شغف الحب

دقات قلب

اجتي جمانه الي بلمدرسه وكعدت يمي
حسيت اتريد تحجي شي
بس اني مالي خلك الها
جمانه....نور الله ايساعدج على السادس صعب
اني اذكر من جان ليث بسادس موت روحه من الدراسه
ال جاب هيج معدل
بس هدير مدري اشلون نجحت لان هي تهتم بشكلها اكثر من ادراستها
نور ...عفتها تحجي مقاطعتها لان احسها اتريد تحجي شي
جمانه ....هي هدير لازكه ليث وليث ايحب وحده
نور....😳
جمانه....
هو ايكول كلبي مشغول وغركان بلحب وبس هسنه واخطب الي احبها
نور ...اني سكتت حسيت هو ايريد ايوصلي هذه الحجي
سكتت واذا هو هيج ايحبني ويريد يخطبني ليش ما ايحاول ياخذ رقمي ويتصل بيه
ماادري شنو هذه اليث..ومادري شنو تفكيره
😔😔😔
ليث .....كملت كلشي لهدير بت خالي علمود افتك منها
ومااريد اقهر نوارتي حبيبتي القهر ذبل اعيونها
رجعت ورجعت هدير وياي اني ادري كلش عجبتها الوضعيه اشلون يربي
خليت ورحت لبيت همام كعدت يمه
☘️☘️☘️☘️☘️☘️
نور ....كعدت من الصبح والكلعاده بدلت لبست صدريه نيلي قصيره وقميص ابيض اني شنو البس حلوه 🙈
خلصت وكت ونزلت
رحت فتحت الباب وجان اشوف ليث واكف برا ولابس تشيرت اسود وشورت جنا ميروح للدوام
شفته رجعت الروح اليه ❤️
ليث ....اني اتعمدت مااروح للدوام ليوم ..علمود اخلص من هدير لان ظاله عدنه
سويت روحي عندي شغل ويا بابا بشركه
وقت المنبه كعدت ورحت بحجت منتظر همام عندي محاظراتها
اني واكف جان اسمع صوت الباب مال بيت استاذ هيثم
وجان تطلع نور حبيبتي
من شافتني فتحت اعيونها بوسعهن وهنا املونات
اني تهت بيها شباوع لعيون الشعر الطول الرجلين
بس شفتها لابسه قصير اتخبلت
خزرتها
نور.....هو فتر اعيونه ويباوعلي❤️❤️
وفجئا باوع علي بخزره ويباوع على الصدريه عرفته لان قصيره لان هو دوم ايسمعني بحجت يحجي ويا جمانه ومروه القصير موحلو
اني مهتمت وزدتها طلعت برا وظليت اتمشى اروح واجي
وشوي واجوي اصدقائها بسياره
اني خليت ودخلت
ليث ....اجا همام وفرات وايسر اصدقائي
همزين نور دخت
بس همه شافوها وكالو شنو هذه الغزال الي طالع من الصبح
رد ايسر هنيالك ليث هيج اصبح بوجوه من الصبح
بس همام بدل الكلام
همام...ليث خويا شنو اليوم مداوم اشبيك
ليث ...عندي شغل بشركه
همام ...وين دفاتري
ليث ...اوكف خلي اجيبهم من السياره
ركض جبتهم علمود يرحون ولا يجي السايق ويشوفون نور
طلعت مروه وجمانه برا
اني نطيتهم الدفاتر وكتله لهمام خويه اتوكل
هو فهم قصدي
بس راحو اجا السايق
اني واكف
ركبت نور كدام
بس اني متت ودي انزلها وكطعها اتكطع
نور.......اني ليوم دور اكعد بصدر لان يوميه على اثنين
اني ادري من اكعد بصدر ليث بيومها ايضل يفرك يوجها من القهر بس شسوي بعد لازم
ليث ....دخلت للبيت امعصب
كلت لامي اتصلي بخوج ايودي بته للكليه
اني مو خدام عدهم 😖
وصعدت
ام ليث ....هاي اشبيك ماما مو عيب من خالك
اشو هذه عافني وصعد
ليث ...رحت كملت نومتي وقررت اكعد اروح اجيبهم اني من المدرسه
وشوفها اشلون تكعد بصدر وهي لابسه قصير وهذه السايق اعيونه زايغه هو جبير بس مو شايب
مكدرت انام
خليت ورحت للشركه ورا بابا
اهم شي اتخلصت من هدير ابوها اجا خذاها واخذت اغراضها وياه يعني بعد متجي
☘️☘️☘️☘️☘️☘️☘️☘️☘️☘️☘️☘️☘️

نور.....خلص الدوام اني كلش مااطلع برا المدرسه لان اكو هوايا شباب بلباب وادبسزيه وبذات اخو ابرار صديقتنا
يوميه وجتي اخوي ايموت عليج اخوي ايحبج خلي نجي نخطبج
واني اكلها يمعوده وين وين الزواج
هو اخوها كلش ادبسزز عنده لاندكروز ومستهتر وكاض باب المدرسه عليه واني اخاف واظوج منه

ليث ...رحت باب المدرسه وكفت ورا الباص مالهم علمود اشوف البنات مروه وجمانه ونور من ايطلعون
شنو هاي الولد البشارع وهوسه وسيارت ولباصات لاخه صايره
شفت مروه طلت راسها اشوف سايقهم واكف وال لا
جان ادك هورن عرفت اني جاي على جمانه
جمانه.... اجتي مروه كالت اخوج ليث واكف بلباب
روحي ركضي واكف
راحت جمانه
نور ....اني واكفه باب الداخلي للمدرسه من كالت مروه اسم ليث روحي راحت وكلبي كام ايدك بسرعه ❤️
مروه ....شكد حلو لوعدنه اخو
جمانه ....رجعت على نور ومروه لان ليث كلي روحي جيبيهم
نور ليوثي ايكول تعالو ويانه مروه راحت تركض

نور....خليت وطلعت ورا مروه وجمانه
وشارع صايره هوسه واكو شرطه حرس للمدرسه
هم واكفين
اني طلعت حسيت كلها اتباوع عليه اني مهتمين جاي اعبر وجان تجي سياره بكل سرعتها عليه
منو البسياره زيد اخو ابرار
مااشوف ال ايد وجرتني غمضت وحضن دافي ونفس صاعد وجان هو حبيب روحي وكلبي ليوثي
بسرعه جرني من ايدي وفتح باب السياره وركبني
ورا وسد باب السياره وركب ويمشي حيل وبعصبيه
اباوع بجامه عليه اعيونه حمر ونار ويخزر بيه
بس ماادري شنو صارله 😡

-------------------

الكاتبه
نور المالكي