في مواجهة الصخر (نوفيلا)..مـگتمـلهہ✔️

3

"شووق و شقااا و قلة لقاااا....."

مر يومين على ابو جوري وهو بالمشفى وجوري ما فارقته و عم تهتم فيه واهله ما تركوه لحااله ابدا رغم انو العلاقه بين ابو جوري وابوه متوترة بس مع هيك بتضلها احسن من الاول جوري غافيه ع الكرسي بجنب ابوها وهو صافن عليها وذاكرته عم ترجع سبع سنين للماضي وهو عم يتذكر أساس مشكلته بينه وبين ابوه ......

قبل سبع سنين ......

....."لك حياة الناس مو لعبه بين ايديك  افههههم ......."

ابو جوري وهو منزل راسه بالارض .."يا ناس ما بدي اتركوني بحالي ما زهقتوا من هالموضوع عشر سنين وانتو عم تضغطوا علي ما حدا اله دخل بحياتي اتركوووونيييي بحااااليييي........"

اسماعيل ..." ما عندي ولد يكسر كلامي هالبنت الهااا عشر سنين وهيه مكتوب كتابها عليك ليش ظالمها اه احكي رد علي يا زلمة البيت يا واعي يا مثقف يا فهماااان عشر سنيين وانت بغرفه و هيه بغرفه  ......شو ذنبها احكيييييي كسرت هالبنت  كتبت كتابكم عشان البنت وهيه جارتها وربتها كأنها بنتها وزيادة يشهد الله ما غثتك يوم بكلمه
وصانتك وصانت بيتك وصااابرة علييك وكل هاااد مو معتبرها زوجة اسمع يا ولد رح تنقلع من هالبيت وتاخد بنتك ما بدي شوووف وجهك ابداااا وورقة طلاقها ل ناهد بتوصلها فهمممت .."

وفجأة رفع راسه محمود وبلش يحكي بصوت عالي و عصبيه لاول مرة عم يشوفوه اهله بهيك حاله ....

"طلاااق ما رح طلق لو تطبق سما ع ارض وتحلم تكون ع ذمة غيري الا وانا بالقبر فهمتتتتوا والي بدكم ايااااه اعملووووه ما بيهمني شي، رح احذ بنتي واطلع من هالبيت لكن ما رح ارجعله الا وانا بالكفن ....."

اتطلع ع ناهد وشافها دموعها ع وجهها وحكى
"ديري بااالك تفكري بهالشي انتي الي انا فهمتييي وحطيها براسك ما رح اتركك الا بموتي ..."

الحاضر .......

صحيت جوري ع صوت فتح الباب وشافت خالد عم يدخل ومعاه اكل وحكى وهو عم يبتسم ....
"شو ست جوري بشوفك اخدتيها نومه طلعتي انتي الي بدك اهتمام مو عمي محمود شوفي وجهك كيف صاير اصفر متل الليمونة ...."

جوري، بتعب وارهاق ..."ما الي نفس معدتي عم توجعني ...."

ابو جوري بعتب ....."طبعا ما هو ما بيدخل على معدتك غير القهوة كيف ما رح توجعك ....يلا بنتي بلا عناد قومي كلي لقمه هاي متل ما حكى خالد بدك مين يهتم فيكي ..."

جوري سرحت وما انتبهت لم حكت بحزن  . بصوت مسموع......"ماما ناهد بتهتم فيي....."

سكتوا خالد وابوها وصفنوا عليها كيف دمعتها رح تنزل .....تدارك خالد الموقف وحكى ...."يلا بلا دلال ست جوري .....كلي  جبتلك فطاير بلحمه عملتهن امي مخصوص كرمالك ...."

جوري بلشت تاكل ع الواهس وكل منهم سرحان وعم يفكروا والي بفكر بغلطه وانانيته وتركه لحب حياته والي عم يفكر بالي جااااي من مصايب ع راسه والي عم يفكر بحبه الي قاعد قدامه .....