شروق الادم(جوارح عشق) بقلم/دميانة مجدي

الفصل السادس عشر

في المساء في قصر الدهشوري

كانت تجلس جميع العائله معادا شروق و التؤام و المأذون بانتظار ادم اللذي لم يأتي إلي الآن

مختار بعصبية : كلمه تاني يا باسم استعجله

باسم : ما انا كل اما اتصل بيه يقولي في السكه يا عمو

حسن بضيق : هو دا اللي هيحميها برضو يا بابا هو اصلا شكله مش عاجبه الموضوع من اساسه

: انا لو مش عاجبني الموضوع مكنش حد يقدر يغصبني علي حاجه و اظن كلكوا عارفين مين ادم الدهشوري

قالها ادم ببرود و هو يدخل من باب القصر

حسن بغيظ : و احنا بقي المفروض اننا نستني سعادتك عقبال لما تشرف

ادم بغرور و سخريه : امال هتكتبوا الكتاب من غيري مثلا

مختار حتي يخفف من حده الاجواء : يلا يا مولانا تقدر تبدأ دلوقتي

المأذون : بسم الله الرحمن الرحيم ايه دا يا مختار بيه البنت قاصر و مينفعش تتجوز في السن دا

ادم بقسوة : ما احنا عارفين انها قاصر مستنينك تيجي تقولنا مثلا ثم اكمل بسخريه و بعدين الجواز كدة كدة هيبقي شرعي و لا ايه

المأذون : ا.ا.ا يا باشا هيبقي شرعي

ادم بقسوة : امال مستني ايه ما تنجز

بدأ المأذون بكتب الكتاب بسرعه خوفا من ادم و غادر سريعا

ادم ببرود موجه كلامه لمحامي العائله : سامي الورقه دي تتسجل في الشهر العقاري الصبح عشان الجواز يبقي متسجل لغايه لما تتم السن القانوني

سامي : تحت امرك بس هحتاج امضت حضرتك انت و شروق هانم و باشمهندس حسن عشان التسجيل

ادم بحده: هو انا هقولك تعمل ايه يا سامي و لا ايه قولهم ادم الدهشوري و هما هيبعتوا حد ياخد الأمضي مع السلامه

سامي : مع السلامه يا باشمهندس

الجد :.ادم عدي علي شروق في اوضتها و خدها وريها اوضتها

ادم  بصوت عالي: نعم اروح اجيب مين لاء طبعا دا انا كفايه سمحتلها انها تدخل جناحي

حسن بعصبيه مكتومه : شايف شايف يا بابا من أولها و هو بيتكلم عنها ازاي بعد ازنك يا بابا خالي شروق تقعد في اوضتها احسن انا مأمتش عليها معاه ممكن يسمعها كلام زي السم من كلامه

ادم بسخريه : و مادام انت خايف عليها اوي كدا وافقت علي الجواز ليه

حسن بغضب : انا وافقت لأنهم قالوا ان انت الوحيد اللي هتعرف تحميها لكن اللي انا شايفه غير كدا خالص

الجد بعصبيه : في ايه انتو الاتنين مش محترمين وجودي و لا ايه ادم انا قولتها كلمه واحده هتروح تاخد شروق من اوضتها و توديها الاوضه اللي في جناحك مفهوم