شغف الحب

جزء 20

طبعا راح اسرع بلاحداث
علمود متصير القصه طويله وممله
😘😘😘
________
ليث ...
اتصلت ثاني يوم على استاذ هيثم ..وكتله اريد اطلع لبنات نتعشى برا ..كال عادي طلعو
كلت الجمانه اختي تتصل على مروه وتكلهم ننتظرهم المغرب ..
ورحنا افترينه واني امقرر اخذ نور اشتريلها نقال وسيم كارت علمود اتصل بيها شوكت مااحب وامتطلع ال بشوري
وكفت يم محل النقالات صديقي
كتلها نزلي ..
نور..وين
ليث ...اخذلك نقال وسيم كارت
نور..مداعي بس سيم كارت عندي نقال
ليث ...اني اريد اخذلك نقال هديه مني
نور ..اوكي خجلت وبتسمت
خذالي احدث نقال وكلي اختاريلج حافظه ال
وهو هم بدل نقاله خذه نفس النقال الي خذاه اليه واحد ابيض واحد اسود
وبعدين رحنا اتعشينه وهو كله ايكضني من ايدي
واني طايره من الفرح

وثاني يوم داومت ..وكلها اتباوع لايدي لان لابسه حلقه
لان ليث كلي ديربالج يوم اشوفج نازعه الحلقه
وكلها تسألني المن انخطبتي ..
واني اجاوب
وشوف ابرار ودها تخنكني ..طبعا نسيت اكول على زيد
بابا خلال الاسبوع الفات كدر ايحصل عنوان بيت زيد وابرار...
وراح لبيتهم ....وسولفله كلشي الوالده
وكله والله لو مااني اكول طيش شباب وخطيه يدمر مستقبله ..جان اشتكي عليه بشئون واخلي ايأدبونه
بنتي مخطوبه ومقري فاتحتها ... اذا سمعت ابنك وصل لو فكر يوصل حدها ..
والله والله اندمه وخفي من الوجود
شنو انتو ماعدكم بنات ماعدكم عرض
ابو زيد ..خوش رجال وكام يتوسل بابا انو يسكت وهو ايأدب ابنه وبعد ميوصل حدي ولا ايقرب على شارعنه
______
مرت الايام وجتي العطله واني كله ادرس
وليث يتصل بيه نص ساعه بليوم
ويسألني عن ادراستي
ومرات يجي يشرحلي مواضيع نكعد بلحديقه
ودوم ايوديلي عشى بيد اوس اخو بليل
ايكلي اكلي لان انتي ادرسين
ساعات اكول اني والله محظوظه على اهلي الي ايموتون عليه وعلى ليوثي ال يهتم ويخاف عليه مثلهم واكثر
واني ادرس
وهو هم يدرس لان قربت الامتحانات
وامتحنت وخلصت
وانتظرت النتائج بفارق الصبر
______
ليث ..
الحمد الله نجحت ورحت مرحله رابعه
واني ونور مثل طيور الحب
نور جدا هادء ومطيعه وابد متعاند شنو اكوله اتكول اي
بس اتحب تلبس براحتها
واني امخليها بس من اشوف شغلات متعجبني اقنعها وتقتنع ..وكله كيفي طلعتها وطبتها ومتحرك ساكن دون علمي صرت صديق واخ وحبيب الها
وكلش تقارب بلافكار بينه
ويوم عن يوم ايزيد حبي الها اصحى على صوتها ونام على صوتها و ...
صارت صديقتي وحبيبتي بسبب حنيتها وخوفها عليه
وهتماما بيه
والحمد الله نجحت وجابت معدل ايدخلها علوم
واني كلش فرحت
وسوينالها حفله خطوبه وحفلة نجاح سويه
اتكفلت اني بكلشي بلقاعه بلكيك بلحلويات وسويتلها حفله
فخمه اتليق بجمالها
_____
نور ...قررنه اني وليوثي انسوي حفله مهر لان احنا مسوينه ويا حفلة نجاحي ..وهوحجزلي القاعه وسوالي كيكه خمس طوابق وميز او بوفيه وعشى للمعازيم
وجانت الحفله جدا راقيه
ولبست ثلاث بدلا ت
وحده مثل العروسه لون ذهبي
وحده قصيره لو احمر
وحده طويله ظيكه لون زيتوني لماع
وكلهم حلوات عليه
وجتي الناس كلها اقاربنه وصديقات ماما وصديقاتي مريم وطيبه
واقارب اهل ليث واصدقائم والجوارين القريبين النه والهم
وصارت حفله من العمر
وركصنه اني وليث اكثر من اغنيه
هذي حفلة خطوبيتي ونجاحي الي ماانساها عمري كله
________
نور....
وطلعت القبولات ونقبلت علوم حاسبات بكلية ليث وكلش فرحنه اني ويا
هو داوم مرحله رابعه
وحنا اتاخرنه ال داومنه مرحله اولى
ومن داومت اول يوم كليه ايدي بيده
وكلها اتسال منو
وشوف البنات والولد كلها اتباوع
اتاري حبيبي معذب قلوب البنات بكليته
وطبعا هو سجلني وكمل كلشي
اني رحت اول يوم دوام
وهو فرحان ودايخ بيه وكلساعه ايروح لقسمي
وهناك هم عنده اصدقاء وصديقات ووصاهن عليه
كلش ايخاف عليه من الهواى الطاير
واني ابد مناسيه توصياته
لا اترفعين راسج وتباوعين
اختاري صديقات ماعدهم اسوالف امكسره
كعدي بلستيجات الي بيها بنات لااتكعدين وبصفج والد
ماكو اكروبات ويا الولد 🤯
حتى اهلي ميوصوني مثله
بس على كلبي مثل العسل
هذه حبي الاولي اول دكه لكلبي ليث
وجان ايكلي ...
من اتخلصين تجين اليه للهندسه
ظليت من اخلص محاظراتي
اروح انتظره يم القسم ماله بالحديقه
وهو يجيلي من ايخلص ..وادئما اسمع عباره
من اصدقائه هسه عرفناك ليش جنت صايم 😁
وهو يظحك
لو صمت صمت وفطرت على كنتاكي امقرمش 😅
اني ادنك وظحك
_______

عشت ويا ليث احلى ايام حياتي ومن ازعل لو اغار من وحده يتخبل عليه ميخليني ازعل ❤️❤️
واني من اغار من وحده اخلي ودحج بي لو اكض لحيته
واقهرهم لو اخلي ورايه ادلع كيفي مالتي واليه وبس
بس هو اذا غار😡
ميعرف شنو مقابيله ايصير اعصاب
هو ايحبني واني اموت بي
اروح واجي الطريق كله ايبوس بيدي
عيشني احلى ايام عمري
جانت الكليه كلها تحجي بحبنه وعلاقته
(نور+ليث )
واكثر اوقاتنه سوى حتى لبسنه سوى
وليوم الي ماجي يم قسمه يجي هو
وبس اتاخر اشوفه جاي هووهمام
صار كل حياتي
وابد ميوم سوا شي ميعجبني لو اظوج منه
وبيوم اتاخر الصبح مطلع انتظرته برا ماكو اتصل عليه
ميرد ..هذه وين صار بس لا خذته النومه
خليت ورحت لبيتهم دخلت الان مفتوحات البيبان
جمانه واوس استو طلعو للمدارس
لكيت عمو وخاله كاعدين يتريكون
نور ...صباح الخير 🌸
عمو...صباح الورد على الورد
خالتو..هله بنيتي
نور...☺️لعد وين ليث اتاخرنه
خاله ..صحت صحت مرد
كلت خاف ميداوم
صعدي كعدي
نور ..صعدت والكه الافندي نايم
وشابك الحاف
نور...حبي كوم اكعد اتاخرنه
وحسه جرني عليه وشبكني
ولك كوم اتاخرنه ورانا دوام

ليث ...ما..ما..مابيه
بنت الذين ...اني انام وشوك كاتلني عليه
وهي تجي امبدله ومعطره
اتقربت اتريد اتاكعدني
جريتها وانومتها بصفي
صاحت والك اتاخرنه
فكيت اعيوني وهي وجها بوجهي كتلها اشكد
حلو لو اصحى هيج اشوفج
نور...☺️
باوعت لشفايفها متفوخات والوجه يلملع ولعيون بزونه
ردت اذوك طعم اشفايفها
والله صار اشكد مخطوبيين راح اتصير سنه
واني مبايسها بحلكها
شوف الولد شسوي من ايخطبون 🤩
واني اشمها اتذوب بيدي
بعد من ابوسها شنو ايصير اخاف عليها هي متتحمل
...بس هسه اجتي الفرصه العندي
خلي اذوك طعم الكز مالتي
بحركه سريعه بستها وماعفته
نور....
صديقتي ويايه بلكليه دائما تسالني شسوين انتي
وخطيبج من اتكعدون هم ايبوس لو ايشبكج شنو يطلب منج ووووو
صدك اني مامره ليث طلب مني شي سخيف 😻
بس عادي ايبوس خدي لان اتعودنه اول بدايه جنت اخجل بس بعدين اتعودنه
ويبوس ايدي
واكعد بصفه وساعات بحظنه بس هو ميسوي شي اينرفزني 😰
بس من فتح اعيونه بوجهي حيل باوع على شفايفي وهو ملابس شي ولازك جسمي على جسمه
حسيت راح ايسوي شي وعيونه بس على شفايفي
وشوفهه باسهم 🙈 اني مكدرت اتنفس واحس جسمي كام يرجف وروحي ماعت وجسمي خدر ظليت جامده

ليث ...مصيت شفايفها مص
حسيتها جمدت خف عليها
بعدت منها ظلت ترجف ..ونزلت ادموعها
ذبيت الحاف وكعدت على الجربابهزوكعدتها
ماادري اشبيها اشلون هيج سويت وحنا ورانا دوام
خرب حظي ..جبتلها مي من ثلاجتي وبوستها براسها
هدأتها
كتلها خلي ادخل للحمام اسبح وبسرعه وراح ابدل
ونروح للدوام
دخلت للحمام سبحت ورتاحيت
طلعت ملكيتها
بدلت بسرعه ونزلت
لكيتها كاعده برا بلحديقه وخشمها احمر وعيونها امدمعه
راحت كبل للسياره
اجيت شغلت السياره وطلعنه
ولا كلمه حجت
ليث ...اني اسف
ولا حجت ولا ردت
وصلنا للكليه نزلت وراحت
ومااجتي اليوم للقسم مالي ..
ونهاية الدوام رحت حليها وجبتها وهي بس ساكته
وكفتها كتلها شبيج موكتلج اسف
واني ممسوي شي حرام انتي زوجتي وحلالي
والي صار محسيت بي من حبي الج
سكتت هم ماحجت ولا كلمه
اخ ..ربي ..شسوي 😥
وصلتها للبيت وراحت الشغله ونستها
وداومنه ثاني يوم وكنما شي مصاير
الظاهر السكوت تاثير البوسه 😁
الحمد الله

___________
انتظرني ببارت جديد