مهاب الذيب

الجزء الرابع ------ بارت ١٠٢

مهره

بعد وفاة امير ٤ اشهر

كرار: 😭😭😭😭😭
مهره: والله تعبت اسكت المن ليش تبجي😭
كرار؛ ميلي
مهره: راح ميلي راح

ابجي ويه كرار على امير
مخنوكه على فقدان امير

الله يساعد گلب عمتي وگلب نورا ومهاب
اني مامتحمله وفاته همه شلون
مشتاقه لضحكته وسوالفه

اووووف ياامير
اذكر حضنته بالمطار من سافرنا لكندا

ذكرت
..........

ابجي اودعهم شعور غريب اتجاه امير وفيصل
مااعتبرهم اخوت مهاب احسهم اخواني ألي
حالي حال دعاء و اسرار الله رزقني بيهم

مهره: اول مره احضن غريب بس مااشوفك غير اخ الي واريد اودعك
امير: لاياعنزه على هل دگه تشوفيني مخلد

ضحكني واني ابجي

مهره: صدك احجي لاتنصب

امسح دموعي

امير: مهره اذا تحبين مهاب لاتعوفي احلفج بالغالي قيس لاتركي ارجعيلنا

نزلت دموعنا
بس فيصل سمع كلامه

مهره: ادعيلي

خله ايده على شفايفه
وسداها

لزم ايدي

امير: ضميها بسرعه بالجنطه
مهره: شنو
امير: دعوتي من تصعدين للسما قريبه لربج اشمريها حتى تنلكف بسرعه
مهره: هههههههههه مو جاي ابجي انت شبيك
فيصل: هههههه خبال

تقرب مهاب وامي الله يرحمها

مهاب: ها
امير: وصيتها بلگه تموت ونورثها.... مهره صدك وين فلوسج ذهباتج
مهره: ههههه عند عمتي
فيصل: شوف الفطيره تجاوبك
مهاب: ولك😡
امير: خويه تروح وترجع بالسلامه امانه كل كنديه بوسها الي
مهاب: ههههههههه
مهره: شو ضحكت 😡
امير: مهيلك سمع بيها بوس... ماتستحي  مرتك واصله للموت وانت تضحك

خله ايده على راسي وباسني من راسي

امير: ترجعين بالسلامه وكرار بحضنج ان شاء الله
فيصل: شعجب صرت ادمي
امير: وبحضن مهاب كنديه وبدربك وحده لاخوك اموري ولابوي
عمي: مااريد رايد بس اخوك يرجعلنا بالسلامه
امير: على اساس ميتات على كرشك وشنكتك حتى ماتريد وتحجي بكل ثقه
عمي: هي شنهي تطلبها من اخوك
فيصل: ههههههه بويه شحمه تموع بالحلك
مهاب: ههههههه

بعز دموعنا وخوفنا يضحكنا
كل موقف امير يغير الاجواء

................

الله يرحمك ياامير

كرار: ميلي ميلي

يدفر بيه مايفهم معنى الموت والفراق
عباله اني مانعته