ﺍﻟﺘﻔﺘﺖ ﻋﻠﻲ ﻳﺎﺳﻴﻦ ﻭﻗﻌﺪﺕ ﺍﻧﺒﻬﺖ ﻓﻴﻪ
ﻳﺎﺳﻴﻦ ﺑﻬﺖ ﻓﻴﺎ ﺑﻨﻈﺮﺓ ﻏﺮﻳﺒﺔ ﻭ ﻛﺎﻧﺖ ﻛﻠﻬﺎ ﺟﺪﻳﺔ : ﺍﻥ ﺍﻟﺪﻣﻮﻉ ﻟﻠﻲ ﺷﻔﺘﻬﻦ ﻗﺒﻞ ﺍﺷﻮﻱ ﺑﺮﺍ ﻳﻘﻌﺪﻥ ﻋﻠﻲ ﻣﻮﺑﺎﻳﻞ ﻭ ﺍﻥ ﺭﻗﺎﻟﻚ ﺍﻥ ﻣﺎﺣﺪ ﺩﻭﺭﻙ ﺑﺲ ﻣﺎ ﻳﻘﻌﺪﻧﺶ ﻋﻠﻲ ﻟﻠﻲ ﻋﺪﺍ ﺑﺎﻟﻲ ﺷﻮﺭﻫﺎ
ﺣﺴﻴﺘﻪ ﺑﻬﺖ ﻓﻴﺎ ﺯﻳﻦ ﻟﻤﺎ ﻭﺻﻞ ﻋﻨﺪ ﺍﺧﺮ ﻛﻠﻤﺔ ﺍﻧﺎ # ﺍﻧﺼﺪﻣﺖ ﻭ ﻣﺴﻜﺖ ﻓﻲ ﺍﻟﺤﺪﻳﺪ ﺍﻛﻮﻳﺲ ﻭ ﺣﺴﻴﺖ ﺍﻧﻔﺎﺳﻲ ﺑﺪﺍﻥ ﻳﻌﻠﻦ ﻭ ﻗﻌﺪﺕ ﺍﻧﻮﺧﺮ ﻟﻮﺭﺍﺀ
ﻣﺎﻣﺎ : ﺧﻠﻮﺩ ﺍﻧﺘﺒﻬﻲ
ﺍﻟﺘﻔﺘﺖ ﻋﻠﻲ ﻣﺎﻣﺎ ﻭ ﺭﺟﻠﻲ ﻋﻠﻲ ﺣﺎﻓﺔ ﺍﻟﺪﺭﻭﺝ ﻭ ﻗﺎﻋﺪﺓ ﺍﻧﻮﺧﺮ ﻣﺎ ﻛﻨﺘﺶ ﻓﻲ ﻭﻋﻴﻲ ﺑﻜﻞ ﻭ ﻧﺰﻟﻖ ﻭ ﻛﻨﺖ ﺣﺎ ﺍﻧﻄﻴﺢ ﻣﻦ ﺍﻟﺪﺭﻭﺝ ﻭ ﻳﻤﺴﻜﻨﻲ ﻳﺎﺳﻴﻦ ﺑﻘﻮﺓ
ﻛﺎﻧﺖ ﺭﺟﻠﻲ ﻣﺰﻟﺖ ﻋﻠﻲ ﺍﻟﺤﺎﻓﻪ ﻭ ﺍﻧﺎ ﻓﻲ ﺍﻟﻬﻮﺍﺀ ﻭﻣﺎﺳﻜﻪ ﻭﺷﺎﺣﻲ ﻟﻠﻲ ﻛﺎﻥ ﺍﻗﺮﻳﺐ ﺍﻳﻄﻴﺢ ﻭ ﻳﺎﺳﻴﻦ ﻣﺎﺳﻚ ﻳﺪﻱ ﻭ ﺍﻳﻜﺮﻧﻲ ﺑﺎﻟﻘﻮﺓ ﺷﻮﺭﻩ ﻧﻴﻦ ﻭﻗﻔﺖ ﻋﻠﻲ ﺭﺟﻠﻴﺎ ﻧﺰﻟﺖ ﻭﺷﺎﺣﻲ ﻭ ﺳﻘﻤﺘﻪ ﻭ ﺭﻓﻌﺖ ﺭﺍﺳﻲ ﻭ ﻧﻠﻘﺎ ﺭﻭﺣﻲ ﺍﻗﺮﻳﺒﻪ ﻭﺍﺍﺍﺍﺍﺟﺪ ﻣﻦ ﻳﺎﺳﻴﻦ ﺑﻬﺘﺖ ﻓﻲ ﺍﻋﻴﻮﻧﻪ ﻭﻧﻠﻘﺎ ﻧﻔﺲ ﺍﻟﻨﻈﺮﺓ ﺍﻟﺠﺪﻳﺔ ﺧﻮﻓﺘﻨﻲ ﺑﻜﻞ ﻫﺎﻟﻨﻈﺮﺓ ﺗﻤﻨﻴﺖ ﺍﻟﺴﺎﻧﻲ ﻳﻨﻄﻖ ﻓﻲ ﻫﺬﻙ ﺍﻟﻠﺤﻈﺔ ﻋﺸﺎﻥ ﺍﻧﻘﻮﻟﻪ ﻣﻌﺎﺵ ﺍﺗﺒﻬﺖ ﻓﻴﺎ ﻫﻜﻲ ﺧﻠﻴﺘﻨﻲ ﺍﻧﺨﺎﻑ ﻣﻨﻚ
ﻣﺎﻣﺎ : ﻣﺸﻜﻮﺭﺓ ﻳﺎ ﺍﻭﻟﻴﺪﻱ ﺑﺎﻫﻲ ﻟﻠﻲ ﻣﺴﻜﺘﻬﺎ ﻭﺍﻻ ﻛﺎﻧﺖ ﻃﺎﺣﺖ
ﻳﺎﺳﻴﻦ ﺍﺑﺘﺴﻢ : ﺍﻟﻌﻔﻮ ﻣﺎ ﺩﺭﺕ ﺷﻲ ﻛﺒﻴﺮ
ﻧﻴﺮﻭﺯ : ﺍﻧﺘﺒﻬﻲ ﻣﺮﺓ ﺗﺎﻧﻴﺔ ﻳﺎ ﺣﻨﻪ
ﺍﻧﺎ : ﺑﺎﻩ
ﻭ ﻧﺰﻟﺖ ﻣﻦ ﺍﻟﺪﺭﻭﺝ ﻭ ﻋﺪﻳﺖ ﻗﻌﻤﺰﺕ ﺟﻨﺐ ﻫﻨﺎﺩﻱ ﻭ ﻗﻌﻤﺰ ﻳﺎﺳﻴﻦ ﺟﻨﺐ ﺍﻟﺸﺒﺎﺏ ﻭ ﻗﻌﺪ ﻛﻞ ﺣﺪﺍﻳﻬﺪﺭﺯ ﻧﻴﻦ ﺍﺫﻥ ﺍﻟﻌﺸﺎﺀ ﺻﻠﻴﻨﺎ ﻭ ﺗﻌﺸﻴﻨﺎ ﻭ ﻗﻌﻤﺰﻭ ﺍﻟﺮﺟﺎﻟﺔ ﻓﻲ ﺍﻟﻤﺮﺑﻮﻋﺔ ﺍﻳﻬﺪﺭﺯﻭ ﻭ ﻧﺤﻨﺎ ﻓﻲ ﺍﻟﺼﺎﻟﺔ
ﻫﻨﺎﺩﻱ : ﺧﻠﻮﺩ ﺍﻧﺘﻲ ﺍﻛﻮﻳﺴﺔ ؟؟
ﺍﻧﺎ : ﺍﻫﺎ ﻋﻠﻴﺶ
ﻫﻨﺎﺩﻱ : ﺣﺴﻴﺖ ﻭﺟﻬﻚ ﻣﻨﺼﻔﺮ ﺑﺲ
ﺍﻧﺎ : ﻻ ﺍﻛﻮﻳﺴﺔ ﺍﻧﺘﻲ ﺷﻦ ﺻﺎﺭ ﺍﻣﻌﺎﻙ
ﻫﻨﺎﺩﻱ : ﻫﺰﺑﺘﻨﻲ ﻭ ﻗﺎﻟﺘﻠﻲ ﻛﻨﻪ ﻣﺆﻣﻦ ﻣﺎ ﺍﻳﺠﻲ ﻟﻠﺤﻮﺵ ﻣﻦ ﺑﺎﺑﻪ ﻭ ﺍﻟﻜﻼﻡ ﻫﺪﺍ ﻭ ﺗﺒﻲ ﺗﺤﻜﻲ ﺍﻣﻌﺎﻩ ﺣﻲ ﻋﻠﻴﺎ ﻭ ﺍﻟﻠﻬﻲ ﺧﺎﻳﻔﻪ ﻳﺎ ﺧﻠﻮﺩ ﺧﺼﻮﺻﺎ ﺍﻥ ﺳﺮﺍﺝ ﻭ ﻣﺆﻣﻦ ﻳﺎ ﻣﺶ ﺿﻨﺎ ﻋﻢ ﻫﻢ ﺍﻛﺜﺮ ﻣﻦ ﻫﻜﻲ ﺣﺘﻲ ﻛﻠﻤﺔ ﺧﻮﺕ ﻣﺎ ﺗﻮﺻﻔﻬﻢ ﺍﻗﺮﻳﺒﻴﻦ ﻭﺍﺍﺍﺍﺟﺪ ﻣﻦ ﺑﻌﻀﻬﻢ ﺍﻧﺨﺎﻑ ﺍﺗﺼﻴﺮ ﻣﺸﻜﻠﺔ ﻭ ﺗﻜﺒﺮ
ﺍﻧﺎ : ﻻ ﻣﺎ ﺍﺗﺨﺎﻓﻴﺶ ﺍﻛﻴﺪ ﺍﻋﻤﻴﻤﺔ ﻋﺎﺭﻓﺔ ﻛﻴﻒ ﺗﺼﺮﻑ ؟؟ ﻏﻴﺮ ﺍﻧﺘﻲ ﻫﺪﻱ ﻭ ﻣﺎ ﺍﺗﺒﻴﻨﻲ ﺷﻲ ﻭ ﺗﻔﻀﺤﻲ ﺑﺮﻭﺣﻚ
ﻫﻨﺎﺩﻱ : ﺍﻓﻔﻒ ﺍﻧﺸﺎﺀ ﺍﻟﻠﻪ
ﻭ ﻗﻌﺪﻭ ﺍﻳﻬﺪﺭﺯﻭ ﻧﻴﻦ ﺍﻳﺨﺶ ﺑﺎﺑﺎ
ﺑﺎﺑﺎ : ﻫﻴﺎ ﻳﺎ ﺭﻗﻴﺔ ﺧﻠﻴﻨﺎ ﺍﻧﺮﻭﺣﻮﺍ
ﻣﺎﻣﺎ : ﻫﻴﺎ
ﺣﻨﻲ : ﺍﻗﻌﺪﻭ ﻣﺰﺍﻝ ﺑﺪﺭﻱ
ﺑﺎﺑﺎ : ﺑﺪﺭﻱ ﻣﻦ ﻋﻤﺮﻙ ﻳﺎ ﺍﻣﻲ ﺍﻟﺴﺎﻋﺔ 1:00 ﺗﻮﺍ ﻭ ﺑﻜﺮﺍ ﻭﺭﺍﻳﺎ ﺷﻐﻞ ﻭ ﺍﻧﺸﺎﺀ ﺍﻟﻠﻪ ﺗﻮﺍ ﺍﻧﺠﻮﻛﻢ ﻭ ﺍﻧﺘﻲ ﻳﺎ ﺑﻠﻘﻴﺲ ﺍﺣﻤﺪ ﺑﺮﺍ ﺍﻳﺴﺨﻦ ﻓﻲ ﺍﻟﺴﻴﺎﺭﺓ ﻭ ﻗﺎﻟﻚ ﻫﻴﺎ
ﺑﻠﻘﻴﺲ : ﻣﺎﺷﻲ ﻫﻴﺎ ﻳﺎ ﺑﻨﺎﺕ ﻣﻊ ﺍﻟﺴﻼﻣﻪ
ﻭ ﺳﻠﻤﺖ ﺑﻠﻘﻴﺲ ﻋﻠﻴﻨﺎ ﻭ ﻃﻠﻌﺖ
ﻣﺎﻣﺎ : ﻫﻴﺎ ﺧﻠﻮﺩ ﻭ ﻻ ﺗﺒﻲ ﺗﻘﻌﺪﻱ
ﺍﻋﻤﻴﻤﺔ : ﺧﻠﻴﻬﺎ
ﺍﻧﺎ : ﻻ ﻧﺒﻲ ﺍﻧﺮﻭﺡ
ﻫﻨﺎﺩﻱ : ﺗﻲ ﺍﻗﻌﺪﻱ ﻳﺎ ﺑﻨﺘﻲ ﺧﻠﻴﻨﺎ ﺍﻧﻬﺪﺭﺯﻭ ﻭ ﺍﻧﺘﻲ ﺍﺗﻘﻮﻝ ﻣﻠﻴﺘﻲ ﻣﻨﺎ
ﺍﻧﺎ : ﻫﻬﻬﻪ ﻻ ﻭﺍﻟﻠﻪ ﻣﺎ ﻫﻜﻲ ﺑﺲ ﺧﻼﺹ ﻧﺒﻲ ﺍﻧﺮﻭﺡ ﻭ ﺣﺘﻲ ﺣﻨﻴﻦ ﺑﻜﺮﺍ ﺗﺒﻲ ﺍﺗﺠﻴﻨﻲ ﻋﻴﺐ ﺍﻧﺴﻴﺒﻬﺎ ﻭ ﻻ ﺍﻧﺎﺟﻞ ﺍﻟﻤﻮﺿﻮﻉ
ﻣﺎﻣﺎ : ﻣﺎ ﻗﻠﺘﻬﺎ ﻟﻚ
ﺍﻧﺎ : ﺍﻣﺒﻜﺮﻱ ﺍﺗﺼﻠﺖ ﻓﻴﺎ ﻋﻠﻲ ﻓﻮﻥ ﻫﻨﺎﺩﻱ
ﺍﻋﻤﻴﻤﻪ : ﺍﻫﺎ
ﺍﻧﺎ ﻣﻦ ﻛﻠﻤﺔ ﺍﻫﺎ ﻋﺮﻓﺖ ﺍﻋﻤﻴﻤﺔ ﺍﺗﻜﺪﺏ ﻓﻴﻬﺎ ﺑﺲ ﺩﺭﺕ ﺭﻭﺣﻲ ﻣﺎ ﻓﻄﻨﺘﺶ
ﻣﺎﻣﺎ ﻟﺒﺴﺖ ﻋﺒﺎﻳﺘﻬﺎ ﻭ ﺳﻠﻤﺖ ﻭ ﻃﻠﻌﺖ
ﻭ ﺳﻠﻤﺖ ﺍﻧﺎ ﺑﺴﺮﻋﺔ ﻭ ﻃﻠﻌﺖ
ﻃﻠﻌﺖ ﻣﺎﻣﺎ ﻗﺪﺍﻣﻲ ﻭ ﻣﺸﺖ ﺷﻮﺭ ﺍﻟﺴﻴﺎﺭﺓ ﻛﺎﻧﻮﺍ ﻋﻤﺎﻣﻲ ﻭ ﺟﺪﻱ ﻭ ﺑﺎﺑﺎ ﺍﻣﺼﺒﻴﻴﻦ ﺳﻠﻤﺖ ﻣﺎﻣﺎ ﻋﻠﻴﻬﻢ ﻭ ﺍﻧﺎ ﻛﻨﺖ ﻧﻨﺰﻝ ﻣﻦ ﺍﻟﺪﺭﻭﺝ ﻭ ﻧﺴﻤﻊ ﺻﻮﺕ ﻭﺭﺍﺋﻲ
: ﺍﺛﺘﻨﻲ ( ﺍﺳﺘﻨﻲ )
ﺍﻟﺘﻔﺘﺖ ﻭ ﻧﻠﻘﺎﻫﺎ ﺧﻠﻮﺩ ﺍﻧﺎ ﺍﻟﺤﻖ ﺍﺳﺘﻐﻔﺮ ﺍﻟﻠﻪ ﻳﺎﺭﺑﻲ ﻗﻌﺪﺕ ﻧﺘﺸﺎﺋﻢ ﻣﻦ ﺍﻟﺒﻨﺖ ﻫﺎﺩﻱ ﻣﻊ ﺍﻧﻬﺎ ﺍﺻﻐﻴﺮﺓ ﻭ ﺣﻠﻮﺓ ﻭ ﺟﺎﻟﻄﺔ ﻣﺮﺍﺕ ﺑﺲ ﻫﻜﻲ ﻣﻌﺎﺵ ﺣﺒﻴﺘﻬﺎ ﺑﻬﺘﺖ ﻓﻴﻬﺎ ﻭ ﺟﻴﺖ ﻧﺒﻲ ﻧﻤﺸﻲ ﻭ ﺍﺗﺠﻲ ﺗﺠﺮﻱ ﺗﻤﺴﻜﻨﻲ ﻣﻦ ﻳﺪﻱ
ﺧﻠﻮﺩ : ﺩﺗﻠﻚ ﺍﺛﺘﻨﻲ ( ﻗﻠﺘﻠﻚ ﺍﺳﺘﻨﻲ )
ﺍﻧﺎ : ﻧﻌﻢ ﺷﻦ ﺗﺒﻲ
ﺧﻠﻮﺩ ﻗﺮﻧﺖ ﺣﻮﺍﺟﺒﻬﺎ : ﺗﻨﺖ ﺗﺤﺘﻲ ﻫﺘﻲ ( ﻛﻨﻚ ﺗﺤﻜﻲ ﻫﻜﻲ )
ﺍﻧﺎ ﺑﻬﺘﺖ ﻓﻴﻬﺎ ﻭ ﺍﺳﺘﻐﻔﺮﺕ ﺭﺑﻲ ﺷﻦ ﺫﻧﺒﻬﺎ ﻫﺎﻟﻤﻼﺋﻜﺔ ﻧﻜﺮﻫﺎ ﺑﺴﺒﺐ ﺍﻧﻬﺎ ﺑﺲ ﺍﻗﺮﻳﺒﻪ ﻣﻨﻪ ﻭ ﺗﻨﻬﺪﺕ ﻭ ﺍﺑﺘﺴﻤﺖ : ﺭﻗﻴﻠﻲ ﺑﺲ ﺍﻟﻤﻬﻢ ﻧﻌﻢ ﺷﻦ ﻛﻨﺘﻲ ﺗﺒﻲ ﻣﻨﻲ
ﺧﻠﻮﺩ : ﻧﺒﻴﺖ ﺍﺗﺬﻱ ﺍﻣﺄﻳﺎ ( ﻧﺒﻴﻚ ﺍﺗﺠﻲ ﺍﻣﻌﻴﺎ )
ﺍﻧﺎ : ﻭﻳﻦ
ﺧﻠﻮﺩ : ﺗﺎﻟﻲ ﺑﺚ ( ﺗﻌﺎﻟﻲ ﺑﺲ )
ﻭ ﻛﺮﺗﻨﻲ ﺧﻠﻮﺩ ﺍﻟﺘﻔﺘﺖ ﻭ ﻧﻠﻘﺎﻫﻢ ﻣﺰﺍﻟﻮﺍ ﺍﻳﻬﺪﺭﺯﻭ ﻣﺴﻜﺖ ﻓﻲ ﻳﺪ ﺧﻠﻮﺩ ﻭ ﻣﺸﻴﺖ ﺍﻣﻌﺎﻩ
ﺍﻧﺎ : ﺧﻠﻮﺩ ﻭﻳﻦ ﻣﺎﺷﻴﻴﻦ
ﺧﻠﻮﺩ : ﺛﻞ ( ﺳﺮ )
ﺍﻧﺎ : ﺷﻨﻲ
ﺧﻠﻮﺩ : ﺍﻩ ﻳﺎﻟﺒﻲ ﺗﺎﻟﻲ ﻭ ﺍﻧﺘﻲ ﺑﺚ ﺛﺎﺗﻪ ( ﺍﻩ ﻳﺎﺭﺑﻲ ﺗﻌﺎﻟﻲ ﻭ ﺍﻧﺘﻲ ﺑﺲ ﺳﺎﻛﺘﻪ )
ﺍﻧﺎ : ﻫﻬﻬﻬﻬﻬﻬﻪ ﺣﺎﺿﺮ
ﻭ ﻗﻌﺪﺕ ﻧﻤﺸﻲ ﻭﺭﺍﻫﺎ ﻟﻘﻴﺖ ﺭﻭﺣﻲ ﻗﺎﻋﺪﺓ ﻧﻤﺸﻲ ﺍﻣﻌﺎﻫﺎ ﻭﺭﺍﺀ ﺍﻟﻔﻴﻠﺔ
ﻭ ﺻﻠﻨﺎ ﻟﻠﺤﺪﻳﻘﺔ ﻟﻠﻲ ﻭﺭﺍﺀ ﺍﻟﻔﻴﻠﺔ ﻭ ﻛﺎﻧﺖ ﻇﻠﻤﺔ ﺍﺳﺘﻐﺮﺑﺖ ﺍﻭﻝ ﻣﺮﺓ ﺍﺗﻜﻮﻥ ﺍﻣﻈﻠﻤﺔ ﻗﺒﻞ ﺩﻳﻤﻪ ﻣﻀﻮﻳﻪ ﺍﻟﺤﺪﻳﻘﺔ ﻛﻠﻬﺎ ﻣﺶ ﻟﻠﻲ ﻭﺭﺍﺀ ﺍﻟﻔﻴﻠﺔ ﺑﺲ !!
ﺣﺴﻴﺖ ﺧﻠﻮﺩ ﺳﻴﺒﺖ ﻳﺪﻱ
ﺍﻧﺎ : ﻫﺎﺍﺍﺍﻱ ﺍﻧﺘﻲ ﻭ ﻳﻦ ﻣﺸﻴﺘﻲ ﻳﺎ ﺧﻠﻮﺩ
ﻭ ﻗﻌﺪﺕ ﺍﻧﺒﻬﺖ ﺟﻨﺒﻲ ﻭﻛﺎﻧﺖ ﻇﻠﻤﺔ ﻣﺎ ﺍﻧﺸﻮﻓﺶ ﻓﻲ ﺷﻲ ﻭ ﻓﻮﻕ ﻫﺪﺍ ﻛﻠﻪ ﺍﻧﺎ ﺍﺑﺮﻭﺣﻲ ﺍﻧﺨﺎﻑ ﻣﻦ ﺍﻟﻈﻠﻤﺔ
ﺍﻧﺎ : ﺧﻠﻮﺩ ﻭﻳﻨﻜﻜﻜﻚ ﻳﺎﺭﺑﻲ ﺍﺳﺘﻐﻔﺮ ﺍﻟﻠﻪ
ﻭ ﻗﻌﺪﺕ ﻧﺒﻜﻲ : ﺧﻠﻮﺩ ﻭﻳﻨﻜﻜﻜﻚ
ﻭ ﻓﺠﺂﺓ ﻫﻜﻲ ﻳﻨﻮﻟﻊ ﺍﻟﻀﻲ ﻭ ﻧﻠﻘﺎ ﻗﺪﺍﻣﻲ ﺷﻲ ﻣﺎ ﺗﻮﻗﻌﺘﺎﺵ
ﻣﻦ ﺍﻟﺼﺪﻣﺔ ﺣﻄﻴﺖ ﺍﻳﺪﻳﺎ ﻋﻠﻲ ﻓﻤﻲ
..
ﻓﺘﺤﺖ ﺣﻨﻴﻦ ﺍﻋﻴﻮﻧﻬﺎ ﻭ ﺗﻠﻘﺎ ﺩﺍﺭ ﻇﻠﻤﺔ ﻭ ﻭﻧﺴﻪ ﺿﻴﻬﺎ ﺧﻔﻴﻒ ﻭﺍﻟﻌﻪ ﻓﻲ ﻧﻬﺎﻳﺔ ﺍﻟﺪﺍﺭ ﺍﻟﺘﻔﺘﺖ ﺍﺗﺸﻮﻓﻪ ﺍﻟﺴﺎﻋﺔ ﻛﻢ ﻭ ﺗﻠﻘﺎﻫﺎ 1:05 ﺻﺒﺖ ﻣﻦ ﺍﻟﺴﺮﻳﺮ ﻭ ﺧﺸﺖ ﻟﻠﺤﻤﺎﻡ ( ﺣﺸﺎﻛﻢ ) ﻏﺴﻠﺖ ﻭﺟﻬﺎ ﻭ ﻃﻠﻌﺖ ﻭ ﻫﻲ ﺣﺎﺳﻪ ﺭﻭﺣﻬﺎ ﺣﺎﻣﻴﻪ ﺑﻜﻞ ﻭ ﺩﺍﻳﺨﻪ ﻗﻌﻤﺰﺕ ﻭ ﻫﻲ ﺣﺎﺳﻪ ﺭﻭﺣﻬﺎ ﺧﻼﺹ ﻫﻠﻜﻨﻪ ﺍﻋﻈﺎﻣﻬﺎ ﺍﻳﺴﻄﺮﻥ ﻓﻴﻬﺎ ﻣﻌﺎﺵ ﻗﺪﺭﺕ ﺍﺗﺤﻤﻞ ﺻﺒﺖ ﻭ ﻓﺘﺤﺖ ﺍﻟﺒﺎﺏ ﻭ ﻛﺎﻧﺖ ﺣﻨﻴﻦ ﻻﺑﺴﺔ ﺗﻮﺗﻪ ﻟﻮﻧﻬﺎ ﺍﺳﻮﺩ ﻓﻲ ﺍﻟﻮﺭﺩﻱ ﻭ ﻛﻨﺪﺭﻩ ﻭ ﻭﺷﺎﺡ ﻣﺎﺳﻜﻪ ﺍﻟﺘﻐﺬﻳﻪ ﻭ ﺗﻤﺸﻲ ﺑﻴﻬﺎ ﻓﻲ ﺍﻟﻤﻤﺮ ﻭ ﺗﻠﺘﻔﺖ ﻳﻤﻴﻦ ﻭﻳﺴﺎﺭ ﺍﺩﻭﺭ ﻋﻠﻲ ﺑﺎﺗﻬﺎ ﻭﺻﻠﺖ ﻋﻨﺪ ﺍﻟﻤﻜﺎﻥ ﺭﺳﺒﺸﻦ ﻟﻠﻲ ﻓﻴﻪ ﺍﻟﻤﻤﺮﺿﺎﺕ ﺍﺗﻜﺖ ﻋﻠﻴﻪ ﻭ ﺣﻄﺖ ﻳﺪﻫﺎ ﻓﻲ ﺟﻴﺐ ﺍﻟﺘﻮﺗﻪ ﺗﺒﻲ ﺍﻃﻠﻊ ﻓﻮﻧﻬﺎ ﻭ ﺍﺫﻛﺮﺕ ﺍﻧﻬﺎ ﻧﺴﺘﻪ ﻓﻲ ﺍﻟﺪﺍﺭ
ﺣﻨﻴﻦ : ﺍﻩ ﺍﺳﺘﻐﻔﺮ ﺍﻟﻠﻪ ﻳﺎﺭﺑﻲ ﻋﻠﻴﻚ ﻗﺼﺔ ﺷﻦ ﻧﺒﻲ ﺍﻧﺪﻳﺮ ﻋﺎﺩ ﺗﻮﺍ
ﻭ ﺗﺴﻤﻊ ﺻﻮﺕ ﻭﺭﺍﺋﻬﺎ
ﺍﻟﺘﻔﺘﺖ ﻭ ﺗﻠﻘﺎﻫﺎ ﻣﻤﺮﺿﺔ
ﺍﻟﻤﻤﺮﺿﺔ : ﻟﻮ ﺳﻤﺤﺘﻲ ﺍﻧﺘﻲ ﺷﻦ ﺍﻣﻄﻠﻌﻚ ﻣﻦ ﻏﺮﻓﺘﻚ
ﺣﻨﻴﻦ ﺟﺖ ﺗﺒﻲ ﺍﺗﺮﺩ
ﺍﻟﻤﻤﺮﺿﺔ : ﻣﻤﻨﻮﻉ ﺍﻧﻚ ﺗﻄﻠﻌﻲ ﻣﻦ ﻏﺮﻓﺘﻚ ﻭ ﺑﻌﺪﻳﻦ ﻛﻢ ﺭﻗﻢ ﻏﺮﻓﺘﻚ ﻫﻴﺎ ﺍﻣﺸﻲ ﺍﻣﻌﻴﺎ ﺍﻧﺮﺩﻭﻟﻬﺎ
ﺣﻨﻴﻦ ﺑﻬﺘﺖ ﻓﻲ ﺍﻟﻤﻤﺮﺿﺔ ﻭ ﻫﻲ ﺭﻗﻴﻠﻬﺎ : ﻋﻠﻲ ﻓﻜﺮﺓ ﺍﻥ ﻣﺶ ﺑﻨﺖ ﺍﺻﻐﻴﺮﺓ ﻭ ﺍﻧﻌﺮﻑ ﺍﻧﺮﺩ ﺍﺑﺮﻭﺣﻲ ﻟﺪﺍﺭﻱ ﻫﺪﺍ ﺍﻭﻝ ﺷﻲ ﻭ ﺑﻌﺪﻳﻦ
ﻭ ﺟﺖ ﺣﻨﻴﻦ ﺗﺒﻲ ﺍﺗﻜﻤﻞ ﻛﻼﻣﻬﺎ ﻭ ﺣﺴﺖ ﺍﻟﺪﻧﻴﺎ ﺍﺩﻭﺭ ﺑﻴﻬﺎ ﻭ ﺑﻌﺪﻫﺎ ﻣﻌﺎﺵ ﺣﺴﺖ ﻋﻠﻲ ﺭﻭﺣﻬﺎ ﺍﻻ ﻭﺍﺣﺪ ﻣﺎﺳﻚ ﻓﻲ ﻳﺪﻫﺎ ﻓﺘﺤﺖ ﺍﻋﻴﻮﻧﻬﺎ ﺑﺸﻮﻳﺎ ﻭ ﺗﻠﻘﺎ ﺑﺎﺗﻬﺎ ﺑﻬﺘﺖ ﻓﻴﻪ ﻭ ﺗﺴﻤﻊ ﺻﻮﺕ ﺍﻟﺪﻛﺘﻮﺭ ﺟﻨﺒﻬﺎ ﺍﻳﻘﻮﻝ ( ﻋﻨﺪﻩ ﺣﺮﺍﺭﺓ ﺩﺍﺧﻠﻴﻪ ﻳﺎ ﺩﻛﺘﻮﺭ ﻣﻔﺘﺎﺡ ) ﺑﻬﺘﺖ ﻓﻴﻪ ﻭﺗﻠﻘﺎﻩ ﻓﺎﺿﻞ ﻓﻲ ﻟﺤﻈﺔ ﺗﻠﻘﺖ ﺍﻋﻴﻮﻧﻬﺎ ﺑﻲ ﺍﻋﻴﻮﻧﻪ ﻭ ﺑﻌﺪﻫﺎ ﻣﻌﺎﺵ ﻗﺪﺭﺕ ﺗﺴﻤﻊ ﺷﻲ ﻭ ﺍﻋﻴﻮﻧﻪ ﺑﺪﺍﻥ ﻳﺴﻜﺮﻥ
..
ﻧﺎﺿﺖ ﻣﺮﻳﻢ ﻣﻔﺠﻮﻋﻪ ﻭ ﺣﻄﺖ ﻳﺪﻫﺎ ﻋﻠﻲ ﻗﻠﺒﻬﺎ ﻭ ﻫﻲ ﺍﺗﻨﻔﺲ ﺍﺑﺴﺮﻋﺔ ﺑﻌﺪﻫﺎ ﻗﻌﻤﺰﺕ ﻋﻠﻲ ﺍﻟﺴﺮﻳﺮ ﻭ ﻭﻟﻌﺖ ﺍﻟﻮﻧﺎﺳﻪ
ﻣﺮﻳﻢ : ﺍﻟﺤﻤﺪﻟﻠﻪ ﻳﺎﺭﺑﻲ ﻛﺎﺑﻮﺱ ﻣﺶ ﺻﺢ
ﻭ ﺣﻄﺖ ﻳﺪﻫﺎ ﻋﻠﻲ ﺍﻋﻴﻮﻧﻬﺎ ﻭ ﻗﻌﺪﺕ ﺗﺒﻜﻲ ﺑﻌﺪﻫﺎ ﺻﺒﺖ ﻣﻦ ﺍﻟﺴﺮﻳﺮ ﻭ ﻃﻠﻌﺖ ﻣﻦ ﺍﻟﺪﺍﺭ ﻭﻫﻲ ﺗﺒﻜﻲ ﻭﻋﺪﺕ ﺷﻮﺭ ﺩﺍﺭ ﺧﻮﻳﻠﺔ
ﺧﺸﺖ ﻭ ﺗﻠﻘﺎ ﺧﻮﻳﻠﺔ ﻣﺎﺳﻜﻪ ﺍﻟﻘﺮﺁﻥ ﻭﺗﻘﺮﺍ ﻓﻴﻪ ﻣﺮﻳﻢ : ﻣﺎﻣﺎ
ﺧﻮﻳﻠﺔ ﺭﻓﻌﺖ ﺍﻋﻴﻮﻧﻬﺎ : ﺑﺴﻢ ﺍﻟﻠﻪ ﻳﺎ ﺍﻣﺮﻭﻣﻪ ﺷﻦ ﺍﻣﻮﻋﻴﻚ
ﺑﻌﺪﻫﺎ ﺑﻬﺘﺖ ﻓﻴﻬﺎ ﻭ ﻫﻲ ﻗﺎﺭﻧﻪ ﺣﻮﺍﺟﺒﻬﺎ : ﻭ ﻛﻨﻚ ﺍﺗﻘﻮﻝ ﺑﺎﻛﻴﻪ
ﻣﺮﻳﻢ ﻗﻌﺪﺕ ﺗﺒﻜﻲ ﻭ ﻗﻌﻤﺰﺕ ﻋﻠﻲ ﺍﻟﺴﺮﻳﺮ
ﺧﻮﻳﻠﺔ ﺳﻜﺮﺕ ﺍﻟﻘﺮﺁﻥ ﻭ ﺣﻄﺎﺗﻪ ﻋﻠﻲ ﺍﻟﻜﻮﻣﻴﺪﻳﻨﻪ ﻭ ﺟﺖ ﺑﺴﺮﻋﺔ ﺷﻮﺭ ﻣﺮﻳﻢ : ﻛﻨﻚ ﻳﺎ ﺍﻣﺮﻭﻣﻪ ﺷﻦ ﻓﻲ ﻳﺎ ﻣﺎﻣﺎ ﻋﻠﻴﺶ ﺍﻟﺒﻜﺎﺀ
ﻣﺮﻳﻢ : ﺣﻠﻤﺖ ﺣﻠﻢ ﺷﻴﻦ ﻳﺎ ﻣﺎﻣﺎ ﻣﺶ ﺍﻛﻮﻳﺲ ﺑﻜﻞ
ﺧﻮﻳﻠﺔ : ﺧﻼﺹ ﻳﺎ ﻣﺎﻣﺎ ﺗﻌﻮﺫﻱ ﻣﻦ ﺍﻟﺸﻴﻄﺎﻥ ﺣﻠﻢ ﺭﺍﻩ ﻓﻲ ﺍﻟﻨﻬﺎﻳﺔ
ﻣﺮﻳﻢ : ﺑﺲ ﺧﻔﺖ ﻭﺍﺍﺍﺍﺍﺟﺪ
ﻭ ﻗﻌﺪﺕ ﻣﺮﻳﻢ ﺗﺒﻜﻲ ﻭﻫﻲ ﺧﺎﻧﻘﺘﻬﺎ ﺍﻟﻌﺒﺮﺓ
ﺧﻮﻳﻠﺔ : ﺧﻼﺹ ﻳﺎ ﻋﻴﻮﻧﻲ ﺍﻫﺪﻱ ﻭ ﺑﻬﺘﻲ ﻓﻴﻬﺎ
ﻣﺮﻳﻢ ﻣﺴﺤﺖ ﺍﺩﻣﻮﻋﻬﺎ ﻭ ﺑﻬﺘﺖ ﻓﻲ ﺧﻮﻳﻠﺔ
ﺧﻮﻳﻠﺔ : ﺍﺗﻌﺪﻱ ﺗﻮﺍ ﺑﻨﺘﻲ ﺍﻟﺸﺎﻃﺮﺓ ﺍﺗﻮﺿﻲ ﻭ ﺍﺗﺼﻠﻲ ﺭﻛﻌﺘﻴﻦ ﻭ ﻭ ﻭﻟﻌﻲ ﻣﻮﺑﺎﻳﻠﻚ ﻋﻠﻲ ﻗﺮﺍﻥ ﻭ ﺍﺭﻗﺪﻱ ﻋﻠﻴﻪ ﺗﻤﺎﻡ
ﻣﺮﻳﻢ ﻫﺰﺕ ﺭﺍﺳﻬﺎ
ﺧﻮﻳﻠﺔ : ﻫﻴﺎ ﺳﻠﻢ ﺑﻨﺘﻲ
ﻭ ﺻﺒﺖ ﻣﺮﻳﻢ ﻃﻠﻌﺖ ﻭ ﺳﻜﺮﺕ ﺍﻟﺒﺎﺏ ﻭ ﻋﺪﺕ ﺷﻮﺭ ﺩﺍﺭﻫﺎ ﺧﺸﺖ ﻟﻠﺤﻤﺎﻡ ( ﺣﺎﺷﻜﻢ ) ﺗﻮﺿﺖ ﻭ ﺻﻠﺖ ﻭ ﺧﺬﺕ ﻓﻮﻧﻬﺎ ﻋﻠﻘﺖ ﺍﻟﺴﻤﺎﻋﺎﺕ ﻭ ﻟﺒﺴﺘﻬﻦ ﻭ ﻭﻟﻌﺖ ﻗﺮﺍﻥ ﻭ ﺧﺸﺖ ﻓﻲ ﺍﻟﺴﺮﻳﺮ ﻭ ﻗﻌﺪﺕ ﺍﺗﺒﻬﺖ ﻓﻴﻪ ﻟﻌﻨﺪ ﻣﺎ ﻧﻌﺴﺖ ﻭﺭﻗﺪﺕ
..
ﻭ ﺻﻠﺖ ﻫﻨﺎﺩﻱ ﻟﻠﺤﻮﺵ ﻧﺰﻟﺖ ﺍﺑﺴﺮﻋﺔ ﻭ ﺧﺸﺖ ﻟﻠﺤﻮﺵ ﻭ ﺭﻛﺒﺖ ﻟﺪﺍﺭﻫﺎ ﺍﺑﺴﺮﻋﺔ ﻭ ﺳﻜﺮﺕ ﻋﻠﻲ ﺭﻭﺣﻬﺎ ﻭ ﻃﻠﻌﺖ ﺍﻟﻔﻮﻥ ﻣﻦ ﺍﻟﺸﻨﻄﺔ ﻭ ﺗﻠﻘﺎ ﻣﺆﻣﻦ ﻣﺰﺍﻝ ﺍﻳﺮﻥ ﻋﻠﻴﻬﺎ
ﺑﻬﺘﺖ ﻓﻲ ﺍﻟﻔﻮﻥ ﻭ ﺧﺪﺕ ﻧﻔﺲ ﻭﺭﺩﺕ ﻋﻠﻴﻪ
ﻫﻨﺎﺩﻱ : ﺍﻟﻮ
ﻣﺆﻣﻦ : ﺍﺣﻢ ﺍﻳﻮﺍ ﻛﻨﻲ ﻟﻴﺎ ﺳﺎﻋﺔ ﺍﻧﺮﻥ ﻣﺎ ﺍﺗﺮﺩﻳﺶ
ﻫﻨﺎﺩﻱ : ﻣﺎﻫﻮ ﻛﻨﺖ ﻓﻲ ﺍﻟﺴﻴﺎﺭﺓ
ﻣﺆﻣﻦ : ﺍﻫﺎ
ﻫﻨﺎﺩﻱ : ﺑﺎﻫﻲ ﺍﻧﺖ ﻋﻠﻴﺶ ﺭﺍﻥ
ﻣﺆﻣﻦ : ﻛﻴﻒ ﻣﺎ ﻓﻬﻤﺘﺶ
ﻫﻨﺎﺩﻱ : ﻣﺎ ﻛﻨﺶ ﻗﺼﺪﻱ ﻛﻴﻒ ﻣﺎ ﻓﻬﻤﺖ ﺑﺲ
ﻣﺆﻣﻦ : ﺑﺲ !!
ﻫﻨﺎﺩﻱ : ﻧﺒﻲ ﺍﻧﻘﻮﻟﻚ ﺣﺎﺟﺔ ﺑﺲ ﻫﺪﻱ ﺍﻋﺼﺎﺑﻚ
ﻣﺆﻣﻦ : ﺷﻨﻲ
ﻫﻨﺎﺩﻱ : ﺍﺣﻠﻒ ﺑﺎﻟﻠﻪ ﻣﺎ ﺍﺗﻌﺼﺐ
ﻣﺆﻣﻦ ﻋﻀﺖ ﻋﻠﻲ ﺷﻔﺘﻪ ﺍﻟﺴﻔﻠﻴﻪ : ﻫﻨﺎﺩﻱ ﺍﺣﻜﻲ
ﻫﻨﺎﺩﻱ : ﺍﻋﻤﻴﻤﻪ ﻧﺪﻱ ﻋﺮﻓﺖ ﺑﻲ ﺍﻟﻲ ﺑﻴﻨﺎ ﺭﺍﻩ
ﻣﺆﻣﻦ .................:
# ﻫﻨﺎﺩﻱ _ ﺍﻧﺼﺪﻣﺖ _ ﻣﺎﻛﻨﺘﺶ _ ﻣﺘﻮﻗﻌﻪ _ ﺍﻟﺮﺩ _ ﻫﺬﺍ _ ﺑﻜﻞ
#يتبع
