مهاب الذيب

الجزء الاول -- بارت ٢٩

مهاب

امير: شبيك هذه الايام عصبي ومتوتر
مهاب: ماكو شي
امير: بعدك زعلان
مهاب: لا تدخل
امير: اكو واحد عريس زعلان
مهاب: ما زعلان مضطر ازعل لان انطيت كلمه ما احجي وياها واكتشفت النسوان كارثه شكد يطلبن ويدلعن
امير: من زمان كارثه بس سؤال صبيحه من ضمن النسوان
مهاب: هههه محسوبه علينا.. خلي احجيلك نكته
امير: شنو
مهاب: مهره تحبها كل شوي تگول عمتك شكد فقيره عمتك اكثر وحده حبيتها عمتك ملح والله تضحكني
امير: صدك والله ههههههههههههههههه اقسم بالله مرتي بس تگول صبيحه حبابه اطلكها بدون تفكير
مهاب: هههههههههه خايف عليها من عمتي
امير: عمتي تخاف منك ما تتقرب لمرتك
مهاب: الله الساتر
امير: شوكت نطلع على الغرفة
مهاب: العصر ان شاء الله انت تروح لان ابوك ورطني اروح لشيخ قحطان اعزمه
امير: بالحله شعنده ابوي
مهاب: والله راح يبهذلني بعزايمه صفاء
امير: زواج مهاب مو اي شخص
مهاب: انزل اشوف منو يوصل امي لبيت لاهل مهره حتى اطلع للحله
امير: صفاء ما يروح
مهاب: لا شلون غير يبهذل العريس

نزلت اتفقت ويه امي واي شي تحتاج مهره مصاريف ما تعترض
وصيت اسرار ما تعارض امي على طلبات مهره

طلعت للحله بالي يم مهره زعلتها
الي زعلني تصرفاتها ولسانها فاجأتني بصوتها العالي وتراددني
موقف مخلد وترني تعارك على شي ما يسوى
خايف عليها من موضوع رحمه وكنان لان لااباليه مهره
على اعصابي زعلان ومعصب منها لاجل تنتبه وتحسب حساب لخطواتها

طلعت من الشيخ شفت رساله من مهره

( ليش تتركني بهذا الاسلوب يعني تجي عمه بحجة ما اتفقنا على تحضيرات الحفله حتى تفركشها مع الاسف عليك انخدعت بيك)

اتصلت عليها

مهاب: لا تشاقين ما تعبر عليه

اسمع مهره تبجي

مهاب: شنو الموضوع
مهره: عوفني الم كل غراضك حتى ادزها الكم امك طلبتها انت صدمتني احلى ايام حياتي تتخلى عني
مهاب: بلا سخافه فهميني

كامت تبجي سدته
اتصلت على امي

مهاب: اسرار شنو الموضوع شبيها مهره
اسرار: من تجي تفهم
مهاب: سولفي
اسرار: ما اتفقت امي وياهم وتفركشت
مهاب: وين امي شتحجون انتوا صيحي امي

سماح : ها يمه
مهاب : شصار
سماح : وين انت
مهاب: بالطريق
سماح: من توصل نسولف
مهاب: اريد اعرف لاتعصبوني

كمت اصيح ماتقبل تسولف

سماح: امها واخواتها أگلني اگل
مهاب: ليش اني وصيتج وافقي على كل طلباتهم
سماح: تخبلت
مهاب: يما اعرف طلباتهم عاديه واعرف انتي تصعبيها
سماح: شوكت توصل

سديته خابرت ابوي

مهاب: بويه انت بالبيت
صفاء: لا
مهاب: شفت امي شمسويه
صفاء: شكو
مهاب: متعاركه ويه اهل مهره
ابوي: شوكت قبل شوي رجعتهم سلمت عليهم كدامي وسولفتلي اتفاقها وتحضيراتهم كلشي تمام
مهاب: شسالفه شصاير
سماح: هسه ارجع واشوف انت وين
مهاب: بالطريق