مهاب الذيب

البارت ٩٠

مهاب

طلعنا اني وامير
كل واحد بسيارته

اتصلت على ابوي

مهاب: بويه روح للبيت عمي نجاح بيتنا وصايره هوسه
ابوي: خير
مهاب: دعاء باسطه بناته شلون ماادري

اخابر مهره ماترد
اخابر ابوي مايرد

اتصلت على امير

مهاب: هم خابرت نورا
امير: ماترد عليه وانت
مهاب: خابرت ابوي وبعد مايرد ااااخ منك امير اااخ شلون بعصبيتك وطفراتك

وصلنا للبيت

البنات يبجن

شفت دم بالكاع

صحت بصوت عالي

مهاب: شكو شنو هذا الدم
دعاء: الحك عليهم اخذوا مهره مدمايه مانعرف شبيها
مهاب: شنو مهره ليش شبيها

امير: احجي بهدوء
دعاء: هد عمي على نورا اني ومهره جاي ندفعه مهره خافت عليه جاي تدفعني وصار سجينه بجسمها مانعرف شي بس لا ماتت

دعاء ونوا يبجن

الدنيا سودت بعيني

امير: وينهم
نورا: اخذوها مستشفى فيصل شالها هو وعمي

اخابر فيصل مايرد
ابوي رد عليه

مهاب: شصاير
ابوي: لاتخاف باايدها السجينه خيطناها ٧ خياطات وهسه راجعين
مهاب: وين انتوا مرتي وينها
ابوي: مابيها شي هاي وياك

مهره: لاتخاف مابيه شي

اسمع صوتها

تمنيت ابجي من فرحتي
مهره بخير وعايشه

مهاب: اكيد مابيج شي
مهره: هسه طالعين بس شويه الم

كامت تبجي

مهاب: وعيونج اليوم ادمي الج
مهره: بروح ابنك قيس لاتأذي بروح قيس بداعت كرار ابوس ايدك مهاب لاتسوي شي مايدري مو قصده حتى اجه ويانه
مهاب: انتظركم

امير: ها
مهاب: راجعين

اباوع دم مهره بالكاع

نار مشتعل
طلعت ماتحملت

رحت لبيت عمي
كسرت بابهم
طلعلي غسان

مهاب: وين ابوك
غسان: اخذه زهير للمستشفى
مهاب: ماشي عباله سهله يتهجم على نسوانه حتى لو عمي اله ابهذله
غسان: مهاب اهدء انه مثلك مارضيت بس تعال شوف نورا شلون ضاربه اروى البنيه ماتتنفس
مهاب: يجي النا مو يهد على النسوان اليوم ليله ماانامه اله وانه ماخذ حقي من عيونكم

رحت للمركز اشتكيت عليه
قضيتين تهجم على البيوت وقتل زوجتي

ابوي يخابر مارديت
شفت رقم مهره

مهاب: الو

تحجي وتبجي

مهره: وينك الله يخليك لاتسوي شي والله زينه ارجع عوفه لاتگتله بروح ابنك جاي احلفك بقيس