مهاب الذيب

البارت ٤٧

مهره

اشوف مهاب رجع وباايده موطا وحلويات

دعاء: والله بالمضبوط رجع مهاب
امير: ماخلانا نفتر مثل العالم
مهاب: نعسان مانمت الظهر
فيصل: الله يكثر من مهره بيتنا
مهره: مهره وحده كافي شعندك تريد تكثر ليش تخليني اخرب وياك
فيصل: القصد الجناين لامير والي
مهره: اها ان شاء الله نزوج امير عطر ونزوجك نورا
امير: هي گوه محد يريد نورا الي😂 خرب بالوكت

كعد يمي مهاب

مهره: اخوتك كدامك
مهاب: وانه شسويت مجرد كعدت يمج
مهره: اگوم انام
مهاب: مو خبصتينا تريدين موطا
مهره: نعسانه ومااريد منك اوصي عمي لو واحد من اخوانك يشترولي
مهاب: هههههههه ليش قيس يتبزز من موطة ابوه
مهره: مااضحك وياك
مهاب: وهذا حلكج الشاركته شنو
مهره: لاتشاقه وياي اترجاك مااريد احجي وياك
مهاب: خلينا نصعد
مهره: كاعده يم البنات
مهاب: هههههههه هسه تصيحين نعسانه

كعد يمنا امير

امير: تريد زفه بس هلمره  ٢٥٠ الف صعد السوك والوكت تغير
مهاب: ههههههههههههه انه شكد ورقتلك لسيارتك ذكرني
امير: خويه زفه مجانيه على حسابي جم مهاب عندي على بختك مو عيب اخذ منك فلوس
مهاب: اني اعترض
امير: انا لااقبل
مهاب: ههههههه اصعد انام ماالي خلك سوالفك

ضحكنا أجت جدتي وعمي يمنا

امير: المن ازف ماعندي غير جدتي هسه وين ألكالج رجل بهل ليل وازفج عاااا اموت واشوف جدتي شلون تعبه لرجلها
مهاب: اخذتك تبجي ومهموم رجعت تتمركص شسالفه
امير: خليك بحالك مايريدوك

يدك على الطبله

امير: سو ياسو حبيبي ديحوا سو ياسو حبيبي سربتوا... حبيبي عاوز فلفل منين اجيبلوا فلفل باب العلوه معزل حبسوني وحبسوا

عمتي: ماتبطل ويريد يزوج المصيبه

امير: ام العريس كليجايه تستعمل جوه الجربايه ام العريس كليجايه تستعمل جوه الجربايه حو حو حو

عمي: شويه ثكل

امير: صفاء طفي الكلوب خدها يشع ويه الروب صفاء طفي الكلوب خدها يشع ويه الروب

انه والبنات نضحك

مهاب: يله گومينا نصعد فوك
مهره: ما اريد ابقى هنا

امير: تره سمعتك اثكل شويه لا تسحل روحك مايردوك
مهاب: كوم منا
امير: واعوفك غير اموتنا انطيني عبه واعوفك
عمي: عبه حتى يسكت
امير: ها صفاء ها تريد عبوب من سميحه ام الشنك

اشوف مهاب غمز لعمي

مهاب: بويه شوكت نخطبله عطر
عمي: اليوم حجيت بيها ويه عمك والخميس امك وجدتك يخطبوها حتى اتفقنا انه ونجاح على المهر
امير: وانه شوكت تعزموني
عمي: وين نعزمك
امير: على عرسي بلغوني حتى اسبح