مهاب الذيب

البارت ٩٥

مهاب

بعد اشهر

مهاب: مهره مهره
مهره؛ ها
مهاب: عدلي نومتج

اندارت وحضنتني

مهاب؛ ههههه على كيفج
مهره: مزعج

بطنها كبرانه

مهره: شبيك
مهاب: فرحان بيج
مهره: صباح الخير
مهاب: بوسي
مهره: هههههه نعسانه والليل كله تكعدني عدلي نومتج عدلي روحج😡 بعد ماانام يمك
مهاب: هههههههه اخاف عليج
مهره: مهاب مفكره احجي ويه نورا وامير يحتفلون بميلاد ابنهم لان خطيه شنو ذنبهم اول سنه ومايسوون اله
مهاب: هو حتى ماطهره
مهره: خلي يحتفل باابنه تره لا اني ولا محمد نزعل
مهاب: اليوم احجي وياه
مهره: حتى البنات خلي ينزعن الاسود شنو ذنبهن
مهاب؛ تره احنه بعدنا حزانه على كرم
مهره: لا اسرار مو حزينه على كرم بس كدامكم جانت تستحي لان رجلها ماقبل تحزن بس ٣ اشهر
مهاب: همه يمكن راح يسافرون هذا الشهر
مهره: اي ياخذهم لتركيا وهمزين هل مره راح تاخذ جهالها وياها
مهاب: شعجب
مهره؛ عمتي صاحت بيها وگلتلها تاخذيهم وياج
مهاب: ههههههههههه... بس تولدين اخذكم
مهره: ماالي نفس اروح لمكان
مهاب: اليوم تروحين لاهلج
مهره: لا اليوم تعبانه باجر اروح.... شو رحمه هناك وتهتم باامي وماتخليني اسوي شي
مهاب: والنذل شخباره
مهره: نذل حتى مايفكر يشوف اطفاله وهسه محمد قنع مخلد يرفعون عليه دعوة نفقه
مهاب: مهره ساعدي اختج اي شي تحتاج... اعرف مخلد وحقارته
مهره: محمد ومروان مامقصرين وياها محمد حتى شهريه ينطيها وثانيا حلال ابونا من تطلع السنه راح تتقسم علينا شهريه مفكره انطيها لرحمه
مهاب: مهره ناوي اشتري مزرعه بس محتار بااسمج لو اسم كرار
مهره: وليش مو بااسمك
مهاب: اريد اضمن مستقبلج هذه دنيا
مهره: اششش لاتكمل مااسجل شي بااسمي مادامك تشتم الهوى
مهاب: 😒 تره اريد اشرد من الضرايب
مهره؛ اذا انت تبيع وتشتري
مهاب: ابوي خنكنا خنك بسالفة البيع والشره خلانا نحتار بالضر

كامت لبست ملابسها

مهره: صايره ثكيله وتألم
مهاب: هانت بقى شهر وشويه
مهره: احسن من حبالتي بقيس وكرار قبل بس ابجي
مهاب: لاتحسدين نفسج
مهره: تمنيت بنيه مثل نورا ودعاء
مهاب: ليش دعاء بيها بنيه
مهره: اي قبل يومين بين بالسونار بيها بنيه
مهاب: وشبي الولد ماتريدي
مهره: شنو انت وولدك وبس اني الانثى بينكم
مهاب: ههههه مااريد بنيه لان اذبحه الي ياخذها
مهره: واذبح الي تاخذ بزري
مهاب: هههههههههههه اوووف من يزوجون اني وياكم نزوج وياهم
مهره: اي وانت يوميه تجفت على كرار ومرته
مهاب: هههههههههه هو وينه السرسري
مهره: بايت يم ميلي... كتلني بميلي وههوفي
مهاب: شوكت راح يمهم
مهره: انت نمت وهو مايقبل ينام يضربني اله ميلي سمعت صوتهم خابرت نورا گالت خلي يجي راح يركض