شغف الحب

عذاب قلبي

ليث...
اني اشوف نور اتروح بس مااكدر مااريدها اتشوفني
لان كلش تعبان ومقهور وحتى لحيتي طالت
بس شفت ابوها بلباب
وسولفنه وكتله شنو تحتاج اني موجود
ورا كم يوم اتصل بيه همام
كال تعال يم بيتنا بليل
كتله شعدك كال شي ايهمك
اني ادري بلجاي ايسوي

همام ...
رحت على حيدر صديقي هوا خوش ولد
وكفت يمه وسوالف وظحك
كتله انت تعرف واحد اسمه زيد الهادي
ظل يذكر
حيدر ...اي نعرفه يجي يمنه ساعات
وعلاقته قويه بخوي كرار
همام ... اشلونه
حيدر .. هذه  مخربط لفلوس ساعات اتخربط
جاهل وشاف دلال وفلوس وطغى
همام ... لعد اشعجب اخوك يمشي ويا
حيدر ... كم مره نهيته منه
بس ايكول صديقي ومشايف منه شي
همام ... اني جاي بشغله
واريدك متردني
حيدر...انت خويي كول همام
همام ...اريد اسولف ويا اخوك كرار بشغله اني وصديق
حيدر ...بخصوص شنو
همام ...بسالفه اتخص صديقي وصديق كرار زيد
حيدر ...همام انت تتدلل
انشالله باجر بليل جيب صاحبك وتعال وتلكه كرار موجود
______-
ليث ...
رحت لبيت همام
اتصل علىى صديقه حيدر ..كله تعال يمنه اتفظل

همام ...خلينه سيارت ليث يم بابنه ورحنا بسيارتي
رحنا لبيت حيدر
هو ور شارعين من شارعنا يعني قريب علينه
نزلنه اني وليث سلمنه
وكفنا يم الولد
جلب كرار ال ادخلون نكعد بلحديقه
دخلنه
وهم كرار امحظر ذيج المنقله والحم والجاي على الجمر
والكعده حلوه جانت بحديقتهم
اشوي ودخل حيدر اخو كرار
سلم علينه وكعد يمنه
بس امبين عليه مكايله شي انو احنا جايين بخصوصه
حيدر ...كرار انت تدري بيه اشلون اعز همام
كرار ..ادري بي خويك
حيدر ...هذه صديقي وال وكفات وياي بوقت ظيقي
قابل مو مثل صديقك زويد ابو الدهن
كرار ...صديق عن صديق يفرق
مو كل اصابعك سوى
همام ..اي صدك والله
انت صالك اشكد تعرف زيد الهادي
كرار ... قبل مده اجا يمنه راد اغراض لسيارته وتعرفت عليه وحنا اولاد منطقه وحده يعني مو بعيد علينه
همام ...بس هو سمعته مو زينه
كرار ...لاخوش ولد بس لو ايعوف امكسراته
حيدر ...ياخوفي من امكسراته لا ايجرك ويا
كرار ...شبيك حيدر اني جاهل قابل
اني ادري اعراض الناس اتعثر واني عندي عرض وخاف عليه
ليث ... الي يلعب بعراض الناس مو رجال
كرار ...بعد هو مدمن بنات  وهو يصرف عليهن وهنا امكيفات
همام ...شنو هذه مقابل شريفه
كرار ...الله وكيلك حتى من ايشوف وحده ومتقلدله ايظل وراها وراها لحد ميطيحها
ليث ..😡😡😡
همام ...
وهسه منو الصيده الجديده
كرار....😁😁😁 بعد هو ميشبع
ليث .. انت تعرف كلشي عنه
كرار ...تقريبا بس متعجبني اسوالفه
ليث ..عنده صديقه بمدرسة الرائدات للبنات
كرار..اخته اداوم بيها
اي عنده هواي
همام ...شنو محد اتكله لا والله  هذه واحد املعب
كرار ..اكو وحده  ايموت عليها بس هي خلت عله بكلبه وما قلدتله صاله ٣ سنوات ايريدها وهي متريده
وشايله جمال ملائكي
حيدر ...يمعودين اكو بنات شريفات
ليث ..وهاي لبنيه اشعجب ماقلدتله
اتصور عدها علاقه بابن جوارينهم كم مره شافها ويا
وهو اتخبل وكال ال انتقم منها
وقبل كم يوم سوا مشكله بكوفيه ويا
ولولد امزورك وجها
همام 😁😁😁يستاهل علمود ميباوع لحلال غيره
كرار ...بس هسه هو امراهن ويانه
ايجيبها لطريقه وكال عن قريب
اتشوفوها  وياي
ليث ...ابين مستند على شي
كرار .. اي اخته حصلت رقمها اله لان هي بصفها
وهو جاي ايحاول وياها
همام ...شنو هاي من عائله شريفه اوي

حيدر ... خلي نتعشى
همام ...على شنو امكلف روحك
حيدر  ...ليوم العزيز وصديقه عدنه وميتعشون هاي اشلون اتصير
كرار روح جيب استكاين من جوا
حيدر ...انشالله خلصت طلبكم
ليث ...لا ماقصرت
بس اني خلوني اترخص
همام ...شنو ليث مرتاحيت اكعد نتعشى ونروح سويه
حيدر ...شلون تطلع ولعشى جاهز

ليث ...
ماي بارد ونزل على كلبي ارتاحيت
اتعشينه واجا كرار وكعد يمنه وصبنه جاي
كلش خوش ولد

همام ..طلعنا اني وليث من بيت حيدر وكرار وابد ما قصرو بشي
...ها ظلع ارتاحيت لو بعدك
ليث ..كلش ارتاحيت
همام 😁😁حلينه عقدت ليث وخلصنه
باجر كض الباب من الصبح 🤣🤣
_________

ليث ....
من كلامه اتاكدت انو نور ماعدها شي ويا هذه الساقط
وهاي  العبه هوا سواها علمود ايخوفها وتجي لطريقه
كعدت من الصبح بدلت وكشخت وكفت بلباب لكيت
استاذ هيثم بلباب سلمت عليه
وكتله اني ليوم احل من وكت اذا اتريد اني ارجعهم
استاذ هيثم ...لا اني لان لازم ارجع للبيت ميظلون وحدهم ..لان نور بعدها خايفه
وهلجاي ادور على عرف
علمود اطلع الرقم من الشركه
ليث ...شنو اتخاف عليهم وهمه وياي
على موتي واحد ايمس شعره من بناتك
هيثم ...ليث اني اعرفك انت شنو بس مااريد اتعبك
وتجيك اذيه من ورانه
ليث ..والله لو اسمعك هيج تحجي ازعل
انت اتوديهم واني ارجعهم الك يوميه
لا تظطر تجي علمودهم
_________
نور ....
الامتحانات والتفكير هدو حيلي حتى قل مستواي كلش
وهاي الكلبه ابرار تحجي عليه وتكول عدها صاحب
وتسوي روحه شريفه بروسنه
ياهم اشيله
هم ليث الي ابتعد عني
هم الي ايهددني
هم ادراستي
لو هم مستقبلي
متت من كلشي ..طلعت ولكيت ليث يم بابا
لا سلمت ولا شي جيت وركبت
اجو جمانه ومروه ورحنا
_________
ليث ...
اجت ركبت ولا رفعة عينها ولا شافتني
ماادري ليش🙁

ظربت اخير محاظره
واتصلت على استاذ هيثم وكتله اني رايح للبنات
وكفت باب المدرسه انتظرهم بسيارتي
وشفت النذل واكف بسيارته
طلعو من باب المدرسه
خليت ونزلت وكفت واني منتظره حركه لو غلطه من هذه النذل
رفعت راسها نور شافتني
ماصار اي تعبير بوجها
اشبيها ماادري
ركبو واشرتلها وفتحت الباب الورا السايق يعني تعاي هنا
هي اجت وركبت
_______
نور ...
جتي جمانه وكالت
اجا ليث علينه بدال عمو
طلعنه من المدرسه نزل هوا من السياره
وكف مشتاقه لطوله
اشرلي تعالي منا وفتح لباب لورا وركبني وسد باب السياره وصعد شفت واكف هذه الجلب بسيارته
مهتميت ال شي

______________
______________
انتظر ارائكم بخصوص القصه
الكاتبه /:نور المالكي