شروق الادم(جوارح عشق) بقلم/دميانة مجدي

الفصل الثالث

في صباح يوم جديد

في منزل حسن
علي سفرة الطعام كان يجلس حسن و سهير و ابنتهم الوحيدة شروق

سهير و هي توجه كلامها لحسن: خليك انهاردة ارتاح مش لازم تروح الشغل

حسن بعصبية: لا هروح الشغل دة هو اللي بياكلنا هعقد في البيت اعمل اية

سهير بتهدئة : قصدي يعني عشان اللي حصل امبارح و .....

حسن بمقاطعة و بعصبية : حصل مفيش حاجة حصلت اتا مسحت اللي حصل امبارح اساسا من دماغي

سهير : طب خلاص انا اسفة يا حبيبي اهدي

حسن: انا ماشي

سهير :مع السلامة

كل هذا و سط استغراب و تساؤل عند شروق ان هذة المرة الأولى التي يتكلم فيها ابيها مع امها بهذه الطريقة و تساؤل عن المجهول اللذي حدث امس و يضايق والدها بهذة الطريقة و قطع شرودها صوت سهير

سهير: يلا يا حبيبتي قومي البسي يلا عشان مدرستك رحمة زمانها جاية

شروق : حاضر يا ماما

قامت شروق وارتدت الزي المدرسي عند انتهائها وصلت رحمة رفيقتها و ذهبوا في الطريق إلي المدرسة و طول الطريق كانت شروق شاردة فيما حدث اليوم و لم تستمع إلي حديث رفيقتها قطع شرودها صوت رحمة

رحمة : انتي موتي يا حجة و لا اية

شروق : هاا لاء معاكي

رحمة :فيكي اية لسة زعلانة عشان موت تيتا

شروق :لاء دة موضوع تاني و اخذت تقص عليها ما حدث اليوم اثناء الفطور

شروق :و بس يا ستي مش فاهمة اي حاجة في اي حاجة

رحمة: من طريقة كلام عمو حسن زي ما بتقولي ان في حاجة كبيرة اوي حصلت امبارح غير موت تيتا مضايقه

شروق بشرود: الله اعلم كجة كدة هعرف في الاخر

و كملوا طريقهم إلي المدرسة وسط شرود شروق

******************************************
في السوق

في محل حسن لبيع الخضروات (حسن حاصل علي بكالوريوس في الهندسة المعمارية لكنة لم يعمل لانة فقير و ليس له واسطة و بعد فقد الامل استأجر محل و قام ببيع الفاكهة و الخضروات بها ثم تزوج سهير و هو ميسور الحال)

كان حسن شارد في احداث امس اللتي لم يستوعب منها شئ و اخذ يفكر هل يعقل ان والدة اللذي من المفترض ان يكون متوفي و هو يملك من العمر ثلاثة أشهر فقط و اختة نادية تملك ثلاث سنوات و اضطرت امهم ان تشتغل في البيوت و ابيهم يملك قصر قطع شروده صوت وقوف سيارات امام المحل
و قد ترجل منها افراد حراسة لم يتعرف عليهم توجة ناحيتة احد الافراد و يبدو من هيئتة انه رئيسهم