﻲ ﺗﺎﻟﻮ ( ﻛﻨﻚ ﺍﺗﺒﻬﺘﻲ ﻓﻲ ﺧﺎﻟﻮ )
ﺍﻧﺎ ﺍﻧﺼﺪﻣﺖ
ﻭ ﻣﻌﺎﺵ ﻋﺮﻓﺖ ﺷﻦ ﻧﺒﻲ ﺍﻧﻘﻮﻝ ﻭ ﻛﻠﻬﻢ ﺑﻬﺘﻮﺍ ﻓﻴﺎ ﻓﻲ ﻫﺬﺍﻙ ﺍﻟﻮﻗﺖ ﺗﻤﻨﻴﺖ ﺍﻻﺭﺽ ﺗﻨﺸﻖ ﻭ ﺗﺒﻠﻌﻨﻲ
ﺑﻠﻌﺖ ﺭﻳﻘﻲ ﻭ ﻣﻌﺮﻓﺘﺶ ﺷﻦ ﻧﺒﻲ ﻧﺤﻜﻲ ﻧﺒﻲ ﺍﻧﻘﻮﻟﻠﻬﺎ ﻣﺜﻼ ﺍﻧﻲ ﺳﺮﺣﺖ ﻓﻲ ﺧﺎﻟﻬﺎ ﻟﻠﻲ ﻛﻞ ﻣﺎ ﺍﻧﺸﻮﻓﻪ ﻗﻠﺒﻲ ﻳﺪﻟﻒ ﻭ ﻳﺪﻕ ﺑﻘﻮﺓ ﻭ ﻧﻠﻘﺊ ﺭﻭﺣﻲ ﺳﺮﺣﺎﻧﻪ ﻓﻴﻪ ﻭ ﻓﻲ ﺷﻜﻠﻪ ﻓﻲ ﻟﺤﻴﺘﻪ ﻭ ﺍﻋﻴﻮﻧﻪ ﺍﻩ ﻳﺎ ﻗﻠﺒﻲ ﺍﻟﻤﺘﻔﺘﺮﺵ ﻭﺧﻼﺹ
ﻭ ﻓﺠﺂﺓ
ﻧﺴﻤﻌﻮﺍ ﺻﻮﺕ ﺣﺎﺟﺔ ﺍﻧﺴﻜﺮﺕ ﻭ ﺍﻭﻟﻴﺪ ﺍﺻﻐﻴﺮ ﺍﻳﻌﻴﻂ
ﺻﺒﻴﻨﺎ ﻛﻠﻨﺎ ﻭ ﻃﻠﻌﻨﺎ ﺑﺮﺍ
ﻭ ﻧﻠﻘﻮﺍ
ﺗﺮﺍﻧﻴﻢ ﻣﺘﻌﺎﺭﻛﺔ ﻫﻲ ﻭ ﺍﺣﻤﺪ ﻭ ﺍﻣﻄﻴﺤﻴﻦ ﺍﻟﻔﻮﻥ ﻭ ﻗﺎﻋﺪ ﻣﺘﻔﺘﺮﺵ ﻋﻠﻲ ﺍﻻﺭﺽ
ﺟﺎ ﻫﻴﺜﻢ : ﻻ ﻻ ﻻ ﻻ ﻛﻨﻜﻢ ﻳﺎ ﺟﻤﺎﻋﺔ ﺷﻦ ﺻﺎﻳﺮ
ﺗﺮﺃﻧﻴﻢ ﻭ ﻫﻲ ﺗﺒﻜﻲ : ﻋﻤﻮ ﺍﻳﺜﻢ ﺳﻮﻑ ﺗﻴﺢ ﺍﻟﻨﺘﺎﻝ ﻣﻦ ﻳﺪﻱ ﻭ ﻛﺴﺮﻩ ﻭ ﺩﻟﺒﻨﻲ ( ﻋﻤﻮ ﻫﻴﺜﻢ ﺷﻮﻑ ﻃﻴﺢ ﺍﻟﻨﻘﺎﻝ ﻣﻦ ﻳﺪﻱ ﻭ ﻛﺴﺮﻩ ﻭ ﺿﺮﺑﻨﻲ )
ﺃﺣﻤﺪ : ﺩﺗﻠﻚ ﺩﻳﺒﻪ ﻧﺒﻲ ﺗﻮﻝ ﺍﻧﺘﻲ ﺗﺒﻴﺚ ( ﻗﺘﻠﻚ ﺟﻴﺒﻴﻪ ﻧﺒﻲ ﺍﻧﺼﻮﺭ ﺍﻧﺘﻲ ﻣﺎﺗﺒﻴﺶ )
ﻳﺎﺳﻤﻴﻦ ﻋﺪﺕ ﺷﻮﺭ ﺍﺣﻤﺪ ﻣﺴﻜﺘﻪ ﻣﻦ ﻭﺫﻧﻪ : ﻣﻌﻘﻮﻟﺔ ﻫﻜﻲ ﻳﺎ ﺍﺣﻤﺪ ﻣﺶ ﻋﻴﺐ ﺗﻀﺮﺏ ﺑﻨﺖ ﻋﻤﻚ
ﺍﺣﻤﺪ ﻗﻌﺪ ﻳﺒﻜﻲ : ﺍﻧﺘﻲ ﻣﺎ ﺍﺗﺤﺒﻴﻨﻴﺚ ﺍﻧﺘﻲ ﺍﺗﺤﺒﻴﺎ ﺍﻛﺘﻞ ﻣﻨﻲ ﻭ ﺣﻂ ﻳﺪﻩ ﻋﻠﻲ ﻭﺟﻪ ﻭ ﻗﻌﺪ ﻳﺒﻜﻲ ( ﺍﻧﺘﻲ ﻣﺎ ﺍﺗﺤﺒﻴﻨﺶ ﺍﻧﺘﻲ ﺍﺗﺤﺒﻬﺎ ﺍﻛﺜﺮ ﻣﻨﻲ )
ﻛﺎﻥ ﻣﻨﻈﺮﻩ ﺍﻳﻀﺤﻚ ﻋﻠﻴﻚ ﺑﺮﺍﺋﺔ ﻭﺧﻼﺹ
ﻃﺎﺭﻕ ﺟﺎﻩ ﻭ ﺍﺭﻓﻌﻪ : ﻻ ﻻ ﺣﺒﻴﺐ ﺑﺎﺑﺎ ﺧﻼﺹ ﻫﺎﺫﻱ ﺑﻨﺖ ﻋﻤﻚ ﻋﻴﺐ ﺗﻀﺮﺑﻬﺎ ﺑﺲ
ﻣﺮﻭﺓ : ﻋﻠﻴﺶ ﺗﻮﺍ ﺗﺒﻜﻴﻪ ﻳﺎ ﻳﺎﺳﻤﻴﻦ ﺍﻟﻐﻠﻂ ﻣﺶ ﻣﻨﻪ ﻣﻦ ﺑﻨﺘﻲ ﺍﻡ ﺍﻟﺴﺎﻥ ﻫﺎﺫﻱ
ﺗﺮﺍﻧﻴﻢ ﻗﻌﺪﺕ ﺗﺒﻜﻲ : ﺣﺘﻲ ﺍﻧﺘﻲ ﺍﺗﺤﺒﻨﻴﺚ ﺍﺗﺤﺒﻲ ﻫﻮ ﺍﻛﺘﻞ ( ﺣﺘﻲ ﺍﻧﺘﻲ ﻣﺎ ﺍﺗﺤﺒﻨﻴﺶ ﺍﺗﺤﺒﻲ ﻫﻮ ﺍﻛﺜﺮ )
ﻭ ﻋﺪﺕ ﺗﺠﺮﺉ ﺷﻮﺭ ﻳﺎﺳﺮ
ﻳﺎﺳﺮ : ﻻ ﺣﺒﻴﺒﺔ ﺑﺎﺑﺎ ﻛﻨﻚ ﺗﺒﻜﻴﺶ ﻣﺎﻣﺎ ﻛﺎﻧﺖ ﺗﺤﻜﻲ ﺻﺢ ﻋﻠﻴﺶ ﺍﻣﻄﻮﻟﺔ ﺍﻟﺴﺎﻧﻚ ﻋﻠﻲ ﺍﺣﻤﺪ
ﺗﺮﺍﻧﻴﻢ : ﺑﺎﻟﺪ ﺍﻭ ( ﺑﺎﺭﺩ ﻫﻮ )
ﻣﺮﻭﺓ : ﺷﻮﻓﻲ ﻣﺶ ﻋﻴﺐ ﺍﺗﻘﻮﻟﻲ ﻋﻠﻴﻪ ﺑﺎﺭﺩ
ﺍﺣﻤﺪ : ﺻﺢ ﺛﻮﻓﻲ ﺍﻧﺘﻲ ﺑﻨﺖ ﺗﻠﻴﻠﺔ ﺍﺩﺏ ( ﺻﺢ ﺷﻮﻓﻲ ﺍﻧﺘﻲ ﺑﻨﺖ ﻗﻠﻴﻠﺔ ﺍﺩﺏ )
ﻛﻠﻨﺎ ﺿﺤﻜﻨﺎ ﻋﻠﻲ ﻛﻠﻤﺔ ﺍﺣﻤﺪ
ﻳﺎﺳﻤﻴﻦ : ﻫﺎﺍﻱ ﻃﺎﺡ ﺳﻌﺪﻙ ﺗﻌﺎﻝ ﻫﻨﺎ ﻳﺎ ﻭﻟﻴﺪ
ﻋﺪﺍ ﺍﺣﻤﺪ ﻳﺠﺮﺉ ﻭ ﻭﻗﻒ ﻭﺭﺍﺀ ﻫﻴﺜﻢ : ﺩﻭﻟﻠﻬﺎ ﻳﺎ ﺍﻣﻮ ﺍ ﻳﺜﻢ ( ﻗﻮﻟﻠﻬﺎ ﻳﺎ ﻋﻤﻮ ﻫﻴﺜﻢ )
ﻫﻴﺜﻢ : ﻻ ﺧﻼﺹ ﻭ ﺍﻟﻠﻪ ﻣﺎ ﺗﻘﺮﺑﻴﻪ ﻳﺎ ﻳﺎﺳﻤﻴﻦ
ﻗﻌﺪ ﺍﺣﻤﺪ ﺍﻣﻄﻠﻊ ﺍﻟﺴﺎﻧﻪ ﻟﻲ ﺍﻣﻪ ﻣﻦ ﻭﺭﺍﺀ ﻫﻴﺜﻢ
ﻳﺎﺳﻤﻴﻦ : ﻳﻨﻌﻠﻲ ﻳﺎ ﻫﻴﺜﻢ ﺷﻮﻓﻪ ﺗﻮﺍ ﺩﻟﻌﻚ ﻫﻮ ﻟﻠﻲ ﺣﺎ ﺍﻳﺨﺮﺑﻪ
ﻫﻴﺜﻢ : ﻻ ﺧﻼﺹ ﺷﻮﻓﻲ ﻛﻴﻒ ﺗﻮﺍ ﺍﻧﺤﻠﻬﺎ
ﻭ ﺍﻟﺘﻔﺖ ﻋﻠﻲ ﺗﺮﺍﻧﻴﻢ ﻟﻠﻲ ﻓﻲ ﺣﻀﻦ ﺑﻮﻫﺎ ( ﻳﺎﺳﺮ )
ﻫﻴﺜﻢ : ﺗﺮﺍﻧﻴﻢ ﺗﻌﺎﻟﻲ
ﺗﺮﺍﻧﻴﻢ ﻧﺰﻟﺖ ﻣﻦ ﻏﻤﺮ ﻳﺎﺳﺮ ﻭ ﻋﺪﺕ ﺷﻮﺭ ﻫﻴﺜﻢ
ﻫﻴﺜﻢ ﻃﺒﺲ ﻭ ﺟﺎﺏ ﺍﺣﻤﺪ ﻗﺪﺍﻣﻪ ﻭ ﺧﻠﻪ ﺍﻣﻘﺎﺑﻞ ﺗﺮﺍﻧﻴﻢ : ﻫﻴﺎ ﺍﺻﺎﻟﺤﻮﺍ
ﺗﺮﺍﻧﻴﻢ : ﺑﺚ ﻣﺚ ﺍﻧﺎ ﺍﻟﺘﺎﻧﺎ ( ﺑﺲ ﻣﺶ ﺍﻧﺎ ﺍﻟﻐﻠﻄﺎﻧﻪ )
ﺍﺣﻤﺪ ﺍﻟﺘﻔﺖ ﻟﻠﺠﻴﻬﺔ ﺍﻟﺘﺎﻧﻴﺔ : ﻭﻻ ﻧﺎ
ﻫﻴﺜﻢ : ﻋﺎﺭﻓﻴﻦ ﻟﻮ ﻣﺎ ﺗﺼﺎﻟﺤﺘﻮﺍ ﻣﺎﻓﻴﺶ ﻣﺎﺷﻲ ﺍﻣﻌﻨﺎ ﻟﺰﺭﺩﻩ
ﺗﺮﺍﻧﻴﻢ ﻭ ﺍﺣﻤﺪ ﻟﺘﻔﺘﻮﺍ ﺷﻮﺭ ﻫﻴﺜﻢ ﻓﻲ ﻧﻔﺲ ﺍﻟﻮﻗﺖ ﻭ ﻫﻢ ﺍﻣﻜﺸﺮﻳﻦ
ﻫﻴﺜﻢ : ﻫﻴﺎ
ﺍﺣﻤﺪ ﻣﺪ ﻳﺪﻩ ﻟﺘﺮﺍﻧﻴﻢ : ﺍﺛﻒ ( ﺍﺳﻒ )
ﺗﺮﺍﻧﻴﻢ : ﻻ ﺍﺗﻲ ﺑﺚ ﻣﺶ ﺍﺗﺎﻭﺩﻫﺎ ( ﻻ ﻋﺎﺩﻱ ﺑﺲ ﻣﻌﺎﺵ ﺍﺗﻌﺎﻭﺩﻫﺎ )
ﺍﺣﻤﺪ : ﺑﺎﻩ ﻭﺍﻧﺘﻲ ﻋﺎﺙ ﺍﺗﺪﻭﻟﻴﻠﻲ ﻻ ﺗﺄﻧﺘﻲ ﺗﺄﺗﻴﻨﻲ ﺍﺗﻮﻝ ﺍﺛﻮﻱ ﺑﺚ ﻭﺍﻧﺜﻴﺒﻪ ﻟﺘﻲ ( ﺑﺎﻩ ﻭﺍﻧﺘﻲ ﻣﻌﺎﺵ ﺍﺗﻘﻮﻟﻴﻠﻲ ﻻ ﻛﻨﺘﻲ ﺗﻌﻄﻴﻨﻲ ﺍﻧﺼﻮﺭ ﺍﺷﻮﻱ ﺑﺲ ﻭﺍﻧﺠﻴﺒﻪ ﻟﻜﻲ )
ﺗﺮﺍﻧﻴﻢ : ﺍﺛﻔﻪ ( ﺍﺳﻔﺔ )
ﺍﺣﻤﺪ : ﻻ ﺣﻼﺙ ﺍﺗﻲ ( ﻻ ﺧﻼﺹ ﻋﺎﺩﻱ )
ﻭ ﺣﻀﻨﻮﺍ ﺑﻌﻀﻬﻢ
ﻫﻴﺜﻢ : ﺍﻳﻮﺍ ﻧﺠﻜﻢ ﻟﻴﺎ ﻭ ﺧﻼﺹ
ﻭﺭﻓﻌﻬﻢ ﻫﻤﺎ ﺍﻻﺗﻨﻴﻦ
ﺟﺪﻱ : ﻫﻬﻬﻬﻪ ﺗﺼﺎﻟﺤﺘﻮﺍ ﻭ ﺍﻧﺘﻬﻰ ﺍﻟﻤﻮﺿﻮﻉ ﻭ ﻣﺎ ﺭﺍﺡ ﻓﻴﻬﺎ ﺍﻻ ﻫﺎﻧﻘﺎﻝ ﺍﻟﻤﺴﻜﻴﻦ ﻟﻠﻲ ﺍﻧﻜﺴﺮ .. ﻫﻮ ﻧﻘﺎﻝ ﻣﻦ ﺍﺻﻼ
ﻣﺮﻭﺓ : ﻫﺬﺍ ﻧﻘﺎﻟﻲ ﻣﻦ ﻗﺒﻞ ﺑﻜﻞ ﻳﺎ ﻋﻤﻲ ﻣﻌﺎﺵ ﻧﺒﻴﻪ ﺣﻄﻴﺖ ﻓﻴﻪ ﺍﻟﻌﺎﺏ ﻟﺘﺮﺍﻧﻴﻢ ﺗﻠﻌﺐ ﻋﻠﻴﻪ
ﺟﺪﻱ ﻫﺰ ﺭﺍﺳﻪ : ﻃﺎﺡ ﻛﻴﻒ ﻃﻴﺤﺖ ﻧﻘﺎﻝ ﻧﺎﺱ
ﻭ ﺍﻟﺘﻔﺖ ﻋﻠﻴﺎ
ﺍﻧﺎ : ﻫﻬﻬﻬﻬﻪ ﻣﺎ ﺍﺗﺒﻬﺘﺶ ﻓﻴﺎ ﻫﻜﻲ ﻳﺎ ﺟﺪﻱ ﺍﻧﻔﺠﻌﺖ ﻭﺣﻖ ﺭﺑﻲ
ﻫﻨﺎﺩﻱ : ﻋﻠﻲ ﺍﺳﺎﺱ ﺍﻟﻘﻠﺐ ﺭﻗﻴﻖ ﻭﻻ ﺷﻨﻲ
ﺍﻧﺎ : ﺣﻨﺎﻃﻪ ﺭﺍﻛﻲ
ﻫﻨﺎﺩﻱ : ﻋﺎﺭﻓﺔ ﺭﻭﺣﻲ ﻫﻬﻬﻬﻬﻬﻪ
ﻭ ﻫﻲ ﺗﻀﺤﻚ ﺍﻃﺐ ﻋﻴﻨﻬﺎ ﻋﻠﻲ ﻣﺆﻣﻦ ﻟﻠﻲ ﻛﺎﻥ ﺩﺧﺎﻥ ﻳﻄﻠﻊ ﻣﻨﻪ ﻭ ﺭﺍﻓﻊ ﺣﺎﺟﺒﻪ ﻭ ﻛﺎﻥ ﻳﻠﻘﻰ ﻳﺰﻗﺐ ﻋﻠﻴﻬﺎ ﻳﺎﻛﻠﻬﺎ ﺳﻜﺘﺖ ﻫﻨﺎﺩﻱ ﻭ ﻃﺒﺴﺖ
ﻣﺎﻣﺎ : ﺧﻠﻮﺩ ﻧﻘﺎﻟﻚ ﻃﺎﺡ
ﺍﻧﺎ : ﻳﺎ ﻣﺎﻣﺎ ﻭ ﺣﻖ ﺍﻟﻠﻪ ﻭﺣﻖ ﺍﻟﻠﻪ ﻛﻨﺖ ﻧﺎﺯﻟﻪ ﻣﻦ ﺍﻟﺪﺭﻭﺝ ﻭ ﻧﻘﺮﺍ ﻓﻲ ﺍﻟﺮﺳﺎﻟﺔ ﻟﻠﻲ ﺟﺘﻨﻲ ﻣﻦ ﻫﻨﺎﺩﻱ ﻓﺠﺂﺓ ﻃﻠﻊ ﻗﺪﺍﻣﻲ ﺟﺪﻱ ﺍﻧﻔﺠﻌﺖ ﻃﺎﺡ ﻣﻨﻲ
ﻣﺎﻣﺎ : ﺍﻧﺘﻲ ﻋﺎﺭﻓﺔ ﻫﺬﺍ ﺍﻟﺘﻠﻔﻮﻥ ﺍﻟﻜﻢ
ﺍﻧﺎ : ﻫﺎﺍﺍﺍﺍﺍﺍﺍﺍ
ﻳﺎﺳﻴﻦ : ﺷﻜﻠﻬﺎ ﻋﻘﺪﺓ ﺗﻄﻴﺤﺖ ﺍﻟﺘﻠﻔﻮﻧﺎﺕ ﻋﻨﺪﻙ
ﺍﻧﺎ ﺍﻟﺘﻔﺘﺖ ﻋﻠﻴﻪ ﻭﻗﻠﺒﻲ ﻳﺪﻟﻒ ﺩﻟﻒ ﻛﻴﻒ # ﺑﻨﻐﺎﺯﻱ ﻭ ﺍﻛﺜﺮ ﺣﺮﺏ ﺻﺎﻳﺮﻩ ﺟﻮﻩ ﻓﻲ ﻗﻠﺒﻲ ﺍﺗﻘﻮﻝ ﻛﺎﻥ ﻳﺤﻜﻴﻠﻲ ﻭ ﻫﻮ ﻳﺒﺘﺴﻢ ﺳﺮﺣﺖ ﻓﻴﻪ ﻟﺤﻴﻪ ﺷﻲ ﺧﻴﺎﻟﻲ ﻭ ﻓﻲ ﺑﺎﻟﻲ ﻧﻘﻮﻝ ( ﺗﻲ ﺍﻧﺖ ﺷﻜﻠﻚ ﻟﻠﻲ ﺗﺒﻲ ﺍﻃﻴﺤﻨﻲ ﻣﻦ ﻃﻮﻟﻲ )
ﻭ ﻧﻀﺖ ﻣﻦ ﺳﺮﺣﺎﻧﻲ ﻋﻠﻲ ﺻﻮﺕ ﺟﺪﻱ
ﺟﺪﻱ : ﻫﻴﺎ ﺧﻠﻴﻨﺎ ﺍﻧﻌﺪﻭ ﻟﻠﺠﺎﻣﻊ ﺍﻟﺼﻼﺓ ﺍﻗﺮﻳﺐ ﺗﺒﺪﺍ
ﻭ ﻃﻠﻌﻮﺍ ﺑﺎﺑﺎ ﻭ ﻋﻤﺎﻣﻲ ﻭ ﺟﺪﻱ ﻭ ﺧﻮﺗﻲ ﻭﺿﻨﺎ ﻋﻤﻲ ﻭ ﻳﺎﺳﻴﻦ
ﺭﻛﺐ ﺍﻟﺴﻴﺎﺭﺓ ﻭ ﺍﻣﻌﺎﻩ ﺑﺎﺑﺎ ﻭ ﻋﻤﻲ ( ﻟﻠﻲ ﻫﻮ ﺑﺎﺑﺎ ﻩ ) ﻭ ﺟﺪﻱ
ﻭ ﻟﻊ ﺍﻟﺴﻴﺎﺭﺓ ﻭ ﺣﻞ ﻋﻠﻲ ﻗﺮﺃﻥ ﻭ ﻟﺒﺲ ﻧﻈﺮﺍﺗﻪ ﻭ ﺍﻣﻄﻠﻊ ﻳﺪﻩ ﻣﻦ ﺭﻭﺷﻦ ﺍﻟﺴﻴﺎﺭﺓ ﻭﻻﺑﺲ ﺳﺎﻋﺘﻪ ﻭ ﺍﻳﻤﺸﻲ ﻓﻲ ﻳﺪﻩ ﻋﻠﻲ ﻟﺤﻴﺘﻪ
ﻭ ﺍﻧﺎ ﺳﺮﺣﺎﻧﻪ ﻭ ﻣﺶ ﻋﺎﺭﻓﺔ ﺷﻦ ﺻﺎﻳﺮﻟﻲ ﻳﺎ ﻧﺎﺱ ﺧﺎﻳﻔﺔ ﺍﻧﻜﻮﻥ ﺑﺪﻳﺖ ﺍﻧﻜﺒﺪ ﻓﻴﻪ
ﻫﺰﻳﺖ ﺭﺍﺳﻲ ﻭ ﺍﻧﺎ ﺍﻧﺤﻮﻝ ﺍﻧﺤﻮﻝ ﺍﻟﻔﻜﺮﺓ ﻫﺎﺫﻱ ﻣﻦ ﺑﺎﻟﻲ ﻣﺎﻧﺒﻴﺶ ﻻ ﺍﻧﺤﺐ ﻭﻻ ﺍﻧﻜﺒﺪ ﻭﻻ ﻧﺜﻖ ﻭ ﻳﻄﻌﻨﻮﻧﻲ ﻓﻲ ﺍﻟﻨﻬﺎﻳﺔ
ﺍﻟﺘﻔﺘﺖ ﻭ ﺧﺸﻴﺖ ﻭ ﻗﻌﻤﺰﺕ ﺍﻣﻌﺎﻫﻢ ﺟﻮﺍ ﺍﻳﻬﺪﺭﺯﻭ ﻟﺤﺪﺕ ﻣﺎ ﻳﺎﺫﻥ ﺍﻟﻈﻬﺮ
..
ﺻﺒﺖ ﺣﻨﻴﻦ ﺍﻟﻘﻬﻮﺓ
ﺣﻨﻴﻦ : ﻫﺎﻛﻲ ﻳﺎ ﻣﺮﻳﻢ ﻃﻠﻌﻴﻬﺎ ﻟﻌﺒﺪ ﺍﻟﺮﺣﻤﻦ
ﻣﺮﻳﻢ : ﺑﺎﻩ
ﻭ ﺧﺬﺕ ﺣﻨﻴﻦ ﻗﻬﻮﺓ ﻃﻠﻌﺘﻬﺎ ﻟﻲ ﻋﻴﺖ ﻋﻤﻬﺎ ﻟﻠﻲ ﺟﻴﻨﻬﻢ ﻣﻦ ﺩﺭﻧﺔ ﻗﺪﻣﺖ ﻟﻲ ﻣﺮﺁﺓ ﻋﻤﻬﺎ ( ﻋﺎﺋﺸﺔ )
ﻭ ﺑﻨﺎﺕ ﻋﻤﻬﺎ ﺍﻻﺗﻨﻴﻦ ( ﻳﺎﻗﻴﻦ ﻭ ﺳﻠﻴﻤﺔ )
ﻭ ﺧﻮﻳﻠﺔ
ﻭ ﻗﻌﻤﺰﺕ ﺟﻨﺐ ﺍﻟﺒﻨﺎﺕ ﺍﺗﻬﺪﺭﺯ
ﻭ ﺻﻠﺖ ﻣﺮﻳﻢ ﻟﻠﻲ ﺍﻟﻤﺮﺑﻮﻋﻪ
ﻃﻠﻌﺖ ﻓﻮﻧﻬﺎ ﻭ ﺩﺭﺕ ﺭﻧﺔ ﻟﻲ ﻋﺒﺪ ﺍﻟﺮﺣﻤﻦ ﻭ ﻭﻗﻔﺖ ﺗﺴﺘﻨﺎ ﺑﺮﺍ
ﻧﻴﻦ ﻃﻠﻌﻠﻬﺎ ﻭ ﻫﻮ ﻳﻀﺤﻚ
ﻋﺒﺪﺍﻟﺮﺣﻤﻦ : ﺗﺴﻠﻢ ﺍﻳﺪﻳﻚ
ﻣﺮﻳﻢ : ﺳﻠﻤﻚ ﻣﻊ ﺍﻧﻲ ﻣﺶ ﺍﻧﺎ ﻟﻠﻲ ﺩﻳﺮﺗﻬﺎ
ﻋﺒﺪ ﺍﻟﺮﺣﻤﻦ : ﻃﻮﻝ ﻋﻤﺮﻙ ﺑﺎﻳﺮﺓ ﺍﻣﺸﻲ
ﻣﺮﻳﻢ : ﻫﻬﻬﻬﻬﻬﻪ ﺧﺰﻱ ﻳﺎﺑﺎﺭﺩ ﺧﺎﺷﻪ ﻣﺶ ﻣﺤﺘﺎﺟﺔ ﻋﺰﻭﻣﻪ
ﻋﺒﺪﺍﻟﺮﺣﻤﻦ : ﻫﻬﻬﻬﻪ ﻗﺼﺪﻙ ﻻﺯﻩ
ﻣﺮﻳﻢ : ﻭ ﺍﻟﻠﻪ ﺍﻧﺖ ﻭﺍﺣﺪ ﺣﻴﻮﺍﻥ ﻣﺎ ﻳﻨﺪﺍﺭ ﻓﻴﻚ ﺍﻟﺨﻴﺮ
ﻋﺒﺪ ﺍﻟﺮﺣﻤﻦ : ﻳﺎ ﻓﺮﺧﺔ ﺧﻮﻛﻲ ﺍﻟﻜﺒﻴﺮ ﺧﺸﻲ
ﻭ ﺧﺸﺖ ﻣﺮﻳﻢ ﻭ ﻫﻲ ﺗﻀﺤﻚ ﻭ ﺧﺶ ﻋﺒﺪ ﺍﻟﺮﺣﻤﻦ ﻟﻠﻤﺮﺑﻮﻋﺔ
ﺟﺖ ﻣﺮﻳﻢ ﻭ ﻗﻌﻤﺰﺕ ﺟﻨﺐ ﺣﻨﻴﻦ
ﻣﺮﻳﻢ : ﺷﺎ ﺍﺧﺒﺎﺭﻙ ﻳﺎ ﻳﺎﻗﻴﻦ
ﻳﺎﻗﻴﻦ : ﻭﺍﻟﻠﻬﻲ ﺍﻟﺤﻤﺪﻟﻠﻪ ﻭ ﺍﻧﺘﻲ ﺷﻦ ﺩﺍﻳﺮﺓ
ﻣﺮﻳﻢ : ﺗﻤﺎﻡ ﺍﻟﺤﻤﺪﻟﻠﻪ
ﻳﺎﻗﻴﻦ : ﻭﻳﻦ ﻋﺒﺪﻭ ﻛﻨﻪ ﻃﻠﻊ ﻫﻜﻲ ﺣﺘﻲ ﺍﻟﺴﻼﻡ ﻣﺎ ﺳﻠﻢ ﻋﻠﻴﻨﺎ ﻓﺘﻨﺎ ﻭﺳﻠﻢ ﻋﻠﻲ ﻣﺎﻣﻲ ﻭﺑﺎﺑﻲ
ﺣﻨﻴﻦ : ﻣﺎ ﺍﻳﺴﻠﻤﺶ ﺍﺻﻼ
ﺳﻠﻴﻤﺔ : ﻋﻠﻴﺶ ﻣﺘﻮﺿﻲ
ﻳﺎﻗﻴﻦ : ﻫﻬﻬﻬﻬﻬﻬﻪ ﺿﺤﻜﺘﻴﻨﻲ ﻳﺎ ﺳﻮﺳﻮ
ﻣﺮﻳﻢ ﺭﻗﻠﻬﺎ ﻭ ﺟﺖ ﺗﺒﻲ ﺍﺗﺮﺩ
ﻗﺮﺻﺘﻬﺎ ﺣﻨﻴﻦ : ﺍﺣﻢ ﺳﻤﻌﻨﺎ ﺍﻥ ﺧﻄﺒﺘﻚ ﺍﻧﻔﺴﺨﺖ ﻳﺎ ﻳﺎﻗﻴﻦ
ﻳﺎﻗﻴﻦ ﺍﺗﻘﻮﻝ ﺻﺎﻋﻘﺔ ﻭ ﺿﺮﺑﺘﻬﺎ ﻭﺟﻬﺎ ﺍﻧﺴﻮﺩ : ﺍﻫﺎ
ﺣﻨﻴﻦ : ﻳﻨﻌﻠﻲ ﻫﺬﺍ ﺭﻗﻢ ﻛﻢ ﻟﻠﻲ ﺍﻳﺴﻴﺒﻚ ﻣﻌﻠﺶ ﻗﺼﺪﻱ ﺍﺗﺴﻴﺒﻴﻪ
ﻳﺎﻗﻴﻦ ﺳﺎﻛﺘﻬﺎ ﻭ ﺭﻗﻠﻬﺎ ﻣﻦ ﻛﻼﻡ ﺣﻨﻴﻦ ﺑﻜﻞ
ﻣﺮﻳﻢ : ﻫﻬﻬﻬﻬﻬﻬﻪ ﺗﻲ ﺩﺭﺗﻲ ﻟﻴﺴﺘﻪ ﺍﻃﻮﻝ ﻣﻦ ﺯﻫﺮﺓ ﻭﺍﺯﻭﺟﻬﺎ ﺍﻟﺨﻤﺴﺔ
ﺣﻨﻴﻦ : ﻫﻬﻬﻬﻬﻬﻬﻪ ﺿﺤﻜﺘﻴﻨﻲ ﻳﺎ ﻣﻴﻤﻲ
ﻭ ﻳﺄﺫﻥ ﺍﻟﻈﻬﺮ
ﺧﻮﻳﻠﺔ : ﺍﻫﻮ ﺍﻟﻈﻬﺮ ﺍﺫﻥ ﻫﻴﺎ ﺑﻨﺎﺕ ﺻﺒﻦ ﺍﻧﺼﻠﻮﺍ ﻭ ﺍﻧﺘﻲ ﻳﺎ ﺍﻣﺮﻭﻣﻪ ﺻﺒﻲ ﺟﻴﺒﻲ ﺍﻟﺴﻔﺮﺓ ﺍﺑﺘﺎﻉ ﺍﻟﻘﻬﻮﺓ ﻭ ﺣﻄﻴﻬﺎ ﻓﻲ ﺍﻟﻤﻄﺒﺦ ﻭ ﺻﻠﻲ
ﻣﺮﻳﻢ : ﺣﺎﺿﺮ
ﺧﻮﻳﻠﺔ : ﻭﺍﻧﺘﻲ ﻳﺎ ﺣﻨﻮﻧﻪ ﺧﻮﺫﻱ ﻟﺒﻨﺎﺕ ﻟﺤﻤﺎﻡ ﺩﺭﺍﻙ ﻳﺘﻮﺿﻦ ﻭ ﺍﻳﺼﻠﻦ
ﺣﻨﻴﻦ : ﺣﺎﺿﺮ ﻫﻴﺎ ﻳﺎ ﺑﻨﺎﺕ
ﻭ ﺻﺒﻦ ﺍﻟﺒﻨﺎﺕ ﻭ ﻋﺪﻥ ﺷﻮﺭ ﺩﺍﺭ ﺣﻨﻴﻦ
ﻭ ﺻﺒﺖ ﺧﻮﻳﻠﺔ ﻫﻲ ﻭﺳﻠﻔﺘﻬﺎ ﻟﻠﻲ ﺧﺸﺖ ﻟﻠﺤﻤﺎﻡ ﻭ ﺗﻮﺿﺖ ﻭ ﻃﻠﻌﺖ ﺍﺗﺼﻠﻲ
ﻭ ﺧﻮﻳﻠﺔ ﺣﻄﺖ ﺍﻟﺮﺯ ﻓﻲ ﺍﻟﻄﻨﺠﺮﺓ ﻭ ﺑﻌﺪﻫﺎ ﺧﺸﺖ ﺣﺘﻲ ﻫﻲ ﺍﺗﻮﺿﻲ ﻋﺸﺎﻥ ﺍﺗﺼﻠﻲ
ﻛﺎﻧﺖ ﻣﺮﻳﻢ ﺗﻤﺸﻲ ﺷﻮﺭ ﺍﻟﻤﺮﺑﻮﻋﺔ ﻓﺘﺤﺖ ﺍﻟﺒﺎﺏ ﺧﺸﺖ ﻭ ﺗﻠﻘﺎﻫﺎ ﺣﺎﻳﺴﺔ ﺍﺷﻮﻱ ﺍﻟﻤﺨﺪﺍﺕ ﻃﻴﺤﺎﺕ ﻋﻠﻲ ﺍﻻﺭﺽ ﻭ ﺑﻨﺔ ﺍﻟﻤﺮﺑﻮﻋﺔ ﺩﺧﺎﻥ ﻣﻦ ﺿﻨﺎﻋﻤﻬﺎ
ﻓﺘﺤﺖ ﺍﻟﺮﻭﺷﻦ ﺍﺷﻮﻱ ﻭ ﺿﻤﺘﻬﺎ ﻭ ﺭﻓﻌﺖ ﺍﻟﻤﺨﺪﺍﺕ ﻭ ﺳﻮﺕ ﺍﻟﺼﺎﻟﻮﻥ ﻭ ﺭﻓﻌﺖ ﺍﻟﺴﻔﺮﺓ ﻭ ﺟﺎﻳﻪ ﺧﺎﺷﻪ ﺑﻴﻬﺎ ﻟﺘﻔﺘﺖ ﻭ ﺟﺖ ﺗﺒﻲ ﺗﻄﻠﻊ ﻭ ﻳﻨﻔﺘﺢ ﺍﻟﺒﺎﺏ ﻭ ﺍﻳﺨﺶ # ﻣﻬﻨﺪ ( ﻭﻟﺪ ﺟﻴﺮﺍﻧﻬﺎ )
ﻣﺮﻳﻢ ﺟﻤﺪﺕ ﻭ ﻗﻌﺪﺕ ﺍﺗﺒﻬﺖ ﻓﻴﻪ ﻭ ﻣﻨﺼﺪﻣﺔ ﻛﺎﻧﺖ ﻻﺑﺴﺔ ﺳﺮﻭﺍﻝ ﺍﻣﺮﻳﻜﻲ ﺍﺯﺭﻕ ﻭ ﺳﻮﺭﻳﺔ ﺑﻴﻀﺔ ﺍﻛﻤﺎﻣﻬﺎ ﻟﻌﻨﺪ ﺍﻟﻤﺮﻓﻖ ﻭ ﺍﻗﺼﻴﺮﺓ ﻟﻠﺨﺼﺮ .. ﻣﻌﺎﺵ ﻋﺮﻓﺖ ﺷﻦ ﺍﺩﻳﺮ ﻭ ﻛﻴﻒ ﺗﻤﺸﻲ ﺭﺟﻠﻴﻬﺎ ﻣﻌﺎﺵ ﺷﺎﻟﻮﻫﺎ
ﻧﻴﻦ ﺷﺎﻓﺘﻪ ﻃﺒﺲ ﻭ ﺍﻟﺘﻔﺖ ﻭ ﻃﻠﻊ
ﻫﺰﺕ ﻣﺮﻳﻢ ﺭﺍﺳﻬﺎ ﺑﺴﺮﻋﺔ ﻭ ﺧﺸﺖ ﺗﺠﺮﻱ ﻟﻠﻤﻄﺒﺦ ﺣﻄﺖ ﺍﻟﺴﻔﺮﺓ ﺍﻟﻤﺮﻣﺮﺓ ﻭ ﻫﻲ ﻣﻨﺼﺪﻣﺔ ﻣﻦ ﺍﻟﻤﻮﻗﻒ ﻟﻠﻲ ﺻﺎﺭ
ﻭ ﻛﺎﻧﺖ ﺗﺘﻨﻔﺲ ﺑﻘﻮﺓ ﻧﻴﻦ ﺧﺸﺖ ﺣﻨﻴﻦ ﻋﻠﻲ ﺍﻟﻤﻄﺒﺦ
ﺣﻨﻴﻦ : ﻣﺮﻳﻢ ﺍﻧﺘﻲ ﻫﻨﺎ ﺍﻧﺪﻭﺭ ﻋﻠﻴﻚ
ﻭ ﻗﺮﺑﺖ ﻣﻨﻬﺎ : ﻛﻨﻚ ﺑﺴﻢ ﺍﻟﻠﻪ ﺗﺘﻨﻔﺴﻲ ﺑﻘﻮﺓ ﻭ ﻗﻠﺒﻚ ﺻﻮﺗﻪ ﻭﺍﺻﻞ ﻟﻌﻨﺪﻱ
ﻣﺮﻳﻢ : ﺍﻓﻔﻔﻔﻔﻒ ﺻﺎﺭ ﺍﻣﻌﻴﺎ ﻣﻮﻗﻒ ﺑﻜﻞ
ﺣﻨﻴﻦ : ﺷﻦ ﺻﺎﺭ ﺍﺣﻜﻲ ﺷﻐﻠﺘﻴﻨﻲ
ﻣﺮﻳﻢ ﺣﻜﺖ ﺍﻟﻤﻮﻗﻒ ﻟﺤﻨﻴﻦ
ﺣﻨﻴﻦ : ﻃﺎﺡ ﺳﻌﺪﻙ ﺍﺗﺒﺼﺮﻱ
ﻣﺮﻳﻢ : ﻳﺎﺭﻳﺘﻨﻲ ﺍﻧﺒﺼﺮ
ﺣﻨﻴﻦ : ﻫﻬﻬﻬﻬﻬﻬﻬﻬﻬﻪ ﻧﻴﻦ ﺧﻠﻴﺘﻲ ﺍﻟﺮﺟﻞ ﺍﻳﻄﺒﺲ ﻳﺎﻟﻲ ﻣﺎ ﺗﺘﺤﺸﻤﻲ ﺷﻜﻠﻪ ﻋﺠﺒﻚ ﺍﻟﻤﻮﻗﻒ ﻭ ﻗﻌﺪﺗﻲ ﺍﻣﺼﺒﻴﺔ
ﻣﺮﻳﻢ ﺿﺮﺑﺎﺗﻬﺎ ﻋﻠﻲ ﻛﺘﻔﻬﺎ : ﻳﺎ ﺣﻴﻮﺍﻧﺔ ﻭ ﺍﻟﻠﻪ ﺟﻤﺪﺕ ﻣﺶ ﻋﺎﺭﻓﺔ ﺷﻦ ﺻﺎﺭﻟﻲ
ﺣﻨﻴﻦ : ﻫﻬﻬﻬﻬﻬﻬﻬﻬﻪ ﺷﻜﻠﻚ ﺍﻳﻀﺤﻚ ﻭ ﺍﻧﺘﻲ ﻣﺮﺗﺒﻜﻪ
ﻣﺮﻳﻢ : ﺧﺰﻱ ﺍﻟﺤﻖ ﻣﺶ ﻋﻠﻴﻚ ﻋﻠﻲ ﻟﻠﻲ ﺗﺤﻜﻴﻠﻚ
ﺣﻨﻴﻦ : ﺍﻧﺒﺼﺮ ﻋﻠﻴﻚ ﻳﺎ ﺣﺒﻴﺒﺘﻲ ﻣﺎ ﺗﺰﻋﻠﻴﺶ ؟؟ ﺑﺲ ﺷﻦ ﺟﻴﺒﻪ ﻭﻟﺪ ﺟﻴﺮﻧﺎ ﻫﻨﺎ ﻳﻌﻨﻲ
ﻣﺮﻳﻢ : ﻣﺶ ﻋﺎﺭﻓﺔ ﺍﺑﺮﻭﺣﻲ ﺍﻧﺼﺪﻣﺖ
ﺣﻨﻴﻦ : ﻳﻤﻜﻦ ﺍﻳﻜﻮﻥ ﺻﺎﺣﺐ ﻋﺒﺪﻭ ﻭ ﺍﻋﻴﺎﻝ ﻋﻤﻲ
ﻣﺮﻳﻢ : ﺷﻦ ﻋﺮﻓﻚ
ﺣﻨﻴﻦ : ﻗﺘﻠﻚ ﻳﻤﻜﻦ ﻣﺎﻓﻴﺶ ﺳﺒﺐ ﻏﻴﺮﻫﺬﺍ
ﻣﺮﻳﻢ : ﺍﻓﻔﻔﻔﻔﻔﻒ ﻣﺎﻋﻨﺪﻳﺶ ﺟﻮ ﺍﻧﻔﻜﺮ ﻓﻲ ﺍﻟﻤﻮﺿﻮﻉ ﺑﻜﻞ ﺍﺑﺮﻭﺣﻲ ﻣﺰﻟﺖ ﻣﺼﺪﻭﻣﺔ ﻭ ﻧﺮﻋﺶ ﻧﺒﻲ ﺍﻧﻌﺪﻱ ﺍﻧﺼﻠﻲ
ﺣﻨﻴﻦ : ﺑﺎﻫﻲ ﻋﺪﻱ ﻭ ﺍﻧﺎ ﺗﻮﺍ ﺍﻧﻮﻃﻲ ﻋﻠﻲ ﺍﻟﻄﻨﺠﺮﺓ ﻭ ﺍﻧﻌﺪﻱ ﻧﻘﺼﻘﺺ ﻣﻦ ﻫﺎﻟﻬﻢ ﻟﻠﻲ ﺑﺮﺍ
ﻣﺮﻳﻢ : ﺑﺎﻩ
ﻭ ﺭﻛﺒﺖ ﻣﺮﻳﻢ ﻟﺪﺍﺭ ﺍﺗﻮﺿﻲ ﻭ ﺍﺗﺼﻠﻲ ﻭ ﻋﺪﺕ ﺣﻨﻴﻦ ﻟﻠﺼﺎﻟﺔ
ﺣﻨﻴﻦ : ﺍﺣﻢ ﺑﻨﺎﺕ ﺗﻌﺎﻟﻦ ﻟﻠﻤﻄﺒﺦ ﺍﻧﻬﺪﺭﺯﻭ ﻏﺎﺩﻱ ﻭ ﺍﺗﺴﺎﻋﺪﻧﻲ
ﻳﺎﻗﻴﻦ : ﻋﺎﺭﻓﺔ ﻳﺎ ﻧﻮﻧﺎ ﻭﺍﻟﻠﻪ ﻛﺎﻥ ﺧﺎﻃﺮﻱ ﺑﺲ ﻣﺎ ﻗﺒﺤﻮﺗﻨﻲ ﺻﻠﻴﺖ ﻣﻦ ﺭﺟﻠﻲ ﻻﻧﻬﺎ ﺍﺗﻮﺟﻊ ﻓﻴﺎ
ﺧﻮﻳﻠﺔ : ﻻﺑﺎﺱ ﻋﻠﻴﻚ ﻳﺎ ﺑﻨﺘﻲ ﻣﻦ ﺷﻨﻮ
ﺣﻨﻴﻦ : ﻻ ﺑﺎﺱ ﻋﻠﻴﻚ ﺷﻦ ﺻﺎﺭﻟﻚ ﻭ ﺍﻧﺘﻲ ﻛﻞ ﻣﺎ ﺍﺗﺠﻴﻨﺎ ﻻﺯﻡ ﺍﻳﺼﻴﺮﻟﻚ ﺷﺊ ﻫﻬﻬﻬﻪ
ﻳﺎﻗﻴﻦ : ﻣﺶ ﻋﺎﺭﻓﺔ ﻗﻌﺪﺕ ﺍﺗﻮﺟﻊ ﻓﻴﺎ ﺑﺲ
ﺣﻨﻴﻦ : ﺍﻣﻤﻤﻤﻢ ﺻﺎﺭ ﺍﺗﻮﺟﻊ ﻭ ﺍﻧﺘﻲ ﻳﺎ ﺳﻠﻴﻤﺔ ﺭﺍﻩ ﺗﻘﻌﺪﻱ ﺻﺎﺭﻟﻚ ﻓﻘﺪ ﻓﻲ ﺍﻟﺬﺍﻛﺮﺓ ﺑﺲ
ﺳﻠﻴﻤﺔ : ﻻ ﺑﻄﻨﻲ ﺗﻮﺟﻊ ﻓﻴﺎ ﻭﺷﻜﻠﻬﺎ ﺗﺒﻲ ﺍﺗﺠﻴﻨﻲ ﻳﺎ ﻧﻮﻧﺎ ﺍﻩ
ﻣﺮﺁﺓ ﻋﻤﻲ ﺗﺴﻤﻊ ﻭ ﺍﺗﻔﻨﺺ ﻓﻲ ﺍﻟﺒﻨﺎﺕ
ﺧﻮﻳﻠﺔ : ﺧﻼﺹ ﻳﺎ ﻧﻮﻧﺎ ﺧﻠﻲ ﺍﻟﺒﻨﺎﺕ ﻭ ﺍﻧﺘﻲ ﻋﺪﻱ ﻟﻠﻤﻄﺒﺦ
ﺣﻨﻴﻦ : ﺣﺎﺿﺮ ﻳﺎ ﻣﺎﻣﺎ
ﻭ ﻋﺪﺕ ﺣﻨﻴﻦ ﻟﻠﻤﻄﺒﺦ ﻭ ﻫﻲ ﺭﻗﻴﻠﻬﺎ ﻭ ﺍﺗﺴﺐ ﻭ ﺗﻠﻌﻦ ﻓﻴﻬﻦ ﻭ ﻓﻲ ﺍﻟﻴﻮﻡ ﻟﻠﻲ ﻗﺎﻟﻮ ﺍﻧﻬﻢ ﻳﺒﻮﺍ ﺍﻳﺠﻮﺍ ﻓﻴﻪ
ﺣﺮﻛﺖ ﺍﻟﺮﺯ ﻭ ﻗﻌﺪﺕ ﺍﺗﺸﻮﻑ ﻓﻴﻪ ﻃﺎﺏ ﻭﻻ ﻣﺰﺍﻝ
..
ﻛﻠﻤﻨﺎ ﺍﻟﺼﻼﺓ ﻭ ﺧﺸﺖ ﺣﻨﻲ ﻟﻠﻤﻄﺒﺦ ﺍﺗﺸﻮﻑ ﻓﻲ ﺍﻟﺸﻐﻼﺕ ﺷﻦ ﺩﺭﺍﻥ ﻓﻲ ﺍﻟﻐﺪﺍ ﻭ ﺍﻣﻮﻗﻔﻪ ﺍﺗﺸﻮﻑ
ﻣﺎﻣﺎ : ﻳﺎ ﻋﻤﺘﻲ ﺗﻌﺎﻟﻲ ﻗﻌﻤﺰﻱ ﻭ ﺧﻠﻴﻬﻦ ﺍﻳﺪﻳﺮﻥ
ﺣﻨﻲ : ﻻ ﻭﺍﻟﻠﻪ ﻣﺎﻳﺴﻴﺒﻦ ﻳﺎ ﺭﻗﻴﺔ ﻫﺬﻳﻦ
ﻣﺮﺁﺓ ﻋﻤﻲ ( ﻣﻨﻴﺮﺓ ) : ﺑﺎﻫﻲ ﺗﻌﺎﻟﻲ ﺍﻧﺘﻲ ﻗﻌﻤﺰﻱ ﻣﺎ ﺗﻘﺪﺭﻳﺶ ﻋﻠﻲ ﺍﻟﺘﺼﺒﺎ ﻭ ﺧﻠﻴﻨﻲ ﺍﻧﺎ ﺗﻮﺍ ﺍﻧﺸﻮﻓﻬﻦ ﻭ ﺍﻧﻮﻗﻒ ﻓﻮﻕ ﺭﺍﺳﻬﻦ
ﺣﻨﻲ : ﻻ ﻻ ﺍﻣﺘﻌﻮﺩﺓ ﺍﻧﻲ ﺍﻧﺎ ﻟﻠﻲ ﺍﻧﺸﻮﻓﻬﻦ ﺍﺑﺮﻭﺣﻲ
ﺍﻧﺎ : ﻋﻨﻴﺪﺓ ﻳﺎ ﺣﻨﻲ
ﻣﺎﻣﺎ : ﺧﻠﻮﺩ
ﺍﻧﺎ : ﻣﺎ ﺍﺗﺒﻬﺘﻴﺶ ﻓﻴﺎ ﻭﺍﻟﻠﻪ ﻋﻨﻴﺪﺓ ﻟﻜﻢ ﺳﺎﻋﺔ ﺗﻘﻨﻌﻮﺍ ﻓﻴﻬﺎ ﻭ ﺍﻣﺴﻜﺮﺓ ﺭﺍﺳﻬﺎ
ﻣﺎﻣﺎ : ﺍﻟﺴﺎﻧﻚ ﺭﺍﻳﺢ ﻃﺎﻭﻝ ﻛﻼ ﺍﻧﺘﻲ
ﺍﻧﺎ : ﺧﻼﺹ ﺳﻜﺘﺖ
ﻣﺮﺁﺓ ﻋﻤﻲ ( ﺟﻤﻴﻠﺔ ) : ﺑﺎﻫﻲ ﺧﻼﺹ ﻣﻌﻨﻬﺎ ﺗﻮﺍ ﺍﻧﺨﺸﻮﺍ ﺍﻣﻌﺎﻙ ﺣﺘﻲ ﻧﺤﻨﺎ
ﺣﻨﻲ : ﻭﻳﻦ ﺟﻴﺎﺕ
ﻣﺎﻣﺎ : ﺍﻧﻘﻌﻤﺰﻭ ﻋﻠﻲ ﻫﺎﻟﻄﺎﻭﻟﺔ ﻭ ﺍﻟﻜﺮﺍﺳﻲ ﻭ ﻗﻌﻤﺰﻱ ﺍﻣﻌﻨﺎ ﻫﺪﺭﺯﻱ ﻭ ﻗﻌﺪﻱ ﺷﻮﻓﻴﻬﻦ
ﺣﻨﻲ : ﻻ ﻏﻴﺮ ﺍﺗﻌﺒﻦ ﺍﺭﻭﺍﺣﻜﻦ ﺧﻠﻨﻜﻦ ﺑﺮﺍ ﺗﻮﺍ ﺍﻧﺠﻲ
ﻫﻨﺎﺩﻱ : ﻣﻌﻨﻬﺎ ﻳﺴﺘﺘﻦ ﺍﻟﻌﻤﺮ ﻛﻠﻪ ﻛﺎﻥ ﻳﺒﻦ ﻳﻘﻌﺪﻥ ﺑﺮﺍ
ﻣﺮﺁﺓ ﻋﻤﻲ ( ﻣﻨﻴﺮﺓ ) : ﻫﻨﺎﺩﻱ
ﻫﻨﺎﺩﻱ : ﺧﻼﺹ ﻣﺎﻓﻴﺶ ﺩﺍﻋﻲ ﻟﺘﻔﻨﻴﺺ ﺍﻋﻴﻮﻧﻚ ﺍﻗﺮﻳﺐ ﻳﻄﻠﻌﻦ
ﻣﺮﺁﺓ ﻋﻤﻲ ( ﻣﻨﻴﺮﺓ ) : ﺷﻮﻓﻲ ﺍﻟﺒﻨﺖ
ﻣﺮﺁﺓ ﻋﻤﻲ ( ﺟﻤﻴﻠﺔ ) : ﻛﻠﻬﻦ ﻫﻜﻲ ﻳﺎ ﺣﻨﻪ ﺑﻨﺎﺕ ﺍﻟﺰﻣﺎﻥ ﻫﺬﺍ
ﻧﺴﺮﻳﻦ : ﺷﻦ ﻗﺼﺪﻙ ﻳﺎ ﻣﺎﻣﺎ
ﻣﺮﺁﺓ ﻋﻤﻲ ( ﺟﻤﻴﻠﺔ ) : ﻳﻨﻌﻠﻲ ﻳﺎﺭﻳﺘﻨﻲ ﺳﻜﺘﺖ ﺷﻦ ﻟﻠﻲ ﺧﻠﻨﻲ ﻧﺤﻜﻲ
ﻧﻴﺮﻭﺯ : ﺍﺳﻤﻌﻲ ﻳﺎ ﻏﺮﺑﺎﻭﻳﺔ ﺭﺍﻧﺎ ﻓﻲ ﺍﻟﺸﺮﻕ ﻣﺎ ﺍﺗﺨﻠﻴﻨﺎﺵ ﻧﺨﻄﻔﻮﻙ ﻭ ﻧﻄﻠﺒﻮﺍ ﻓﺪﻳﺔ
ﻣﺮﺁﺓ ( ﺟﻤﻴﻠﺔ ) : ﻫﻬﻬﻬﻬﻬﻬﻬﻪ ﺷﻔﺘﻲ ﺑﻨﺎﺕ ﻫﺎﻟﺰﻣﺎﻥ
ﻣﺮﺁﺓ ﻋﻤﻲ ( ﻣﻨﻴﺮﺓ ) : ﻫﻬﻬﻬﻬﻬﻬﻬﻪ ﻋﻄﻚ ﺍﻟﺨﻴﺮ ﻳﺎ ﻧﻴﺮﻭﺯ
ﻣﺎﻣﺎ : ﻏﻴﺮ ﻳﺴﻠﻤﻦ ﺭﺑﻲ ﻳﺤﻔﻈﻬﻦ ﻟﻚ
ﻣﺮﺁﺓ ﻋﻤﻲ ( ﺟﻤﻴﻠﺔ ) : ﻭﻳﺤﻔﻈﻠﻚ ﺍﻋﻮﻳﻠﺘﻚ ﺍﻧﺸﺎﺀ ﺍﻟﻠﻪ
ﻣﺎﻣﺎ ﺍﺑﺘﺴﻤﺖ : ﺍﻣﻴﻦ
ﺣﻨﻲ : ﺍﻧﻲ ﺟﻴﺖ ﻫﻪ
ﻭ ﺟﺖ ﻗﻌﻤﺰﺕ ﺟﻨﺐ ﻣﺎﻣﺎ ﻭ ﺻﺒﺎﻳﺎ ﻋﻤﺎﻣﻲ ﻭ ﻗﻌﺪﻥ ﺍﻳﻬﺪﺭﺯﻥ ﻭ ﻗﻌﺪﻥ ﺍﻟﺸﻐﻼﺕ ﺍﻳﻄﻠﻌﻦ ﻓﻲ ﺍﻟﻐﺪﺍ ﻭ ﺍﻳﺤﻄﻦ ﻋﻠﻲ ﺍﻟﻄﺎﻭﻟﺔ
ﻧﺴﺮﻳﻦ : ﻛﻨﻬﻢ ﺗﺎﺧﺮﻭ ﺍﻟﺮﺟﺎﻟﺔ
ﻫﻨﺎﺩﻱ : ﻣﺎ ﺍﺻﻼ ﺍﻟﺠﺎﻣﻊ ﺑﻌﻴﺪ ﺍﺷﻮﻱ ﻋﻦ ﺣﻮﺵ ﺟﺪﻱ
ﻧﻴﺮﻭﺯ : ﺍﻫﺎ
ﻭ ﺗﻨﺰﻝ ﻋﻤﺘﻲ ﺑﻌﺪ ﺍﻟﺼﻼﺓ ﻭﻗﺮﻳﺖ ﺍﻟﻘﺮﺁﻥ
ﻋﻤﺘﻲ : ﺧﻠﻮﺩ ﻫﺎﻛﻲ
ﺍﻧﺎ : ﺷﻨﻮ
ﻋﻤﺘﻲ : ﺻﺎﺣﺒﺘﻚ ﺗﺒﻴﻚ
ﺍﻧﺎ : ﻣﻦ
ﻋﻤﺘﻲ : ﻗﺎﻟﺘﻠﻲ ﺍﺳﻤﻬﺎ ﻫﻴﺎﻡ
ﺍ ﺳﺘﻐﺮﺑﺖ ﻫﻴﺎﻡ ﻛﻨﻬﺎ ﻭ ﻛﻴﻒ ﻋﺮﻓﺖ ﺭﻗﻢ ﺍﻋﻤﻴﻤﺔ ﻭ ﺻﺒﻴﺖ ﺧﺬﻳﺖ ﺍﻟﻔﻮﻥ ﻣﻦ ﻋﻤﺘﻲ ﻭ ﻃﻠﻌﺖ ﻧﺤﻜﻲ ﺍﻣﻌﺎﻫﺎ ﺑﺮﺍ
ﺍﻧﺎ : ﺍﻟﻮ
ﻫﻴﺎﻡ : ﺍﻳﻮ ﻳﺎ ﺧﻠﻮﺩ ﻛﻴﻒ ﺣﺎﻟﻚ ؟؟ ﻭ ﺍﻧﺸﺎﺀ ﺍﻟﻠﻪ ﺟﻤﻌﺘﻚ ﻣﺒﺎﺭﻛﺔ
ﺍﻧﺎ : ﺍﻟﺤﻤﺪﻟﻠﻪ ﻭ ﺍﺟﻤﻌﻴﻦ ﺍﻧﺸﺎﺀ ﺍﻟﻠﻪ ﺍﻧﺘﻲ ﻛﻴﻒ ﺣﺎﻟﻚ ؟؟
ﻫﻴﺎﻡ : ﺍﻟﺤﻤﺪﻟﻠﻪ ﺣﺎﻝ ﺍﻟﻔﺮﺣﺔ
ﺍﻧﺎ : ﻋﻠﻴﺶ ﻓﺮﺣﺎﻧﻪ ؟؟ ﺍﻧﺸﺎﺀ ﺍﻟﻠﻪ ﺩﻭﻡ
ﻫﻴﺎﻡ : ﻣﺎ ﻧﻜﺶ ﻋﺎﺭﻓﺔ ﺗﻮﻗﻌﺖ ﻫﻨﺎﺩﻱ ﺍﺗﻘﻮﻟﻚ ﻻﻧﻬﺎ ﻋﺎﺭﻓﺔ
ﺍﻧﺎ ﺍﺳﺘﻐﺮﺑﺖ ﺷﻨﺊ ﻟﻠﻲ ﻋﺮﻓﺘﻪ ﻫﻨﺎﺩﻱ ﻭ ﻣﺶ ﻗﺎﻳﻠﺘﻪ ﻟﻴﺎ
ﺍﻧﺎ : ﺷﻨﻲ ﺍﻧﺸﺎﺀ ﺍﻟﻠﻪ ﺧﻴﺮ
ﻫﻴﺎﻡ : ﻳﻮﻡ ﺍﻻﺛﻨﻴﻦ ﺍﻟﺠﺎﻱ ﺍﻧﺸﺎﺀ ﺍﻟﻠﻪ ﺑﻴﻜﻮﻥ ﻳﻮﻡ ﺧﻄﺒﺘﻲ ﻋﻠﻲ ﻗﺼﻲ
ﺍﻧﺎ ﺍﻧﺼﺪﻣﺖ ﻣﻌﺎﺵ ﻋﺮﻓﺖ ﺷﻦ ﻧﺒﻲ ﺍﻧﻘﻮﻝ ﻭﻻ ﻧﺤﻜﻲ ﻟﻠﺤﻈﺔ ﺣﺴﻴﺖ ﺍﻟﺴﺎﻧﻲ ﺍﺭﺗﺒﻂ ﻭ ﻣﻌﺎﺵ ﻗﺪﺭﺕ ﺍﻧﺤﺮﻙ ﻓﻤﻲ ﺟﻤﺪﺕ ﻣﻦ ﺻﺪﻣﺔ ﺍﻟﺨﺒﺮ ﻛﻴﻒ ﺍﻟﺼﻨﻢ # ﺑﺠﺪ # ﺻﺪﻣﻨﻲ ﻭ ﻧﻮﺿﺖ ﻋﻠﻴﺎ # ﻣﻮﺍﺟﻊ # ﺍﻣﺴﻜﺮﺍﺕ # ﻣﻦ # ﺍﺳﻦﻳﻦ
ﻫﻴﺎﻡ : ﺧﻠﻮﺩ ﺍﻧﺘﻲ ﺍﻣﻌﻴﺎ
ﺍﻧﺎ : ﺍﺍﺍﺍ ﺍﻣﻌﺎﻙ ﻭ ﺍﻧﺸﺎﺀ ﺍﻟﻠﻪ ﺍﻟﻒ ﻣﺒﺮﻭﻙ ﻭﺭﺑﻲ ﺍﻳﺘﻤﻤﻠﻚ ﻋﻠﻲ ﺧﻴﺮ
ﻫﻴﺎﻡ : ﺍﻧﺸﺎﺀ ﺍﻟﻠﻪ ﻳﺎﺭﺏ ﻭ ﺭﺍﻛﻲ ﻭ ﻋﻤﺘﻚ ﻣﻌﺰﻭﻣﺎﺕ ﻭ ﺍﻣﻚ ﻭ ﻫﻨﺎﺩﻱ ﻋﺰﻣﺘﻬﺎ ﻫﻲ ﻭ ﺍﻣﻬﺎ ﺑﻴﺶ ﺍﺗﺠﻲ ﺑﺎﻫﻲ
ﺍﻧﺎ : ﺍﻧﺸﺎﺀ ﺍﻟﻠﻪ
ﻫﻴﺎﻡ : ﺑﺎﻫﻲ ﻫﻴﺎ ﺗﻮﺍ ﺳﻼﻡ ﻣﺎﻣﺎ ﺍﺗﻨﺎﺩﻱ
ﺍﻧﺎ : ﺳﻼﻡ
ﺳﻜﺮﺕ ﺍﻟﺨﻂ ﻭ ﻣﺶ ﻋﺎﺭﻓﺔ ﺷﻦ ﺻﺎﺭﻟﻲ ﺧﻨﺘﻨﻲ ﺍﻟﺪﻣﻌﺔ ﻭ ﻧﺰﻟﺖ ﻗﻌﻤﺰﺕ ﻋﻠﻲ ﺍﻗﺮﺏ ﻛﺮﺳﻲ ﻓﻲ ﺍﻟﺠﻨﺎﻥ ﻭ ﺍﺩﻣﻮﻋﻲ ﻳﻨﺰﻟﻦ ﻛﻴﻒ ﺍﻟﺸﻼﻝ ﺑﻼ ﺻﻮﺕ ﺍﺳﻤﻪ ﺍﺑﺮﻭﺣﻪ ﺧﻄﺮ ﻟﻴﺎ ﺍﻳﺎﻡ ﺍﻟﻠﻪ ﻻ ﺍﻳﻌﻴﺪﻫﻦ ﺍﻳﺎﻡ ﻓﻴﻬﻦ ﻋﺮﻓﺖ ﻣﻌﻨﻰ ﺍﻟﺼﺎﺣﺐ ﻟﻤﺎ ﻳﻄﻌﻨﻚ ﻓﻲ ﻇﻬﺮﻙ ﻓﻴﻬﻦ ﺧﺴﺮﺕ ﺷﺨﺺ ﻗﺎﻋﺪ ﺗﺤﺖ ﻟﺘﺮﺍﺏ ﺗﻮﺍ ﺷﺨﺺ ﺭﻏﻢ ﻣﻮﺗﻪ ﺍﻻ ﺍﻧﻲ ﻣﺶ ﻗﺪﺭﺓ ﺍﻧﺴﺎﻣﺤﻪ ﺷﺨﺺ ﺍﺳﻨﻴﻦ ﻣﻦ ﻭﻧﺤﻨﺎ ﺍﺻﻐﺎﺭ ﺩﻳﻤﻪ ﻣﻊ ﺑﻌﺾ ﺑﺲ ﻫﺬﺍﻙ ﻟﻠﻲ ﺻﺎﺭ ﻓﺮﻗﻨﺎ ﻭ ﻗﻬﺮﻧﻲ ﺍﻟﺨﺒﺮ ﺣﺴﻴﺘﻪ ﻛﻴﻒ ﺍﻟﺨﻨﺠﺮ ﻓﻲ ﻭﺳﻂ ﻗﻠﺒﻲ ﺗﻮﺟﻊ ﻟﻤﺎ ﺍﺗﻜﻮﻥ ﺗﺘﺄﻟﻢ ﻭ ﻣﺶ ﻗﺎﺩﺭ ﺗﻮﺻﻒ ﺃﻟﻤﻚ ﻭ ﻓﺠﺂﺓ ﺧﻄﺮ ﻋﻠﻲ ﺑﺎﻟﻲ ﺍﻥ ﻫﻨﺎﺩﻱ ﻋﺎﺭﻓﺔ ﻣﺴﺤﺖ ﺍﺩﻣﻮﻋﻲ ﻭ ﺗﻨﻬﺪﺕ ﻭ ﺧﺸﻴﺖ ﺟﻮﺍ ﻭ ﻟﻘﻴﺘﻬﻢ ﻛﻠﻬﻢ ﺍﻣﻘﻌﻤﺰﻳﻦ ﻋﻠﻲ ﺍﻟﻄﺎﻭﻟﺔ
ﺟﺪﻱ : ﺍﻫﺊ ﺟﺖ ﺧﻠﻮﺩ
ﺍﻧﺎ ﺍﺑﺘﺴﻤﺖ ﻭ ﻗﻌﺪﺕ ﺍﻣﻮﻗﻔﺔ ﺍﻣﻜﺎﻧﻲ
ﺍﻋﻤﻴﻤﺔ : ﻛﻨﻚ ﺍﻣﻮﻗﻔﺔ ﻣﻜﺎﻧﻚ ﺗﻌﺎﻟﻲ
ﻣﺎﻣﺎ : ﺗﻌﺎﻟﻲ ﻳﺎ ﺧﻠﻮﺩ
ﺍﻧﺎ : ﺍﺣﻢ ﺍﺷﻮﻳﺎ ﻭ ﺣﺎ ﺍﻧﺠﻲ ﻭ ﺍﻟﺘﻔﺘﺖ : ﻫﻨﺎﺩﻱ
ﻫﻨﺎﺩﻱ : ﻧﻌﻢ
ﺍﻧﺎ : ﻫﻴﺎﻡ ﺗﺒﻴﻚ ﻋﻠﻲ ﺍﻟﻔﻮﻥ
ﻫﻨﺎﺩﻱ ﻭﺟﻬﺎ ﺗﻐﻴﺮ ﻭﻗﻌﺪ ﺍﻟﻮﺍﻥ ﺍﻟﻮﺍﻥ : ﺷﻦ ﺗﺒﻲ ﻫﺬﻱ
ﻛﻠﻬﻢ ﺑﻬﺘﻮﺍ ﻓﻲ ﻫﻨﺎﺩﻱ ﻟﻠﻲ ﺗﻨﺮﻓﺰﺕ ﻓﺠﺂﺓ ﻭ ﺭﻗﻠﻬﺎ
ﺍﻧﺎ : ﻣﺶ ﻋﺎﺭﻓﺔ ﺗﻌﺎﻟﻲ ﺍﺣﻜﻲ ﺍﻣﻌﺎﻫﺎ ﻋﻠﻲ ﺍﻟﺴﺮﻳﻊ
ﻫﻨﺎﺩﻱ ﺻﺒﻴﺖ ﻭ ﻃﻠﻌﺖ ﻭﺭﺍﺋﻲ
ﺍﻋﻤﻴﻤﺔ : ﺑﺎﻫﻲ ﺗﻌﺎﻟﻲ ﺍﻧﺘﻲ ﻗﻌﻤﺰﻱ ﻭ ﺧﻠﻴﻬﺎ ﺗﻄﻠﻊ ﺗﺤﻜﻲ ﻣﻊ ﺻﺎﺣﺒﺘﻬﺎ
ﺍﻧﺎ : ﻣﺎ ﺍﺻﻼ ﺗﺒﻴﻨﺎ ﻧﺤﻨﺎ ﺍﻻﺗﻨﻴﻦ
ﻭ ﺧﺬﻳﺖ ﻫﻨﺎﺩﻱ ﻣﻦ ﻳﺪﻫﺎ ﻭ ﻃﻠﻌﺖ ﺍﺑﺴﺮﻋﺔ ﻟﺠﻨﺎﻥ
ﻫﻨﺎﺩﻱ : ﺑﺴﻢ ﺍﻟﻠﻪ ﺑﺸﻮﻳﺎ ﻛﻨﻚ
ﺍﻧﺎ ﻭﻗﻔﺖ ﻭ ﺍﻟﺘﻔﺘﺖ ﻋﻠﻴﻬﺎ : ﺻﺎﺭ ﻳﻮﻡ ﺍﻻﺗﻨﻴﻦ ﺧﻄﺒﺔ ﻗﺼﻲ
ﻫﻨﺎﺩﻱ : ﻣﺎ ﺍﺗﺒﻬﺘﻴﺶ ﻫﻜﻲ ﻣﺎ ﺣﺒﻴﺘﺶ ﻧﺤﻜﻴﻠﻚ ﻋﺸﺎﻥ ﺍﻟﻤﻮﺿﻮﻉ ﻣﺎ ﺍﻳﺬﻛﺮﻛﺶ ﺑﻲ ﺍﺳﺮﺍﺀ ﺍﻟﻠﻪ ﻳﺮﺣﻤﻬﺎ
ﺍﻧﺎ ﺍﺩﻣﻮﻋﻲ ﺧﻨﻨﻲ ﻭ ﻧﺰﻟﻦ ﺍﺧﺮﻱ ﻭ ﻣﺴﺤﺘﻬﻦ : ﺑﺲ ﻛﻨﺘﻲ ﺗﻘﺪﺭﻱ ﺍﺗﻘﻮﻟﻲ ﺑﺪﺍﻝ ﻣﺎ ﻧﻌﺮﻑ ﻣﻦ ﺍﻟﻐﺮﻳﺐ ﻳﺎ ﻫﻨﺎﺩﻱ
ﻫﻨﺎﺩﻱ : ﻣﺎ ﺗﺒﻜﻴﺶ ﻋﻠﻴﺶ ﺗﻮﺍ ﻟﺒﻜﺎﺀ
ﺍﻧﺎ : ﻋﺎﺭﻓﺔ ﺷﻦ ﻟﻠﻲ ﻗﻬﺮﻧﻲ ﻭ ﺍﻳﺒﻜﻲ ﻓﻴﺎ ﻛﻞ ﻟﻴﻠﺔ ﻳﺎ ﻫﻨﺎﺩﻱ ﺍﻧﻬﺎ ﻣﺎﺗﺖ ﻫﺬﺍﻙ ﺍﻟﻴﻮﻡ ﻭ ﻣﺎ ﻗﺪﺭﺗﺶ ﺍﻧﺴﺎﻣﺤﻬﺎ ﻋﻠﻲ ﻟﻠﻲ ﺩﺭﺍﺗﻪ ﻳﺎ ﻫﻨﺎﺩﻱ ﺍﻧﺎ ﻭﻳﺎﻫﺎ ﺻﺤﺒﺎﺕ ﻣﻦ ﺍﻟﺮﻭﺿﺔ ﻣﻦ ﻭ ﻧﺤﻨﺎ ﺍﺻﻐﺎﺭ ﻭ ﺑﺴﺒﺐ ﻫﺬﻛﻲ ﻟﻠﻲ ﻣﺎ ﺗﺘﺴﻤﺎ ﻧﺤﻨﺎ ﺍﻓﺘﺮﻗﻨﺎ ﻭ ﻛﺮﻫﺘﻨﻲ ﻋﻠﻲ ﺷﺊ ﻣﺎﺻﺎﺭﺵ ﺍﺻﻼ ﻇﻠﻤﺘﻨﻲ ﺻﺎﺣﺒﺘﻲ ﻭ ﻣﺎ ﻗﺪﺭﺗﺶ ﺍﻟﺼﺤﺒﺔ ﻟﻠﻲ ﺑﻴﻨﺎ ﻭ ﻭ ﻭﻳﻮﻡ ﺟﺖ ﺗﺒﻲ ﺗﻌﺘﺬﺭ ﻣﺎﺗﺖ ﻭ ﺍﻟﻤﺸﻜﻠﺔ ﺣﺎﺳﻪ ﺭﻭﺣﻲ ﺍﻧﺴﺎﻧﺔ ﻣﻦ ﺍﻛﻮﻳﺴﺔ ﻳﺎ ﻫﻨﺎﺩﻱ ﻻﻥ ﻟﻌﻨﺪ ﺗﻮﺍ ﺭﻏﻢ ﺍﻧﻬﺎ ﻗﺎﻋﺪﺓ ﻓﻲ ﺍﻟﺘﺮﺍﺏ ﻣﺶ ﻗﺎﺩﺭﺓ ﺍﻧﺴﺎﻣﺤﻬﺎ ﻋﺮﻓﺘﻲ ﻋﻠﻴﺶ ﺑﻜﻴﺖ ﺗﻮﺍ ﻭ ﻧﺒﻜﻲ ﻛﻞ ﻣﺎ ﻳﻨﺬﻛﺮ ﺍﺳﻤﻬﺎ ﻋﺸﺎﻥ ﺍﻟﻄﻌﻨﺔ ﻟﻠﻲ ﺟﺘﻨﻲ ﻣﻨﻬﺎ ﻣﺎﺯﺍﻟﺖ ﺗﻮﺟﻊ ﻓﻴﺎ ﻟﻌﻨﺪ ﺗﻮﺍ
ﻫﻨﺎﺩﻱ ﺍﺩﻣﻮﻋﻬﺎ ﻧﺰﻟﻦ ﻭ ﺍﻇﺒﻄﺘﻨﻲ : ﺍﺳﻔﺔ ﻭﺍﻟﻠﻪ ﻣﺎ ﻛﺎﻥ ﻗﺼﺪﻱ ﺑﺎﻫﻲ ﻭﺍﻟﻠﻬﻲ ﺍﺳﻔﺔ ﺑﺲ ﻳﺎ ﺧﻠﻮﺩ ﺍﻟﻤﻮﺿﻮﻉ ﻟﻪ ﺳﻨﺔ ﻭﻧﺺ ﻋﻠﻴﺶ ﻣﺰﻟﺘﻲ ﻣﺘﺬﻛﺮﺓ ﺍﻧﺴﻰ
ﺍﻧﺎ : ﺣﻮﻟﺖ ﻣﺎ ﻗﺪﺭﺗﺶ ﺣﺴﻴﺘﻪ ﻭﺍﻋﺮ ﺍﻟﻮﺟﻊ ﻣﻦ ﺍﻗﺮﺏ ﺍﻟﻨﺎﺱ ﻟﻚ
ﻫﻨﺎﺩﻱ : ﺍﺱ ﺧﻼﺹ ﺍﻧﺸﺎﺀ ﺍﻟﻠﻪ ﺗﻨﺴﻲ ﻭﺭﺑﻲ ﻳﺮﺣﻤﻬﺎ
ﺍﻧﺎ : ﺍﻣﻴﻦ
ﺍﻋﻤﻴﻤﺔ : ﻳﺎ ﺑﻨﺎﺕ
ﺍﻟﺘﻔﺘﻨﺎ ﻋﻠﻴﻬﺎ
ﺍﻋﻤﻴﻤﺔ : ﺑﺴﻢ ﺍﻟﻠﻪ ﻛﻨﻜﻦ ﺗﺒﻜﻦ
ﻫﻨﺎﺩﻱ : ﺷﺊ ﻳﺎ ﺍﻋﻤﻴﻤﺔ
ﺍﻋﻤﻴﻤﺔ : ﺷﻨﻲ ﺷﺊ ﺍﺻﻼ ﺍﻧﺎ ﻣﻦ ﺍﻭﻝ ﻣﺎ ﺭﺩﻳﺘﻲ ﺍﺗﻜﻠﻤﻲ ﻓﻲ ﻫﻨﺎﺩﻱ ﻭ ﺍﻧﺎ ﺣﺎﺳﻪ ﺍﻧﻜﻦ ﻣﺶ ﻃﺒﻴﻌﻴﺎﺕ ﻭ ﻛﻨﻬﺎ ﻫﻴﺎﻡ ﺷﻦ ﺗﺒﻲ ﻓﻴﻚ
ﺍﻧﺎ : ﺍﻓﻔﻔﻔﻒ ﺗﻌﺰﻡ ﻓﻴﺎ ﻋﻠﻲ ﺧﻄﺒﺘﻬﺎ
ﺍﻋﻤﻴﻤﺔ : ﻭ ﺍﻧﺘﻦ ﻋﻠﻴﺶ ﺗﺒﻜﻦ ﻭ ﺳﻜﺘﺖ ﻭ ﺑﻬﺘﺖ ﻓﻴﻨﺎ : ﻣﺎ ﺍﺗﻘﻮﻟﻨﺶ ﺍﻧﻜﻦ ﺗﺒﻜﻦ ﻋﻠﻲ ﺍﻧﻬﺎ ﺍﻧﺨﻄﺒﺖ ﻭ ﺍﻧﺘﻦ ﻻ
ﺍﻧﺎ ﻭ ﻫﻨﺎﺩﻱ : ﻫﻬﻬﻬﻬﻬﻬﻬﻬﻬﻬﻬﻬﻬﻪﻫﻬﻬﻬﻬﻬﻬﻬﻬﻬﻪ
ﺍﻧﺎ : ﻭﺍﺍﺍﺍﺍﻭ ﻳﺎ ﺍﻋﻤﻴﻤﻪ ﻋﻄﻚ ﺍﻟﺨﻴﺮ ﻫﻬﻬﻬﻬﻬﻪ ﻭ ﺣﻖ ﺍﻟﻠﻪ ﻣﻮﺗﻴﻨﻲ ﺿﺤﻚ
ﻫﻨﺎﺩﻱ : ﺍﻩ ﻳﺎ ﺑﻄﻨﻲ ﻣﺶ ﻗﺎﺩﺭﺓ ﻫﻬﻬﻬﻬﻬﻬﻬﻬﻬﻬﻪ
ﺍﻋﻤﻴﻤﺔ : ﻛﻼ ﺍﻧﺘﻦ ﻣﻬﺒﻮﻻﺕ ﻣﺮﺓ ﺗﻀﺤﻜﻦ ﻣﺮﺓ ﺗﺒﻜﻦ
ﺍﻧﺎ : ﺍﻧﺎ ﺟﻌﺎﻧﺔ ﺍﻭﻛﻲ ﻭ ﻋﺪﻳﺖ
ﻫﻨﺎﺩﻱ : ﻫﻬﻬﻬﻬﻪ ﺍﺳﺘﻨﻲ ﻧﺒﻲ ﺍﻧﺠﻲ ﺍﻣﻌﺎﻙ ﻣﺎ ﺍﺗﺴﻴﺒﻴﻨﺶ ﺍﺑﺮﻭﺣﻲ
ﺍﻋﻤﻴﻤﺔ : ﺷﻦ ﻗﺼﺪﻙ ﻳﺎ ﺣﻴﻮﺍﻧﺔ
ﻫﻨﺎﺩﻱ : ﻫﻬﻬﻬﻬﻪ ﺷﺊ ﺍﻧﺒﺼﺮ ﻳﺎ ﻧﺪﻭﺵ ﻛﻨﻚ
ﺍﻋﻤﻴﻤﺔ : ﺧﺸﻲ ﺧﺸﻲ ﻭ ﺍﻧﺘﻲ ﺳﺎﻛﺘﻪ
ﻭ ﻋﺪﺕ ﻫﻨﺎﺩﻱ ﻭ ﻭﺭﺍﻫﺎ ﺍﻋﻤﻴﻤﻪ ﻭ ﺧﺸﻴﻨﺎ
ﺟﺪﻱ : ﺍﺧﻴﺮ ﺗﻲ ﻣﺘﻨﺎ ﻣﻦ ﺍﻟﺠﻮﻉ
ﻣﺎﻣﺎ : ﻋﻠﻴﻚ ﺯﻣﺎﻥ ﻳﺎ ﻋﻤﻲ ﺍﻟﻜﺒﺎﺭ ﻳﺴﺘﻨﻮ ﻟﺼﻐﺎﺭ ﻋﺸﺎﻥ ﺍﻳﺠﻮﺍ ﻳﺎﻛﻠﻮﺍ
ﺍﻧﺎ ﻋﺮﻓﺖ ﻣﺎﻣﺎ ﻣﻨﻔﺼﻠﺔ ﺳﻜﺘﺖ ﻭ ﻣﺎ ﺣﻜﻴﺘﺲ ﺑﻜﻞ ﻣﺎ ﻧﺒﻴﻬﺎﺱ ﺗﻬﺰﺑﻨﻲ ﺧﺼﻮﺻﺎ ﻗﺪﺍﻡ ﻳﺎﺳﻴﻦ ﺧﻠﻴﻨﻲ ﺍﻧﺤﻔﻆ ﻋﻠﻲ ﺍﻟﺒﺮﺳﺘﻴﺞ
ﻣﺮﺁﺓ ﻋﻤﻲ ( ﻣﻨﻴﺮﺓ ) : ﺍﻱ ﻭﺍﻟﻠﻪ ﺻﺪﻗﺘﻲ ﻋﻠﻴﻚ ﺟﻴﻞ ﻭ ﺧﻼﺹ
ﻫﻨﺎﺩﻱ : ﺍﺣﻢ ﻣﻌﻠﺶ ﺍﺳﻔﻴﻦ
ﻭ ﻗﻌﻤﺰﺕ ﺍﻧﺎ ﻭ ﺟﻨﺒﻲ ﻫﻨﺎﺩﻱ ﻭ ﺟﻨﺒﻬﺎ ﺍﻋﻤﻴﻤﻪ
ﻣﺎﻣﺎ : ﻭﺍﻧﺘﻲ ﻳﺎ ﺣﻨﻪ ﻣﺎﻓﻴﺶ ﺍﺳﻔﺔ ﻭﻻ ﺣﺎﺟﺔ ﺟﺎﻳﻪ ﺗﺎﻛﻠﻲ ﻫﻜﻲ ﻭﺍﺗﻘﻮﻝ ﻗﻄﻌﻚ ﺍﻟﺸﺮ
ﺍﻧﺎ ﺻﺒﻴﺖ
ﺟﺪﻱ : ﻫﻪ ﻳﺎ ﺭﻗﻴﺔ ﺯﻋﻠﺘﻴﻬﺎ ﺗﻮﺍ
ﺍﻧﺎ ﻟﻔﻴﺖ ﻋﻠﻲ ﺍﻟﻄﺎﻭﻟﺔ ﻭ ﺟﻴﺖ ﻭﻗﻔﺖ ﺟﻨﺐ ﻣﺎﻣﺎ ﻭ ﺣﺒﺖ ﻳﺪﻫﺎ ﻭﺭﺍﺳﻬﺎ : ﺗﻤﺎﻡ ﻳﺎ ﻣﺎﻣﺎ ﻫﻜﻲ ﻧﻘﺪﺭ ﻧﺎﻛﻞ ﻻﻥ ﺑﺠﺪ ﻗﻄﻌﻨﻲ ﺍﻟﺸﺮ
ﻫﻨﺎﺩﻱ : ﻫﻬﻬﻬﻬﻬﻬﻬﻬﻪ ﻋﻄﻚ ﺍﻟﺨﻴﺮ ﻳﺎ ﺣﻴﻮﺍﻧﺔ
ﻣﺮﺁﺓ ﻋﻤﻲ ( ﻣﻨﻴﺮﺓ ) : ﻭﻛﻨﻚ ﺗﻀﺤﻜﻲ ﻳﺎ ﺣﻨﻪ ﻫﻜﻲ ﺍﻟﺒﻨﺎﺕ ﻟﻠﻲ ﺍﻣﺮﺑﻴﺎﺕ
ﻫﻨﺎﺩﻱ : ﺍﺣﻢ ﻋﺎﺭﻓﺔ ﻳﺎ ﻣﺎﻣﺎ ﻟﻮ ﻣﺎ ﺭﺟﻠﻲ ﺍﺗﻮﺟﻊ ﻓﻴﺎ ﺭﺍﻩ ﺟﻴﺖ ﺣﺘﻲ ﻧﺎ
ﺳﺮﺍﺝ : ﺍﻟﻤﺸﻜﻠﺔ ﻛﻨﺘﻲ ﺗﻮﺍ ﻛﻴﻒ ﺍﻟﻘﺮﺩﺓ ﺍﺗﻨﻄﻲ
ﺟﺖ ﻫﻨﺎﺩﻱ ﺗﺒﻲ ﺗﺤﻜﻲ
ﻣﺆﻣﻦ : ﻛﺎﻥ ﻛﻤﻠﺘﻦ ﺍﻟﻤﺴﺮﺣﻴﺔ ﺧﻠﻮﻧﺎ ﻧﺎﻛﻠﻮ ﺟﻌﺖ
ﺍﻧﺎ ﻗﻌﻤﺰﺕ ﻋﻠﻲ ﺍﻟﻜﺮﺳﻲ ﻭﻓﻄﻨﺖ ﺍﻥ ﻣﺆﻣﻦ ﺭﻗﻴﻠﺔ ﻭ ﺍﻳﺒﻬﺖ ﻓﻲ ﻫﻨﺎﺩﻱ ﻭ ﺭﻗﻴﻠﻪ ﻭ ﺍﻋﻴﻮﻧﻪ ﻗﺮﻳﺐ ﻳﻄﻠﻌﻦ ﻣﻦ ﺍﻟﺘﻔﻨﻴﺺ ﻭ ﺍﻳﻌﺾ ﻋﻠﻲ ﺷﻔﺘﻪ ﺍﻟﺴﻔﻠﻴﺔ ﻭ ﺭﻏﻢ ﺍﻥ ﺯﻟﻄﻨﻲ ﺍﻟﺤﻴﻮﺍﻥ ﻗﺪﺍﻡ ﻳﺎﺳﻴﻦ ﺑﺲ ﻓﻴﺶ ﻣﺸﻜﻠﺔ ﻛﺎﻧﻬﻮ ﻏﺎﺭ
ﺍﻧﺎ : ﺍﺣﻢ
ﺟﺪﻱ : ﻫﻴﺎ ﻛﻮﻟﻮﺍ ﺑﺴﻢ ﺍﻟﻠﻪ
ﻭ ﻗﻌﺪﻧﺎ ﻧﺎﻛﻠﻮﺍ ﻭ ﺍﻟﺸﺒﺎﺏ ﺍﻳﻬﺪﺭﺯﻭ ﻭ ﻳﻀﺤﻜﻮﺍ ﻭ ﻫﺬﺍ ﺍﻳﺸﻔﻂ ﻋﻠﻲ ﻫﺬﺍ ﻫﺬﺍ ﻳﻀﺤﻚ ﻭ ﻫﻴﺜﻢ ﺍﻳﺸﻔﻂ ﻋﻠﻲ ﺣﻨﻲ ﻭ ﻫﻲ ﺗﺎﻛﻞ ﻭ ﻫﻲ ﺭﻗﻴﻠﻬﺎ ﻣﻨﻪ ﻭ ﻧﺤﻨﺎ ﻧﻀﺤﻜﻮﺍ
ﺣﻨﻲ : ﺗﻲ ﻳﺎ ﺍﻭﻟﻴﺪ ﻫﻨﻴﻨﻲ ﻋﻠﻲ ﻫﺎﻟﻘﻤﻪ ﻟﻠﻲ ﻧﺎﻛﻞ ﻓﻴﻬﺎ
ﻫﻴﺜﻢ : ﻫﻬﻬﻬﻬﻬﻬﻪ ﺭﻗﻴﺘﻬﺎ ﻟﻜﻲ ﻭﻻ ﻻ
ﺣﻨﻲ : ﻧﻘﻨﻚ ﻣﺎ ﺗﻨﺒﻠﻊ
ﻫﻴﺜﻢ : ﺑﺎﻫﻲ ﺍﺷﺮﺑﻲ ﻭﺭﺍﺋﻲ ﺍﻣﻴﺎﻩ
ﻛﻠﻨﺎ : ﻫﻬﻬﻬﻬﻬﻬﻬﻬﻬﻬﻬﻬﻬﻪﻫﻬﻬﻬﻬﻬﻬﻬﻪ
ﺣﻨﻲ : ﻧﻨﻘﻨﺎ ﻣﺎﻧﻲ ﻋﺎﺭﻓﺔ ﻣﻦ ﻭﻳﻦ ﺟﻴﺒﻬﺎ ﻫﺎﻟﺜﻘﺎﻟﺔ
ﻫﻴﺜﻢ : ﻫﻬﻬﻬﻬﻪ ﺣﺘﻲ ﺍﻧﺎ ﺍﺳﻤﻲ ﻫﻴﺜﻢ ............. ﺭﻛﺰﻱ ﺑﺲ ﻓﻲ ﺍﻻﺳﻤﻴﻦ ﻟﻠﻲ ﺑﻌﺪ ﺍﺳﻤﻲ ﻭ ﺗﻮﺍ ﺗﻌﺮﻓﻲ
ﺟﺪﻱ : ﺗﺤﻜﻲ ﻟﻤﻨﻮ ﻳﺎ ﺍﻭﻟﻴﺪ
ﻫﻴﺜﻢ : ﻛﻼ ﺍﻧﺖ ﻳﺎ ﺟﺪﻱ ﻫﺎﺑﺎ ﻫﺎﺑﺎ ﺩﺍﺭ ﺭﻭﺣﻚ ﻣﺎ ﺗﺴﻤﻌﺶ ﻭ ﺍﻧﻚ ﻟﻘﻄﺘﻬﺎ ﺣﺘﻲ ﻗﺒﻞ ﺍﻟﺤﻮﻳﺞ
ﻋﻤﻲ ( ﺳﺎﻟﻢ ) : ﺍﻟﺤﻮﻳﺞ ﻟﻘﻄﻬﺎ ﺑﺲ ﻣﺎﻳﺒﻴﺶ ﺍﻳﺼﺒﻲ
ﻫﻴﺜﻢ : ﻣﻌﻨﻬﺎ ﻗﻄﻌﻚ ﺍﻟﺸﺮ ﻳﺎ ﺑﺎﺗﻲ
ﻛﻠﻨﺎ : ﻫﻬﻬﻬﻬﻬﻬﻬﻬﻬﻬﻪ
ﺣﻨﻲ : ﺷﻜﻠﻲ ﺗﻮﺍ ﺍﻧﺼﺒﻲ
ﻣﺮﺁﺓ ﻋﻤﻲ ( ﺟﻤﻴﻠﺔ ) : ﻻ ﻳﺎ ﻋﻤﺘﻲ ﻭ ﺍﻟﺘﻔﺘﺖ ﺷﻮﺭ ﻫﻴﺜﻢ : ﻫﻴﺜﻢ ﺧﻼﺹ ﺭﻳﺢ ﺭﻭﺣﻚ
ﻫﻴﺜﻢ : ﻧﻌﻠﻲ ﻳﺎ ﺍﺟﻤﻮﻟﻪ ﺍﻣﺮﺍﻳﻒ ﻋﻠﻲ ﺻﻮﺗﻚ ﺑﺎﻫﻲ ﻟﻠﻲ ﺣﻜﻴﺘﻲ
ﻳﺎﺳﻴﻦ : ﻻ ﻋﻨﺪ ﻫﻨﺎ ﻭﻗﻒ
ﻫﻴﺜﻢ ﺑﻬﺖ ﻓﻲ ﻳﺎﺳﻴﻦ : ﺍﻭﻭﻭﻭ ﺍﻧﺴﻴﻨﺎ ﺣﺒﻴﺐ ﺍﻣﻪ ﻗﺎﻋﺪ
ﻳﺎﺳﻴﻦ : ﻫﻴﺜﻢ ﻣﺎ ﺍﺗﺨﻠﻴﻨﺶ ﺍﻧﺼﺒﻲ
ﻫﻴﺜﻢ : ﺷﻦ ﺑﺪﻳﺮ ﻳﻌﻨﻲ
ﻳﺎﺳﻴﻦ : ﻫﻴﺜﻢ
ﻫﻴﺜﻢ : ﺗﻲ ﺻﺒﻲ ﻛﻨﻚ ﺍﺗﻘﻮﻝ ﺗﺴﺘﻨﺎ ﻓﻴﺎ ﺍﻧﺼﺒﻴﻚ
ﻳﺎﺳﺮ : ﻭﺍﻟﻨﺒﻲ ﻳﺎ ﻳﺎﺳﻴﻦ ﺍﻧﺖ ﺍﻟﻮﺣﻴﺪ ﻟﻠﻲ ﻗﺎﺩﺭ ﻋﻠﻴﻪ ﺻﺒﻴﻠﻪ
ﻃﺎﺭﻕ : ﻧﻨﻘﻨﺎ ﺍﻣﺰﻃﻠﻲ ﻛﺒﺪﻱ ﺻﺒﻴﻠﻪ
ﺗﻨﻬﺪ ﻳﺎﺳﻴﻦ ﻭ ﺍﺗﻜﺎ ﻋﻠﻲ ﺍﻟﻜﺮﺳﻲ ﻭ ﻫﻮ ﺍﻳﺒﻬﺖ ﻓﻲ ﻫﻴﺜﻢ ﻟﻠﻲ ﺍﻣﻘﺎﺑﻠﻪ
ﺗﻲ ﻳﻨﻌﻠﻲ ﻋﻠﻴﻚ ﻟﺤﻴﻪ ﻭ ﺗﻘﻌﻤﻴﺰﺓ ﻭ ﻫﻮ ﻻﺑﺲ ﺍﻟﺠﻠﺒﻴﻪ ﺍﻟﺒﻴﻀﺔ ﻭ ﺍﻟﻔﺮﻣﻠﻪ ﻭ ﺭﻓﻊ ﺍﻛﻤﺎﻡ ﺍﻟﺠﻠﺒﻴﺔ ﻭ ﺭﻓﻊ ﺣﺎﺟﺒﺔ ﻭﻻ ﺍﻟﻐﻤﺰﺍﺕ ﻭﺍﺍﺍﺍﻭ ﻋﻠﻴﺎ ﺍﻧﺎ ﺷﻦ ﻳﺒﻲ ﺍﻳﺼﻴﺮ ﻓﻴﺎ ﻫﻤﺎ ﺭﺩﻭﺍ ﻫﻨﺎ ﻟﺒﻨﻐﺎﺯﻱ ﻭ ﺍﻧﺎ ﺣﺎ ﺍﻧﺸﻮﻓﻪ ﺩﻳﻤﻪ ﻋﻠﻴﻚ # ﻗﺼﺔ # ﺷﻜﻠﻲ # ﺕﻭﺍ # ﺍﻧﻄﻴﺢ ﻭﻻ ﺍﻧﻈﻨﻲ ﻃﺎﻳﺤﻪ ﺑﻮﺟﻲ ﺍﻧﺎ ﺗﺤﺮﻳﻜﺖ ﺍﻳﺪﻳﻪ ﻋﻠﻲ ﺍﻟﻄﺎﻭﻟﺔ ﻭ ﺍﻋﻴﻮﻧﻪ ﻟﻠﻲ ﻏﺮﻳﺒﺎﺕ ﺑﻜﻞ ﻟﻮﻧﻬﻦ ﻓﻴﻬﻦ ﺷﺊ ﻏﺮﻳﺐ
ﺣﻄﻴﺖ ﻳﺪﻱ ﻋﻠﻲ ﺍﻋﻴﻮﻧﻲ ﻣﺶ ﻗﺎﺩﺭﺓ ﺍﻧﺒﻬﺖ ﻓﻴﻪ ﺧﻼﺹ ﻗﻠﺒﻲ ﺻﻮﺗﻪ ﺑﺪﺍ ﻳﻌﻠﻰ ﻭ ﺑﻌﺪﻳﻦ ﺣﻮﻟﺖ ﻳﺪﻱ ﻣﺶ ﻗﺎﺩﺭﺓ ﺍﻧﻘﺎﻭﻡ ﻫﺎﻟﺠﻤﺎﻝ
ﻓﻄﻨﺖ ﻟﻲ ﺧﻠﻮﺩ ﺍﺗﺒﻬﺖ ﻓﻴﺎ ﻭ ﻫﻲ ﻗﺎﺭﻧﺔ ﺣﻮﺍﺟﺒﻬﺎ ﻭ ﻃﺒﻌﺎ ﺍﻣﻘﻌﻤﺰﺓ ﻓﻲ ﺍﻟﻜﺮﺳﻲ ﻟﻠﻲ ﺟﻨﺒﻪ ﻭ ﺍﻟﺒﺎﺷﺎ ﺍﻳﻜﻮﻝ ﻓﻴﻬﺎ # ﺑﻨﺖ # ﺍﻟﻤﺤﻈﻮﻇﺔ ﻟﻮ ﻣﺎ ﻛﺎﻧﺖ ﺑﻨﺖ ﺍﺧﺘﻪ ﺭﺍﻧﻲ ﻗﻠﺖ ﺍﻣﻜﺒﺪﻩ ﻓﻴﻪ ﺑﺲ ﻭﺍﻟﻠﻪ ﻳﺎ ﻧﺎﺱ ﻣﺴﺘﻐﺮﺑﺔ ﻳﻌﻨﻲ ﻣﻌﻘﻮﻟﺔ ﺩﻳﻤﻪ ﺍﻣﻌﺎﻩ ﻭ ﻓﻲ ﺣﻀﻨﻪ ﻭ ﺍﻳﻮﻛﻞ ﻓﻴﻬﺎ ﻟﻮ ﻛﺎﻧﺖ ﺑﻨﺘﻪ ﻣﺎ ﻛﺎﻧﺶ ﺣﺎ ﺍﻳﺒﻠﻎ ﻫﻜﻲ ﻭ ﻓﺠﺂﺓ ﺧﻄﺮ ﻋﻠﻴﺎ ﻛﻼﻡ ﻧﺴﺮﻳﻦ ﻟﻤﺎ ﻗﻠﺘﻠﻲ ﺍﻥ ﻫﻲ ﺳﻤﺘﻬﺎ ﻋﻠﻲ ﺍﺳﻤﻲ ﻋﺸﺎﻥ ﻭﺍﺣﺪ ﻏﺎﻟﻲ ﻋﻠﻴﻬﺎ ﻫﻲ ﻭﺭﺍﺟﻠﻬﺎ ﻗﺎﻟﻠﻬﻢ ﺍﻳﺴﻤﻮﻫﺎ ﻋﻠﻲ ﺍﺳﻤﻲ ﺍﻟﺘﻔﺘﺖ ﻭ ﺑﻬﺘﺖ ﻓﻲ ﻳﺎﺳﻴﻦ ﻣﻌﻘﻮﻟﺔ ﺍﻳﻜﻮﻥ ﻫﻪ ﻣﺴﺘﺤﻴﻞ ﺍﺻﻼ
ﻫﺰﻳﺖ ﺭﺍﺳﻲ ﻭ ﻧﻀﺖ ﻣﻦ ﺳﺮﺣﺎﻧﻲ ﻋﻠﻲ ﺍﺻﻮﺍﺗﻬﻢ
ﻫﻴﺜﻢ : ﺧﻼﺹ ﺗﻮﺍ ﻧﺴﻜﺖ ﻫﻪ ﻭﻻ ﺣﺮﻑ
ﺳﺮﺍﺝ : ﻫﻬﻬﻬﻬﻬﻪ ﻳﻨﻌﻦ ﺟﺪﻫﺎ ﺑﻨﻈﺮﺓ ﺑﺲ ﺳﻜﺘﻚ
ﻫﻴﺜﻢ : ﺍﺷﻤﺖ ﺍﺷﻤﺖ ﺍﻋﻴﻮﻥ ﺍﻟﺸﺎﻣﺘﻴﻦ ﺍﻛﺜﺎﺭ ﺍﺻﻼ
ﻣﺆﻣﻦ : ﻫﻬﻬﻬﻬﻬﻬﻬﻬﻬﻬﻪ
ﺍﻣﺠﺎﺩ : ﻧﺴﺮﻳﻦ ﻋﺎﺭﻓﺔ ﺍﻋﻴﻮﻧﻚ ﻟﻮﻧﻬﻦ ﺣﻠﻮ
ﻧﺴﺮﻳﻦ : ﺷﻜﺮﺍ ﺣﺒﻴﺒﺘﻲ
ﺍﻣﺠﺎﺩ : ﻭﺭﺛﺘﻴﻬﻦ ﻣﻦ ﺍﻋﻤﻴﻤﺔ ﺟﻤﻴﻠﺔ
ﻧﺴﺮﻳﻦ : ﺍﻫﺎ ﺍﻧﺎ ﻭﻳﺎﺳﻴﻦ ﺑﺲ
ﺍﻧﺎ ﻟﻤﺎ ﻗﺎﻟﺖ ﺍﻻﺳﻢ ﺭﻓﻌﺖ ﺭﺍﺳﻲ ﻭ ﺍﻧﺒﻬﺖ ﻓﻴﻬﻢ ﻭ ﺍﻟﺘﻔﺘﺖ ﻋﻠﻲ ﻳﺎﺳﻴﻦ ﻭ ﻗﻠﺒﻲ ﻳﺪﻟﻒ
# ﻛﺎﻟﻌﺎﺩﺓ ﻭ ﺍﻧﺎ ﺍﺻﻼ ﺩﻳﻤﻪ ﺍﻧﻘﻮﻝ ﺍﻋﻴﻮﻧﻪ ﻏﺮﻳﺒﺎﺕ ﻟﻮ ﺍﺗﺮﻛﺰﻭ
ﺍﻣﺠﺎﺩ : ﻳﺎﺳﻴﻦ ﺗﺮﺍ ﻭﺭﻳﻨﺎ ﺍﻋﻴﻮﻧﻚ
ﻳﺎﺳﻴﻦ ﺍﺑﺘﺴﻢ ﻭ ﺑﻬﺖ ﻓﻴﻬﺎ
ﺍﻣﺠﺎﺩ : ﻧﻔﺲ ﺍﻟﻠﻮﻥ
ﺍﻧﺎ ﻣﺎ ﻓﻄﻨﺘﺶ ﻟﺮﻭﺣﻲ ﺍﻻ ﻭﺍﻧﺎ ﺍﻧﻘﻮﻝ : .....................
ﻛﻠﻬﻢ ﺑﻬﺘﻮﺍ ﻓﻴﺎ
ﻫﺬﺍﻙ ﺍﻟﻮﻗﺖ ﻣﻨﻴﺖ ﺍﻧﻲ ﺑﻜﻤﻪ ﻭ ﺍﻧﺎ ﺩﻳﻤﻪ ﺍﻣﻔﻀﺤﻪ ﺑﺮﻭﺣﻲ
# ﻳﺘﺒﻊ
