مهاب الذيب

البارت ٧٥

مهره

عمي: شنو ناوي
مهاب: ناوي استقر فتره هناك
عمي: يادوله
مهاب: كندا
عمي: شناقصك هنا حتى تسافر بره انت ومرتك
مهاب: انه تعبان اريد ارتاح
عمي: وتعوفني تعوف امك واخوانك
امير: بويه يروح يشوف الوضع ماعجبه يرجع واحنه نروحله شوكت مانريد
عمي: انه اريده كل يوم يمي هو اذا يگلي اطلع بيت وحدي مااقبل مو يسافر مااعرف يادوله
فيصل: كندا
مهره: عمي مهاب جاي يشاقه يريد يشوف معزته يمك

باوعلي بطرف عينه

مهاب: شنو يشاقه
مهره: شلون تقرر نسافر بدون علمي
مهاب: هسه بلغتج
مهره: شكرا لان بلغتني وحسب حسابك مااسافر لاي دوله انه عبالي تريد نسافر شو وين نبقى كم يوم ونرجع
مهاب: صوتج انتبهي لكلامج
مهره: ماصيحت جاي انطي رأيي لو هم ماعاجبك
مهاب: طبعا مايعجبني 😡
امير: مهره

يأشرلي اسكت

عمي: انت حتى مرتك مابلغها
امير: مو حجينا بلغهم افتح الموضوع من الاول وانت ماقبلت اكبر خطأ هسه يعرفون
مهره: يعني اخوك يعرف واني مااعرف

زعلت صعدت غرفتي

صعد وراي

عمي: مهاب انتظر
مهاب: هسه نازل
امير: عوفه يوضح لمرته وينزل يشرحلك
عمي: شنو هذا السفر الي طلعلنا صفح

دخلنا غرفتنا

مهاب: شلون تتعاركين وياي كدامهم😡
مهره: هذا الي قاهرك وانت الي مستحقرني ومااعرف بسفرنا حالي حال اهلك اعرف
مهاب: لان لو ابلغج تخبصيني ولسانج يفلت ماتضمين سر
مهره: كومه اسرار اعرف وساكته
مهاب: مثل اسرارج ويه صبيحه

صفنت عليه

مهره: شتقصد
مهاب: الي فهمتي
مهره: كل اسرار ماعندي ويه عمتك

تقرب مني
ابتعدت

سحبني كعدني يمه

مهاب: مهره احنه نسافر فتره ونرجع
مهره: شلون نسافر وشنو كندا وانه حامل
مهاب: لهذا السبب اريد نسافر
مهره: شلون
مهاب: طلبت من صديقي يسويلي دعوه ورهنت البيت... و اخذت اجازه مفتوحه بدون راتب
مهره: يابيت
مهاب: الي اشتريته
مهره: هستوك اشتريته ماصار شهر وليش ترهنه
مهاب: هو اشتريته حتى ارهنه
مهره: تحجي صدك ليش
مهاب: ماالنا حق نسافر اله يحجزون بيتنا
مهره: زين ليش
مهاب: من نسافر لهيج دول دعوه لازم نرهن البيت حتى اذا شردنا ومانرجع يسحبون البيت مني
مهره: وليش كل هذا
مهاب: حتى هناك اتفرغ لحملج نبتعد عن المشاكل والهموم الى ان تولدين بالسلامه ونرجع مااريد احد يعرف
مهره: يزعلون منا
مهاب: مو مشكله المهم تگومين بالسلامه انتي وابني
مهره: السفر زين عليه
مهاب: انتي سألتي الدكتوره وان شاء الله ماكو شي...انتي بشهر الرابع وباجر نروح للدكتوره نشوف وضعج ووضع الجنين حتى ان شاء الله بعد ١٠ ايام نسافر
مهره: اكيد نرجع
مهاب: وعيونج نرجع بس تولدين بالسلامه
مهره: شلون نبقى وحدنا
مهاب: مانبقى وحدنا الله ويانه
مهره؛ ونعمه بالله