شغف الحب

فرحتي انت

نور..
اجى يوم الجمعه كعدت من وكت لان اني اصلا منايمه من الفرحه والتعب والركضه رحنا قبل يوم واني ماما
اشتريتلي فستان من كدام قصير ومن ورا طويل لون ماروني وشويه منفوخ وحذاء اسود عالي ..علما طول ليث١٧٨ وطولي ١٦٥ ....وقررت مااروح للصالون لان مااحب المكياج الطوخ ..ركض الوكت بسرعه وجوي بنات خالتي النا ولبست الفستان  و شعري اني كلش ناعم وطويل ينزل الجو خصري  بهواي لان عمري ماكصه شعري ماما وبابا ميقبلون بي لون عبالك مصبوغ شسورته وخليته مفتوح  وشلت الخصل الكدام ونزلت ازلوف ناعمه وساعدوني بنات خالتي خلولي كحل وشوي مسكره والالينر شي بسيط لان وجهي وملامحي ميلوكلها المكياج وخليت على شفتي وردي
طلعت 😍
ليث ...
يوم الجمعه بابا سوى عزيمه لان هيج عادتنا
عماتي وازواجهم وصدقاء بابا ولد عمه والشيخ مالنه
انمله البيت زلم ..من غير الي اجو العصر على الخطبه
صارت هوسه
ودينه خبر لابو نور راح نجي

هيثم ..
يوم الجمعه اتعب يوم بحياتي اني عزمت خواتي وهم اختي ام حيدر ساعه اتعاتب
اشلون تنطي بنتك وهي بعدها الصغير وشنو تنطيها للغريب  ولو ادري اتريد ازوجها اني اخذها للولدي
ومن هذه الحجي
اجا اخوي ولد عمي وخوال نور
وحظرنه اني وام نور كلشي الكيك والعصير
سويت الشي ال ايليق بنتي
واتصل ابو ليث راح نجي
كتلهم هله بيكم
اجو اهل ابو اليث ومكفت الصاله من العالم جبنه كراسي

ليث ...
رحنا لبيت نور..وجان يوم حلو بس ماادري شوي توتر
وقاربنه وعمامنه وشيخ العشيره
لخه صارت
وكال عم نور الجبير احنا مانطلب  حاظر لان شنو اجيون او اتخلون هو الكم لان هي مرتكم
بس انريد غايب ٤كيلو ذهب
رد بابا ...
كال تدللون ..الي تردون حاظرين

كال الشيخ اقراءوالفاتحه
وكال سوو مجال نعقد اللبنيه  والولد

نور ..اني ظليت بغرفتي محد نزلني اني وبنات خالتي ومروه وجمانه كلساعه نازلين صاعدين
ودريت جوا عمات ليث وامه وحده  من خالته
بس واني اجت مرت عمي وخالتي ومرت خالي
صعدت ماما اليه
ماما نور تعالي نزلي يردوج اتعقدين خطيه هي ترجف
ونطتني محرم ابيض علمود كلشي ميطلع مني من يدخل الشيخ يعقد
نزلت جوا وستحيت ادخل للصاله من االنسوان
وبلكو اجتي عليه ام ليث ودخلتني
وصارو ايهلهلون عمات ليث
صلوات شنو هاي لعابه ..وام ليث صلوات على محمد
صلو على محمد
وبعدني واكفه وكالو اجى الشيخ يعقد
سولنه مجال ودخل الشيخ وبابا وليث وابو  وعقد النه واني كلشي مشفت بس امنزله راسي
وراح الشيخ وبابا
وظل عمو ابو ليث وليث
نزعتني ماما المحرم
وعمات ليث ايكولون شنو هاي مرت ليث لعابه
عمو ابو ليث باسني براسي وكلي الف مبروك بنتي ونطاني علاكه اصغيره كال بابا هذه مهرج .. وباستني خالتي ام ليث وبيدها علبه حمره كالت هذي هديتي الج وفتحته تخم كلش حلو والعلاكه بيها افلوس
ام نور...شكرا الله ايزيد خيركم
ظلينه واكفين
ابو ليث ...ليث بابا بوس مرتك براسها
ليث ..عقدنا الشيخ واني اباوع النور مرفعت راسها ادري بيها تستحي
طلع الشيخ خذا استاذ هيثم وظلينه اني وبابا  وصرت الهلاهل عماتي
واني سويت شغله مفاجئ بدون محد يدري
وهي اشتريت حلقات الي والها وحفرت عليها اسمي بحلقتها واسمها بحلقتي من الداخل
ومن الخارج بحلقتي محفور نبض وحرفهاN .وبحلقتها نبض وحرفي L
كملتهم خلال الاسبوع لان فكرت انو نور لازم اتخلي الحلق بيدها لان هي مالتي
ومااكدر انتظر منا لبعد ٣ اشهر هوايا
حظرتهم ومكلت لاحد
بابا اتبارك لنور ..وكال ليث تعال بوس مرتك براسها
ليث ..اجيت  اشرد مااتحمل اخ راح اشم ريحتها
كمت ارجف اتقربت منها وهي امنزله راسها ..كتلها
بهمس الف مبروك حبيبتي .ودقربت وبستها بكصتها
صارت كلش قريبه مني
همستلها رفعي راسج خلي اشوف اعيونج
رفعت راسها ..اخ دوختني بت الذين ....
كالت عمتي ليث عمى تعال اكعد انت وخطيبتك
كظيتها من ايدها
وكعدنه ..اني وديت كيكه بيد جمانه بيها اسمي واسمها ومكتوب الف مبروك الخطوبه  لو الون ابيض واذهبي
جابتها جمانه وخلتها مقابيلنه
اني ابد مهديت ايدها عاصرها بيدي
شاورت امي كتلها اني جايب حلقات
امي الفقيره اتفاجئت😅 ..واني اكول ناقصنه حلقات ذاريك مناسي سمعت عمتي كالت ..لا لا ليش ينسه لعنده هيج كيكه ايخاف عليها
سمعت نور ..
اخ منك ليث انوب خاف ماما متقبل خفت ..وهو عاصر ايدي بيده عبالك راح اشرد واني دم مابقى بيه مادري توتر خجل مااعرف شنو الصاير
وليث كلساعه وهمسلي رفعي راسج باوعيلي هو اني ظلت بيه روح خاطر اباوع
ام ليث ..رحت حاجيت ام نور خطيه لكيتها ملتهيه بلمطبخ ..وياها بنات اختها واختها ..كتلها احنا جبنه حلقات بعد ...
ام نور..ام ليث سوو الي اتشوفونه مناسب هي بتكم بعد
ليث ..
بلكوه نور رفعت راسها وجنها 🍓🍓
طالعه لعابه الفستان ايموت عليها وقصي من كدام
اني متت بيها خلتني ارتبك
لبسنه الحلقات وكصينه الكيكه وصارت الحفله مثل مااني اردت وبعد احلى..وشويه وصاحولي ..كتلها اذا كدرت اخذج انروح انصور..وطلعت
نور..راحو الزلم وطلعت عمات ليث وخالته
وترخصت امه من ماما كلتها عدنه خطار ودي ابقى
وظلت جمانه ومروه وبنات خالتي وخلو ديجي وصار الركص
ظليت منتظره ليث عبالي يرجع ياخذني انصور
بس مااجى كالت ماما بعدهم عدهم هوسه واصل لبيتنه الصوت
راحت خالتي وبنات خالتي وجمانه هم راحت كالت هاي اصدقاء ليث كلهم عدنه ظلو على العشى وبابا جايب من المطعم خلي اروح اساعد ماما ..
وظلينه اني وماما كاعدين بصاله
اباوع للحلقه كلش عجبتني وجتي على ايدي تمام
وبيها نبض وبنهايه حرف L
وماما هم فرحنا لفرحتي ..
وشويه واجا بابا وشبكني
هيثم ..اني فرحان لفرحت بتي
وليث اني احبه وصارت زوج بتي
رحت رتاحيت بغرفتي لان تعبت ليوم
حسيت هدوء بلبيت نزلت لكيت نور بعدها لابسه الفستان ونفس كعدتها وكدامها مهرها وكيكتها وذهبها وتباوع الايدها ....
هههههه شنو بابا ماتبدلين ليوم وكفت هي وشبكتها ..صرتي عروسه ..ربي ايسعدك ..حبيبتي كلبي
...
نور..
ظلو ماما وبابا ايسولفون على الخطبه
واني استاذنت وصعدت بعرفتي
اتأمل الحلم ..صار حقيقه ..واباوع الايدي
واسمع السيارت والاغاني عاليه والظحك بشارع
عرفته منهم صارت الساعه ١٢ وبعدهم هوسه
اجتي ماما يمي ..كالت قررنه اني وابوج نفتح حساب باسمج ونخلي هذولي لفلوس بي ..لان متحتاجينهم هسه
كتلها اوكي ..
اني بطريقتي مااحب الذهب
احب الشي النازك الخفيف ..والتخم الجابته خاله كلش حلو بس ثكيل مال عروسه 😁لعد اني سنو 😅بعدني ممصدكه

___________
اعذروني عن اي خطا املائي