شغف الحب

ظريبة الجمال

اعذوني عن الاخطاء الاملائيه من الكيبورد

#القصص
#العراقيه
#الغراميه
---------------------------

ليث........اجتي جمانه كلتلها روحي صيحي ال للبنات ناخذهم ويانه
راحت جمانه والشارع ازدحام انتبهت لواحد مو راحه سيارته لاندكروز ويتعقل كدام البنات اباوع اجو البنات جمانه
ومروه
اسمع صوت ولد ايصيح ليوم يومك ازويد
انتبهت طلعت نور من باب المدرسه
ركبو البنات جمانه ومروه واني واكف على السياره
ومااشوف ال اجتي سياره لاندكروز بسرعه ونور بشارع جاي تعبر اني بحركه سريعه بدون تفكير
سحبتها حيل من ايدها وضميتها لصدري
خفت عليها
سحبتها من ايدها وركبتها بسياره بلباب لورايه
احسها مالتي ملكي
وهي مثل العابه مين مااجيبها تجي
هادء وترفه حرام تمشي بشارع
درت السياره واشوف هذه الكلب الي راد ايسوي الحادث ورايه يمشي
منو هذه وشنو ايريد ماادري
اني ظلت اعيوني على السياره التمشي ورانه
وهي اعيونها عليه
واني متحمل نظرتها اليه ادوخ
ومنا اريد اشوف شنو سالفة هذه ومنو
وهي اتعرفه لا
ظلت هاي لافكار ابراسي كلها ادور
بس هي مو مال هاي السوالف كلش بريئ
--------------
زيد .....اني واحد لهلي وكله بنات وابوي تاجر واني تارك المدرسه ومدلل اهلي وبيبيتي
وبوي ميرفظلي طلب
واني عندي هواي علاقات ويا البنات
بس روحي متعلقه بصديقة اختي بلمدرسه
نور هي كلش حلوه شايله جمال ملائكه
الشعر النعومه البرائه لعيون بكلشي
اني احبها لا ما الكه هيج ابنيه بعد
بس الي اعرفه هي ماعدها هاي السوالف مال ولد وزواج
اهلها ناس مثقفين
حاولت هواي وياها بس مكدرت
ولولد كلها تدري اني اعشق نور
بس هي ابد مو يمها
وديتلها اختي اكثر من مره
بس هي كله اتردها
كلتلها نجي نخطبج كلتلها اني بعدني اصغيره
اشلون ياربي
اني مسوي كومه علاقات اخلص من وحده ابدي ويا وحده انطيهم  فلوس وهدايه ويموتن عليه البنات
بس نور صارت غصه بلعومي
وبيوم من الايام اني قررت ادحج نور بسياره
علمود اخذها للمستشفى واتعرف على اهلها
لان احبها 
هي طلعت واني شيموني اصدقائي
وجان تعبر واجا واحد سحبها وجرها على صدره
واني بنص الشارع مكدرت اوكف السياره
من درت السياره جان السياره السوده الي ركبت بيها نور طالعه
خليت ولحكتهم ..
اني ادري هي ماعدها خوان همه بس ثلاث بنات
هذه مين
خاف اقاربها ....ماادري يمكن

-----------------------
ليث .....اني شفته  لحكنا اتخبلت
ظل بالي ردت اسالها مكدرت
وصلنه لشارع مالنه ولندكروز ورانه
طبكت السياره مالتي باب بيتهم هي نزلت
واني نزلت واجتي الاندكروز وبيها ولد اثنين اني خزرتهم وهما فاتو من يمنه سريع
وهي نور خذت جنطتها وتريد تدخل
سالتها ....اتعرفين هذه الولد ؟؟؟؟
نور ....يا  ولد
ليث ....ابو الاندكروز
نور ....ارتبكت لا ما اعرفه
ليث ....بعصبيه اوكي روحي دخلي

نور.....
اني كلش خفت هذه اشبي زيد اتخبل اشلون هيج ايسوي
ومنا ليث
هسه شيكول عليه دخت وخفت شسوي ياربي
عفت كلشي ومرات ايام وايام
واني وليث يوميه الصبح نتشاوف وبتسامات
وطورت الشغله اتحولت ورد جوري
الصبح الكاها بلباب امثبتها
واني طايره من الفرح احبه اموت عليه
كلشي احب بي
وخلصتله بحبي قبل لا ايحبني
🌸🌸🌸🌸🌸🌸🌸🌸🌸🌸🌸🌸
خلصت امتحانات نص السنه
وحنا سافرنا كنا الاربيل لبيت خالتي كظينه العطله هناك
وبابا خله مفتاح بيتنه عد بيت ابو ليث
مروه وجمانه كلش صداقتهم قويه نفس الخوات
وتصالات ومسجات
جمانه ....هلو حبي اشلونج مشتاقتلج كومه😘
مروه .....ولج هو بس ليوم متراسلنه لان رحنا للثلوج
هلكد اشتاقتيلي
جمانه ....لج تدرين ماعندي اخت وانتي اختي
مروه .....امداج شسوين بلخوات اني مااريدهم كون عندي خوان احسن 😁
نور .....يمه منج اشكد اسولفن اشبالعات ✋✋
مروه .....شتردين من عدنه اتغارين منه
جمانه ....اكلللللللللج
مروه .....كوللللللي حياتي
جمانه .... كلي لنور الجماعه بس ايسألون عليها هههه
مروه ....ههههههه روميو
مروه ....جوليت كاظيتها بس صفنات وتكتب احرف  بثلج lllهههههههه
نور....اني اسمع روميو وجوليت وظحك
عرفت اكو شي لو كلبي حس
كتلها خير لمروه
كالت ماكو شي بس هيج شغله بالنه اني وجمانه حبي
نور .....الله اليسترمنجن
........
ليث ....نور سافرو وروحي سافرت وياها
وكلبي ايودي ويجيب خاف ايشوفها احد خاف تتعرف اتشوف واحد بالي يمها لان هي مو مثل هاي البنات احسها فقيره وطيبه وعلى نياتها
اسال جمانه يوميه عليهم
وبيوم اني كلش ظايج اتعودت يوميه اشوفها
كلت الجمانه همه ميودولج صور كالت لا ابوهم امنبهم ميدزون صور لاي احد ولا يتكلمون صوت وصوره
كتلها اوكي
هي جمانه اختي اتموت عليه
واحسها متعاطفه ويايه
كالت احنا
يوميه نتخابر  .....اني سكتتت وبقيت اكل
هاي لبنيه اخذت روحي

جمانه -----
اني متت قهر على ليث اخوي عندي عزيز اعز من روحي واشوفه مشتاق الحبيبته
بس نور ابد مسالت بس دائما هي يم مروه من تتصل بيه مروه
قررت اساعد ليوثي وجيبله لو صوره لو صوتي لنور
وريح قلبه المحترق ☺️
جمانه ....منوش اني كلش مشتاقتلك
وديلي صوره الكم
مروه ...تردين ياخذون نقالي مني يمكن
جمانه ....انتو خواتي
دزيلي صوره جماعيه كلكم
مروه .....لوتيه عرفت شنو اتقصدين 😜
جمانه ....الج عد الله توفيقين راسين بلحلال 🤪
اوكي هسه ادزلج
دزت صوره جماعيه كلهم بيها
اني ركضت لاخوي ليث
لكيته كاعد بغرفته ايريد ايبدل
كتله ليوثي اليوم شنو اطلب تنطبني
كلي شنو اليوم اشصاير
طلعت نقالي وشوفته الصوره
وهو طار عقله خذه نقالي
جمانه ....اريد نقالي اذا اتريد ادزها على الوت
ليث ....لا مااريد ميصير انتي مسحيها لا اتخليها بنقالج
بس خلي اشوفها وشبع منها

ليث .....
اني شفتها بصوره وشلابسه البطرون جنز ازرك
واقمصله جلد جوزي والبوت جوزي ويا اهلها بثلج
واني كلبي فز من مكانه
اتمنيت اروح وراهم
بس عيب بصفتي شنو
وقررت افاتح امي وكلها اني احب نور بت جوارينه واريد اخطبها
طبعا امي عدها هوايا خوات وتتمنى اخذ من بنات خواتها
بس اني انوخذ كلبي مني

___________________________

انتظروني على باجر اكمل .....!!!!!!
لان تعبت 😔😔
الكاتبه نور المالكي