جنون العشق

الفصل السابع عشر

ينتهي الاسبوع بخير وتعود فلك الى منزلها ... وتدخل بعادتها التي لا تتغير .. ترمي اغراضها على الارض وهي تصرخ بانها قد اتت وتذهب الى جدتها وهي تحتضنها وكأنها قد غابت الى مئة عام وليس فقط خمسة ايام ... تصعد الى منزلها وتسلم على والدتها وهي تسلط نظراتها على والدها ...

فلك : * وهي تقبل يده * في مجال اعرف حضرة جنابك مستنيتنش لليش ...؟؟ّ!!!

احمد * وهو يضربها على رأسها * : في وحدة مبرية يا قليلة التربية مع ابوها ؟؟

فلك : ليش مستنيتش ...؟؟ روحت مواصلات وانا اتلولح يمين شمال ... وفاء طعميني ... جعانة بد اكل

بعد ان تتناول الطعام مع عائلتها تدخل الى غرفتها وتهاتف صديقتها المقربة التي تعتبرها اكثر من شقيقة لها ..

شهد : ااه يا واطية يا بومة يا كلبة البدو

فلك : ميرسي على كل هذا الاطراء ... اسمعي بكرة وبعدو مدوامة ولا شو

شهد : بكرة .. لا فش اشي علي ... اما السبت عندي دوام صباحي من 6 الصبح لحد الساعة 6 المغرب

فلك : ممتاز ... بكرة ع الساعة 2 جاية عندك وشاحطة سنا معي في موضوع مهم بدي اياكن فيه باعتبار سنا دوامها مسائي بكرا والسبت مش مداومة ...

شهد : احكيلي شو في ؟؟؟

فلك : * بابتسامة شيطانية * بدي اعمل عملة باناغيم وانتن معي

شهد : انتي متذكرة قبل بمرة شو صار ...

فلك : اسمعي دنام بكرا ع الثنتين انا عندك

في اليوم التالي تستيقظ فلك وتقوم بروتينها المعتاد وتذهب الى منزل سنا وتأخذها وتذهبان الى منزل شهد .. تدخل فلك الا ان شهد تستقبلها بالشتائم والضرب

شهد : ااخ يا واطية .. غايبة مختفية مش مبينة .. وين كنتي دايرة

فلك : دايرة ... ولك محسستيني انك جايبتيني من شقة مشبوهة

شهد : يا ريت يا واطية ع الاقل كنت موتك وانا مرتاحة

فلك : طب اخرسي لانو تقريبا جايبتلك مصيبة

سنا : ما شاء الله مصايبك كثرة يختي

فلك : اولا اقعدن زي البشر خلينا نتفاهم سوا سوا

شهد : هاي قعدة احكي

فلك : وانتي شبه زعماء العصابات حسبي الله بهيك صحبة * ثم تخبرهن فلك بكل ما حدث ببريطانيا بالتفصيل الممل *

شهد : انتي انهبلتي صح ؟؟ صار لازم تروحي ع العصفورية

سنا : الروايات اثرت ع مخها ... لازم نحذف الواتباد ونلغي كل مواقع يلي بتشوف بيها مسلسلات هندي وكوري