مهاب الذيب

البارت ٥٧

مهره

عطر: شلونج مهره
مهره: هلو شلونج

سلمت عليها وطلعت من الغرفه
مستغربه من وجودها

مهره: مهاب احظرلك دشداشه
مهاب: لا غيرت رأي ابقى على الملابس الي محظرتهن
فيصل: وين امير شوكت نروح للحنه
مهاب: بالطريق

تقدمت عليهم نصيت صوتي

مهره: اليوم عطر يمنا
عمتي: وينها
مهره: بغرفة جدتي
مهاب: عدنا ضيفه تبقى يومين
عمتي: شكو
جدتي: بنت ابني واريدها يمي
عمتي: عدنا زلم بالبيت شلون تبقى يمج
مهاب: يمه البنيه لاتسمعج
فيصل: شناوي عليها مهاب انه فهمتك السالفه ليش تجيبها
مهاب: 😡 تعلمني شلون اتصرف
فيصل: مهاب لاتدخل وين چان عقلها
مهاب: اسكت لاتخليني اكسر راسك
فيصل: مو زعطوط تكسر راسي ليش الي تسوي صح...وجودها بيتنا اكبر خطأ
مهاب: فيصل لاتدخل بشي مايعنيك
فيصل: انه مو طفل ووجود عطر يمنا خطأ شتريد واحد منا يزوجها....والله بنت عمنا

صار بينهم صياح گام مهاب على حيله جدتي وكفت بينهم

جدتي: بداعتي يمه اسكتوا لاتخلي البت تتشمت بينا
عمتي: يا تخبلتوا تتعاركون تهدوا بالرحمن دخلتها علينا ثعولتها
جدتي: انتي اسكتي
مهره: هاي شبيك مهاب

سحبت مهاب وعمتي وجدتي سكتن فيصل
صعدنا انه ومهاب لغرفتنا

مهاب: يعلي صوته عليه فرحان صاير رجال على اخوه الاكبر منا
مهره: شبيك عليه هم خطيه
مهاب: انتي اسكتي😡
مهره: دووم ساكته ومسكتني

بدلت ملابسي حاولت ادلع عليه حتى يهدء

مهاب: اليوم ابد ماتحس بيه
مهره: انت ماتحس وعايف حبيبك لابوسه لاحضنه لاشمه
مهاب: تدرين ابد مااحب غرفتنا بغيابج حتى اضوج اكعد بيها
مهره: طبعا محبوبه صدك شوكت تسأل عليهم
مهاب: منو
مهره: الي خطبوني

كرصني خلاني اصيح

مهاب: اكسر راسج مو بس اكرصج
مهره: اووووي ليش تأذيني وقاسي وياي
مهاب: ماناقص قهر وتقهريني 😡
مهره: تعرف من خطبوني يعني شنو يعني بعدني صغيره وحلوه يمه فدوه اروح لجمالي معناها بعدني طفلتك
مهاب: اذكر من خطبتج امي وجدتي رجعوا منكم ووصفولي شكلج جسمج وركبتج وشعرج بيومها متت اشتاقيتلج مانمت ليلي للصبح اتخيلج
مهره: صدك وصفولك جسمي وشنو تتخيل للصبح
مهاب: هههههه قصص وحجي ليل
مهره: هههههههههههه
مهاب: اي تعال اسولفلك قصة شلون وصفوك الي
مهره: وراك حنه وينك وين القصه والوصف

نزعت ذهبي وابدل ملابسي

مهاب: مهره طلعتي بمكياج
مهره: اطمأن هناك بالقاعه تمكيجت خلصنا مسحته شفت بعينك من رجعت مايحتاج تسأل😏 صارلك شهر تفهمنا وخابصنا
مهاب: وشبيج ضجتي من سؤالي
مهره: ضايجه من الحفله الكل يسألني ماحبلتي ماحبلتي ماصار عدكم طفل يا صدك كل حمل اطرحي وماتخافين مهاب يزوج عليج
مهاب: شكد فارغات وانتي ليش ضايجه
مهره: ضايجه لان احس مهاب يريد طفل وضام بگلبه
مهاب: هذا الاسبوع نروح للدكتوره نشوف وضعج وان شاء الله خير
مهره: واذا ماصار او اسقاط او مات
مهاب: اااااخ انتي عباره عن كتله من السلبيه
مهره: ناوي تزوج عليه اذا مايصير عدنا اطفال
مهاب: اگوم اسبح اطلعين الروح بسوالفج
مهره: تتهرب مني لان بديت تفكر بكلام ابوك
مهاب: اني شنو وعدتج
مهره: ماتتقرب لاي مره غيري وانه الوحيده ام اطفالك
مهاب: خلاص وتعرفين كد كلمتي بعد لاتخافين ولا ادوخين ولا تسألين وانتي تعرفين كد كلمتي ووعدي