شغف الحب

دقات قلب

تحيه لكم من القلب الي القلب

--------------------------
ام نور ....بنات ماما بلكي وحده منكم اتودي صحن لفطائر لبيت ام ليث اتحب المعجنات مالتي
طفرت نور ....ماما اني اوديهم
ام نور (هناء) غيري ملالبسج لا اطلعين بشورت
نور ....تمام ماما
نور بشخصيتها جدا هادئ ومتحب العناد مطيعه الامها وابوها
نور ...بدلت ولبست قميص جنز بلون اعيوني ازرك وبنطرون جنز بلونه وخليت القميص فوك البنطرون لان مااحب ابرز مفاتن جسمي لان من هيج الناس كلها اتباوعلي  فمداعي ازودها اني شعري طويل وينزل  جوا خصري وادئما اسوي ظفيره النص شعري والباقي الفتحه طبعا اني ابد مااخلي مكياج لان احس بعدي صغيره على هذي السوالف عود من ادخل كليه ولو صديقاتي يكولولي انتي الله امخليلج مكياج رباني فمداعي اتخلين مكياج ☺️

نور ...رحت ادك باب بيت ام ليث وجان يطلعلي الماخذ كلبي وعقلي فتح الباب ليث جان صفن بوجهي واني صفنت بي وبدون ماادري وكع الصحن الفطائر من ايدي ونكسر الصحن وطشرت الفطائر بلارض اني خليت وشردت 🤭
ليث....اني اريد اطلع مواعد اصدقائي بالمول فتحت باب المطبخ وطلعت جاي اروح لسيارتي اشغلها بلكراج مال بيتنا اندك الباب اني كاشخ ومتعطر رحت افتح الباب
شفت ملاك ونازل على الارض نور بنت جوارينه بنت استاذ ميثم طبعا اني ابد مرافع عيني بعينها وحسها صغيره وهي وجهها بريئ مال اطفال هي بخامس مدري بسادس هيج يعني بلعداديه
اني شفتها واكفه فتحت الباب وصار وجهي بوجها دخت وطار عقلي وكلبي وهي حسسيتها مثل العطشانه لشوفتي واني دخت بجمال لعيون تاخذك لعالم ثاني والشفايف ورديه والوجه من الشمس احمر والزلوف طايحه على الوجه هي ظلت صافنه بوجهي واني دايخ بيها 👍
فجئ وكع الصحن منها
اندارت وراحت تركض بدون متحجي ولا كلمه 🥺
وخذت كلبي وياها
اني نظفت المكان ومحجيت اي شي ركبت سيارتي طلعتها من الكراج ورحت 👏شغلت اغاني وطار كلبي وياها
مرت ايام وبعد مشفت نور بس اختي جمانه صديقة اختها مروه ونفس الصف وراح ايدامون سوا بالاول متوسط بمدرسة نور
🌸🌸🌸🌸🌸🌸🌸🌸
راح يبدي الدوام ماما انريد انجهز
تدللون ماما بس ايجي بابا ناخذ السياره ورح اجهزلكم
طبعا ام نور تعرف اسوق سياره
نور ...عشتي يا احلى ام حرورح احظر ملابسي وكول لخواتي
اجا ابو نور الاستاذ ميثم (ابو نور)
انسان طيب ومثقف وسبورت وروحه من الدنيه بناته
هناء ( ام نور)ليوم اريد اخذ البنات اشتريلهم للدوام اتروح ويانه لو اخذهم واروح
استاذ ميثم ....لا اخذيهم وشتريلهم اني تعبان اريد انام بس فولي السياره بانزين لان اصور مابيها وخذي من الكنتور افلوس خاف تتحتاجون
هناء ....اوكي حبيبي
ليث .....جنت كاعد بلباب اني وصديقي همام طبعا صديقي همام اخوي الي مجابته امي يدخل لبيتنه وينام عندي اوقات يعني صديقي واخوي العزيز ابو وامه منفصلين من هو اصغير وابو امسافر للخارج وامه مزوجه وهو عايش عند بيبيته ام ابو ..
كنا واكفين اني وهمام بلباب وكلعاده انسولف ونظحك
وجان تطلع سيارة ابو ميثم اتسوق بيها ست هناء ام نور طلعت السياره ولبنات كاعدات ورا
وجان تطلع عصفورة قلبي نور
لابسه فستان قصير ورادي وحذاء رياظي ابيض والكصيبه طويله اني مكدرت اباوع بس حسيتها هي اتباوع انطيتها نظره عابره ونداريت واني روحي عدها
نور......طلعنا اني وامي وخواتي ماما كلتلي قفلي البيبان لان ابوج نايم لحد مطلع السياره ماما طلعت وكفت السياره بلباب واني رحت اركض وجان اشوف حب حياتي ونور اعيوني ليث وكف هو وصديقه بالباب طبعا اني اعرف كلشي عنه من جمانه اخته اسحبها بلحجي لان من كعدو يمنه وروحي متعلقه بأبنهم جان يدرس سادس علمي يعني قبل ٣ سنوات ومااكدر اسوي اي شي ايقلل من قيمتي واخلاقي واخاف ياخذ عليه نظره
ودائما بابا يمدح بليث واخلاقه وسلوبه بلكلام طبعا بابا مو جبير عمره ٤٤ سنه اتزوج ماما زواج تقليدي بس زواجهم ناجح من كل الجوانب وابد ممقصرين علينه بشي
بس بابا دائما جان من يكعد وحده ايخلي اغنية اشكثر مشتاق لو تدري
اشكثر مشتاق ياعمري
اشوف اعيونك الحلوات
وحط صدرك على صدري
اني اروح يمه وكعد بحظنه وجان دائما ايكلي انتي اغلي شي بعمري واحلى شي