شروق الادم(جوارح عشق) بقلم/دميانة مجدي

اقتباس 2 من الجزء التاني

الفتاه و هي تحتضن الطفل :حبيب مامي عامل ايه انهارده

الطفل بزعل : انا زعلان منك متكلمنيش

الفتاه بتفاحئ مصطنع : زعلان مني انا ليه بس

الطفل : عشان مش بتيجي تشوفيني انتي و بابي

الفتاه بحزن : غصب عننا يا حبيبي الدكتور مانع عنك الزيارات عشان متتعديش من اي حد

الطفل ببكاء : مليش دعوة انا زهقت انا عمري مخرجت من الاوضه دي انا بشوف الولاد من ازاز الاوضه بيمشوا مع باباهم و مامتهم إلا انا انا عايز امشي من هنا بليززز مامي

الفتاه ببكاء ايضا : اوعدك هعمل اي حاجه عشان تخف يا روحي و تخرج من هنا و انا هفسحك و نلعب و نعمل كل اللي نفسك فيه

الطفل بفرحه عارمه : بجد يعني انتي هتخرجيني من هنا

الفتاه بسعاده لسعادته : طبعا يا روحي هنعمل كل حاجه نفسك فيها انا و انت و بابي

الطفل : هو بابي مجاش معاكي ليه

الفتاه :

قطع كلامه دخول شخص عليهم يلبس لبس التعقيم مثل ما تلبس هي

الرجل بمرح: بابا فين هنا اهو اقولو مين بيكلموااا حبيب قلب ابوه يا ناس

و حضنه حضن يبث فيه شوقه إليه

الطفل بسعاده : شوفت يا بابي مامي بتقول اني هخرج من هنا و هنلعب و نخرج و نتفسح سوا كلنا

لاحت غيمه حزن في عيني الرجل رأتها هي و خرجت من الحجره المخصصه لطفلها في المستشفي تبكي بانهيار لانها تعلم انها توعد طفلها بشئ شبه مستحيل لان مرضه نادر و لا يوجد علاج له سوا الانعزال عن العالم الخارجي لعدم عدوته من اي شئ  قطع سلسله  افكارها المتلاحقه يد توضع علي كتفها و مجرد ما رأته ارتمت في حضنه و انهاردت في البكاء

الرجل : اهدي يا حبيبتي اكيد ربنا مش هيسيبنا و هنلاقي حل متخافيش

الفتاه بانهيار : انا نفسي احققله ابسط امانيه بس مش عارفه

الرجل : وعد مني يا حبيبتي هعرض حالته عند كل اطباء العالم لو رسيت اني اصرف كل ثروتي بس عشان هو يقوم بالسلامه انا معنديش غيركوا انتو الاتنين اغلي ما عندي

الفتاه بابتسامه : بجد

الرجل : ايوه بجد دا ابني يعني اعمل عشانه المستحيل يلا امسحي اللؤلؤات بتوعي دول مينفعش ينزلوا ابدا طول منا عايش

الفتاه بابتسامه مشرقه : ربنا يخليك لينا يارب و ميحرمناش منك

الرجل : يلا بقي عشان احنا سايبينه لوحده جوا

و دخلوا إلي الغرفه حتي يقضوا الوقت المحدد لهم للجلوس مع طفلهم من ثبل الطبيب المشرف علي حالته

**********•**************
اقتباس حلو اهو

عايزة توقعاتكو مين الكابلز دول و ايه حكايتهم ؟؟

و الجزء التاني هيخالف توقعاتكو اصلا بس احب اعرفهاا

انا امتحاناتي هتخلص يوم 21 في شهر واحد هنزل الجزء التاني بعدها ان شاء الله

ادعولي بليزز💜

نانا💙