مهاب الذيب

الجزء الاول -- بارت ٣١

في زمن المستقبل

مهاب

مهاب: مهره امشي وياي اريد اسولف وياج
مهره: منتظره البنات
مهاب: لاتخليني اخذج غصب

طلعوا شافتني بلقيس

بلقيس: شلونك مهاب
مهاب: هلا ام منتظر شلونكم
رنده: شلونك ابو قيس
مهاب: هلا شلونكم شلونه مروان
رنده: الحمد لله بخير
مهاب: الحمد لله

مهاب: اوصلكم
بلقيس: روح ويه مهره حتى تسولفون براحتكم
مهاب: مايحتاج نسولف لان اليوم ترجع
مهره: ما ارجع
مهاب: تره ما اخذت رأيج الحمد لله صرتي زينه بعد شنو وجودج يم اهلج
مهره: بس
مهاب: يله مهره 😡 كدامي لان اكثر من اللازم دللتج

طلعت وياي مقهوره
بلقيس و رنده صعدوا ويه السايق جيرانهم
صعدنا السياره مهره زعلانه

مهره: اريد ابقى بيت اهلي
مهاب: بيتج اهم و زوجج محتاجج انتي متغيره وصايره ماتحبيني شنو اشوف غيرك شنو اتركني مهره شبيج

التفتت عصبيه وتبجي

مهره: تعبانه كرهت حياتي مااريد ارجع مخنوكه تعبت من المشاكل والكلام الجارح اختنك من ادخل البيت والله تعبت ارحمني افهمني والله احبك واريد حياتي وياك بس تعبت
مهاب: اني شنو ذنبي فكري بيه لخاطري
مهره: لخاطرك اريد اتركك حتى تنسعد
مهاب: اااخ منج

وصلنا لاهلها واكف بره

مهره: ما تدخل
مهاب؛ مستعجل انتظرج تلمين غراضج

طلع عمي ابو مخلد نزلت سلمت عليه

علي: تفضل ليش بره
مهاب: مستعجل وعدنا طلابه والطلايب ماتخلص
علي: مهره تعبانه ديربالك عليها
مهاب: عمي انه هم تعبان محتاج زوجتي مهره ليش تتهرب مني من توكع بمشكله واحنه اثنينا نفس الحزن والالم والمشاكل المفروض نسند بعضنا
علي: ديربالك عليها
مهاب: بعيوني مخليها
علي: والله اعرف و ماتقصر

طلعت رحاب ويه مهره شايله جنط مهره

رحاب: شلونك ابو قيس
مهاب: اهلا ام قاسم

عمي ومهره صافنين عليها
سلمت على عمي وصعدنا السياره

مهاب: مريضه رحاب شكو شبيها شو تسلم وتساعدج
مهره: اليوم ابوي صاح رزلهم لان تعاركت وياي وهسه فرحت من سمعت راجعه وياك
مهاب: مهره شنو رأيج نعيش بالولايه
مهره: شلون يعني
مهاب: الي عدنا وياهن ابيع قطعة الارض والسياره ونشتري بيت صغير لو اداين من ابوي واشتري بيت هناك ونستقر
مهره: اكيد افرح بس ماابني سعادتي على تعاسة اهلك وانت ابنهم الجبير فرحتهم وانت رجال بيتهم بسهوله تريد نطلع منهم ابوك وامك يموتون مايتحملون واخوتك محتاجيك
مهاب: والله احتاريت وياج وثانيا ما اتركهم
مهره: اها قصدك ضرتي يم اهلك ومهره تنشمر بغداد
مهاب: ههههه استغفر الله ياربي انتي كارثه الصبح زينه تغازليني ومشتاقتلي شغيرج ومعصبه وتتعاركين
مهره: احبك واريدك بس تعبانه حبك متغلب على تعبي وهمومي حتى متغلب على زعلي منك
مهاب: ما تجين اليوم نعرس من جديد
مهره: ههههههههه عرس ابو ٥ دقايق وركضت نزلتلهم
مهاب: ههههههه والله موتيني يوميه تتعاركين عليها يابه غير اشوفهم الذيب وابشرهم عمي مو عوضناج بعدين ماتشبع ياحلو اليوم نعوضك بعد شتريد
مهره: ابد انام يم اسرار اريد اشوف اخبارها
مهاب: شبيها ويه ممجد اكيد تسولفلج
مهره: زلم ما الكم امان
مهاب: هههههههههههه مقبوله منك واليوم نعوضك
مهره: هههههه مااريد تعويض شبيك لزكت بالتعويض
مهاب: نسولفلك قصه
مهره: ما اريد
مهاب: نحجي حجي الليل
مهره: مهاب