وبعد ان انتهوا من اختيار التصاميم واخذ القياسات تبادلت الفتاتين الارقام وكذلك اخذت رقم ناهد واوصلتهم الى الباب الخارجي .. وتدخل فلك الى المنزل وهي تبتسم .. وفجأة تمسكها وفاء من شعرها
فلك : * بألم * مالك يمااا ؟؟؟
وفاء : مش بكدي سودتي وجهي مع الناس ... ولي اعترفي والا والله ما بتعرفي شو بعمل فيكي
فلك : بشو اعترف ... بعدين شويت احتراف شو مالك يختي انا مربية اجيال تخيلي وحدة من بنات المدرسة تشوفك ماسكتيني من الكنبوشة شو رح تعمل .. الهيبة طارت
وفاء : * وهي تشد شعرها من جديد وصراخ فلك يعلو * احكي بدل ما اخلي الشبشب يعلم ع جانبك خرايط .. وشو ماما هاي وك انا امك ما بتحكيلي ماما
فلك : اااي .. طيب دشري شعري وبحكيلك ...
تجلس فلك بجانب امها بعد ان افلتت شعرها وهنا قررت فلك ان تخبر امها كل شيء مع اضافة لمساتها الخاصة
فلك : بس اوعديني ما تزعلي مني .. لانو والله يلي رح احكي مخاطرة بحياتي وحياتكو
وفاء * وهي تشعر بالرعب * : احكي شو عاملة ولي .. قصفوا ركبي .. احكي
بدأت دموع فلك بالنزول من عينيها وهي تشق طريقها على وجهها وهي تخبر والدتها ما حدث معها وكيف تعرفت على ماركوس في الحديقة في الفندق وكيف رأت الاسلحة والمتفجرات وكيف حاولت الهرب هي واناغيم من القصر خاصته وان عائلته تظن بانها حبيبته واناغيم حبيبة جان وبالاضافة اخبرتها انه وضع المسدس برأسها مقابل ان توقع على اوراق الزواج ...
وفاء * بصدمة * : الله يخوذ البنات ... انهبلتي صح ... هاض مقلب
فلك * وشهقاتها تملئ المكان * : لا والله هاض يلي صار .. كنت دحكيلك من لما وصلت بس والله خفت
وفاء : وبعدين ... طب شو رح نعمل ؟؟
فلك : محكاش معي ... بس طالما عرس اختو فأكيد رح ينزل هون
وفاء : يعني بدك تفهميني انو معكيش رقمو ولا بتحكي معو ؟؟
فلك : ورب العزة ما حكيت معو ولا بعرف اشي عنو من لما وصلت هون .. هو وصلني ع المطار ومن بعدها ما حكيت معو
وفاء : عشان تتعلمي تردي ع الحكي مرة ثانية ... حكينالك تسافريش بس تنحتي وسافرتي وشو صار جيتي متجوزة .. محكيتوش بالطلاق
فلك * وهي تشعر بالخوف من هذه الكلمة فما اصعبها على قلب عاشق يتحتم عليه فيها الانفصال عن روحه * : لا محكناش بالموضع
وفاء : طيب بس يحكي معك احكيلي واحكي معو قدامي ... وهس قومي اعملي اكل كلي انتي وعز مرضاش يوكل تا تصحي ... عبين ما عمتك تروح وبنتغدا كلنا سوا
أنت تقرأ
جنون العشق
Romanceعندما يسيطر القلب على العقل والجسد .... فهو من يتحكم ويقوم بكل ما هو يرغب به ... ولكن بعد هذه السكرة يسيطر العقل من جديد ويرى كل ما دمره صديقه العدو من افعال ويحاول ان يصلح ما قام به ... فهل ينجح الحب بمسامحت الحبيب وغفران اخطائه العاشقة ؟؟؟ ام ان...
