شغف الحب

فرحه لا توصف

هيثم ...
وصلت للبيت اني وام نور
واشوف ليث جاي ايعارك
عرفته هو نفس الولد الي شاك بي اني ايهدد بتي
عفت ام نور بسياره ونزلت ركض
كتله ليث ...ابتعد
اجيت وكظيته ياخته بثنين ايديه
وكتله ولك انت ماعندك شرف ماعندك عرض
انت ماعندك اهل ربوك
هو صار مثل الخركه بيدي
دفعته على سيارته ..كتله راح اتصل عليك للشرطه وكول هذه  حرامي وعنده عصابه
وماعنده لا شرف ولا غيره
هو ماتكلم ولا كلمه
ركب سيارته وراح
ليث ..والله لو شفتك اتمر من هذه الشارع ادمرك
وطكيت على سيارته
هيثم ..
طلعت الجوارين على اصواتنه لان جانت عاليه اني وليث
بس همزين مصارت هوسه لان الساعه وحده ونص الظهر و محد موجود بشارع  الناس كلها دوامات
.......والله ماعرف اشلون اشكرك ليث بس اريد منك عنوان بيتهم
ليث ..لا تشكرني اني مسويت شي هذه واجبي
وهسه روح ادخل انت تعبان
نور ...
اني جاي انزع ملابسي واسمع صوت بابا بشارع
وخرت البرده وشوف بابا كاض بركبت زيد
اي عفيه بابا اخذ حقي من هذه الحقير
هيثم ...
دخلت للبيت وشفت نور اتلكتني  وشبكتني
حبيبتي محد اياذيج واني موجود
وهسه راح اندل بيتهم وروح لهله
نور..
الله ايخليك اليه باب
________
ليث...
اجى بابا واتغدينه كنا
وكعدنه شربنه جاي ... اني وماما وبابا
ابو ليث .... شنو صاير ليوم ليث
اشبيك انت وستاذ هيثم
(بين ماما كلتله لان اني لكيتها بلكراج اتخاف عليه )
ليث ... هيج مصارشي يابه
ابو ليث ...شنو احترك الكلب 🤗
ليث ..😌اي والله وصار عطاب
ابو ليث ..😁😁 لعد خلي نخطبلك ونلحك عليك
ليث ...اي والله بابا اسوي فظل
وكون ليوم قبل باجر
ابو ليث ...والله حقك تستعجل لبنيه ادوخ
ام ليث ...😅😅
يمى اسم الله على ابني يحفظه  الرحمان
روح اخطبله ليوم
ابو ليث ...يمتى اتريد انروح الهم
ليث ...كيفك بابا بس اني اكول ليوم بليل
ابو ليث ..هاي هوا
ام ليث ..ميصير انروح ايدينه فارغه خلي ناخذلهم حلويات بيدنه
ليث ...اني مااروح وياكم
ابوليث ...تمام
بس خلو عدهم علم ليوم جاي انزورهم
ليث ..جمانه اتكلهم لو اني اتصل على استاذ هيثم وانت احجي ويا
ابو ليث ...ها يعني لبنيه ماعدها علم
ليث ...بابا اني مااحجي ويا لبنيه ماعندي بيها اتصال
بس اتاكدت انو هي رايدتني مثل مااني رايدها
ام ليث ..حبيبي ماماتي ربي ايسعدك وتصير من نصيبك

استاذ هيثم ....
نمت وكعدت الساعه بلسته ...لكيت ليث متصل عليه مرتين
عبالي حصل العنوان مال بيت الوالد
صحصحت
واتصلت عليه
رد والد ليث ..
ابو ليث ...السلام عليكم
ابو نور ...وعليكم السلام هله بابو ليث
ابو ليث ...حبينه انزوركم اني وام ليث اذا ماعندكم شي
ابونور...هله بيكم بكل وقت ابو ليث لبيت بيتكم
ابو ليث ...انشالله ليله بليل انمر عليكم
ابو نور...اتنورونه ياهله بيك

هيثم ...
استغربت معقوله بلبالي صحيح
اني كلش احب ليث خوش ولد بس باخر فتره ليث كلش صرنه هوايا انشوفه واحسه مهتم بينه هواي
بس اني اعرف هذه الولد لان اكعد ويا ونسولف
واعرف تفكيره فكلبي مطمن من ناحيته

_________
نور....
اجوي ابو ليث
وام ليث
وجمانه
بليل ورا صلاة العشى
وكعدت يمهم ماما وبابا ومروه وصفى
وهما جايين وجايبين بيدهم كيكه وحلويات
اني ادري ليث ايريد يخطبني بس ممعقوله بهلسرعه
ظليت كاعده بلمطبخ اسمع الهم
بقو ايسولفون الامهات بصفحه
والاباء بصفحه ثانيه 😉
واني ماادري اشبيه متوتره وخايفه
سمعت بابا ايكول
اني لو ادور العالم كلها مالكه البنتي مثل ليث
بس يبقى اشورها ورجعلكم خبر
وظلو ايسولفون على ليث وشويه وراحو
________

هيثم ...
اني كلت لام نوركالت مكلولك شنو يردون
كتله لا هسه يجون ونعرف
اجوي بليل وجايبين حلويات
وكعدنه انسولف اني وابو ليث على الشغل وين جانو ماعدين وهله وكذا
وهو هم يساالني على اخوتي واهلي وطلع يعرف ولد عمي
بعدين جابها على ليث ..وشغله وكليته وهو ايده اليمين
كتله ليث ونعم منه اشلون تربيه امربي
ابوليث ...
اني جاي ليوم وطالب القرب منك
اريد بنتك نور لابني ليث
وحنا جاهزين بلي اطلبه

هيثم ... اني عني قابل ولو ادور العالم كله مالكه مثل ليث
بس تبقى اكول لبنتي
ونشالله ايصير خير

__________
على باجر اكمل
كتبو رأيكم بلقصه
😊😊😊😊😊😊