شغف الحب

نار الحب

بدا الدوام لسنه الجديده
استاذ ميثم ....شدي حيلج باباتي نور الهسنه سادس ونريد معدل علمود ادخلين كليه زينه
نور .....انشالله بابا
ديله كومي مروه هسنه اطلعين ووحي اني ادري
ست هناء ....على كيفج وياها ماما وديربالج عليها هي جديده بمدرسه لان اول متوسط
مروه ....خلي اروح لجمانه ناخذها ويانه للمدرسه
استاذ ميثم ...بلعجل بابا صيحيها لا نتاخر
نور ....بابا لو متصل على الخط مال العام عمود يجي ياخذنه اني ومروه وجمانه بت جوارينه
☘️☘️☘️☘️
مرت ايام وبدأ دوام الكليات جان ليث يسحب الكلام من جمانه ويسألها عن نور ويامن تكعد شنو تحجي شنو اتكول وبس اتكله جمانه اشعدك وياها اسال عليها ايكلها لا هيج لو ويظل ايطلع اعذار
☘️☘️☘️☘️☘️☘️
ليث ليوم اول ليوم دوام قررت اكعد وكت حالي حال جمانه علمود اشوف نور الان مشتاق الها
هسه اتكولون ليش ماادبر رقمها من جمانه اومروه لا مااكدر لان اشلون اخون ثقت ابوها استاذ هيثم وهو دائما ايوصيني على بناته وبيته ويكلي انت مثل اخوي الصغير واني بناتي ماعدهم اخو انت اخوهم
اشلون اخون الثقه واني اخلي عيني على عرضه
💐
اني قررت وبعد تفكير طويل انو اخطبها بس اتخلص سادس وهمزهاي المده اتاكد منها انو هي اتحبني مثل مااني احبها
❤️❤️❤️❤️❤️
نور ......
صرت يوميه اشوف ليث الصبح قبل مااروح للمدرسه وصارت حبنا بلعيون هو يفهمني واني افهما بلعيون يبتسملي ويبسمرني بلحجي بحجة جمانه لو مروه ايسولف وياهم ويسمعني
وجان هوايه ينطي ملاحظات على البس وتصرفات واني واكفه اسمع
ومن البس شي ميعجبه اشوفه ايعصب وظل ايفف
وتعودت عليه ليكول وصرنا نفهم بعضنا من لعيون ونظرات
بس مروه وجمانه حسو علينه انو احنا واحد ايريد الاخ وساكتين وهمه هم ساكتات خطيه بس ايباوعون
ومره اني وكفه جان اجت وحده ويا وكفت الصبح لابسه زي كليه وظلت اتباوعلي هي حلوه وشعرها اسود وجسمها ظخم وابيض 😳
اني اتخبلت ماادري شنو صار بيه احس روحي احتركت وتاخر السايق كلش عصبت 😡
هي صاحت وتتنغوص ليث اتاخرنه هم يالل
واني اتاخبلت 😡
هو ظل واكف ايباوعلي
بلهثناء اج السايق وهو ظل ينتظرنه لحد ماركبنا واني انفخ بروحي نفخ 🤬
بسياره سالت جمانه
جمانه حبيبتي هاي منو لبنيه
جمانه .....هاي بت خالي ويا ليث نفس الكليه وليوم اول يوم دوامها وجت ويا ليث لان متندل الكليه ومتتعوده على الجو
نور.....ها 😡
واني روحي ميته مجاي اكدر اتكلم وكظيت الدروس كلشي مفتهمت🤯
ليث ......اني واكف نفس يوميه اصبح بعيون عشقي الي مينمل منهن وجان تجي هدير بت خالي الزكه هي اتريدني وحاولت ويايه بس انتي كتلها اني من احب اني اكول ماانتظر وحدها هي اتكلي
اجت امس بليل النه علمود اتروح ويايه للكليه
ليوم السايق مال جمانه اتاخر وظلو هوايا بلباب واكفين
واني واكف واتصور كل نظره من نور بيها مليون كلمه واني هم صرنه نفهم بعض من العيون
اجتي هدير ياله ليث اتاخرنه
واني اشوف نور ماتت قهر صارت كوه تتنفس
اني اتخبلت عليها مااحب اذيها لان هي مثل النسمه حرام تنجرح لو تنقهر
واني كلش اخاف عليها
هاي كعدت بصدر وتصيح اتاخرنه
واني مااكدر اروح واخليها ظليت واكف امسح السياره اشيل الكتب مااعرف شسوي
اهم شي مااروح علمود لا عبالها اني ممهتم بيها
وجان يجي السايق وركبو البنات
اني صحت عليهم ديربالكم على روحكم
💐💐💐💐💐💐💐💐💐💐 
نور ....
اني رجعت للبيت واني نار ما اتغديت حطيت راسي على المخده ونمت
ليث ....
رجعت العله ويايه للبيت بحجت لحد ما اتعرف على البنات وشوفلي خط على بيتنا
اني ظليت افكر بيها احسها ممتحمل تتعذب بنار الحب
رحت الجمانه
جوجو حبي
جمانه ....خير ليوثي الزمن ذبك عليه
ليث ...جبي لج
شنو ليوم اشلونه الدوام
جمانه ....زين قصدك اشلون نور مو اشلون الدوام
ليث ....انتي والله وكيحه
جمانه ....قصدك مو غبيه😜
ليث ....هسه شلون تحجين لو🤛
جمانه ......لا لا شنو اتريد اكلك
ليث ......اشبيها نور مو على بعضها ليوم
جمانه .....مابيها شي بس سالتني على هدير
واني كتلها بت خالي وكذا وكذا وكتلها ليث ايموت عليها👀
ليث ....😡🤛
جمانه .....لا لا والله ماكلت هيج جذب
ليث ....اريدج اتكلياها اني ماعندي شي ويا هدير بت خالي وبس
وكليلها ليث غركان بلحب ويانه وين هدير
كلبه لوحد وبس اوكي
جمانه... 🤭🤭
نور .......ظليت نايمه للمغرب كعدتني ماما علمود اكل
رحت صبيتلي اتغديت وطلعت برا بلحديقه اشتم هوا
ودخلت حظرت واجباتي ودرست اشوي ونمت مالي خلك لاي شي 😔
وصار الصبح بدلت ونزلت لماما وبابا كاعدين على الريوك كالت ماما لا تخافين من السادس انتي شاطره انشالله تنجحين ودخلين احسن كليه ..عبالها اني من الدارسه متدري بنار لبكلبي ..
طلعت برا وشوف ليث وجمانه وهمام صديق ليث ومروه طلعت قبلي لباب ...
اني حجيت ويا مروه من الكراج كتلها بعده مااجا السايق
مروه ....لا بعده
ليث ...بدلت وطلعت من وكت اريد اوصللها انو اني مهتم بيها بس هي وبس
شفت مروه اتحاجيها يعني هي بلكراج ومتقبل اتحاجيني
اني سولفت لهمام عنها وكتله لبنيه عاجبتني بس مااريد علاقه استحي من اهلها اريد راستن اخطبها
همام ...هاظلع شبيح لايب
ليث ....متريد تطلع اشوفني
همام ....روح ظلعي غركت بلحب
نور ....اني واكفه بلكراج مالي خلك روحي وبس اشوفه خاف ابجي ونفظح
همام بصوت عالي ....ليوثي شنو وظعك ليوم
ليث ....يابسه لان اذا ماشوفك ينكطع نفسي
هدير .. اذا متشوف منو ينكطع نفسك اني
ليث ....لا همام✋
اجا السايق بهلاثناء
نور .....سمعت صوت بت خالتهم واني احتركت
خليت طلعت وطبكت الباب حيل كل قوتي
وصعدت ب لباص بدون مشوف اي شي كدامي 🤬