في مواجهة الصخر (نوفيلا)..مـگتمـلهہ✔️

2

عكِفتُ عن دنيا لذي أملٍ..
بوصلٍ يشفي القلبَ إن نزلاا..
وصبرتُ في عيشي على مرضٍ...
من هجرٍ اصاب الرُّوحَ بالسقما..
جنونُ الصدِّ يضنيني..
وصمتُ البوحِ على الثَّغرِ مُحترقااا..
فانعمْ على جسدي بحضنٍ ..
وارحمْ حبيباً ذكراكَ ما نسيااا..

صحيت جوري بعد فترة وانتبهت انها متمددة ع السرير وبايدها ابرة وموصوله بالمغذي تنهدت بقهر وهيه عم تتذكر حالة ابوها وعم تدعي انو الله يقومه بالسلامه تذكرت فجأة العيون الي شافتهم قبل ما يغمى عليها وحست بخوف وضيق بقلبها في شي بحكيلها انو الايام الجايه رح تكون صعبه كتييير .....

انتبهت على حالها على صوت فتح الباب وشافت خالها منذر وخالد داخلين على الغرفه
حكى خالها ...

منذر. بابتسامه حنونه  .."كيف صارت الامورة  هلأ خوفتينا عليكي يا بنتي "...

خالد باهتمام ."كيف صرتي ان شاء الله احسن "

جوري بتعب وارهاق ..."الحمد لله بس كيف صار بابا طمني ؟؟.."

خالد  "لا الامور تمام رح يصحى اول ما يروح مفعول التخدير انا بذات نفسي شفت التقرير تبعه وحالته تمام وان شاء الله رح يقوم بالسلامة ..."

فجأة دخل الجد اسماعيل وابنه سلطان وحفيده صخر ...

الجد .." كيف صرتي ان شاء الله احسن خوفتينا عليكي كتيير ..."

جوري ببرود .."لا اتطمن اسماعيل بيك ما فيني شي ...."

انحرج منذر من الجد اسماعيل وحكى..
"بنتي ما بيصير هاد جدك ..."

جوري ما جاوبت لفت حالها للجهة التانية وحكت بكل برود بس من جواتها عم تغلي غلي من القهر والغيظ ...

"معلش خالي انا ما بعرفهم لهدول الناس انا بعرف انه بابا ما اله حدا بالدنيا غيري انا وبس والي راح صح راح بس عمره الأسى ما انتسى صح ولا لا يا هه جدو ..."

صخر فارت اعصابه من اسلوبها لجوري وحكى و هو عم يحاول  بكل قوته يضبط اعصابه عليها وما يكسر سنانها على قلة الأدب الي هيه فيها ...

"على ما اظن انو الصغار ما دخلهم بمشاكل الكبار ف احسن الك انك ما تتطاولي بالحكي مع الاكبر منك واذا ما ابتعرفي هه انا بخليكي تعرفي ..."

جوري جواتها ميته من الخوف بس عم تتظاهر بالبرود وهيه عارفه انه لو انهم لحالهم كان عنجد كسر أسنانها  ما ابتعرف شو هالشعور الي حست فيه لم سمعت صوته ...تجاهلت الموضوع وحكت ل خالد ..
"معلش يا خالد تساعدني لحتى اطلع من هوون .."

خالد بمزح ...."اكيد يلا ست جوري خلصينا بدون مرض مو خلصانين من دلالك كيف هلأ.."

ابتسمت جوري واستندت على خالد لحتى تطلع لبرى وتغير جو . حست انه اذا ضلت بنفس الغرفه مع هالناس رح تموت من القهر بينها وبين حالها.."شو ذكرهم هلأ ببابا هلأ غلي وصار واحد من هالعيله يلا بس يصحى بابا و ساعتها لكل حادث حديث...."