مهاب الذيب

الجزء الاول -- البارت ٧- ٨ -٩

البارت ٧
.................

مهاب

ندى: انت دمرت حياتها
مهاب: شنو دمرت حياتها انتي شتحجين
ندى: البنيه ماتعرفك وماكو علاقه بينكم شلون تفهم اهلها اكو حب بينكم
مهاب: محد مفهمهم اكيد متوهمه انتِ
ندى: شنو متوهمه شلون ضربوها واذوها بطلوها بلا سبب
مهاب: شنو ضربوها منو ضربها
ندى: ابوها واخوانها ... البنية رادت تموت حالها يقهر
مهاب: على شنو

ندى فهمتني القصه ...مصدوم
شنو هالتخلف الي عدهم المصيبه اخوانها خريجين
شكو يدزون بناتهم جامعة وهم مايثقون بتربيتهم
تمنيت اروح واشرب من دم ابوها واخوها

انتهى الدوام وطلعت لولايتي
اتصلت على شيخ ابو جواد

مهاب: السلام عليكم عمي ابو جود
ابو جود: هلا بويه مهاب شخبارك
مهاب: انه خجلان منكم اعتذر
ابو جود : لاتكمل كلامك انت ابنا ونقدر وضعك ابني الزواج قسمة ونصيب وان شاء الله ينكتبلك الاحسن منها
مهاب: عمي اتصلت اعتذر منك وشغله الثانية اريد رقم شيخ عطوان
ابو جواد: اني رحت سولفتله على شيخ ابو مخلد وهو يسولف وياه وماقبل على تصرفه
مهاب: لا عمي اريده بسالفه ثانيه
ابو جواد : ماشي هسه ادزلك رقمه

اخذت رقمه واتصلت عليه
عرفته على نفسي وطلبت منا ازوره

وصلت للبيت ب ٥ اهلي مستغربين

مهاب: يما وين ابوي
سماح : عنده فاتحة

سبحت وبدلت
اتصلت على ابوي اتفقت وياه
نزلت شفت البنات كاعدات جوه

سماح : يما متغدي
مهاب: مااشتهي

سمعت صوت بالديوانيه

مهاب: منو هنا
اسرار: ولد عمك يم الولد
مهاب: هل تيام اهواي يجونا شنو السالفة
صبيحه: ليش تريد تكطعهم عن عمهم وولده
مهاب: مااكطع بس الكثره مو حلوه وعدنا بنات شابات
صبيحه: ولد عمهن وهم ياريت يدخلون للبيت انت واخوك مانعيهم
مهاب: شتريدين عمه
صبيحه: هو خطيب اختك وجاي يشوفها

التفتت على امي

مهاب: يما شنو خطيبها شنو السالفة اني اخر من يعلم
سماح : حالي حالك اول مره اسمع
صبيحه: كلنا نعرف اسرار لابن عمها
مهاب: عمه روحي واصله لخشمي

باوعت لاسرار ودعاء

مهاب: بسرعه لغرفجن منا وجاي تسمعن ولد عمجن بيتنا تصعدن للغرفه وبدون كلام ماتنزلن اله من يطلعون اكسر رجلها اذا اسمع وحده بيكم نزلت وهمه هنا
اسرار: ان شاء الله

صعدن للغرفه
صعدت وراهن

مهاب: اسرار افتحي الباب

خايفه مني وفارشه سجادتها تصلي
بستها من راسها