Tahimik,payapa't mala-paraiso
Ito ang mundong hiling ng puso
Para sa lahat,sa aki't sa iyo
Kung saan may ngiting puno ng pagsuyo
Kung sakali mang ika'y lumayo
Hangad ko lamang di ka mabuyo
Sa alak at bisyong nakakarahuyo
Lalo sa kaibigang nagbabalatkayo
Alam kong ang mundo'y puno ng tukso
Ngunit ikaw sana ay hindi makiuso
Kayrami pa namang mahilig manggantso
Bibigyan ka ng ginto,yun pala ay tanso
At kung sawa ka na sa buhay ng lungsod
Magbalik ka lamang sa ating suyuan
Sasalubungin kitang may giliw at lugod
Pagsisilbihan kita sa ating tahanan
May mala-kristal na tubig na laman ang banga
Matataas ang punong may hitik na bunga
Makukulay ang bulaklak at halama'y luntian
Ang lahat ng ito'y atin sanang mapagyaman
May pula,asul,dilaw na paru-paro
Sa magagandang talulot, masayang nagdarapo
Uwak na itim at puting kalapati
Sa itaas ng ulap, lumilipad ng may ngiti
Ang paraisong ito'y ating pupunuin
Ng tunay,wagas at tapat na pag-ibig
Dito natin aarugain magiging supling
At imumulat sila ng walang ligalig
Sa paraisong ito'y puno ng galak
Ang lahat ng tao ay hahalakhak
Ikaw at ako magiging pasimuno
Nang ating makamit payapang mundo
BINABASA MO ANG
compilation of self-made poems
Poetrymadalas na naghihintay akong lumipas ang bawat segundo,minuto,oras,araw,linggo, buwan at taon para hindi ako mainip,tuwing may pagkakataon,nagsusulat na lamang ako ng mga tula most of these poems were written when i was seventeen years old i'd like...
