ماذا اسمي هذا الحب

الفصل العاشر

في منزل ياسمين كانت جالسة في غرفتها عينيها متورمتان من كثرة البكاء، دخلت عليها غادة كالصاروخ بعدما علمت ماذا حدث، فقالت غادة بغضب: هو ايه اللي حصل يا بت انتي فهميني اغيب عن البيت ساعة يحصل كل ده
روت اليها ياسمين خطتها التي انقلبت عليها التي كانت تقصد بها زين لتجعله يتزوجها ليس عيسي
بينما غادة كانت تتبدل ملامحها من دهشه الي غضب اهذه ابنتها ياسمين، و ما هذه الخطة التي فكرت بها انها ليست ابنتها بل شيطانة، انتهت ياسمين من حديثها فصفعتها امها بقسوة ثم قالت لها: الحقيقة اني معرفتش اربيكي يا ياسمين كل شوية اقول البت هتعقل و مسيرها هتفهم ان زين اصلا مش بيفكر فيها اتاري حبه بيزيد في قلبك
ردت عليها ياسمين ببكاء: انتي عمرك معلمتيني الصح من الغلط كل حاجة بعملها حتي لو كانت غلط بتعجبك حتي لبسي كنتي بتنقيلي الضيق و القصير عشان ابقي احلي واحدة في العيلة و كل الشباب تيجي تحت رجلي حتي الصلاة عمرك مقولتيلي يلا نصلي يا ياسمين و معرفش اذا كان انتي بتصلي او لا اصلا و في الاخر تجيبي الغلط عليا انا و علي طول بتوقعي بينا احنا و عيلة بابا
نظرت اليها غادة بعيون دامعة وقالت لها: ياااه يا ياسمين كل ده شايلاه في قلبك مني بس انتي عندك حق انا معرفتش اربكي صح و كل اللي حصل ده بسببي انا سامحيني يا بنتي
ثم ضمتها اليها و ظلوا يبكوا الحالة التي وصلوا اليها.
..........................................
وصل ماجد الي منزل اخيه كمال، جلس علي مقعد في الصالة منتظر اخيه، دخل كمال اليه قائلا: اهلا اهلا بيك يا ماجد ازيك
قال له ماجد باقتضاب: كويس
قال له كمال باستغراب: مالك يا ماجد شكلك مضايق
رد عليه ماجد محاولا اخفاء تعابير الغضب علي وجهه: بص يا كمال من غير لف و لا دوران ابنك عيسي غلط مع ابني ياسمين و انا شوفتهم امبارح بعنيا انا و يحيي و زين في اوضه واحده و الحمدلله اني دخلت عليهم في الوقت ده عشان اعرف الم الفضيحة قبل متنتشر
كان كمال مذهول فكلمات ماجد نزلت عليه كالرصاص، ابنه عيسي كيف فهو يعرفه انه لا ينظر الي البنات نظرة رغبة فكيف له ان يفعل هذا و مع من مع ابنه اخوه فقال كمال غير مصدقا: ايه الكلام اللي بتقوله ده يا ماجد ابني لا يمكن يعمل حاجه زي كده
كاد ماجد ان ينطق فقاطعه عيسي و هو يدخل من الباب قائلا بهدوء: كلام عمو ماجد صح يا بابا
ذهب اليه كمال و صفعه صفعه قوية ثم قال له بغضب هادر: انت يا حقير تعمل كده مع بنت عمك انا مكنتش مصدق بس دلوقتي اتاكدت بعد مقولتلي كده بلسانك يا كلب
انزل عيسي رأسه في الارض لا يعلم ماذا يقول
تدخل ماجد موجها كلامه لكمال:  احنا هنعمل الفرح السبت الجاي مش هنقدر نأخر اكتر من كده الخبر انتشر بين الخدم و هتبقي مصيبة لو حد عرف
هز كمال رأسه موافقا ثم قال بأسف: انا اسف يا ماجد علي اللي حصل ده انا مش عارف عيسي ازاي يعمل كده
اكمل ماجد قائلا: انا اللي مش عارف ياسمين ازاي سمحت ان عيسي يدخل اوضتها.
ثم تركهم عيسي يتفقوا علي تجهيزات الفرح و خرج من الڤيلا بأكملها يتذكر ما قاله لأبيه انه هو فعل هذا بحق فهو فعل ذلك كي يعلم حقيقة الامر و لماذا فعلت ياسمين فعلتها تلك، و في الاخير سيتزوجها شاء ام ابي.
................................
قال كمال لزوجته فطيمة: عيسي هيتجوز السبت الجاي
صدمت فطيمة و قالت له غير مستوعبة: انت بتقول ايه يا كمال عيسي هيتجوز السبت ازاي يعني و مين العروسة
قال لها بتردد: ياسمين
نزل عليها الاسم كالصاعقة لان كل العيلة تكره ياسمين بسبب تصرفاتها و افعالها الخارجة فقالت له بغضب: انا مش موافقة طبعا ياسمين مين دي اللي اجوزها لابني
رد عليها كمال محاولا تهدئتها: ابنك اللي عايز يتجوزها يا فطيمة اقوله لا
قالت له: اه لا دي ياسمين يا كمال ياسمين
غضب منها كمال بشدة و قال بصوت عالٍ: في ايه يا فطيمى هي ياسمين دي مش بنت اخويا و لا ايه
ردت عليه فطيمة محاولة تهدئته: لا طبعا انا مش قصدي بس انت عارف تصرفاتها الطايشة يعني و انا لا يمكن اجوزها لابني ابدا
رد عليها بغضب: بصي يا فطيمة فرح عيسي يوم السبت و مش عايز كلام في الموضوع ده تاني
ردت عليه فطيمة بغضب: طب ليه السربعة طيب ده حتي مفيش خطوبة و لا شبكة و لا اي حاجة كده
قال لها كمال بهدوء: ماجد هو اللي عايز كده بيقول انه عايز يفرح ببنته انهارده قبل بكره
هزت رأسها غير موافقة علي هذه الزيجة فهو اول ابن لها سيتزوج و هكذا يحدث في فرحه بل الادهي انه سيتزوج ياسمين يا رباه
..............................
حددوا موعد الفرح والكل يتسأل عن سبب هذه السرعة فهم علموا ان عيسي تقدم لياسمين و لكنهم  يعلموا ان ياسمين مختلفة عنهم تماما فكيف لعيسي ان يختارها دونا عن بنات العائلة، لكن في النهاية تعلل ماجد بمرضه و انه يريد ان يري ابنته عروس في اقرب وقت.
..............................
جاء يوم الخميس الذي يحمل الفرحة لفارس و حبيبة.
كانت حبيبة تجهز في غرفتها عندما دخل عليها زين قائلا بإعجاب: ايه القمر ده يا بت انتي
ابتسمت حبيبة و قالت له: مرسي يا زين
اقترب منها و وضع يده علي يديها ثم قال لها: بتحبيه؟
اخفضت حبيبة رأسها ثم هزتها بنعم، فرفع زين رأسها لتنظر له قائلا بحنان: عشان كده رفضتي علي اتاريكي بتحبي يا خلبوصة
ضحكت حبيبة و قالت له: عارف يا زين انا كنت فكراك قاسي بس طلعت اطيب و احن واحد في الدنيا يا بختها بيك اللي حتحبها
هز رأسه غير مهتم بما قالته فأخوها الان بلا قلب حتي يحب.
...............................
وصل فارس مع والديه و اخته الي منزل العروس فرحب بهم كمال و فطيمة فقال كمال مرحبا: اهلا اهلا اتفضلوا البيت بيتكوا
قال له بكر مؤكدا: طبعا يا كمال ده احنا هنبقي نسايب
ظلوا يتحدثوا بينما كانت تنزل حبيبة الدرج حاملة العصير فانتبهوا جميعا اليها و نظروا لها بإعجاب شديد بينما كان فارس في عالم اخر كأنه سحر من جمالها فأصبح معزول تماما عن الجالسين لا يوجد احد غيرها امامه، بينما كانت حبيبة ترتجف من الفرحة لا تصدق ان فارسها جالس امامها الان، جلست حبيبة بجانب والدها فتحدثت تهاني قائلة بإعجاب: ما شاء الله ايه الحلاوة دي يا حبيبة
ابتسمت حبيبة و هي خافضة رأسها فهي تعلم الان انه يراقبها، تشعر بنظراته مصوبه عليها قاطع تفكيرها كمال: يلا بقا نحدد ميعاد الخطوبة طالما العروسة موافقه
رد عليه بكر: اتفقنا
قال له كمال بتفكير: تخلي الخطوبة بعد اسبوع من فرح عيسي ايه رأيك
اجابة موافقا: علي خيرة الله يبقي نقرأ الفاتحة
ظل فارس معلق عينيه بحبيبته بفرحة فها هي صارت خطيبته اخيرا.
انتهت الليلة بسعادة فحبيبة كانت طائرة من شدة الفرح تريد ان تسابق الزمن ليأتي موعد خطبتهم.
......................................