مهاب الذيب

البارت ٩٤

نورا

عفته ومشيت لقسم مهاب امشي بسرعه

ناصر: نورا انتظري

خابرت مهاب

نورا: مهاب انت بالجامعه
مهاب: بالاول صباح الخير
نورا: صباح الخير وين انت
مهاب: هسه دخلت للجامعه ليش صاير شي
نورا: اني بطريقي الك
مهاب: صاير شي
نورا: ناصر يمشي وراي واخاف امير يشوفه
مهاب: انتي وين بالضبط
نورا: وصلت لقسم الماليه
مهاب: ابقي دقيقه ويمج

وكفت

ناصر: نورا

وكف يمي

ناصر: ههه بعدج عصبيه وتمشين بسرعه
نورا: روح لاتحجي وياي اني مزوجه
ناصر: اعرف مزوجه وعندج ولد اسمه يوسف ... نورا خلينا نكعد و نحجي
نورا: ماكو كلام بينا
ناصر: اني ناصر
نورا: اعرف انت الجلب روح فضني
ناصر: هههههه ماتغيرتي
نورا: روح
ناصر: ليش خايفه من وجودي تعرفين گلبج يرف
نورا: بابا انت شتحجي صدكني مايرف ولا شعره عليك عندي رجال يسواك ويسوه عشيرتك
ناصر: مو من گلبج
نورا: صدكني من گلبي كل حياتي زوجي وابني واحلى حياة عايشه
ناصر: نورا سبب انفصالنا امير هو الي هددني وطلب اعوفج صدگيني
نورا: وانت مابيك خير ماصدكت وعفتني وهسه شتريد اذكرت واجتك الشهامه... امير ابد ماتركني تذكر شكد تعاركت وياه وهو ماتخلى عني يوميه بديالى حتى يشوفني ويراقبني ويسأل عني ومااهتم لكلامك ولا اهتم لاحد.... حتى يعرف اكو علاقه بايخه بينا وماتخلى عني... انت شتريد اعوف الانسان الي اشتراني واشتري الي باعني
ناصر: نورا جاي اتعذب مااكدر اعيش بدونج ولااكدر اعوفج اسمعيني وخلينا نحجي اني مااريد اهدم حياتج بس نسولف واعتذر منج وبالعكس فرحت لفرحج
نورا: شلون حجي فاضي
ناصر: نسيتي ايامنا وحياتنا وحبي الج صدكيني هو الي هددني وضربني وكسرني حتى اعوفج
نورا: يفتهم
ناصر: ابد ماانسى حبج وعصبيتج

ضوجني بكلامه واشوفه يتألم ويذكر ايامنا
انداريت مااحب اسمع منا
مصدومه معقوله امير هو الي وكف بطريقنا

شفت سيارة مهاب
نزل من سيارت

ناصر: خابرتي تحتمين بي ..... هيج متغيره نورا وتخافين مني

مهاب: وتالي وياك
ناصر: تالي شنو
مهاب: اعتقد مو صدفه مثل هذيج المره
ناصر: وهم صدفه ثانيه... شنو الي مزعلك

مهاب: بسرعه روحي لقسمج

مشيت والتفتت عليهم
لكيت مهاب يسحله من ياخته وناصر يدفعه
مهاب ضرب ناصر

خفت اراقب من بعيد الى ان استاذه وطلاب فكوهم
اجت الامن اخذت ناصر

رجعت لقسمي
اتصلت بابا
ابجي وخايفه ياربي صارت مشكله
هسه امير يعرف وتكبر المشكله

نورا: بابا الحكني ابوس ايدك
ظفر: شكو
نورا: ناصر اجه للجامعتي وتعارك ويه مهاب وخايفه
ظفر: شعنده ناصر
نورا: من تجي اسولفلك تعال اخذني خايفه
ظفر: هسه اجي