المستشفى..............
الدكتور: اسف بس حالة المريض حرجة و يحتاج دم.
عشق: عادي اني اتبرع لعباس المهم يكوم بالسلامة .
الدكتور: لعد تفضلي وياي .
غرام: عشق 😢😭.
عشق: اهدي ان شاء الله يكوم بالسلامة .😧
حازم: خل اني اتبرع بالدم .
مصطفى: واني هم موجود .
عشق: تسلمون بس اني اختة .
حازم: لا انتي ابقي وي اختج .
عشق: لا......
حازم: عشق . لا تعاندين ..... اهتمي باختج و اني اتبرع لعباس بالدم .
مصطفى: اجي وياك .
حازم: لا ابقة وي البنات . عبدالله تعال وياي .
عبدالله : ماشي .
📲📲📲📲📲📲📲📲اتصال من ابو حازم ...
حازم: الو . ها بابا........ لا مابي شي ........لا انت
بس دير بالك على روحك لا يرتفع الضغط.........
لا ان شالله اني اطمنك .........تامر يابه من غير ما
تكول ...... يالله
مع السلامة
* حازم اتبرع بالدم و بعدين طلع هو و عبدالله للحديقة بطلب من حازم *
حازم: اكعد عبدالله ليش واكف .
عبدالله: و هاي كعدت تفضل أستاذ حازم احجي .
حازم: شنو كاعد يصير وي عشق .
عبدالله: ما فتهمت . شتقصد .
حازم: عبدالله . لا تغشم روحك . عشق شبيها .
عبدالله: استاذ . ما بيها شي ليش تسأل .
حازم: اني اريد اساعدها . رجاءا أحجي .
عبدالله: صدكني ماكو شي .
حازم: اني عرفت انو اللي ضرب عباس سجينة كان متعمد يقتلة .
عبدالله: شنو . منو كلك .
حازم: اذا الحجي صحيح . المهم الولد اللي حاول يقتل عباس عندي .
عبدالله: هاااا . شلون ........المهم هذة الحجي ما اريد عشق تدري بي .
حازم : ليش .
عبدالله: لان عشق اذا درت راح تقتلة .
حازم: لا عشق ما تسويها .
عبدالله: لا تسويها . عشق ما ترحم اي احد يقترب من عائلتها .
حازم: لعد احجيلي .
عبدالله: راح احجي بس هذا الحجي بيني و بينك .
حازم : لا تخاف ما راح احجي لاحد .
