عندما دخلوا الى الفندق سمعوا صوت من خلفهم ... : بني .. عزيزي ..
التفت ماركوس : امي * وذهب واحتضنها*: متى أتيتي ؟؟ لماذا لم تخبريني من قبل ؟؟
الام : كنت اريد ان اجعلها مفاجأة لك .. ثم اريد ان اتأكد من ما سمعته ..
ماركوس : ما الذي سمعته ؟؟
الام : اريد ان اتعرف على كنتي ... اين هي ؟؟
ماركوس : هكذا اذا ... حسنا .. فلك تعالي الى هنا .. * تقترب فلك وتسلم على والدة ماركوس * امي هذه هي فلك .. فلك هذه امي
ناهد : يا ألهي انك جميلة .. كنتي الجميلة .. لقد كنت اظن انها مزحة ثم انها عربية ..
اما فلك فكانت مصدومة من هذه السيدة فهي تحمل ملامح عربية وسمراء والاغرب من هذا انها ترتدي الحجاب .. ويقول انها امه .. ما هذا .. ثم كنة .. اية كنة هذه ..
ماركوس : فلك.. هل هناك شيء ؟؟
فلك : لا .. لاشيء .. ولكن من هذه؟؟
ماركوس : هذه امي..
فلك : كيف ؟؟ لم أفهم...
ماركوس : ما هو الذي لم تفهميه ؟؟
فلك : كيف هي امك ؟؟؟ انها محجبة وهذا يعني انها مسلمة .. وانظر الى ملامحها .. انها عربية اكثر مني .. هل انت ابن متبنى ..؟؟
ماركوس : لا .. انها امي التي ولدتني ... وهي زوجة ابي .. وهما عربيان ..
فلك : ماذا؟؟ لم افهم ..
ناهد : ولا انتا ما حكتيلها انك عربي ..
فلك : نعم يماااا ... اعوذ بالله من الشيطان الرجيم .. امك ملبوسة شكلو ..
ناهد : هههه ... زي مني شايفة انك ما بتعرفي انا كمان عرب ... تعالي معي خليني افهمك كل اشي ..
ماركوس : طب .. انا حاليا عندي اجتماع بس اخلص بشوفك .. خليكو في الجناح يلي الي ..
فلك : عربي ... حسبي الله ونعم الوكيل ..
يقترب ماركوس من فلك ويتحدث عند اذنها : كنت بتمنى اسمع الغزل الجديد وغيرو من مسبياتك .. هس نيالك يا حبيبتي ومرتي انتي ..
فلك : * وهي على وشك البكاء * بتعرف عربي ... يارب ... ياريت الارض وتنشق وتبلعني ..
تاخذ ناهد فلك واناغيم الى جناح ماركوس ويجلسن هناك ..
تجلس اناغيم بجانب فلك وتقول لها بصوت منخفض : وك اهدي .. فضحتينا.
فلك : وك انفضحت وخلصت .. وكال بتغزل وبسب والدنيا خربانة .. وكال بكولك خلينا نستمتع مهو محد فاهم .. طلعو عرب ومسلمين كمان .. وكال بقولي مرتي وحبيبتي .. الطم ولا اردح ولا شو اهبب ..
ناهد : مالها كنتي الحلوة .. احكيلي شو عملك عمر وانا بعرف اتصرف معو ..
فلك : انو عمر هاض التاني ..
ناهد : شكلك يا حبيبتي ع نياتك .. انتي بعرفيش انو عمر هو نفسو ماركوس ..
فلك : يختيي ... اصدميني كمان ..
ناهد : شكلو هالولد مشيبك زيي .. انا رح احكيلك كل اشي من الاول ..
فلك : احكي خليني افهم شوي..
ناهد : والدي يلي هو بكون اساس القصة هو وشريكو والد زوجي ... كانوا شركا بكل اشي .. وسعو تجارتهم واشتغلوا مزبوط .. امي بتكون اجنبية ووالدها يلي هو سيدي .. بكون تاجر اسلحة والي علاقاتو مع المافيا ... لما والدي تزوجها استقر هون ب بريطانيا .. وصار يشتغل مع سيدي .. ولما كان عمري ٣ سنين فترتها انقتل والدي ووالدتي ... وهون شريك والدي اخدني ورباني مع ولادو وهو كمل شغل والدي لحد ما كبرت وحبني ابنو وتزوجنا ... وبعدين اجى عمر ولما كبر قرر يرجع هون ويكمل بشغل اهلي ... و الكل صار يعرفو ب اسم ماركوس ونسي تماما ان اسمو هو عمر .. بحب يضل عمر اشي بينا .. قال يعني عشان الهيبة .. وهاي قصتنا ..
فلك : وااااااااو .... ولا بعمري توقعت الروايات يلي بقرأها تتحول لواقع ..
اناغيم : طب وجان ؟؟
ناهد : جان بكون صاحب عمر من ايام المدرسة وضلو دايما سوا ع الحلوة والمرة .. وعلاقتهم الحمدلله قوية كتير .. لدرجة اوقات بغار منها ..
اناغيم : يعني عربي ..؟؟؟
ناهد : مالكن .. مركزات ع انهم عرب ومسلمين كتير .. يعني همي ما حكولكن اشي عنهم .. بس انتن مسلمات يعني لازم تتأكدن انهم مسلمين ..
فلك : تذكرنيش .. ابنك فراري مرارتي فري ... الله يفريهم العدوين ..
ناهد : وانتي يا حبيبتي احكيلي عن حالك .. وكيف قدرتي تقنعي انو يحبك هيك ..
فلك : اول اشي انا اسمي فلك احمد عايشة مع بابا وماما .. وعندي خوات تنتين انا اكبر وحدة واول حفيد في العيلة وبنت الابن الكبير .. يعني مدلله الكبير والصغير ... اختي يلي اصغر مني متجوزة .. والتانية بعدها بالمدرسة .. وانا طالبة سنة ثالثة انجليزي بدرس برام الله وماخدة سكن داخلي ... امي عندها مشغل خياطة بتفصل اواعي وهيك وبابا موظف في السلطة برتبة رائد .. وهاي هي انا ..
ناهد : ما شاء الله ... بس لحظة حكيتي بتدرسي برام الله ..
فلك : اي نعم...
ناهد : اااهااا فهمت ...
فلك : ايش ؟؟
ناهد : ولا اشي حبيبتي .. وانتي يا اناغيم .. احكي عن حالك ..
اناغيم : انا فلك مع بعض تقريبا من لما كان عمرنا ١٥ سنة .. عندي اخت اصغر مني بسنة امي بابا منفصلين وانا عايشة مع بابا... بدرس رياضة سنة تالتة في جامعة النجاح ..
ناهد : الله يخليكو لبعض .. هس بقدر اطمن على عمر وجان ... الله يهنيكو يارب ..
تنظر فلك واناغيم الى بعضهم البعض وهن على وشك البكاء .. وهنا يدخل ماركوس وجان الى الغرفة ....
ماركوس : ها نحن هنا ..
فلك : منتى بتعرف تحكي عربي .. ما تحكي من الاول؟؟؟ ..
أنت تقرأ
جنون العشق
Romanceعندما يسيطر القلب على العقل والجسد .... فهو من يتحكم ويقوم بكل ما هو يرغب به ... ولكن بعد هذه السكرة يسيطر العقل من جديد ويرى كل ما دمره صديقه العدو من افعال ويحاول ان يصلح ما قام به ... فهل ينجح الحب بمسامحت الحبيب وغفران اخطائه العاشقة ؟؟؟ ام ان...
