كانت آسر يجلس مع اخته سلمي يروي لها امر الرسالة فقالت له سلمي: تفتكر زين هيصدق برسالة اكيد لا
رد عليها بهدوء: منا عارف بس الرسالة دي تحذير لكن اللي جاي احلي
قالت له سلمي بفضول: هتعمل ايه
ابتسم اسر بشر ثم قال: هخلي عربية تخبطها مش اكتر
صدمت سلمي من ما قاله فاجابته بخوف: هتموتها يا آسر هتموتها
رد عليها آسر قائلا بنفاذ صبر: اكيد لا طبعا انتي هبلة انا هكسرلها دراع حاجة زي كده
قالت لها سلمي: انا مش عارفه انت هتستفاد ايه من ده كله
رد عليها آسر قائلا: اولا عشان ارد اللي عمله فيه ثانيا بتسلي هو حد يقول للتسلية لا
ثم امسك بهاتفه متصلا بأحد ثم قال له بلهحة امره : نفذ.
.......................................
ذهب زين الي حمزة لانه يريده في موضوع هام، جلس زين و حمزة فقال الاخير: في ايه يابني الموضوع المهم اللي عايزني فيه ده
قال له زين و هو ينظر الي الفراغ: انا هرجع فرنسا تاني يا حمزة
انصدم حمزة لما قاله زين ثم قال له بجدية: يعني ايه هترجع فرنسا تاني
رد عليه زين قائلا: يعني هرجع فرنسا تاني يا حمزة مبقتش قادر استحمل اقعد هنا خلاص و اديني اطمنت عليكوا كلكوا.
قال له حمزة بغضب: و هتسافر امتي؟
اجابه زين قائلا: بعد شهر ثم اكمل بثقة: بس مش هغيب زي المرة اللي فاتت هبقي انزل اجازات كل سنة
ابتسم حمزة بسخرية ثم قال له: اعمل اللي تعمله انا تعبت من الكلام معاك و انت مبتسمعش
قال له زين: يا بني بطل بقي انا قولت اقولك عشان تخفف عليا عشان عارف لو قولت لامي او ابويا هينفجروا في وشي تقوم تعمل كده
قال له حمزة: طب ليه مانت صفيت الشغل هناك ليه ترجع تاني يا زين
قال له زين بألم: ابويا شايفني صايع و مبعملش اي حاجة في حياتي غير السهر و بيعاملني كأني مش ابنه و انا زهقت يا حمزة من معاملته ليا و بصراحة انا خايف اتعلق بيهم فاهمني يا حمزة
هز حمزة رأسه متفهما ثم قال: تتعلق بمين دول اهلك يا زين
قال له زين محاولا تغير مجري الحديث: خلاص بقا اقفل علي الموضوع انا لسه هروح اقولهم اصلا.
...................................
كانت حور خارجة من كليتها عندما جاءت سيارة تسوق بسرعة جنونية فاصتدمت بحور التي القيت علي الارض مغشيا عليها و الدماء تسيل من رأسها، و قد تجمعوا حولها الناس و من بينهم ملك التي اتصلت بالاسعاف و بعد ذلك بوالدها ثم ذهبوا بها الي المستشفي.
.....................................
كان احمد جالسا مع زوجته صفاء عندما رن هاتفه فاجاب المتصل: الو مين معايا
قالت له ملك بفزع: الحق يا انكل حور عملت حادثة
انتفض احمد من مكانه قائلا لها بخوف: بنتي حور عملت حادثة طب انت في مستشفي ايه بسرعة
قالت له ملك اسم المستشفي ثم اغلقت بينما قالت له صفاء وهي تبكي: بنتي حور جرالها ايه يا احمد
لم يرد عليها لانه كان يريتدي ملابسه علي عجلة فقالت صفاء: استني انا هاجي معاك.
ثم رحلوا من الڤيلا ذاهبين الي ابنتهم الحبيبة الملقاه في المشفي.
.....................................
تلقي زين اتصال من رقم مجهول و كان لا يزال جالسا مع حمزة فاخذ هاتفه باستغراب فمن الذي يتصل به الان فأجابه المتصل: شوفت يا زين حور عملت حادثه ازاي
انخلع قلب زين عندما سمع اسم حور فقال للمتصل بقلق: انت مين ووحور عملت حادثة ازاي يعني
قال له المتصل: كده متعرفش صوتي انا اللي ضربته في الفرح افتكرت
تذكر زين علي الفور فأجابه بغضب: انت يا حيوان يا ابن.... انت عارف لو حور جرالها حاجة انا هقتلك
قال له آسر: ده جزاة اللي يعمل كده مع آسر يا زين دي بس قرصة ودن لكن اللي جاي احلي سلاام
ثم قفل المتصل بينما زين غاضبا بشدة و لكنه تذكر حور فاتصل بعمه احمد يسأله عن المستشفي التي ترقد بها حور فا بالطبع علم ما الذي حدث لأبنته و عندما علم ذهب علي الفور و معه حمزة.
....................................
وصل احمد و صفاء الي غرفة حور في حالة يرثي لها بينما جلست صفاء بجانب حور و هي تبكي ثم قالت بفزع: حور يا حبيبتي انتي كويسة
قالت حور مطمأنه اياها: انا كويسة يا ماما دي شوية كدمات بسيطة
قال لها احمد: متعرفيش مين اللي عمل كده يا حور
قالت حور بحيرة: اللي خبطني مشي بالعربية علي طول و مستناش حتي يشوفني
قال احمد بحسرة: حسبي الله و نعم الوكيل فيه
قالت لها صفاء: بصي انتي ما تتحركيش من مكانك حتي خطوبة حبيبة و فارس مش لازم تروحيها بكرة
هزت حور رأسها نافيه ثم قالت: لا يماما انا بقيت كويسة الحمدلله
قال احمد موجها كلامه لصفاء: خلاص يا صفاء الحمدلله دي كدمات بسيطة سيبيها علي راحتها
في هذه اللحظة دق الباب معلنا عن قدوم زين بينما كان حمزة ينتظر بالخارج فسمحوا لزين بالدخول و قد كانت عينيه يملؤها الخوف عندما رآها فقال لها: حور انتي كويسة؟
ردت عليه حور قائلة: الحمدلله شوية كدمات و هتروح
هز زين رأسه بارتياح و بعد فترة ليست بطويلة
قال احمد لزين بتساؤل: زين هو انت عرفت ان حور عملت حادثة ازاي.
توتر زين، لا يعرف ماذا يقول فقالت حور علي الفور: الدكتور حمزة صاحب زين كان في الكلية و شاف اللي حصل فاتصل بزين عشان يقوله
هز احمد رأسه بتفهم بينما كان زين مندهش من ما قالته حور،
قال احمد و هو ينوي الخروج: طب انا هخرج اشوف مصاريف المستشفي و ارجع تاني خلي بالك من نفسك
اومأت حور رأسها بمعني نعم و قد تبعته صفاء لتجلب لحور شئ لتشربه بينما كان زين و حور وحدهم فقال لها زين بتساؤل: انتي ليه قولتي كده لعمي احمد مع ان حمزة كان معايا اصلا
قالت له حور: مش عارفه حسيت ان في حاجة غريبة بتحصل مش صدفة ابدا ان تجيلك رسالة تهديد و بعدها علي طول اعمل حادثة
اعجب زين بتفسيرها للامر ثم قال لها بقلق: عارفه مين اللي خبطك، الواد اللي ضربته في الفرح هو اللي عمل كده و اتصل بيا انهارده و هددني انو مش هيسيبك في حالك
نظرت له حور بخوف ثم قالت: يعني انا كده ممكن اموت في اي لحظة بسبب واحد طايش كل همه انه يتسلي و بس
ساد الصمت لحظات ثم قطعه زين و كأنه وجد فكرة بمليون جنية فقال لحور: مفيش حل غير واحد عشان الواد ده ميقدرش يقربلك
نظرت اليه حور بتساؤل ثم قالت: ايه هو الحل ده
اجابها زين بوجه خالي من التعابير: نتجوز...انا و انتي نتجوز
صدمت حور من هذا الحل الذي قاله زين ثم قالت له برفض: لا طبعا انا لا يمكن اتجوزك
قال لها بغرور: يعني انا اللي دايب في حبك، هو مفيش غير الحل ده اكون جبت الواد ده و سجنته
نظرت حور الي الفراغ لا تستطيع ان تفكر في حل اخر غير ذلك بينما قال زين: احنا هنتجوز جواز سوري لمدة شهر بس بعدين هطلقك و كده كده انا مسافر فرنسا تاني
نظرت اليه حور ثم قالت: طب و اهلي و اهلك هنقولهم ايه، اكيد هيسألوا ايه سبب السرعة دي
رد عليها زين: هنقولهم اني مسافر فرنسا بعد شهر و مينفعش اجلّ و هاخدك تعيشي معايا و اكيد الكلام ده مش هيحصل
ثم اكملت حور كلامه قائلة: و قبل ما تسافر نتطلق و نقولهم حصل مشاكل و ما تفقناش مع بعض
رد عليها زين قائلا: و انتي من طريق و انا من طريق
فكرت حور في هذا الحل و قد وجدت انه الانسب في هذه المشكلة ثم وجهت نظراتها الي زين بجمود و قالت: انا موافقة ان احنا نتجوز.
..................................
أنت تقرأ
ماذا اسمي هذا الحب
Storie d'amoreلا اعلم ما الذي جذبني اليه ربما لانه اول رجل يتحدث معي بعيدا عن القرابة او الصداقة يا له من جرئ او ربما لانه يهتم بما افعله اشعر انه يراقبني في كل مكان يكن انا وهو فيه ولكنه لا ينتمي الي عالمي ولا انا انتمي الي عالمه فهذا الرجل الذي وقعت في شباكة عل...
