شغف الحب

نار الحب

ليث ...
انتظرت يومين وكلبي النار على نور اسأل جمانه عليها
وراحت لبيتهم وشافتها واجتي كلتلي باجر اداوم نور
لان صارت احسن

نور ...
موتتني لفلونزه نومتني يومين بلبيت واني منتظره الدوام علمود اشوف ليث حيل مشتاقتله
غبت اول يوم الدوام واني اسمع صوت الهورم مالته 🎺
عرفته منتظرني بس مااكدر اكوم من الصخونه وبيومها ماما مداوت علمودي
وبابا محتار بيه
ثاني يوم اتصلت جمانه بمروه
وكلتها اريد اجي اشوف نور
اني عرفت هو دزاها
اجتي جمانه المغرب وصاعدت فوك
لغرفتي شافتني
جمانه ....شنو هاي عيني نور قلقتيه عليج هووو قصدي قلقتيني عليج 👌👌
نور..شسوي موتتني الصخونه
جمانه ...حبي بيه ولا بيج وراج ادراسه وخطوبه
نور....😳هاي شنو تحجي معرفت
جمانه ...باجر اداومين
نور....انشالله اذا كدرت
طبعا جمانه ومروه نفس الطبقه لسونه ولولته وميتعده الطير منهن
----------------
نور ....
كعدت كوه وداومت علمود ليث حبي
لبست صدريه نيلي وبلوز ابيض وفوكهم قمصله جلد اكلاسيكيه نيلي وحذاء رياضي ابيض
وسويت اكصيبه راخيه
وكوه امشي تعبانه
بس لخاطره داومت
استاذ هيثم ....
نونه ليش داومتي بابا انتي مريضه انعل ابو المدرسه
نور ...بابا فاتني هواي ادروس واني سادس
ميصير
اني اوصلج 🧐
لا بابا اني اروح شعدي
مروه ...كافي كافي دلع
والله خابصنه بنورك
هيثم ...🤣🤣🤣
وانتي عليش مقهوره مراوي
مروه ...لا هيج
ست هناء...ياله اتريكو لا يجي السايق
_______________
ليث ....
بدلت وطلعت من الصبح للباب بعد اهلي عرفو السالفه مالت الباب
وكلبي وروحي يمها انتظرتها وطلعت جمانه راحت ادك بابهم
طلعت مروه ...
جمانه ...اتاخرتو ليوم
مروه .....عيني هاي نور متعوده على الدلع
جمانه ....ههههه وانتي ليش مقهوره
نور تستاهل
ليث ....
اني واكف واسمع متجي على سيارتي
واجان طلعت نور
وشفتها هي واكفه بابهم وعيوني راحت الها وروحي يمها معرفت شيوي
وجا السايق😔
هسه انت وكتك اريد اشبع شوف منها اتمنيته ميجي علمود اشوفها واشبع منها واوصلها 😉
___________

مرت الايام واني اتمنى احجي وياها بس مصارت فرصه اكلها اريد اخطبج شتكولين
لان اني اجلت الموضوع علمودها اسالها وشوف ردها
ويوم من الايام شفت والد عدهم وهذه دائما اشوفها يتردد عليهم هو ابن عمت نور
عنده سياره جارنجر ابيض طويل
ابد مرتاح كلبي اله
والصبح يطلع يوكف بالباب ايسوالف وياها واتصور هو ايداوم بس معرفت وين
اباوعلها هي تستحي تحجي ويا لان اني واكف
بس هو كلساعه وكل لمروه اني اوصلكم ومروه امكيفه عليه
وتجرها جمانه لتسوينه مصيبه لا ايعصب ليث ويتعاركون
مروه ....اي اني هيج اريدها اتصير علمود نتونس الفلم الرومنسي ايصير بي اكشن
جمانه ...ولج كعدي منا ليث
مروه ...لا متقبل جوجو صديقتي

نور ...هذه حيدر ابن عمتي لازك بيه ونوب يتحرش ماعنده اخلاق اهله سافر يتونسون وراح ايظل يمنه كم يوم
بس والله لو اكل البابا يتعرش بيه غير ايطرده بلباب
بس اني ساكته ويريد بس ايسولف ويايه
اني بطبعي ساكته مااحب اسولف بس بكلبي هوايا حجي يعني ماعرف اسولف بس احجي بكلبي هوايا
وكفنه بلباب وتغير الجو صار حلو بداية شهر الثالث ومابقى شي ونكعد انارجع للامتحانات مال السادس ونخلص من المدرسه ويارب اجيب ومعدل وادخل نفس كلية ليث

هذه حيدر واكف يمي واشوف ليث صارت اعيونه حمر ويخزر بيه اني خليت ودخلت
ياربي هذه حيدر اشلون مصيبه اجا السايق
طلعت ورحت
وجان واكف ليث وهمام صديقه
همام ....ليث طولتها لا من انت تحجي ويالبنيه ولا من انت تخطبها يابه هاي حلوه مظل الف واحد يتمناها
ليث ....شسوي غير اشوف فرصه احجي وياها اخاف متقبل لان جايه امتحانات
والله همام احتركت حرك حتى مجاي اتحمل يوميه وطلعي واحد
وكفتي الصبح بلباب هم معاجبتني بس شسوي يااخي
--------
نور ....
ظل عدنه حيدر اربع ايام وهو لازك بيه ويع ربي واني تلعب نفسي منه وهو ايذب حجي ويغني ابد موراحه
واني احب الولد الثكيل
وهذه املطلط عبالك
اني جاي ادرس
وتصل بيه رقم غريب مرديت
ظل يتصل مرديت
فرحت كلت بلكي ليث
لح بلاتصال خليت ورديت
نور.... الو
صوت ولد ....اخ حتى صوتج ايموت
نور ...منو حظرتك
الولد ....عاشق صالي اسنين
نور ...محسيت هو ليث كتله منو حظرتك لا اغلق الخط
الولد ...اني زيد اخو ابرار
الي ايموت بطاري اسمج
نور ...اني خفت راستن غلقت النقال
اهووووو
والله متت منا حيدر وهذه مين طلعلي
نور ...
اني اخر مره حظرت ابرار كتلها اخوج اذا مجاز مني اكل االاهلي وهمه يصرفون
وحتى انتي تتاذين خلي ايجوز مني ولا يجي افرعنه
كتلها ابن عمي شافه وراد ايعركه
كالت اني راح اكل الامي يمه كلشي ولا اخويه زيودي روحنه من الدنيه
كتلها خلي ايجوز مني اني مااريده ولا افكر بزواج