في مواجهة الصخر (نوفيلا)..مـگتمـلهہ✔️

14

سـتكون في قلبي
زهـرة لن تذبل أورآقهـا
كل يوم لها ربيع
لا تعـرف فصل أسمه الخريف
ﺃﻗﻮﻟُﻬَﺂ ﺑِﻜُﻞ ﻣﺎ ﺍﻣﺘَﻠَﻜْﺖ ﻣِﻦ ﻗُﻮﺓ
اﻗﻮﻟُﻬَﺂ ﺑـ [ﻗَﻠﺐ ] ﻧَﺒْﺾ ﻋُﺮُﻭﻗِﻪ ﻟك ﻭ ﻟﻦ ﻳَﻨْﺒﺾ ﺇﻻ ﺑـ ﺍﺳﻤﻚ
ﻧَﻌَﻢْ ﻋَﺸِﻘْﺘُﻚ ﻭ ﻣﺎﺯﻟْﺖ ﺃﻋﺸَﻘﻚ ﻭ ﻟﻦ ﺃﻋﺸَﻖ ﻏَﻴﺮك

بعد ثلاث اشهر  مروا على الكل بين النادم وبين المتألم وبين الحب والشوق إللي ما بينقدر ينمحى من قلوبهم .
صخر رجع لشغله وصار اقسى من قبل ومقاطع الكل و حتى عمه ما عاد يقدر يواجهه ولا حتى جده معتكف ببيته وما تعامل الا مع فؤاد طول الفترة اللي مضت وهو عم يحاول يرجع جوري بس جدها وخوالها عم يرفضوا حتى يشوفها وطلبوا منه يعطيها فترة لحتى ترتاح نفسيتها ، وهو أحترم حكيهم متل ما احترموه مع كل اللي عمله فيها .
جوري مضتها لبيت جدها فيصل وبين فترة وفترة بيزورها ابوها وناهد .

ببيت جدها فيصل أبو رداد  متمددة على السرير وعيونها كلها دموع وعم يمر براسها كل شي عمله فيها صخر و مو قادرة تفكر بغير شي شو ما عملت ما عم تقدر تنسى دخلت عليها مرت خالها ام يوسف وقعدت حدها جوري تطلعت عليها ورمت حالها بحضنها و بلشت تشهق وتبكي بصوت عالي ، تركتها ام يوسف على راحتها لحتى تفرغ كل شي جواتها  بعد فترة بعدت عن حضنها وبلشت تحكي بصوت مخنوق ..."ليييش عمل هيك لهالدرجة ما عنده ثقه فيني والله حبيته وتحملت كل شي منه لهلأ مو قادرة شيله من قلبي مع كل شي عمله فيني بس لساتني بحبه اااااااه " 

  تطلعت عليها ام يوسف بحنيه ومسكت وجهها بين ايديها وحكت ..."بنتي يشهد الله انك بنتي اللي ما ولدتها وحبيتك من كل قلبي هلأ بدي اياكي تفكري منيح بالحكي اللي رح احكيلك اياه منيح فكري بعقلك وبقلبك كمان ..."

جوري بسرعه مسحت دموعها وانتبهت لمرت خالها باهتمام وهزت براسها ،ابتسمت ام يوسف وحكت "بنتي بعرف إللي صار معك مو قليل بس يا بنتي الانسان مو معصوم عن الغلط الأنبياء اللي همه انبياء وغلطوا نحنا مو ملائكة اذا رب العالمين بيغفر لعبده مهما كان ذنبه مين نحنا حتى ما نسامح ، احكيلك شغله وتضل سر بيني وبينك ...جوري هزت براسها واستغربت شو اكتشفتي عن علاقتي انا وابو يوسف بهالثلاث اشهر إللي قضيتيهم هون جاوبيني ."

جوري تنهدت ومو عارفه لوين بدها توصل معها ام يوسف.."صراحة ..دائما بيمازحك وبيدلعك وما بيخجل حتى من جدو ، وابتسمت ..حتى انه بيغار عليكي حتى من ولاده متل المره الماضيه لمى فارس قعد جنبك وحضنك مسكه من قميصه وبلش يهزء فيه وبيعاملك كانو لساتكم عرسان جداد هههه"

ابتسمت ام يوسف لضحكتها اللي من اول ما اجت لهون ما شافتها وحكت "هلأ يمكن تفكري انو تزوجنا انا ورداد عن حب بتكوني غلطانه ، جوري عقدت حواجبها كملت ام يوسف ،على فكرة هو اللي حبني مو انا يا ستي كنت وقتها يادوب عمري 17 سنه وكنت راجعه من المدرسه وكان عنا ضيوف اللي همه بيت عمي فيصل رداد ما بتذكره منيح لانو قضى كل وقته بالعسكريه وولا مره شفته كنت بس اسمع بنات عمامي كيف انو هيبه وشخصيته قويه وكل وحدة بتتمنى منه بس نظرة بس هو كان يا ارض اشتدي وما حدا قدي المهم والله دخلت البيت وسلمت على الكل بس لمى شفته ما حبيته طول الوقت عم يتطلع عليه ويجحر فيني بعيونه ومرت الايام وكان بين فترة وفترة التقي فيه ببيت جدو وهو كان يدقق على كل شي بعمله حتى انو اختو نبهتني اكتر من مرة انو بدو ياني بس انا كنت شايله الفكرة من راسي لانو كنت حب واحد بس ما كنت مصرحيتله بحبي كان شب مهندس عنا بالحي كلن بس بيناتنا النظرات ، لحد اليوم اللي قلب كل حياتي ...حكت جوري باهتمام ااه وشو صار كملي ........يا ستي اجا هالشب وتقدملي واعطوني اهلي فرصة لحتى فكر لانو صغيرة بالعمر وبيوم كنت راجعه من المدرسه وما وعيت الا ورداد نازل من سيارته ومركبني فيها انا يا ستي هون قطرة دم ما ضل فيي اخدني لبيتهم وقتها كان الكل ببيت جدو وجن جنانه لمى عرف بالعريس بوقتها يا ستي من غبائي الكبير حكيتله انو انا بدي اياه لهالشب ومستحيل اتراجع عن قراري انا حكيت هيك و طلعت كل شياطينه وما وعيت على حالي الا وانا بين ايديه وماخدني غصب عني وبوقتها حكالي رح شوف كيف رح تكوني لغيري ، بوقتها انجبرت اتزوجه بس كل شي تغير مع الوقت وعرفت قديش هو بيحبني وعمل اللي عمله لانو ما بدو يخسرني صح لهلأ مجنني بغيرته الزايده بس شو اعمل حبيته غصب عني."جوري تفاجأت وحكت .."ياااااه فعلا عيش وتشوف بس عنجد والله خالو مز هو وعيونه الزرق ههههههه ضربته خفيف على راسها ام يوسف وحكت "بنت احترمي حالك هاد زوجي"
جوري بوقتها ضحكت من كل قلبها وتطلعت على ام يوسف وحكت  "بوعدك رح رح فكر منيح واخد القرار الصح صح بحبه لصخر مع كل شي عمله فيني بس مو بسهوله رح سامحه "

ام يوسف ب.."ونحنا معك باي قرار رح تاخديه وما تفكري انا من راسي جيتك لا جدك وخوالك اللي حكولي حاكيكي الانفصال مو حل و بتوقع انو صخر تعذب بما فيه الكفايه اانا نازله تحت ومن هون للصبح بتمنى تخبرينا بقرارك يلا تصبحي على خير حبيبتي"

جوري "وانتي من اهله خالتو ".

ونامت جوري وهيه عم تفكر بحكي مرت خالها واخدتها نومه للصبح من بعد ما اخدت قرارها اللي رح يصدم الكل واولهم صخرها .

كانت ام يوسف عم تدخل لغرفتها اللي كانت معتمه بس شعلت الضو شهقت بخوف لمى شافت زوجها رداد قاعد على الكنبه ومعصب هزت براسها بيأس منه عمره ما رح يبطل هالعادة اذا تأخرت عليه مستحيل يعدي الليله على خير وقف قبالها بعصبيه وحكى..." على فكرة زودتيها كتير كم مرة حكيتلك ممنوع تتاخري عني ..." 

قربت منه وحكت وهيه عم ترفع بحواجبها "مو كبرت على هالحركات يا أبو يوسف خلص صرنا جد و جدة وانت لساتك على حركات المراهقين صرت شايب .."

فجأة ما حست إلا وهو حملها وعم يحكي بمكر
"هلأ بورجيكي شو رح يعمل فيكي هالشايب..."وهيه عم تضحك عليه وعلى أفكاره المنحرفة اللي مهما كبر فيهم العمر ما بتتغير .

ثاني يوم بقصر عيلة الحويطي كان الكل مجتمعين وعم يستنوا صخر لأول مرة الجد بيطلب يشوفه والكل مستغرب يا ترى شو اللي رح يصير خصوصا انو الشيخ فيصل و أولاده موجودين .
ناهد قاعدة بحد ابوها الشيخ فيصل وكل شوي بيبوسها على خدودها و راسها و محمود اللي قاعد قبالهم جواته عم ينط و يشط من الغيرة وخوانها اللي كل شوي وقاعدة بحد واحد وماخديتهم بالأحضان ما تحمل و قام سحبها من حضن ابوها وقعدها جنبه ، مع توتر الاجواء الكل صار يضحك على غيرته لمحمود الظاهر انو وراثة بالعيلة.
دخل بكل هيبه وشخصيته قويه الكل سكت وقعد بحد جده من بعد ما باس ايده ورأسه تنحنح الجد إسماعيل وحكى ..."اليوم متل ما شايفين ضيوفنا  عيلة العدوان بعرف الكل مستغرب بس اللي راح راح وما بنقدر نغير شي من الماضي لهيك العيلتين رح يرجعوا متل اول واحسن ان شاء الله وثاني شي الموضوع بيخص صخر و جوري من اللي فهمته من الشيخ فيصل انو جوري أخذت قرارها ناهد بنتي جيبي جوري وتعالي "
راحت ناهد وجبات جوري اللي كانت تعابير وجهها متوترة بس عم تحاول تبين انها قويه كرمال تكمل للآخر اول ما دخلت تعلقت عيونها بعيون  اللي قاعد بكل هيبه وملامح وجهه زادت قسوة بس عيونه كلها شوق وندم على اللي عمله فيها بصعوبة شالت عيونها عن عيونه وقعدت بين جدها فيصل وجدها إسماعيل.
الكل ساكت وعم ينتظروا يسمعوا بقرار جوري شو رح يكون ، حكى الجد فيصل ..."بنتي جوري خبر الكل بقرارك ولا تراجعتي  و بتمنى ما تكوني تراجعتي بحكيك.." جوري هزت براسها و حكت ..."لا جدو لساتني عند قراري وما رح غيره "   ابتسم جدها وحكى ..."اذا هاي هيه جوري اخدت قرارها ومن بكرة رح ترجع لبيت جوزها .."

*******************************

بعرف بعرف صدمة صح
بس لسه ما شفتوا شي
من الصدمات
شو رايكم
و يا ترى شو اللي رح يصير خصوصا بين
جوري و صخر
من هون رح تبلش
الأحداث المشوقة لهيك انتظروني
💋💋💋💋

*******************************

بعرف بعرف تأخرت عليكم
بس شو اعمل ظروفي فترة و بتعدي
إن شاء الله
رايكم بالبارت
بتمنى يعجبكم
بحبكم من كل قلبي
❤❤❤❤❤❤